প্রধান মন্ত্রী শ্রী নরেন্দ্র মোদীনা ঙসি য়ুনাইতেদ কিংদমগী প্রধান মন্ত্রী, রাইৎ ওনরেবল কীর স্তার্মেরগা ৱারী শাখ্রে।
মহাক্না UKগী প্রধান মন্ত্রী ওইনা চার্জ লৌবা অমসুং মীখলদা লেবর পার্তীনা চাউনা মায়পাকপা অসিগীদমক প্রধান মন্ত্রীনা নুংঙাইবা ফোঙদোকখি।
লুচিংবা অনিমক্না লৈবাক অনিগী মরক্তা লৈরিবা পুৱারী ওইরবা মরীশিং নীংশিংখি অমসুং ভারত অমসুং UKগী মরক্তা লৈরিবা কম্প্রিহেন্সিব স্ত্রেতেজিক পার্তনরশিপ অসি হেন্না চেৎশিনহন্নবা অমসুং চাউখৎহন্নবা মখোয়গী ফিরেপ অমুক হন্না ফোঙদোককি। লুচিংবা অনিনা নাকল অনিমক্তা কান্নবা পীগদবা ভারত-UK ফ্রী ত্রেদ এগ্রীমেন্ত অমা ঙন্না লোইশিন্নবগী মাইকৈদা থবক তৌনবা য়ান্নখি।
UKগী খুন্নাই, শেন্মীৎলোন অমসুং রাজনিতীগী ওইবা দিবেলপমেন্তদা ভারতকী মীয়াম্না পোজিতিব ওইনা শরুক তম্মি অসি থাগৎলদুনা নাকল অনিমক্না পিপল তু পিপলগী মরীশিং মখা তানা থৌগৎনবা য়ানখি।
প্রধান মন্ত্রী মোদীনা পি.এম. স্তার্মেরবু অথুবদা ভারত্তা লাক্নবা বর্তন তৌখ্রে।
লুচিংবা অনিমক্না অদুমক পাও ফাওন্দুনা লৈনবা য়ান্নখি।
