ভিদিও কনফরেন্সকী খুৎথাংদা ২০২০গী সেপ্তেম্বর ৩গী নুমিদাং পুং ৯ (ভারতকী মতম)দা য়ু.এস.আই.এস.পি.এফ.কী ৩শুবা চহিগী লুচিংবশিংগী মীফমদা প্রধান মন্ত্রী শ্রী নরেন্দ্র মোদীনা মরুওইবা ৱারোল পীগনি।
য়ু.এস–ইন্দিয়া স্ত্রেতেজিক পার্তনরশিপ ফোরম (য়ু.এস.আই.এস.পি.এফ.) অসি ভারত অমসুং য়ু.এস.কী মরীগী থবক পায়খৎলিবা নন–প্রোফিত ওর্গনাইজেসন অমনি।
ওগস্ত ৩১দগী হৌরগা নুমিৎ ৫নি চুপ্না পাংথোক্কদবা মীফম অদুগী পান্দমদি “য়ু.এস.-ভারতনা অনৌবা শিংনবশিং মায়োক্নবা’ হায়বনি।
মীফম অসিনা কোনশিল্লিবা অতৈ হিরমশিংদি মালেমগী মেন্যুফেকচরিংগী মফম অমা ওইরক্নবা ভারতকী খুদোংচাবশিং, ভারতকী গ্যাসকী কৈথেলদা লৈরিবা খুদোংচাবশিং, ভারত্তা এফ.দি.আই. লাক্নবা ললোন–ইতিক্কী থবকশিং লাইথোকহনবা, তেক স্পেসকী খুদোংচাবশিং অমসুং শিংনবশিং, ইন্দো–পেসিফিক লমদমগী শেন–থুমগী ৱাফমশিং, মীয়ামগী হকশেলগী থবক্তা অনৌবা থৌরাং অমসুং অতৈশিংনি।
ভর্চুএল ওইনা পাংথোক্কদবা মীফম অদুদা য়ুনিয়ন মিনিস্তরশিং অমসুং সেনিয়র ওফিসিএলশিংসু শরুক য়াগনি।
