প্রধান মন্ত্রীনা লম্বী নাকলদা পোৎ-চৈ য়োল্লিবা মীওই লাখ ১ দা স্কিম অসিগী মখাদা লোনশিং য়েন্থোক্কনি
প্রধান মন্ত্রীনা দিল্লি মেত্রোগী ফেজ-৪গী অহেনবা এদিসনেল কোরিদোর অনিগী উরেপ-উয়ুং তমগনিহায়রিবা কোরিদোরশিং অদু লাজপাত নাগর-সাকেত-জি ব্লোক অমসুং ইন্দরলোক-ইন্দ্রপ্রাস্থনিপ্রধান মন্ত্রী শ্রী নরেন্দ্র মোদীনা দিল্লিগী জে.এল.এন স্তদিয়মদা মার্চ ১৪গী নুংথিল পুং ৫ তাবদা পি.এম শ্বানিধি স্কিমগী বেনিফিসরিশিংদা ৱা ঙাংগনি। মহাক্না থৌরম অসিদা স্কিমগী মখাদা দিল্লিগী লম্বী নাকলদা পোৎ-চৈ য়োল্লিবা মীওই ৫,০০০ য়াওনা লম্বী নাকলদা পোৎ-চৈ য়োল্লিবা মীওই য়োল্লিবা মীওই লাখ ১ দা লোন য়েন্থোক্কনি। থৌরম অসিদা প্রধান মন্ত্রীনা দিল্লি মেত্রোগী ফেজ-৪গী অহেনবা এদিসনেল কোরিদোর অনিগী উরেপ-উয়ুং তমগনি।
তোল্লবা কাংলুপশিংদা শেন-থুমগী মতেং পাংনবা প্রধান মন্ত্রীগী পান্দমনা লমজিংদুনা, কোরোনা লাইচৎকী মালেমগী শেন-থুমগী অৱাবা মরক্তা জুন ১,২০২০দা পি.এম শ্বানিধি হৌদোকখিবনি। মসিনা ফিবম চাদ্রবা লম্বী নাকলদা পোৎ-চৈ য়োল্লিবা মীওইগী পুন্সিদা অওনবা পুরক্কনি। হৌজিক ফাওবদা লৈবাক শীনবা থুংবগী লম্বী নাকলদা পোৎ-চৈ য়োল্লিবা মীওই লাখ ৬২ হেনবদা লুপা করোর ১০,৯৭৮ হেনবগী লোন লাখ ৮২ য়েন্থোকখ্রে। দিল্লি খক্তদা লুপা করোর ২৩২গী লোন লাখ ২ য়েন্থোকখ্রে। পুৱারিদগী হৌনা খুদোংচাবা কয়া ফংদনা লাক্লবা মীওইশিং য়াইফনবা অমসুং শেন-থুমগী কান্নবশিং ফংহন্নবা মৈরা অমা ওইনবা স্কিম অসি মখা চৎথরি।
থৌরম অসিদা দিল্লি মেত্রোগী ফেজ-৪গী অহেনবা এদিসনেল কোরিদোর অনিগী উরেপ-উয়ুং তমগনি, কোরিদোর অনি অদুদি লাজপাত নাগর-সাকেত-জি ব্লোক অমসুং ইন্দরলোক-ইন্দ্রপ্রাস্থনি। হায়রিবা কোরিদোরশিং অসি কিমি ২০ হেন্না শাংগনি অমসুং চৎথোক-চৎশিন নুংঙাইবা হেনগৎহনগনি অমসুং মী চিনবা হন্থহনগনি।
লাজপাত নাগর-সাকেত-জি ব্লোক কোরিদোরদা লৈগদবা স্তেসনশিংগী মনুংদা লাজপাত নগর, এন্দ্রিউস গঞ্জ, গ্রেতর কাইলাস-১, চিরাগ দিল্লি, পুস্পা ভাবন, সাকেত দিস্ত্রিক সেন্তর, পস্প বিহার, সাকেত-জি ব্লোক য়াওরি। ইন্দ্রলোক-ইন্দ্রপ্রাস্থা কোরিদোরদা লৈগদবা স্তেসনশিংগী মনুংদা ইন্দরলোক, দয়া বাস্তি, সারাই রোহিল্লা, অজমাল খান পার্ক, নবি করিম, নিউ দিল্লি, এল.এন.জে.পি হোস্পিতাল, দিল্লে গেত, দিল্লি সচিবলয়, ইন্দ্রপ্রাস্থা য়াওরি।
