ৱন্দে ভারতনা গুৱাহাতিদগী ন্যু জলপাইগুরি ফাওবগী খোংচৎ অদু পুং ৫.৩০ খক্তমক চংহল্লগনি, অদুগা হৌজিক ফাওবগী ওইনা ক্বাইদগী বাংবা ত্রেন অদুনা চপ মান্নবা খোংচৎ অদু পুং ৬.৩০ চংঙি
পি.এম.না নৌনা ইলেক্ত্রিক্কী ওন্থোক্লবা সেক্সনশিং অদুবু মীয়ামদা কত্থোক্লগনি অমসুং নৌনা শাখিবা দি.ই.এম.য়ু./এম.ই.এম.য়ু. শেদ অদুবুশু শঙ্গারগনিপ্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী খুত্থাংদা মে ২৯গী নুমিৎয়ুংবগী পুং ১২.০০দা অসামগী খ্বাইদগী অহানবা ৱন্দে ভারত এক্সপ্রেস লমথারগনি।
মতম অসিগী খ্বাইদগী নৌরবা ৱন্দে ভারত এক্সপ্রেস অসিনা লমদম অসিগী মীশিংদা খোংজেল য়াংনা অমসুং য়াম্না নুংঙাইনা চত্থোক-চৎশিন তৌবগী খুদোংচাবা অমা পীরগনি। মসিনা লমদম অসিগী তুরিজমদশু ইনোৎ হাপ্লগনি। গুৱাহাতিবু ন্যু জলপাইগুরিগা শম্নহল্লিবা ত্রেন অসিনা হোজিক ফাওবগী ওইনা মফম অনি অসিবু শম্নহল্লিবা খ্বাইদগী য়াংবা ত্রেন অদুগা চাংদম্নবদা, ত্রেন অসিনা পুং অমগী খোংচৎকী মতম হন্থহল্লগনি। ৱন্দে ভারতনা খোংচৎ অসিবু পুং ৫.৩০গী মনুংদা য়ৌহল্লগনি, অদুগা ঔজিক ফাওবগী ওইনা খবাইদগী য়াংবা ত্রেন অদুনা চপ মান্নবা খোংচৎ অসি পুং ৬.৩০ চংহল্লি।
প্রধান মন্ত্রীনা কি.মি. ১৮২গী রুতকী নৌনা ইলেক্ত্রিক্কী ওন্থোক্লবা সেক্সনশিং অদুবু মীয়ামদা কত্থোক্লগনি। মসিনা ত্রেনশিংবু খোংজেল বাংনা চেলহন্দুনা অমসুং ত্রেনশিং চেনবগী মতম হন্থহন্দুনা পোল্যুশন থোক্তবা ত্রান্সপোর্তেশন পিবদা মতেং পাংলগনি। মসিনা ইলেক্ত্রিক ত্রেক্সনদা চেনবা ত্রেনশিংবু মেঘালয়াদা চংনবগী থোং অদু হাংদোক্লগনি।
প্রধান মন্ত্রীনা অসামগী লমদিংদা নৌনা শাবা দি.ই.এম.য়ু./এম.ই.এম.য়ু. শেদ অদুবুশু শঙ্গারগনি। মসিগী অনৌবা ফেসিলিতী অসিনা লমদম অসিদা মথৌ তৌরিবা দি.ই.এম.য়ু. রেকশিংবু য়েংশিনবদা মতেং ওইরগনি, মসিনা মরম ওইরগা মথৌ তৌবদা হেন্না কোমহল্লগনি।
