প্রধান মন্ত্রী শ্রী নরেন্দ্র মোদীনা নই দিল্লীগী ভারত মন্দাপমদা নুংথিল পুং ৪ তাবা মতমদা জি২০ য়ুনিভর্সিতী কন্নেক্ত ফিনালে প্রোগ্রামদা ৱা ঙাংগদৌরি।
জি২০ জন ভাগিদারি ঈহৌদা লৈবাক অসিদা লৈরিবা তোঙান-তোঙানবা মহৈলোইশঙ, হাইয়র এজুকেসন ইন্সতিত্যুসনশিং অমসুং স্কিল দিবেলপমেন্ত ইন্সতিত্যুতশিংদগী নহা করোর ৫ হেনবনা শরুক য়াখি। জি২০ য়ুনিভর্সিতী কন্নেক্তকী থৌরাং অসি ভারতকী জি২০ প্রেজিদেন্সী অসিবু ভারতকী নহাশিংদা ভাপ তাহন্নবা অমসুং জি২০ থৌরমশিংদা মখোয়না শরুক য়াবা হেনগৎহন্নবা পান্দমদা লৌখৎখিবনি। থৌরম অসিদা ভারত্তা লৈরিবা তোঙান-তোঙানবা য়ুনিভর্সিতীশিংদগী মহৈরোই লাখ ১ হেনবনা শরুক য়াখি। অহানবদা, ভারতকী চহি ৭৫ শুরবা নীংতম্ববু পালন তৌনবা য়ুনিভর্সিতী ৭৫ থৌরাং তৌরম্মি, থৌরম অসিনা মসিবু ভারত্তা য়ুনিভর্সিতী ১০১ য়ৌনা পাকথোক চাউথোকখ্রে।
তোঙান-তোঙানবা থৌরমশিংসু লৈবাক অসিদা শীনবা থুংনা জি২০ য়ুনিভর্সিতী কন্নেক্তকী থৌরাংগী মখাদা পাঙথোকখি। হায়রিবশিং অসিদা হাইয়র এজুকেসন ইন্সিত্যুসনশিংদগী কা হেন্না শরুক য়াবা থেংনখি। মখা তানা, য়ুনিভর্সিতীশিংগীদমক লাংলম্বা থৌরম অসিদা মহৈলোইশঙ অমসুং কোলেজ কয়া শরুক য়ারক্তুনা পাক শন্দোক্লকখি।
জি২০ য়ুনিভর্সিতী কন্নেক্ত ফিনালে পাঙথোকফম অসিদা মহৈরোই ৩০০০ রোম, শরুক য়ারিবা য়ুনিভর্সিতীশিংগী ফেকলতি মেম্বর, অমসুং ভাইস চান্সেল্লরশিংনা শরুক য়ারগদৌরি। মসিগী মথক্তা, লৈবাক অসিদগী লৈরিবা মহৈরোইশিংনা থৌরম অসিদা লাইব ওইনা লৌগনি।
