প্রধান মন্ত্রী শ্রী নরেন্দ্র মোদীনা ২০২১গী দিসেম্বর ৪গী নুংথিল পুং ১ তাবা মতমদা দেরাদুনদা থুংলগনি অমদি লুপা কোতি ১৮,০০০রোমগী মমল ওইগদবা প্রোজেক্তশিং শঙ্গারগনি অমদি উরেপ-উয়ুং তম্লগনি৷ খোঙচৎ অসিগী মরু ওইবা পান্দমদি রোদ ইনফ্রাস্ত্রকচর ফগৎহন্নবা প্রোজেক্তশিংদা মীৎয়েং চংবা অসিনা ওইরগনি, মসিনা চৎথোক-চশিন তৌবদা লাইহল্লগনি অমসুং খুদোং চাহল্লগনি অমদি লমদম অসিগী তুরিজমসু চাওখৎহল্লগনি৷ মতম অমদা অথাপ্পা মফমশিংনি হায়না লৌনরম্বা মফমশিং অসিগী কন্নেক্তিবিতী অমসুং এসেসিবিলিতী হেনগৎনবা প্রধান মন্ত্রীগী মংলানগা মরী লৈননা প্রোজেক্তশিং পাইখৎলিবনি৷
প্রধান মন্ত্রীনা দিবেলপমেন্ত প্রোজেক্ত তরামাথোইগী উরেপ-উয়ুং তমখ্রে৷ মসিদা য়াওরিবশিং অদুদি লুপা কোতি ৮৩০০রোম থাদদুনা শাগদৌরিবা দিল্লী-দেরাদুন ইকোনোমিক কোরিদোরনি( ইস্তর্ন পেরিফেরেল এক্সপ্রেসৱে জঙ্কসনদগী দেরাদুন ফাওবা)৷ মসিনা দিল্লীদগী দেরাদুন ফাওবা চৎপা মতমদা পুং তরুক চংলম্বা অদু পুং ২.৫দা হন্থরগনি৷ মসিনা হরিদৱার, মুজাফরনগর, শাম্লি, য়ামুনাগর, বঘপাত, মীরুত অমসুং বারোততা শম্ননবগী অচৌবা ইন্তরচেঞ্জ হাপ্লগনি৷ অনরেস্ত্রিক্তেদ ৱাইল্দলাইফ মুবমেন্তগীদমক মসিদা এসিয়াগী খ্বাইদগী চাওবা ৱাইল্দলাইফ ইলিবেতেদ কোরিদোর(কি.মি. ১২) লৈরগনি৷ অদুগা, দেরাদুনগী দত কালি মন্দির মনাক্তা লৈরিবা মীতর ৩৪০ শাংলিবা তনেল অিনা ৱাইল্দলাইফতা পীরিবা ইম্পেক্ত অদু হন্থহল্লগনি৷ মখাতানা, শা-ষন অমসুং গারীশিংগা থোমজিন্নরিবা অসি থোক্তনবগীদমক গনেশপুর-দেরাদুন সেক্সনদা শা-ষননা চৎনবা লম্বী কয়া অমা হাপখ্রে৷ দিল্লী-দেরাদুন ইকোনোমিক কোরিদোরদা মীতর ৫০০গী ইন্তরবেলশিংদা অমদি ৱাতর রিচার্জ পোইন্ত ৪০০ হেনবদা নোংগী ইশিং য়োকশিন্নবগী এরেঙ্গমেন্তশিংসু লৈরগনি৷
লুপা কোতি ২০০০ হেন্না থাদদুনা হালগোৱা, সাহারনপুরদগী ভদ্রবাদ, হরিদৱার ফাওবা শম্নহল্লিবা দিল্লী-দেরাদুন ইকোনোমিক কোরিদোর প্রোজেক্ত শেমগৎলগনি৷ মসিনা লম্বী-থোং নিংথিনা শম্নহল্লগনি অমদি দিল্লীদগী হরিদৱার ফাওবা চৎপদা চংলিবা মতম অদু হন্থহল্লগনি৷ লুপা কোতি ১৬০০ হেন্না থাদদুনা শেমগৎকদৌরিবা মনোহার্পুরদগী কানগ্রি ফাওবগী হরিদৱার রিঙ্গ রোদ প্রোজেক্ত অসিনা পীক তুরিস্ত সিজনগী মতমদা হরিদৱার শহরদা লৈরিবা রিসাইদেন্তশিংনা ত্রাফিক্কী অচিনবা থেংনরিবা অসিদগী নান্থোক্লগনি অমদি কুমাউন জোনগা শম্নরিবা অসিসু ফগৎহল্লগনি৷
লুপা কোতি ১৭০০রোম থাদদুনা শেমগৎকদৌরিবা দেরাদুন-পাওন্তা সহিব(হিমাচল প্রদেশ) রোদ প্রোজেক্ত অসিনা চৎপদা চংগদৌরিবা মতম অদু হন্থহল্লগনি অমদি মফম অনিগী মরক্তা কন্নেক্তিবিতী নিংথিনা লৈহল্লগনি৷ মসিনা ইন্তর-স্তেত তুরিজমসু চাওখৎহল্লগনি৷ নাজিমবাদ-কোতদ্বর রোদ ৱাইদনিং প্রোজেক্ত অসিনা চৎথোক-চশিন তৌবদা চংগদবা মতম অদু হন্থহল্লগনি অমদি লেন্সদউনদা শম্নরিবা অসিসু ফগৎহল্লগনি৷
লক্সম ঝুলাগী হেক নাকনবা লৈরিবা গঙ্গা তুরেলগী মথক্তা থোং অমসু শারগনি৷ মালেম অসিনা মশক নিংথিনা খঙনরবা লক্সমন ঝুলা অসি ১৯২৯দা শাখিবনি, অদুবু হৌজিক্তি লোদ কেরিইং কেপাসিতী হন্থরকপনা মরম ইদুনা ক্লোজ তৌখ্রে৷শাগদৌরিবা থোং অসিদা মীয়াম্না চৎনবগী গ্লাস দেক্ত অমগী প্রোভিজন হাপ্লগনি অমদি মসিদা য়াম্না লুমদবা অয়াংবা গারীশিংসু চৎপা য়াহল্লগনি৷
দেরাদুন শহরদা লৈরিবা লম্বীশিং অসি অঙাংশিংনা চৎথোক-চশিন তৌবদা হেন্না খুদোং চাহন্দুনা শহর অসিবু অঙাংশিংনা পামহন্নবা প্রধান মন্ত্রীনা চাইল্দ ফ্রেন্দলী সিতী প্রোজেক্ত, দেরাদুনগী উরেপ-উয়ুংসু তম্লগনি৷ লুপা কোতি ৭০০ হেন্না থাদদুনা দেরাদুনদা ইশিংগী সপ্লাই, লম্বী অমসুং দ্রেনেজ শেমগৎপগা মরী লৈনবা প্রোজেক্তশিংসু উরেপ-উয়ুং তম্লগনি৷
স্মার্ত স্পিরিয়ুএল তাউনশিং শেমগৎনবা অমদি তুরিজমগা মরী লৈনবা ইনফ্রাস্ত্রকচর শেমগৎনবা প্রধান মন্ত্রীগী মংলান অদুগা মরী লৈননা, শ্রী বদ্রিনাথ ধম অমসুং গঙ্গোত্রি-য়ামুনোত্রি ধমদা ইনফ্রাস্ত্রকচর শেমগৎপগী থবকশিংগী উরেপ-উয়ুংসু তম্লগনি৷ অদুগা, লুপা কোতি ৫০০ হেন্না থাদদুনা হরিদৱারদা অনৌবা মেদিকেল কোলেজ অমা শারগনি৷
লমদম অসিদা ক্রোনিক লেন্দস্লাইদশিংগী প্রোব্লেম অসি থেংনদুনা চৎথোক-চশিন তৌবদা হেন্না শাফহন্নবা মীৎয়েং থম্লিবা অসি য়াওনা প্রধান মন্ত্রীনা প্রোজেক্ত তরেৎ শঙ্গারগনি৷ প্রোজেক্তশিং অসিদা য়াওরিবশিংদী মনুংদা খরদি লম্বগদকী লেন্দস্লাইদ মিতিগেসন প্রোজেক্ত(বদ্রিনাথ দাম এন-রুত তৌরিবা), অমসুং এন.ঐচ.-৫৮দা সকানিধর, শ্রীনগর অমসুং দেবপ্রয়গকী ক্রোনিক লেন্দস্লাইদ ত্রিতমেন্ত য়াওরি৷ ক্রোনিক লেন্দস্লাইদ জোনগী লম্বগদ লেন্দস্লাইদ মিতিগেসন প্রোজেক্তা রিইনফোর্স আর্থৱেল অমসুং রোকফোল বেরিয়রশিং শেমগৎপা য়াওরি৷
শঙ্গারিবা প্রোজেক্তশিং অসি চর্ধম রোদ কন্নেক্তিবিতী প্রোজেক্তকী মখাদা এন.ঐচ.-৫৮দা ব্রহমপুরিদগী কোদিয়ালা ফাওবা অমদি দেবপ্রয়গতগী শ্রীকোত ফাওবা লম্বী পাকথোকপগী প্রোজেক্তনি৷
দেরাদুনদা হিমালয়ন কল্চর সেন্তর অমগা লোইননা লুপা কোতি ১৭০০ হেন্না থাদদুনা য়ামুনা তুরেলগী মথক্তা শারিবা এম.দবল্যু. ১২০ ব্যাসি হাইদ্রোইলেক্ত্রিক প্রোজেক্ত শঙ্গারগনি৷ হিমালয়ন কল্চর সেন্তর অসিদা স্তেত লেবেল ম্যুজিয়ম অমা, সীত ৮০০ লৈবা আর্ত ওদিতোরিয়ম, লাইব্রেরী, কনফরেন্স হোল অমা থম্লগনি৷ মসিনা মীয়াম্না কল্চরেল এক্তিবিতীশিং মতুং ইনবদা মতেং পাংলগনি অমদি রাজ্যগী কল্চরেল হেরিতেজপু খঙহনবদা মতেং পাংলগনি৷
প্রধান মন্ত্রীনা দেরাদুনগী স্তেত ওফ আর্ত পর্ফ্যুমরী এন্দ এরোমা লেবোরেতরী(সেন্তর ফোর এরোমেতিক প্লান্তস)সু শঙ্গারগনি৷ মফম অসিদা তৌরিবা রিসর্স অসিনা পর্ফ্যুমশিং, শাপোনশিং, সেনিতাইজরশিং, এয়র ফ্রেসনরশিং, ইন্সেন্স স্তিকশিংনা য়াওনা তোঙান তোঙানবা প্রদক্তশিং পুথোকপদা কান্নবা পীগনি হায়বদু প্রুব তৌরগনি অমদি লমদম অসিদা মরী লৈনবা ইন্দস্ত্রীশিং শেমগৎপা ঙমহল্লগনি৷ মসিনা এরোমেতিক প্লান্তশিংগী হাই য়িল্দিং এদভান্স ভেরাইতীশিং শেমগৎপদসু মীৎয়েং থম্লি৷
