স্মারক্তা শারিবা ম্যুজিয়ম গেলরীশিং অদুসু প্রধান মন্ত্রীনা শঙ্গারগনি
ওগস্ত ২৮, ২০২১গী নুমিদাংগী পুং ৬:২৫ তাবা মতমদা প্রধান মন্ত্রীনা ভিদিও কনফরেন্সিংগী খুৎথাংদা নৌনা শেমজিল্লবা জলিয়ানৱলা বাঘ স্মারক্কী কমপ্লেক্স লৈবাক অসিদা কত্থোক্লগনি৷ স্মারক্তা শারিবা ম্যুজিয়ম গেলরীশিং অদুসু মহাক্না শঙ্গারগনি৷ কমপ্লেক্স অসি অপগ্রেদ তৌননবা সরকার অসিনা লৌখৎলিবা দিবেলপমেন্ত ইনিসিয়েতিবশিং অদুসু থৌরম অসিদা উৎলগনি৷
পাংথোক্লিবা ইনিসিয়েতিবশিং
দরকার লৈরুদ্রবা অমসুং শিজিন্নদ্রবা বিল্দিংশিং অমুক হন্না শিজিন্নদুনা ম্যুজিয়ম গেলরী মরি শেমগৎখ্রে৷ গেলরীশিং অসিনা প্রোজেক্সন মেপ্পিং, ৩দি রিপ্রজেন্তেসন, আর্ত অমসুং স্কল্পচরেল ইন্সতোলমেন্তশিং য়াওনা ওদিও-বিজ্যুল তেক্নোলোজী পুনশিন্নদুনা মতম অদুদা পঞ্জাবতা থোকখিবা থৌদোকশিংগী হিস্তোরিকেল ভেল্যুশিং অদু উৎলি৷
১৯১৯গী এপ্রীল ১৩দা থোকখিবা থৌদোকশিং উৎননবা সাউন্দ অমসুং লাইত শো অমা শেমখ্রে৷
কমপ্লেক্স অসিদা দিবেলপমেন্ত ইনিসিয়েতিব কয়ামরোম পাংথোকখ্রে৷ প়ঞ্জাবকী লোকেল আর্কিতেকচর স্তাইল অসি ইন্দুনা হেরিতেজ শেমগৎ-শাগৎপগী থবক থৌরমশিং পাংথোকখ্রে৷ শাহীদি গুহা অদু অমুক হন্না তোখায়বা সুপর স্ত্রকচর অমদা শেমজিন্দুনা হান্নগী মওংদা থমখ্রে৷ বাঘগী খ্বাইদগী মরু ওইবা ফ্লেম মোনুমেন্ত অদু শেমজিনখ্রে অমসুং হান্নগী মওংদা অমুক হন্না থমখ্রে, ইশিংগী ইপাক্তা থরোগী পুখ্রি ওনখ্রে, অমসুং নেভিগেবিলিতী হেন্না ফহন্নবগীদমক লম্বীশিং হেন্না পাকথোক-চাওথোকহনখ্রে৷
চত্থোক-চশিন তৌবগী লম্বীশিং চান্নবা সিগনেজশিংগা লোইননা শেমজিনখিবা; স্ত্রাতিজিক স্পোতশিং মশক-মঙাল থোকহনখিবা; নেতিব প্লান্তেসনগা লোইননা লেন্দস্কেপিং অমসুং হার্দস্কেপিং তৌখিবা; অমসুং গার্দেন অদু শিনবা থুংনা ওদিও নোদশিং ইন্সতোল তৌখিবা য়াওনা হৌজিক মতমগী তোঙান তোঙানবা অমসুং অনৌবা পোৎলমশিং হাপচিনখ্রে৷ অদুগা, সালবেসন গ্রাউন্দ, অমর জ্যোত অমসুং ফ্লেগ মাস্তকীদমক অনৌবা মফমশিং শেমগৎখ্রে৷.
কল্চরগী কেন্দ্রগী মন্ত্রী, হাউজিং অমসুং আর্বান এফিয়র্সকী কেন্দ্রগী মন্ত্রী, কল্চরগী রাজ্যগী মন্ত্রীশিং, পঞ্জাবকী রাজ্যপাল অমসুং মুখ্য মন্ত্রী; হরিয়ানা, উত্তরখন্দ অমসুং হিমাচল প্রদেশকী মুখ্য মন্ত্রীশিং; পঞ্জাবকী লোক সভা অমসুং রাজ্য সভাগী এম.পি. পুম্নমক, জলিয়ানৱলা বাঘ নেস্নেল মিমোরিএল ত্রস্তকী মেম্বরশিং, অমসুং অতোপ্পা মীওইশিংনা থৌরম অসিদা শরুক য়ারগনি৷
