মমাংঙৈগী কলাশিং, ক্রাফশিং অমসুং নাত অমসুং চৎনবীশিং মফম অমদা পুন্দুনা, মহোৎসব অসিদা অৱাং-নোংপোক ভারতকী পাক-চাউরবা নাতশিং উৎকনি
কুহ্মৈ অসিনা মমাংঙৈগী হেন্দিক্রাফশিং, হেন্দলুমশিং, লৌউ-শিংউগী পোৎথোকশিং অমসুং তুরিজমগী শেন-থুমগী খুদোংচাবশিং য়োকখৎকনিঅৱাং-নোংপোক ভারতকী ফজরবা নাত অমসুং চৎনবীশিং উৎনবা মহাক্কী পান্দমগী শরুক অমা ওইনা, নবেম্বর ৬ গী নুংথিল পুং ৩ রোম তাবদা নিউ দিল্লিগী ভারত মন্দাপমদা প্রধান মন্ত্রী শ্রী নরেন্দ্র মোদীনা অষ্টলক্ষ্মী মহোৎসব হৌদোক্কনি।
অহানবা ওইনা পাংথোক্কদৌরিবা নুমিৎ হুম্নিগী নাতকী কুহ্মৈ অসি দিশেম্বর ৬ দগী দিশেম্বর ৮ ফাওবা পাংথোক্কনি। মমাংঙৈগী কলাশিং, ক্রাফশিং অমসুং নাত অমসুং চৎনবীশিং মফম অমদা পুন্দুনা, মহোৎসব অসিদা অৱাং-নোংপোক ভারতকী পাক-চাউরবা নাতশিং উৎকনি।
কুহ্মৈ অসিনা মমাংঙৈগী হেন্দিক্রাফশিং, হেন্দলুমশিং, লৌউ-শিংউগী পোৎথোকশিং অমসুং তুরিজমগী শেন-থুমগী খুদোংচাবশিং য়োকখৎনবা মহোৎসব অসিদা তোঙান-তোঙানবা থৌরমশিং পাংথোক্কনি। কুহ্মৈ অসিদা খুৎহৈবশিংগী একজিবসিনশিং, গ্রামিন হতশিং, রাজ্যশিংগী পেভিলিয়নশিং অমসুং অৱাং-নোংপোক লমদম চাউখৎনবা মরুওইবা হিরমশিংদা তেক্নিকেল সেসনশিং পাংথোক্কনি। মরুওইবা থৌরমশিংগী মনুংদা নেতৱার্কশিং, পুন্না থবক তৌমিন্নবা মপাঙ্গল কনখৎহন্নবা অমসুং লমদম অসিগী শেন-থুম চাউখৎপা য়াংখৎনবা অপুনবা থবকশিংগীদমক ইন্তেসতর রাউন্দতেবল অমসুং বয়র-সেল্লর মিতশিং য়াওরি।
জাতিগী থাক্ত অৱাং-নোংপোক ভারতকী ইনাকখুল্লবা হেন্দলুম অমসুং হেন্দিক্রাফকী চৎনবীশিং উৎনবা মহোৎসব অসিদা দিজাইন কনক্লেপ অমসুং ফেসন সোশিং পাংথোক্কনি। লমদম অসিগী ইনাকখুল্লবা নাত অমসুং চৎনবীশিংগী লনশিং উৎনবা, কুহ্মৈ অসিদা ফজরবা ঈশৈগী থৌরমশিং অমসুং অৱাং-নোংপোক ভারতকী ইন্সাং মথেলশিং উৎকনি।
