প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা ফেব্রুৱারী ৫, ২০২৩গী নুমিৎ য়ুংবা মতুং পুং ১ তাবা মতমদা জয়পুর মহাখেলগী শরুক য়ারিবশিংদা ৱা ঙাংগনি।
জয়পুর মহাখেল অসি জয়পুর রুরেলগী লোক সভা এম.পি., শ্রী রাজ্যভর্ধন সিংহ রাথোরনা ২০১৭তগী হৌদুনা জয়পুরদা পাঙথোক্তুনা লাকখি।
চহি অসিগী ওইনা কবাদ্দি কম্পিতিসন্দা মীৎয়েং থম্লিবা মহাখেল অসি জনুৱারী ১২, ২০২৩ হায়বদি নেস্নেল য়ুথ দেদগী পাঙথোকপা হৌখি। জয়পুর রুরেল লোক সভা কন্সতিত্যুএন্সীগী লেজিস্লেতিব এসেমব্লী রিজন ৮গী গ্রাম পঞ্চায়ৎ, ম্যুনিসিপাল অমসুং ৱার্দ ৪৫০ হেনবদগী নহারোল অমদি স্পোর্তসকী শান্নরোয় ৬৪০০ হেনবনা শরুক য়াবা উবা ফংখি। মহাকেল পাঙথোকপা অসিনা জয়পুরগী নহারোলশিংদা মখোয়গী স্পোর্তিং তেলেন্ত উৎথোক্নবা অমসুং মখোয়দা স্পোর্ত অসি কেরিয়র ওপ্সন অমা ওইনা লৌনবা উথিলসু পীনবা খুদোংচাবা অমা পীরি।
