প্রধান মন্ত্রী, শ্রী নরেন্দ্র মোদীনা জুলাই ১০, ২০২২গী অয়ুক্কী পুং ১১.৩০ তাবা মতমদা নেচরেল ফার্মিং কনক্লেবতা ভিদিও কনফরেন্সিংগী খুত্থাংদা ৱা ঙাংগনি।
প্রধান মন্ত্রীনা নীংতম্বগী অমৃত মহোৎসবকী শরুক অমা ওইনা মার্চ ২০২২দা গুজরাত পঞ্চায়ত মহাসম্মেল্লন্দা ৱা ঙাঙখিবদা খুঙ্গং খুদিংগী য়ামদ্রবদা লৌমী ৭৫না নেচরেল ফার্মিং পায়খৎনবা হায়খিবনি। প্রধান মন্ত্রীগী অসিগুম্বা মঙলান্না লমজিংদুনা, সুরত জিলানা লমদমসিগী লৌমীশিংদা নেচরেল ফার্মিং পায়খৎহনবদা তেংবাংবা ঙম্নবগীদমক্তা জিলা অসিগী মনুং চন্না লৈবা লৌমী কাঙলুপ, মীয়াম্না খনগৎলবা মীহুৎ, তলাথী, এগ্রিকলচর প্রোদ্যুস মার্কেতিং কম্মিতী (এ.পি.এম.সি.), কো-ওপরেতিব বেঙ্কনচিংবা তোঙানবা স্তেকহোলদর অমসুং ইস্তিত্যুসনশিংবু মরী লৈনবা ৱাফম খঙহনবগা লোয়ননা পুক্নিং থৌগৎপগী অচৌবা অমসুং নীংথিনা থৌরাং য়াৎলবা খোঙথাং পায়খৎখি। মসিগী মহৈ ওইনা, গ্রাম পঞ্চায়ত খুদিংগী য়ামদ্রবদা লৌমী ৭৫ মশক খঙদোকখি অমসুং নেচরেল ফার্মিং পায়খৎনবগীদমক্তা পুক্নিং থৌগত্তুনা ত্রেনিং পীখি। লৌমীশিংবু তোঙানবা ক্লস্তর ৯০দা ত্রেনিং পীখি অমসুং অপুনবা থৌওং অসিনা জিলা অসিগী অপুনবা লৌমী ৪১,০০০দা ত্রেনিং পীবা ঙমখি।
কনক্লেব অসি গুজরাতকী সুরত্তা শীন-লাঙবনি অমসুং সুরত্তা নেচরেল ফার্মিং পায়খৎখ্রবা লৌমী অমসুং অতোপ্পা স্তেকহোলদর লিশিং কয়ানা শরুক য়াগনি অমসুং মখোয়গী মায় পাকপগী ৱারী লিগনি। গুজরাতকী মুখ্য মন্ত্রী অমসুং রাজ্যপালসু কনক্লেব অসিদা শরুক য়াগনি।
