প্রধান মন্ত্রী শ্রী নরেন্দ্র মোদীনা নবেম্বর ২৬কী নুমিৎয়ুংবা পুং ১২:৩০ তাবা মতমদা ৮০শুবা ওল ইন্দিয়া প্রিসাইদিং ওফিসর্স কনফরেন্স লোইশিনবগী থৌরমদা ৱা ঙাংগনি।
ওল ইন্দিয়া প্রিসাইদিং ওফিসর্স কনফরেন্স অসি ১৯২১দা হৌদোকখিবনি। হন্দক্কী চহি প্রিসাইদিং ওফিসর্স কনফরেন্সকী চহি চাম্মাশুবা কুমওন থৌরম ওইনা পাংথোক্লি। চহি চাম্মা শুবা কুমওন থৌরম অসিগী নুমিৎ নিনিগী ওইবা থৌরম গুজরাতকী কেবরিয়াদা নবেম্বর ২৫ অমসুং ২৬তা পাংথোক্কদৌরি। চহি অসিগী কনফরেন্সকী থিমদি “লেজিসলেচর, এগজিক্যুতিব অমসুং জুদিসিয়রীকী মরক্তা তাল-মেল চান্ননা তেংবাং পীনবা – ভাইব্রেন্ত দেমোক্রেসীগী মরুওইবা” হায়বসিনি।
নবেম্বর ২৫দা কনফরেন্স অসি রাস্ত্রপতি শ্রী রামনাথ কোবিন্দনা হৌদোক্কনি। থৌরম অদুদা উপরাস্ত্রপতি অমসুং রাজসভাগীগী চিয়রমেন ভেনকৈয়া নাইদু, লোকসভাগী স্পীকর অমসুং কনফরেন্সকী চিয়রপার্সন শ্রী ওম বিরলা, গুজরাতকী রাজ্যপাল আচার্য় দেববর্ত, গুজরাতকী মুখ্যমন্ত্রী শ্রী বিজয় রুপানীসু শরুক য়াগনি।
