মসি উত্তরখন্দগী অহানবা বন্দে ভারতনি
নৌনা ইলেক্ত্রিক পীরবা রেল সেক্সনশিং প্রধান মন্ত্রীনা মীয়ামদা কৎথোক্কনি অমসুং উত্তরখন্দ চাদা ১০০ ইলেক্ত্রিক ত্রেক্সন লৈবা রাজ্য ওইরে হায়না লাউথোক্কনি
মে ২৫গী অয়ুক পুং ১১ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা দেহরাদুনদগী দিল্লি ফাওবগী বন্দে ভারত এক্সপ্রেস লমথাগনি।
মসি উত্তরখন্দগী অহানবা বন্দে ভারতনি। মালেম থাক্কী খুদোংচাবশিং পীদুনা, ত্রেন অসিনা মরুওইনা রাজ্য অসিদা চৎপা মীওইশিংদা অনৌবা যুগকী চৎথোক-চৎশিনগী নুংঙাইবা অমা পীরগনি। ত্রেন অসি লৈবাক অসিনা মশানা শাজবনি অমসুং মসিদা কভচ তেক্নোলোজি য়াওনা অৱাংবা থাক্কী অশোই-অঙাম থোক্তনা খুৎলায় য়াওরে।
মৈখু থাংদবা মীয়ামগী চৎথোক-চৎশিনগী খুদোংচাবা ফংহন্নবা প্রধান মন্ত্রীগী পান্দম মখাদা লৈবাক অসিগী রেল রুতশিং মপুংফানা ইলেক্ত্রিক ফংহন্নবা ভারত রেলৱেজনা থবক পায়খৎলি। মাইকৈ অসিদা য়াংনা চঙশিন্দুনা, প্রধান মন্ত্রীনা উত্তরখন্দদা নৌনা ইলেক্ত্রিক ফংহল্লবা রেল লাইনশিং মীয়ামদা কৎথোক্কনি। মসিগা লোয়ন্না রাজ্য অসিগী রেল রুপ পুম্নমক চাদা ১০০ ইলেক্ত্রিক ফংলে। ইলেক্ত্রিক ফংলবা সেক্সনশিংদা চেনবা ত্রেনশিংনা খোঙজেল য়াংবা অমসুং হোলেজ কেপাসিতি হেনগৎহনবা ঙম্মি।
