প্রধান মন্ত্রী, শ্রী নরেন্দ্র মোদীনা জুলাই ৮, ২০২২গী নুংথিলগী পুং ৬.৩০ তাবা মতমদা নই দিল্লীগী বিগ্যান ভবন্দা পাংথোকপা অহানবা ‘অরুন জেতলী মেমোরিএল লেকচর’ (এ.জে.এম.এল.)দা শরুক য়াগনি। প্রধান মন্ত্রীনা থৌরম অসিদা তিল্লিবা মীয়ামগী মফমদা মশাগী ৱারোলসু থমগনি।
সিঙ্গাপোর সরকারগী সেনিয়র মন্ত্রী, শ্রী থর্মান শনমুগারত্নম্না “গ্রোথ থ্রু ইনক্লুসিবিতী, ইনক্লুসিবিতী থ্রু গ্রোথ”কী মতাংদা থম্বা ৱারোলনা অহানবা এ.জে.এম.এল.গী মপুং ওইবা ৱারোল ওইগনি। মহাক্কী ৱারোলগী মতুংদা শ্রী মথিয়াস কোর্মেন (ও.ই.সি.দি. জেনেরেল সেক্রেতরী) অমসুং শ্রী অর্বিন্দ পানাগ্রিয়া (কলম্বিয়া য়ুনিভর্সিতীগী প্রোফেসর)না পেনেল দিস্কসন পাংথোক্কনি।
শেল-থুম মন্ত্রালয়গী ইকোনোমিক এফিয়র্স বিভাগনা শ্রী অরুন জেতলীনা লৈবাক্কী মফমদা মমল নাইদ্রবা শরুক তম্লম্ববু শকখঙবা ওইনা অহানবা ‘অরুন জেতলী মেমোরিএল লেকচর’ শীন-লাঙবনি।
প্রধান মন্ত্রীনা জুলাই ৮দগী ১০ ফাওবদা চত্থগদবা নুমিৎ হুম্নিগী কাউতিলয়া ইকোনোমিক কনক্লেব (কে.ই.সি.)দা শরুক য়াগদৌরিবা দেলিগেতশিংগা ৱারীসু শাগনি। প্রধান মন্ত্রীগা উন্নগদৌরিবা শক্নাইরবা ইকোনোমিস্তশিংগী মনুংদা জোন হোপকিন্স য়ুনিভর্সিতীগী মিস এন ক্রুগর; লন্দন স্কুল ওফ ইকোনোমিক্সকী শ্রী নিকোলাস স্তর্ন; হার্বার্দ কেনেদী স্কুলগী শ্রী রোবর্ত লোরেন্স; আই.এম.এফ.কী হান্নগী এক্তিং মেনেজিং দাইরেক্তর, শ্রী জোন লিপস্কী; ৱর্ল্দ বেঙ্ককী ভারতকী কন্ত্রী দাইরেক্তর, শ্রী জুনেদ অহমদ য়াওরি। কে.ই.সি. অসি শেল-থুম মন্ত্রালয়গী তেংবাংগা লোয়ননা ইন্সতিত্যু ওফ ইকোনোমিক গ্রোথনা শীনবনি।
