সিবিল সর্বিসেস নুমিৎকী থৌরম অসি, লৈবাক শেমগৎনবা সিবিল সর্ভেন্তশিং মখা তানা পুক্নিং থৌগৎনবা প্রধান মন্ত্রীগী মফম অমা ওইনা শীজিন্নগনি
প্রধান মন্ত্রীনা প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন য়েন্থোক্কনিসিবিল সর্বিসেস নুমিৎকী থৌরমদা, এপ্রিল ২১,২০২৩গী অয়ুক পুং ১১ তাবদা নিউ দিল্লিগী বিজ্ঞান ভাবন্দা প্রধান মন্ত্রী শ্রী নরেন্দ্র মোদীনা সিবিল সর্ভেন্তশিংদা ৱা ঙাংগনি।
লৈবাক শেমগৎনবা হোৎনবদা সিবিল সর্ভেন্তশিংনা লৌরিবা থৌদাং প্রধান মন্ত্রীনা লেপ্তনা থাগৎতুনা লাক্লি অমসুং হেন্না কন্না থবক তৌনবা মখোয়গী পুক্নিং থৌগৎখি। থৌরম অসি লৈবাক শীনবা থুংনা লৈরিবা সিবিল সর্ভেন্তশিং পুক্নিং থৌগৎনবা মফম অমা ওইনা প্রধান মন্ত্রীনা শীজিন্নগনি অমসুং মসিনা অমৃত কালগী মরুওইবা তাঙ্কক অসিদা মখোয়না থৱায়-হকচাং য়াওনা মীয়ামগী থবক তৌবা ঙমগনি।
থৌরম অদুদা প্রধান মন্ত্রীনা প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন য়েন্থোক্কনি। কেন্দ্র সরকার অমসুং রাজ্য সরকারগী জিলাশিং অমসুং লুপশিনা মীচম মীয়ামগী য়াইফনবা পাংথোকপা তোপ-তোপ্পা থবকশিং অমসুং অনৌবা থবকশিং শকখঙবা উৎনবা মনা অসি লিংখৎখিবনি।
মশক খঙদোক্লবা মরুওইবা থৌরম মরি হায়বদি: হর ঘর জল য়োজনাগী মখাদা শ্বাছ জল ফগৎহনবা; হেল্থ অমসুং ৱেলনেস সেন্তরশিংগী মখাদা শ্বাস্থা ভারত ফগৎহনবা; সমাগ্রা সিক্ষাগী মখাদা মগুন লৈবা, মরম চাবা অমসুং অপুনবা ওইনা লাইরিক-লাইশু তম্বগী খুদোংচাবা ফংহনবা; এস্পিরেসনেল দিস্ত্রিক প্রোগ্রামগী মখাদা চাউখৎ-থৌরাংগী থবকশিং পায়খৎপা অসিদা ফিদম্নফম ওইবা থবক পাংথোকপশিংদা মনা পীগনি। মশক খঙদোক্লবা মরুওইবা থৌরম মরি অসিগী ওইনা মনা ৮ পীগনি।
