Quoteপ্রধান মন্ত্রীনা ছতিসগরদা লুপা করোর ৩৪,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি
Quoteপ্রোজেকশিংগী মনুংদা লম্বীশিং, রেলৱেশিং, কোলয়া, পৱার অমসুং সোলার ইনর্জ য়াওরি
Quoteপ্রধান মন্ত্রীনা মীয়ামদা এন.তি.পি.সিগী লারা সুপর থর্মেল পৱার প্রোজেক স্তেজ-১ মীয়ামদা কৎথোক্কনি অমসুং এন.তি.পি.সিগী লারা সুপর থর্মেল পৱার প্রোজেক স্তেজ-২ উরেপ-উয়ুং তমগনি

প্রধান মন্ত্রী শ্রী নরেন্দ্র মোদীনা ফেব্রুৱারি ২৪,২০২৪গী নুমিৎয়ুংবা পুং ১২:৩০ তাবদা ভিদিও কনফরেন্সকী খুৎথাংদা ‘বিকসিত ভারত বিকসিত ছতিসগর’ থৌরমদা ৱা ঙাংগনি। থৌরম অদুদা প্রধান মন্ত্রীনা ছতিসগরদা লুপা করোর ৩৪,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিংগী মনুংদা লম্বীশিং, রেলৱেশিং, কোলয়া, পৱার অমসুং সোলার ইনর্জ য়াওরি।

প্রধান মন্ত্রীনা ছতিসগরগী রাইগর জিলাদা এন.তি.পি.সিগী লারা সুপর থর্মেল পৱার প্রোজেক স্তেজ-১ (2x800 MW) মীয়ামদা কৎথোক্কনি অমসুং এন.তি.পি.সিগী লারা সুপর থর্মেল পৱার প্রোজেক স্তেজ-২ (2x800 MW) উরেপ-উয়ুং তমগনি। স্তেসনগী স্তেজ-১ অসি লুপা করোর ১৫,৮০০ গী শেনফম অমা থাদুনা শেমগৎখিবনি অমসুং প্রোজেক অসিগী স্তেজ-২না স্তেজ-১ লৈরিবা শরুক অসিদা ফংলিবা লমদা শাগৎকদবনি। মরম অদুনা পাকথোক-চাউথোক্নবা অহেনবা লম লৌশিনবা দরকার ওইদ্রে অমসুং মসিগীদমক লুপা করোর ১৫,৫৩০গী শেনফম অমা থাদরে।

অফবা মখলগী সুপর ক্রিতিকেল তেক্নোলোজি(স্তেজ-১) অমসুং উলত্রা সুপর ক্রিতিকেল তেক্নোলোজি(স্তেজ-২) শীজিন্নদুনা, প্রোজেক অসিনা কোয়লা য়াম্না শীজিন্নরোই অমসুং কার্বোন দাইওক্সাইদ থাদোকপা হন্থহনগনি। স্তেজ-১ অমসুং স্তেজ-২ অনিমক্তগী পুথোরকপা মৈগী চাদা ৫০ ছতিসগর রাজ্যাদা পীগনি। অতোপ্পা রাজ্যশিং অমসুং য়ু.তিশিং হায়বদি গুজরাত, মধ্য প্রদেস, মহারাস্ত্রা, গৱা, দমন অমসুং দিয়ু, দাদ্রা অমসুং নাগর হাভেলিগী মৈগী ফিবম ফগৎহনবদা প্রোজেক অসিনা অচৌবা থৌদাং অমা লৌগনি।

প্রধান মন্ত্রীনা লুপা করোর ৬০০ হেন্না চঙনা শেমগৎপদা সাউথ ইস্তর্ন কোএলফিল্দস লিমিতেদকী মরুওইবা ফার্স্ত মাইল কন্নেক্তিবিতি(এফ এম সি) প্রোজেক অহুম শঙ্গাগনি। মখোয়না য়াংন, মহৌশাগী অকোয়বগী ফিবম শোকহন্দনা অমসুং ফজনা কোলয়া লৌথোকপদা মতেং পাংগনি। হায়রিবা প্রোজেকশিংগী মনুংদা এস.ই.সি.এলগী দিপকা এরিয়াদা দিপকা ও.সি.পি কোএল হেন্দলিং প্লান্ত, এস.ই.সি.এলগী রাইগর এরিয়াদা ছাল অমসুং বরাউদ ও.সি.পি হেন্দলিং প্লান্ত য়াওরি। এফ.এম.সি প্রোজেকশিংনা পিথহেদতগী সিলোশিং, বঙ্করশিং অমসুং কনভেয়র বেল্তশিংগী খুৎথাংদা রেপিদ লোদিং সিস্তেমশিং য়াওরবা কোয়লা থমফম ফাওবা পুরকপা ঙমহনগনি।

লম্বীদা কোয়লা পুরকপা হন্থহন্দুনা, হায়রিবা প্রোজেকশিং অসিনা কোয়লাগী খনিশিংগী অকোয়বদা লৈরিবা মীয়াম হিংবদা নুংঙাইহনগনি অমসুং কোয়লা খনিশিংগী অকোয়বদা লম্বী চিনবা, লম্বীগী খুদোংথিবশিং থোকপা, মহৌশাগী অকোয়বগী ফিবম অমসুং হকশেলদা শোকহনবা হন্থহনবদা মতেং পাংগনি। পিথহেদতগী রেলৱে সাইদিংশিং ফাওবা ত্রকশিং কোয়লা পুরকপদা দিজল শীজিন্নবা হন্থহন্দুনা মসিনা ত্রান্সপোর্তেসনগী খরচ হন্থহনগনি।

লমদম অসিদা রিনিউএবল ইনর্জি পুথোকপা হেনগৎহন্নবা খোঙথাং অমদা, রাজনন্দগাউদা লুপা করোর ৯০০ রোম চঙনা শেমগৎপদা সোলার পি.ভি প্রোজেক প্রধান মন্ত্রীনা শঙ্গাগনি। প্রোজেক অসিনা চহি অমদা ইনর্জি য়ুনিত মিল্লিয়ন ২৪৩.৫৩ রোম পুথোক্কনি হায়না পানরি অমসুং চহি ২৫ হেন্না কার্বোন দাইওক্সাইদ তন মিল্লিয়ন ৪.৮৭ থাদোকপা থিংগনি অমসুং মসি হায়রিবা মতম অসিদা উ পাম্বী মিল্লিয়ন ৮.৮৬ না কার্বোন চুপশিনবগা মান্নগনি।

লমদম অসিদা রেল ইনফ্রাস্ত্রকচর মপাঙ্গল কনখৎহন্নবা, প্রধান মন্ত্রীনা লুপা করোর ৩০০ রোম চঙনা শাবা বিলাসপুর-উসলাপুর-ফ্লাইওভর মীয়ামদা কৎথোক্কনি। মসিনা লম্বী য়াম্না চিনবা হন্থহনগনি অমসুং বিলাসপুরদগী কাতনি ফাওবা কোয়লা ত্রাফিক লেপ্পা হন্থহনগনি। প্রধান মন্ত্রীনা ভিলাইদা মেগাৱাত ৫০গী সোলার প্লান্ত অমা মীয়ামদা কৎথোক্কনি। মসিনা ত্রেনশিং চেনবদা সোলার ইনর্জি শীজিন্নবদা মতেং পাংগনি।

এন.ঐচ-৪৯গী কিমি ৫৫.৬৫গী শরুক লেন অনি অমসুং পেপ সোলজরশিংগা লোয়ননা ফগৎহন্নবগী থবক প্রধান মন্ত্রীনা মীয়ামদা কৎথোক্কনি। প্রোজেক অসিনা মরুওইবা সহর অনি বিলাসপুর অমসুং রাইগরগী মরক্তা চৎথোক-চৎশিন ফগৎহনবদা মতেং পাংগনি। এন.ঐচ-১৩০গী কিমি ৫২.৪০গী শরুক লেন অনি অমসুং পেপ সোলজরশিংগা লোয়ননা ফগৎহন্নবগী থবক প্রধান মন্ত্রীনা মীয়ামদা কৎথোক্কনি। প্রোজেক অসিনা অম্বীকাপুর সহরগা রাইপুর অমসুং কোর্বা সহরগা চৎথোক-চৎশিনগী থবক ফগৎহনগনি অমসুং লমদম অসিগী শেন-থুমগী ফিবম ফগৎহনগনি।

 

  • Jayanta Kumar Bhadra May 07, 2024

    om Shanti 🕉 namaste sir
  • Jayanta Kumar Bhadra May 07, 2024

    Jai hind sir
  • Jayanta Kumar Bhadra May 07, 2024

    Jai hind sir
  • Jayanta Kumar Bhadra May 07, 2024

    Jay Shree Ram
  • Jayanta Kumar Bhadra May 07, 2024

    Jay Shree Ram
  • Jayanta Kumar Bhadra May 07, 2024

    Jay Shree Ram
  • Vivek Kumar Gupta May 02, 2024

    नमो ....................🙏🙏🙏🙏🙏
  • Vivek Kumar Gupta May 02, 2024

    नमो .........................🙏🙏🙏🙏🙏
  • Pradhuman Singh Tomar April 24, 2024

    bjp
  • Shabbir meman April 10, 2024

    🙏🙏
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Artificial intelligence & India: The Modi model of technology diffusion

Media Coverage

Artificial intelligence & India: The Modi model of technology diffusion
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 মার্চ , 2025
March 22, 2025

Citizens Appreciate PM Modi’s Progressive Reforms Forging the Path Towards Viksit Bharat