পুলিসকী থবকশিং অমসুং লৈবাক মনুংগী ঙাক-শেনগী হিরম কয়া খন্নগনি
মীফম মনুংদা অনৌবা ক্রিমিনেল লোশিং চৎনহনবগী মতাংদা থৌরাং তৌনবা খন্নগনিমীফম মনুংদা পুলিসকী থবক অমসুং সেকুরিতিগী মতাংদা খন্নগনিপ্রধান মন্ত্রী শ্রী নরেন্দ্র মোদী জনুৱারি ৬-জনুৱারি ৭, ২০২৪ দা জয়পুরদা লৈবা রাজস্থান ইন্তরনেসনেল সেন্তরদা পুলিসকী দিরেক্তর জেনেরেলশিং/ইন্সপেক্তর জেনেরেলশিংগী ভারত পুম্নমক্কী মীফম ২০২৩ দা শরুক য়াগনি।
জনুৱারি ৫-জনুৱারি ৭, ২০২৪ ফাওবা নুমিৎ হুমনি চঙনা পাংথোক্কদৌরিবা মীফম অদুদা সাইবর ক্রাইম, পুলিসকী থবক্তা তেক্নোলোজি, তেরোরিজম লাকশিনবদা থেংনরিবা খুদোংচাদবশিং, লেফ ৱিং এক্সত্রিমিজম, জেলগী অওনবশিং য়াওনা পুলিসকী থবকশিং অমসুং লৈবাক মনুংগী ঙাক-শেনগী হিরম কয়া খন্নগনি। মীফম অদুদা খন্নগদবা অতোপ্পা মরুওইবা ৱাফমদি অনৌবা ক্রিমিনেল লোশিং চৎনহনবগী মতাংদা থৌরাং লম্বী শেম্বা হায়বসিনি। পুলিস অমসুং সেকুরিতিগী থবকশিংদা অনৌবা তেক্নোলোজিশিং হায়বদি এ.আই, দিপফেকনা পীরিবা শিংনবশিং অমসুং মখোয় থেংননবা পাম্বৈশিংগী মতাংদা মীফম অদুদা খন্নগনি। চহি খুদিংগী প্রধান মন্ত্রীগী মমাঙদা মশক থোক্নবা পায়খৎখিবা থবকশিং অমসুং মখোয় খুমাঙচাউশিনবা য়েংশিনবগী মতাংদা উৎনবগী খুদোংচাবা অমা মীফম অসিনা পীরি।
মীফম অসিদা জিলা, রাজ্য অমসুং জাতি থাক্কী পুলিস অমসুং ইন্তিলিজেন্স ওফিসারশিংনা মশক খঙদোক্লবা থিমশিংদা ৱাফম কয়া খন্নগনি। থিম অমমমগী মখাদা রাজ্যশিং/য়ু.তিশিংনা পাংথোকপা খ্বাইদগী ফবা থবকশিং মীফম অদুদা উৎকনি অমসুং মসিনা রাজ্য অমনা অমদগী তম্নগনি।
২০১৪ দগী হৌনা প্রধান মন্ত্রীনা দি.জি.পি মীফম থৱায় য়াওদুনা লাক্লি। মমাঙদা মমিংগী ওইনা প্রধান মন্ত্রী শরুক য়াবা অদুগা মান্নদবা মওংদা, মহাক্না মীফমগী মরুওইবা সেসনশিং শরুক য়াখি। খন্নখিবা ৱাফমশিং প্রধান মন্ত্রীনা পুক্নিং চঙনা তাবা খক নত্তনা, অনৌবা থবকশিং থোরক্নবা মনিংতম্না অমসুং অপনবা লৈতনা খন্ন-নৈনবশু পুক্নিং থৌগৎখি। চহি অসিগী মীফমদা চারা ৱানবা, চাক্লেন অমসুং নুমিদাংগী চাক্লেনদা থিমশিং খন্ন-নৈনগনি। মসিনা সেনিয়র পুলিস ওফিসিয়েলশিং মখোয়গী ৱাখলশিং ফোঙদোক্নবা অমসুং লৈবাক অসিদা পুলিসকী থবকশিং অমসুং লৈবাক মনুংগী ঙাক-শেনগী মরুওইবা ৱাফমশিং প্রধান মন্ত্রীদা খঙহন্নবগী খুদোংচাবা অমা পীগনি।
২০১৪ দগী লৈবাক শীনবা থুংনা চহিগী ওইনা দি.জি.পি মীফম পাংথোকপদা প্রধান মন্ত্রীনা পুক্নিং থৌগৎলি। মীফম অসি ২০১৪ দা গুৱাহাতিদা; ২০১৫ দা রন ফো কুছকী ধোরদো; ২০১৬ দা নেসনেল পুলিস একাদেমি হায়দ্রবাদ; ২০১৭ দা তেনকানপুরদা; ২০১৮দা কেবারিয়াদা; ২০১৯ দা আই.আই.এস.ই.আর পুনে; ২০২১ দা পুলিস হেদক্বাতর্স লখনৌ অমসুং ২০২৩দা পুসা, নিউ দিল্লিদা পাংথোকখ্রে। মসিগী মখা চৎথরকপা ওইনা, চহি অসিগী ওইনা জয়পুরদা মীফম অসি পাংথোক্কনি।
মীফম অদুদা য়ুনিয়ন হোম মিনিস্তর, নেসনেল সেকুরিতি এদভাইজর, হোম এফেয়ার্সকী রাজ্য মন্ত্রী, কেবিনেত সেক্রেতরি, ভারত সরকারগী ওফিসিএলশিং, রাজ্যশিং/য়ু.তিশিংগী দি.জি.পি অমসুং সেন্ত্রেল আর্মদ পুলিস ফোর্সশিং অমসুং সেন্ত্রেল পুলিস ওর্গনাইজেসনশিংগী লুচিংবশিং শরুক য়াগনি।
