প্রধান মন্ত্রী শ্রী মোদীনা ২০২০গী জনুৱারী ২২দা পাংথোক্কদৌরিবা প্রগতিগী থোংদা আই.সি.তি.-বেজ, প্রো-এক্তিব গোবর্নান্সকীদমক মল্তি-মোদেল প্লেতফোর্ম অমসুং মতম চানা ইমপ্লিমেন্ত তৌবগী ৩২শুবা ইন্তরেক্সন্দা সভাপতি ওইগনি।
মমাংগী প্রগতিগী কুনথ্রামাথোইশুবা ইন্তরেক্সন্দা প্রধান মন্ত্রীনা লুপা কোতি লাখ তরানিথোই হেনবগী প্রোজেক্তশিং নৌহৌনা য়েংশিনখি। চহী ২০১৯গী প্রগতিগী অরোইবা মীফমদা রাজ্য ১৬ অমসুং জম্মু অমসুং কশ্মীর য়ুনিয়ন তেরিতোরীগা মরী লৈনবা লুপা কোতি ৬১,০০০ হেনবগী প্রোজেক্ত ৯ খন্ন-নৈননবা পুখৎখি। মদুদা মপাল লমদা থবক তৌরিবা ভারতকী নাগরিকশিংগী গ্রিভান্সেস, নেস্নেল এগ্রীকলচর মার্কেত, এস্পিরেসন দিস্ত্রিক্ত প্রোগ্রাম অমদি ইনফ্রাস্ত্রকচর দিবেলপমেন্ত প্রোগ্রামশিং অমসুং ইনিসিয়েতিবশিংগুম্বা তোঙান তোঙানবা হিরমশিংদসু খন্ন-নৈনখি।
২০১৫গী মার্চ ২৫দা প্রধান মন্ত্রীনা মল্তি-পর্পজ অমসুং মল্তি-মোদেল গবর্নান্স প্লেৎফোর্ম প্রগতি হৌদোকখি। প্রগতি অসি ইন্তিগ্রেতিং অমসুং ইন্তরেক্তিব প্লেতফোর্ম অমনি, মসিগী পান্দমদি মীচম প্রজাগী ৱাকৎশিং কোকহনবনি। প্রগতিনা ভারত সরকারগী মরুওইবা প্রোগ্রামশিং অমসুং প্রোজেক্তশিং লোয়ননা রাজ্য সরকারনা পায়খৎপা প্রোজেক্তশিং মোনিতর তৌবা অমসুং নৌহৌনা য়েংশিনবদসু মতেং পাংলি।
