প্রধান মন্ত্রীনা সেপ্তেম্বর ২৮দা অখন্নবা মগুনশিং য়াওবা মহৈ-মরোং মখল ৩৫ লৈবাক অসিদা কত্থোক্লগনি

ক্লাইমেত  ফগৎহনবা তেক্নোলোজীশিং  শিজিন্ননবগীদমক ময়ামদা পাক-শন্না এৱার্নেস পীনবগী পান্দম অমদা, আই.সি.এ.আর. ইন্সতিত্যুত পুম্নমক, রাজ্য অমদি কেন্দ্রগী এগ্রীকল্চরেল য়ুনিভর্সিতীশিং অমসুং কৃশি বিগ্যান কেন্দ্র(কে.ভি.কে.শিং)না শিনখিবা পান ইন্দিয়া প্রোগ্রাম অমদা, প্রধান মন্ত্রী, শ্রী নরেন্দ্র মোদীনা সেপ্তেম্বর ২৮গী অয়ুক্কী মপুং ১১ তাবা মতমদা ভিদিও কনফরেন্সিংগী খুৎথাংদা অখন্নবা মগুনশিং য়াওবা মহৈ-মরোং মখল ৩৫ লৈবাক অসিদা কৎলগনি৷ প্রোগ্রাম অদুদা, নেস্নেল ইন্সতিত্যুত ওফ বাইওতিক স্ত্রেস মেনেজমেন্ত রাইপুরগী নৌনা শারিবা কেম্পস অদু প্রধান মন্ত্রীনা লৈবাক অসিদা কৎলগনি৷

থৌরম অদুদা, প্রধান মন্ত্রীনা এগ্রীকল্চরেল য়ুনিভর্সিতীশিংদা গ্রীন কেম্পস এৱার্দ য়েন্থোক্লগনি অমদি অনৌ-অনৌবা মেথর্দশিং শিজিন্নরিবা লৌমীশিংগা ৱারি-ৱাতায় শানরগনি অমসুং থৌরম অদুদা ৱা ঙাংলগনি৷

থৌরম অদুদা লৌউ-শিংউবগী কেন্দ্রগী মন্ত্রী অমসুং ছত্তিশগরগী মুখ্য মন্ত্রীসু শরুক য়াখি৷

অখন্নবা মগুনশিং য়াওবা মহৈ-মরোং মখলশিংগী মরমদা

ক্লাইমেত চেঞ্জ অমদি মালন্যুত্রিসনগী চেলেঞ্জ অনি অসি থেংননবা অখন্নবা মগুনশিং য়াওবা  মহৈ-মরোং মখলশিং ইন্দিয়ন কাউন্সিল ওফ এগ্রীকল্চরেল রিসর্স(আই.সি.এ.আর.)না শেমখ্রে৷ ক্লাইমেত ফগৎহনবা অমদি ন্যুত্রিনগী চাং ৱাংবগুম্বা অখন্নবা মগুনশিং য়াওবা মহৈ-মরোং মখল ৩৫ ২০২১ চহিদা শেমখ্রে৷ মসিদা য়াওরিবশিং অদুদি ইকংনা অকাইবা পীদবা হৱাই থরাক মানবা মনা-মশিং, ৱিল্ত, স্তেরিলিতী মোসেক লৈতবা পিজন পি, ঙন্না মুনবা নুং হৱাই মখল, লাইনা চংদবা ফৌ অমদি বাইওফোর্তিফাইদ গেহু মখলশিং, পর্ল মিল্লেত, চুজাক অমদি চিকপি, ক্বুইনো, বক্তহ্বিত, ৱিং বীন অমদি ফবা বীননি৷

মহৈ-মরোং খরদা ফংলিবা মীওইবা অমদি শা-ষনগী হকশেলদা শাথিনা শোকহল্লিবা এন্তি-ন্যুত্রিস্নেল ফেক্তরশিং থেংনরিবা মহৈ-মরেং মখলশিংসু হায়রিবা অখন্নবা মগুনশিং লৈরিবা মহৈ-মরোং মখলশিং অসিদা য়াওরি৷ অসিগুম্বা মহৈ-মরোং মখলশিংগী খুদমশিং অদুদি পুসা দবল জিরো মস্তার্দ ৩৩, <২% ইরুসিক এসিদ অমদি <৩০ পি.পি.এম. গ্লুকোসিনোলেতশিং য়াওবা অহানবা কেনোলা ক্বালিতী হাইব্রিদ আর.সি.ঐচ. ১ অমসুং এন্তি-ন্যুত্রিস্নেল ফেক্তর অনি মমিং ওইনা হায়রবদা কুনিজ ত্রিপ্সিন ইনহিবিতর অমদি লিপওক্সিজিনেস্তগী ফ্রী ওইবা নুং হৱাই মখল অমনি৷ নুং-হৱাই, সোর্ঘম অমসুং বেবী কোর্নশিংদা অখন্নবা মগুনশিং য়াওবা অতোপ্পা মখলশিং শেমখ্রে৷

নেস্নেল ইন্সতিত্যুত ওফ বাইওতিক স্ত্রেস মেনেজমেন্তগী মরমদা

বাইওতিক স্ত্রেস, হ্যুমেন রিসোর্সশিং শেমগৎপদা অমদি পোলিসী সপোর্ত পীবদা মরু ওইবা অমসুং স্ত্রাতিজিক রিসর্স পাংথোক্নবা রাইপুরদা  নেস্নেল ইন্সতিত্যুত ওফ বাইওতিক স্ত্রেস মেনেজমেন্ত শেমগৎখ্রে৷ ইন্সতিত্যুত অসিনা ২০২০-২১ একাদেমিক সেসনদগী হৌদুনা পি.জি.কোর্সশিং হৌখ্রে৷

গ্রীন কেম্পেস এৱার্দশিংগী মরমদা

রাজ্য অমদি কেন্দ্রগী এগ্রীকল্চরেল য়ুনিভর্সিতীশিংনা মখোয় মখোয়গী কেম্পসশিং অসি হেন্না গ্রীন অমদি ক্লিন ওইহনগদৌরিবা অসিগুম্বা প্রেক্তিসশিং অসি শেমগৎনবা নত্রগা শিজিন্নবদা পুক্নিং থৌগৎনবা অমদি নেস্নেল এজুকেসন পোলিসী-২০২০গী মতুং ইন্না মহৈরোইশিংবু ‘স্বচ ভারত মিসন’, ‘ৱেস্ত তু ৱেল্থ মিসন’ অমসুং কম্ম্যুনিতী কন্নেক্তা শরুক য়াহনবদা হেন্না পুক্নিং থৌগৎনবা গ্রীন কেম্পস এৱার্দশিং অসি পীবা হৌখিবনি৷