প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা জুলাই ৬, ২০২২গী নুমিদাং ৱাইরম পুং ৪:৩০ তাবা মতমদা অগ্রদুত গ্রুপ ওফ ন্যুজপেপর্সকী গোল্দন জুবিলীগী পালন থৌরম হৌদোক্কনি। অগ্রদুতকী গোল্দন জুবিলী সেলেব্রেসন কম্মিতিগী চীফ পেত্রোন ওইরিবা অসামগী মুখ্য মন্ত্রী, দা. হিমন্তা বিশ্ব শর্মাসু থৌরম অসিদা শরুক য়াগনি।
অগ্রদুত অসি অসামিজ বাই-ৱীকলী অমা ওইনা হৌখি। মসি অসামগী সিনিয়র জর্নেলিস্ত কনক সেন দেকানা লিংখৎখি। ইং কুমজা ১৯৯৫দা নুমিৎ খুদিংগী পুথোকপা পাউচে, দাইনিক অগ্রদুত অসি ফোঙবা হৌখি অমসুং অসামগী থাজবা য়াবা অমসুং মতিক-ময়াই লৈবা ভোইস অমা ওইরকখি।
