রোজগার মেলা অসি পি.এম.না থবক পীবদা খ্বাইদগী মরু ওইবা মীৎয়েং চংনবা ফিরেপ থুংহন্নবা মাইকৈদা চংশিনবা খোঙথাং অমনি
অনৌবা এপোইন্তীশিংনা পি.এম.গী বিক্ষিৎ ভারতকী বিজনদা শরুক তমগনিনৌনা লৌরবা এপোইন্তীশিংবু ওনলাইন মোদ্যুল কর্ময়োগী প্রারম্ভাগী খুত্থাংদা মখোয়বু ত্রেন তৌগনিপ্রধান মন্ত্রী শ্রী নরেনদ্র মোদীনা ভিদিও কনফরেন্সকী থোংদা নবেম্বর 30, 2023গী নুংথিল পুং 4 তাবা মতমদা নৌনা ইন্দক্ত তৌরবা রিক্রুৎশিংদা এপোইন্তমেন্ত লেত্তর 51,000 হেন্না য়েন্থোক্কনি। প্রধান মন্ত্রীনা থৌরম অসিদা এপোইন্তীশিংদসু ৱা ঙাংগনি।
রোজগার মেলা অসি লৈবাক শিনবা থুংবদা মফম 37তা পাঙথোক্কনি। রিক্রুৎমেন্তশিং অসি ইনিসিএতিব অসিবু শৌগৎপা ওইনা কেন্দ্র সরকারগী বিভাগশিং লোয়ননা রাজ্য সরকারশিং/UTশিংদা পাঙথোক্লি। লৈবাক শিনবা থুংবদগী খল্লবা অনৌবা রিক্রুৎশিংনা রিভেন্যু বিভাগ, গৃহ মন্ত্রালয়, হায়র এজুকেসন বিভাগ, স্কুল এজুকেসন অমসুং লিতরেসী বিভাগ, ফাইনান্সিএল সর্ভিসেস বিভাগ, ঙাকশেল মন্ত্রালয়, হকশেল অমসুং য়াইফ-য়ুম্বাল মন্ত্রালয় অমসুং লেবর অমদি এমপ্লোইমেন্ত মন্ত্রালয় য়াওনা তোঙান-তোঙানবা মন্ত্রালয়শিং/বিভাগশিংদা সরকারগী থবক তৌরগনি।
রোজগার মেলা অসি পি.এম.না থবক পীবদা খ্বাইদগী মরু ওইবা মীৎয়েং চংনবা ফিরেপ থুংহন্নবা মাইকৈদা চংশিনবা খোঙথাং অমনি। রোজগার মেলা অসি হেন্না থবক পীনবা অমসুং নহারোলদা মখোয়বু শক্তি পীনবা অমসুং লৈবাক শেমগৎপদা শরুক য়ানবা অচৌবা খুদোংচাবশিং পীবদা কেতলিস্ত অমা ওইগনি হায়না থাজৈ।
অনৌবা এপোইন্তীশিংনা মখোয়গী ইন্নোবেতিব ওইবা ৱাখল্লোন, তোলগা মরী লৈনবা কম্পিতেন্সীশিংগা লোয়ননা লৈবাককী ইন্দস্ত্রিএল, ইকনোমিক অমসুং সোসিএল দিবেলপমেন্ত মপাঙ্গল কনখৎহনবগী থবক্তা শরুক তমদুনা প্রধান মন্ত্রীগী বিক্ষিৎ ভারতকী বিজন মঙফাওনবা ঙমহনবদা মতেং পাংলি।
নৌনা ইন্দক্ত তৌবা এপোইন্তীশিংনা iGOT কর্ময়োগী পোর্তেলদা য়াওবা ওনলাইন মোদ্যুল অমা ওইরিবা কর্ময়োগী প্রারম্ভগী খুত্থাংদা মখোয় মশাবু ত্রেন তৌজনবা খুদোংচাবসু ফংগনি, মসিদা ‘এনিৱের এনী দিভাইস’ লর্নিং ফোর্মেৎকীদমক ই-লর্নিং কোর্স 800 হেন্না ফংহল্লি।
