ত্রেনশিং অসিনা উত্তর প্রদেশ, তামিল নাদু অমসুং কর্নাতকাগী মরক্তা কন্নেক্তিবিতী হেনগৎহল্লগনি
অনৌবা বন্দে ভারত ত্রেনশিংনা পেসেঞ্জরশিংদা মালেমগী থাক্কী এক্সপিরিএন্স ফংহনগনি, খোঙচৎকী মতম হন্থহনগনি অমসুং তুরিজমদা ইনোৎ হাপ্লগনিপ্রধান মন্ত্রী শ্রী নরেন্দ্র মোদীনা ওগস্ত ৩১, ২০২৪গী নুংথিল পুং ১২:৩০ তাবা মতমদা ভিদিও কন্ফরেন্সিংগী খুত্থাঙদা বন্দে ভারত ত্রেন অহুম লমথাগনি। প্রধান মন্ত্রীগী ‘মেক ইন ইন্দিয়া’ অমসুং ‘আত্মনিরভর ভারত’কী মঙলান মঙফাওনহল্লিবা স্তেত-ওফ-দি-আর্ত বন্দে ভারত এক্সপ্রেস অসিনা মীরত – লখ্নৌ; মদুরাই – বেঙ্গলুরু অমসুং চেন্নাই – নাগরকোইল হায়রিবা লম্বী অহুমসিদা কন্নেক্তিবিতগী ফীভম ফগৎহল্লগনি।
মীরত সিতী – লখ্নৌ বন্দে ভারতনা, হান্না ময়োল্লম অনিসিগী মরক্তা চেল্লম্বা খ্বায়দগী য়াঙবা ত্রেনগা চাংদম্নবদা পেসেঞ্জরশিংগী খোঙচৎকী মতম পুং ১ রোম হন্থহল্লগনি। মতৌ অসুম্না, চেন্নাই এগমোর – নগরকোইল বন্দে ভারত অমসুং মদুরাই – বেঙ্গলুরু বন্দে ভারত ত্রেনশিংনা মথঙশিৎনা পুং ২ অমসুং পুং ১ মিনৎ ৩০ হেন্না খোঙচৎকী মতম তেনশিনহল্লগনি।
হায়রিবা অনৌবা বন্দে ভারত ত্রেনশিং অসিনা লমদমশিং অসিগী মীয়ামদা মালেমগী থাক্কী, হায়বদি খোঙজেল য়াঙনা অমসুং নুংঙাইনা চৎপা ফংহল্লগনি অমদি উত্তর প্রদেশ, তামিল নাদু অমসুং কর্নাতকা হায়রিবা স্তেত অহুমসিদা কান্নবা পীরগনি। বন্দে ভারত এক্সপ্রেস ত্রেনশিং অসি পুথোরকপসিনা চাং নাইনা চৎলিবা, প্রোফেস্নেল, বিজিনেস অমসুং মহৈরোয় কাঙলুপশিংগী মথৌ তাবশিং নীংথিনা ফংহনগদবা রেল সর্ভিসকী অনৌবা স্তেন্দর্দ অমা পুরক্লগনি।
