খুরুমজরি!
রাজস্থানগী রাজ্যপাল কলরাজ মিশ্রাজী, মুখ্য মন্ত্রী শ্রী অশোক গহলোতজী রাজস্থান পত্রিকাগী গুলাব কোথারীজী, পত্রিকা গ্রুপকী অতোপ্পা থবক পায়বিরিবা মীওইশিং, মেদিয়াগী মরূপশিং, ইকাইখুম্নজরবীশিং, ইকাইখুম্নজরবশিং!!!
গুলাব কোথারীজীবু অমসুং পত্রিকাগী গ্রুপ্পু সংৱাদ উপনিষদ অমসুং অক্ষরয়াত্রা লাইরিকশিং অসিগীদমক্তা থম্মোইনুংদগী য়াইফ-পাউজেল পীজরি। মসিগী লাইরিক অসি খোরিরোল অমসুং নাৎ অনিমক্কী ওইনা অথোইবা খুদোল অমনি। ঙসি ঐহাক্না রাজস্থানগী নাৎকী মমি তাহল্লদুনা পত্রিকা গেৎ অসিসু কত্থোকচনবগী তাঞ্জা অদু ফংজরে। মসি মফমসিগী মীশিংগা লোয়ননা মফমদুদা লাকপা তুরিস্তশিংগীদমক্তা মিৎয়েং চিংশিন্নবগী মফম অমা ওইগনি। মসিগী হোৎনরিবা অসিগীদমক্তা অদোম ময়ামদা নুংঙাইবা ফোংদোকচরি।
মরূপশিং,
খুন্নাই অমদা খুন্নাইদুগী নিংথিনা খং-হৈরবা মীওই কাংলুপ, অইবা নত্রগা খোরিলোলগী অখং-অহৈনা খুন্নাইদুবু লমজিং-লমতাকপীবা, খুন্নাই অদুগী ওজানি। মহৈলোইশঙগী মহৈ-মশিং তম্বদি লোইখিগনি অদুবু তম্বগী থবক অসি পুন্সি চুপ্পা মখা চত্থৈ, নুমিৎ খুদিংগী মখা চত্থৈ।মসিদা লাইরিকশিং অমদি অইবশিংগীসু য়াম্না মরুওইবা থৌদাং লৈ।লৈবাক অসিদা ইবগী থবক অসি ভারতকী ওইনা অমদি লৈবাক অসিগী ওইনা ইরোইননা লেপ্তনা চাউখৎমিন্নরি।
নিংতম লালহৌগী মতমদা অচৌ-অচৌবা মিং খুদিংমক ইবগী থবক্কা মরি লৈনরকখি। ঐখোয়গীসিদা চাউর-চাউরবা বৈজ্ঞানিকশিংসু অইবা অমদি খোরিরোলগী অখং-অহৈশিং ওইরি। মসিগী চৎনবি অসি মখা তানা হিংহন্নবা লেপ্তনা হোৎনরিবা অসিদা ঐহাক নুংঙাইবা ফাওই। অদুগ অৌবা ৱাফমদি রাজস্থানগী পত্রিকা গ্রুপ্না ঐখোয় অসি মীরৈবাক্কী মতৌ পংতমদ-তনম্বগী মতম অদুগী মনুং চন্দে হায়বা ৱাফম অসি মশানা হায়জবা ঙম্বগী থৌনা অসিনি। অদোম্না ভারতকী নাৎ, ভারতকী সিবিলাইলাইজেসন অমসুং ভেল্যুশিংবু ঙাক-শেনবা অসি মাংজিল থানবদা হেন্না মরু ওইনা লৌগনি।
গুলাব কোথারীজীগী লাইরিকশিং, সংৱাদ উপনিষদ অমসুং অক্ষর য়াত্রা অসিসু মসিগী তরং-তরংবা খুদম অমনি। গুলাব কোথীরীজীনা ঙসি ইপানাৎ-ইপুনাৎ অসি মখা তানা লৈহন্নবা পত্রিকা অসি হৌদোকপদা নত্তনা মসিদা চৎন-লোনচৎশিংসু ইরোইননা য়াওরি। শ্রী কর্পুর চন্দ্র কুলিশজীনা ভারতকী ওইনা অমসুং ভারতকী থৌগল তৌনবগী ৱাশক অদুগীদমক্তা চেফোংগী ফোংবগী চৎনবি অসি হৌদোকপিখি। মহাক্না জর্নেলিজমদা লৌবিরম্বা থৌদাংবুদি ঐখোয় খুদিংমক্না নিংশিংলি অদুবু কুলিশজীনা বেদশিংগী জ্ঞান অসি খুন্নাইদা য়ৌহন্নবা হোৎনবিখিবশিং অসি তশেংনমক অঙকপা ওইখি। ঐহাক ইশামক্না নোঙ্গাখ্রবা কুলিশজীগা হন্না-হন্না উন্নবগী তাঞ্জা ফংখি। ঐহাক্না মঙোন্দা থৱায় য়াম্না তাঝখি। মহাক্না তত্তনা হায়বিরমখি, জর্নেলিজম অসি অফবা মওংদা ওইহল্লবখক্তদা ৱাহন্থোকফাওবা য়ৌহল্লি হায়না।
মরূপশিং,
খুন্নাই অসি অফবা মওং ওইহন্নবগী ৱাখল অসি শুপ্নকতগী পাউমী নত্রগা অইবগীদমক্তা মথৌ তাই হায়বগী ৱাফম নত্তে। মসিগী অফবা মওং, ৱাখল্লোন অসি মী অমা ওইনসু ঐখোয়গী পর্সোনেলিতী অসিগীদমক্তসু য়াম্না মথৌ তাই। কুলিশজীনা মসিগী ৱাখল্লোন অসিবু, মহাক্কী ৱাশক অসিবু পত্রিকা গ্রুপ অমসুং গুলাব কোথারীজীনা লেপ্তনা মখা তানা লৈহন্নবা হোৎনরিবা অসিদা অপেনবা ফাওজৈ। গুলাব কোথারীজী, অদোম্না নিংশিংবিরমগনি মদুদি কোরোনাগী মতাংদা প্রিন্ত মেদিয়াগী মরূপশিংগা উন্নডখিবা মতম অদুদসু অদোমগী ৱাফম, অদোমগী পাউতাক অদুদা ঐহাক্না অদোমগী ইপাবুংবু নিংশিংলকই হায়না হায়জখিবদুনি। সংৱাদ উপনিষদ অমসুং অক্ষর য়াত্রা অসি উবা অসিদসু অদোম্না অদোমগী ইপাবুংগী বেদগী ওইবা ইপা-ইপুগী ফমথোন অদু কয়াদা য়াম্না মপাঙ্গল হেন্না হোৎনবিরিবগে হায়না খঞ্জৈ।
মরূপশিং,
ঐহাক্না গুলাবজীগী লাইরিক অসি য়েংবা মতমদা মহাক্কী ইদিতোরিএলশিং অদু নিংশিংলক্লে। ২০১৯গী মীখলগী ফল লাউথোক্লবা মতমদা ঐহাক্না লৈবাক অসিগী মীয়ামগাউন্নজখিবা মতমদা কোথারীজীনা মদুগী মতাংদা ‘অথোইবা ৱাশক’ হায়না ইখি। মহাক্না ঐহাক্কী ৱাফমশিং অসি তারগা মহাক্কী ৱাফমশিং অদুমক ঐহাক্না ইরৈচা করোর ১৩০দা হায়বিখিবগুম ফাওখি। কোথারীজীনা, অদোমগী লাইরিকশিংদা উপনিষদ অমসুং বেদগী মতাংদা ৱাখল্লোনশিং খন্ন-নৈনবা থেংনৈ, মসি পাবা মতমদা ঐহাক্না ঐহাক্না খঞ্জবশিং অদু পাবগুম ফাওজখি। তশেংনা মীওইবগী য়াইফনবগীদমক্তা চুম্নগী মীয়াম মীচমগী থৌগলগীদমক্তা ৱাহৈ অমা হেক্তা ওইরসু মখোয়গী মরি অদু থম্মোই খুদিংগা লৈনৈ। মরম অসিনা ঐখোয়গী বেদশিংগী ৱাখল্লোনশিং অসি লোইনাইদবা মতম হায়নৈ। বেদগী লাইশোনশিং অসিদা তারিবা মমি অসি ঋষিগী ওইরবসু মহাক্কী ৱাখল্লোন, মহাক্কী ফিলোজোফী অসি মীওইবখক্তগীনি, মরম অসিনা ঐখোয়গী বেদ, ঐখোয়গী নাৎ অসি মালেম পুম্বগী ওইরিবনি। উপনিষদকী দাইলোগ অমসুং ময়েক্কী খোংচৎ অসিসু ভারতকী ওইনা খন্নবগী অচৌবা তাঙ্কক্কী মওংদা মীশিংদা য়ৌহনগনি হায়না ঐহাক্না খল্লি। ঙসি তেক্ক অমসুং ত্বীতকী মতমসিদা ঐখোয়গী অনৌবা মীরোল অসি হকচিন্না লুবা জ্ঞানসিদগী লাপথোকহন্দনবা হেন্না মথৌ তাই। ।
মরূপশিং,
ঐখোয়গী উপনিষদশিংগী জ্ঞান, বেদগী ৱাখল্লোন অসি শুপ্নতগী আত্মগা মরি লৈনবা নত্রগা ফিলোজোফিগী ওইবা মওংদা পুক্নিং চিংশিনবগী লম নত্তে। বেদ অমসুং বেদান্তদা লেংলি-পাল্লিবা তাইবংপান অমসুং বিজ্ঞানগীসু ফিলোজোফিনা, বৈজ্ঞানিক কয়াবু মসিনা পুক্নিং চিংশিনখি, বৈজাঞানিক কয়ানা মসিদা হকচিন্না পামজবা উৎলি। ঐখোয় পুম্নমক্না নিকোলা তেস্লাগী মমিং তানরম্লগনি। তেস্লা য়াওদনা মসিগী অনৌবা মালেম মসি ঐখোয়না উরিবা অসিদগুম্না লৈরম্লোই। ঙসিদগী চহি চামগী মমাংদা স্বামী বিবেকানন্দনা অমেরিকাদা চৎখিবা মতমদা নিকোলা তেস্লাগা উন্নখি। স্বামী বিবেকানন্দনা তেস্লাদা উপনিষদকী জ্ঞান, বেদান্তগী য়ুনিভর্স অসিগী মতাংদা শন্দোক্না হায়বগী মতাংদা হায়খিবা মতমদা অঙকপা ফাওখি।
অতিয়া অমসুং থৱাইগুম্বা সংস্কৃতকী ৱাহৈশিংদগী য়ুনিভর্সকী হকচিনবা ৱা খন্নবা অসি উপনিষদতা য়াওখি, তেস্লানা মসি অনৌবা বিজাঞানগী লোন্দা, অঙ্কদা পুনশিন্নরক্কনি হায়না হায়খি। মসিগী জ্ঞান অসিদগী বিজ্ঞানগী খ্বাইদগী অরুবা পাখোং অসি লাইনা ফোংগনি। অদুম ওইজরগসু মতুংদা স্বামী বিবেকানন্দ অমসুং নিকোলা তেস্লা অনিনা খন্নখিবা ৱাফম অসিগী মতাংদা তোঙান-তোঙানবা ঐখোয়গী ইমাংদা থোরকপা ৱাফমশিংদা রিসর্চ কয়া তৌখি। ঙসিসু রিসর্চ কয়া তৌরি। অদুবু মতমসিগা চান্ননা ঐখোয়গী জ্ঞান অসিগী মতাংদা অমুক হন্না খন্ননবা ইনোৎ হাপ্লি। ঙসি ঐখোয়গী নহাশিংনা মসিগী মিৎয়েংদগীসু খংবা, খনবা অমসুং জ্ঞান তাবগী মথৌ তাই। মরম অসিনা সংৱাদ উপনিষদকুম্বা লাইরিক, অক্ষর য়াত্রাদা হকচিন্না খন্নবা, মসি ঐখোয়গী নহাশিংগী ওইনা অনৌবা দাইমেন্সন অমা হাংদোক্কনি, মখোয়শিংদা ৱাখল্লোন অদু হেন্না হকচিলহনগনি।
মরূপশিং,
ময়েক অসি ঐখোয়গী লোলগী, ঐখোয়না ফোংদোক্নিংলিবদুগী অহানবা য়ুনিৎনি, সংস্কৃত্তা ময়েক্কী ৱাহন্থোক অসি লোইনাইদবা হায়বদি মতম পুম্নমক্তা লৈবা হায়বনি। মসিনা ৱাখলগী অমদি পাঙ্গলগী মঙম্নি। চহি লিশিং কয়াগী মমাংদা লৈরম্বা ৱাখল্লোন, ঋশিগী জ্ঞান, বৈজ্ঞানিকশিংনা ঐখোয়দা পীরিবশিং অসিনা তাইবংপান অসি খুমাং চাউশিল্ল। মরম অসিনা ঐখোয়গী উপনিষদতা, ঐখোয়গী শাস্ত্রদা অক্ষর ব্রহ্মগী মতাংদা হায়খি,‘অক্ষরম্ ব্রহ্ম পরমম্’গী প্রিন্সিপল অসি পীরি। ঐখোয়গী শাস্ত্রশিংদা হায়রি, –“শব্দ ব্রহ্মণি নিষ্ণাতঃ পরম্ ব্রহ্মাধি গচ্ছতি”॥ হায়বদি ৱাহৈনা ব্রহ্মানি। ৱাহৈ ব্রহ্ম অসি মপুং ফানা খংলবা মীওই অদু, ব্রহ্মাগী মওং, ইশ্বরগী মওং অদু ফংবা ঙম্মি।
ৱাহৈগীনা অথোইবা মঙালনি, ৱাহৈনা ইশ্বরনি হায়বগী খুদম অসি অতোপ্পা মফম অমত্তদা ফংদে। মরম অসিনা ৱাহৈনা অচুম্ববু হায়বা ঙম্বগী থৌনা, ৱাহৈনা ফহন্নবা তৌবগী পাঙ্গল, ৱাহৈনা শেমজিন্নবগী ৱাখল্লোন অসি ভারতকী মীশিংগী লমচৎনি। ঐখোয়গী মহৌশানি। মসিগী পাঙ্গল থৌনা অসি ফাওই, খোরিরোলগী মওংদা, অইবা অমগী মওংদা ইশাগী মরুওইবা অদু খংবা ঙমগনি, খুন্নাইগীদমক্তা থৌদাং অদু খংহনবা ঙমহল্লি।
অদোম্না য়েংবিয়ু, লাইরবশিংদা অমাংশঙ ফংহল্লিববু ওইরো, অনাবা কয়াবু কনবা ঙম্নবা স্বচ্ছ ভারত অভিয়ান ওইরো, ইমা-ইচেশিংদা শিংগী মৈখুদগী কল্লিবা উজ্বলা গ্যাস স্কীম ওইরো, য়ুম খুদিংদালতোতী ঈশিং ফংহল্লিবা জল জীবন মিশন ওইরো পুম্নমক অসিদা মেদিয়ানা য়াম্না মিৎ-না শিংহন্নবা থবক তৌরি। তমথিরবা লায়চৎ অসিগী মতমদা কোরোনাগী মায়োক্তা মিৎ-না শিংহন্নবা কেম্পেন্দসু ভারতকী মেদিয়ানা হান্না অমুক্তা তৌখিদ্রিবা মওংদা মীয়ামগী থৌগল তৌখি। সরকারগী থবকশিং নিংথিনা হায়বিবা, সরকারগী স্কীমশিং অসি মায় পাক্না তৌহনবদা অৱাৎপা লৈবশিং অদু হায়বদা, মদুবু অফ-ফত্ত নৈনবা অসিসু ঐখোয়গী মেদিয়ানা য়াম্না নিংথিনা তৌই। হোই, কয়ারক হন্না মেদিয়ানা অফ-ফত্তসু নৈনবা অসি সোসিএল মেদিয়াগী মতম অসিদা মসি হেন্না মহৌশাগী ওইবা মওং ওইখ্রে। অদুবু অফ-ফত্ত নৈনবদগী ঐখোয়না তম্নিংঙাই ওইবা অসিসু অদুক্কী মতিক মহৌশাগী ওইরে। মরম অসিনা ঙসিসু ঐখোয়গী দেমোক্রেসী অসি অদুক্কী মতিক মপাঙ্গল হাপ্লিবনি, কলহল্লিবনি।
মরূপশিং,
ঙসি ঐখোয়না ইপা-ইপুনা থম্বিরম্বা, ঐখোগী বিজ্ঞান, ঐখোয়গী নাৎ, ঐখোয়গী থবক তৌবা ঙম্বগী মঙম অসিগা লোয়ননা মাংলোমদা চংশিল্লি, মসিবু য়ারি, ঐখোয়না ঐখোয়গী থাজবা অসি অসি হেন্না খুমাং চাউশিলহনগদবনি। ঐখোয়না আক্মনির্ভর ভারতওইহন্নবগীদমক্তা হায়নরি, সি লোকেলগীদমক্তা ভোকেল ওইহন্নবগীদমক্তা ৱা হায়নরি, ঐখোয়গী মেদিয়ানা মসিগী ৱাশক অসি অচৌবা কেম্পেন অমগী মওংদা উহল্লিবা অসিগীদমক্তা য়াম্না নুংঙাই, মরূপশিং, ঐখোয়না মসিগী ভিজন অসি হেন্না পাক-চাউহনবগী মথৌ তাই।
ভারতকী লোকেলগী পোত্থোকশিং অসি গ্লোবেল ওইরক্লি, অদুগা ভারতকী খোঞ্জেল অসিসু হেন্না গ্লোবেল ওইরক্লি। মালেম্না ভারত অসি হৌজিক্না হেন্না চেকশিন্না তারি। ঙসি চাউরাক্না ইন্তর্নেস্নেলগী ফম্বাক খুদিংমক্তা ভারত অসি য়াম্না নিংথিনা মফম কল্লি। অসিগুম্বা মতমসিদা ভারতকী মেদিয়া অসিসু হেন্না গ্লোবেল ওইবগী মথৌ তাই। ঐখোয়গী পাউচেশিংগী . চেফোংশিংগী মালেমগী ওইবা মিংচৎ ওইহনসি, দিজিতেলগী য়ুগ অসিদা দিজিতেল ওইনা ঐখোয়না মালেম পুম্বদা য়ৌশি, মালেমদা মখল-মখলগী লিতরেরী মনাশিং পীনৈ, ,ভারতকী ওর্গনাইজেসনশিংনসু অসিগুম্বা মনাশিং অসি পীসি, মসিসু ঙসিগী মতম অসিনা তৌনবা হায়রক্লিবনি। মসি লৈবাক অসিগী ওইনসু মথৌ তারিবনি।
শ্রী কর্পুরচন্দ কুলিশজীগী নিংশিং ফুরাদা পত্রিগৃকাগী গ্রুপ্না ইন্তর্নেস্নেল জর্নেলিজম মনা পীবা হৌদোক্লে হায়বা ঐহাক পাও ফংই। ঐহাক্না মসিগীদমক্তা গ্রুপ অসিদা নুংঙাইবা ফোংদোকতরি। মসিগী হোৎনরিবা থবক অসিনা ভারত অসি মালেমগী মেদিয়াগী ফম্বাক্তা অনৌবা শক্তম অমা ফংহল্লগনি হায়না থাজৈ। কোরোনাগী মতম অসিদা মিৎ-না শিংনা পত্রিকা গ্রুপ অসিনা থবক তৌবিরিবা অসিগীদমক্তা অমুক্কা হন্না অদোমগী মফমদা নুংঙাইবা ফোংদোকচরি। মসিগী কেম্পেন অসি হৌজিক হেন্না-য়াংনা তৌহন্নবগী মথৌ তাই। ঐখোয়গী ইরৈচাশিং অসি হকচাং ফনা লৈবা ওইরসনু, অমসুং শেন্মিৎলোনসু হেন্না ফগৎহনবা অসিসু ঙসি লৈবাক অসিগী মরু ওইনা হান্না তৌগদবনি। লৈবাক অসিনা মসিগী লান্থেং অসি মায় পাক্কনি, লৈবাক অসিগা খোংচৎ অসিসু ময়েক্কী খোংচৎ ওইরগনি হায়না থাজৈ।
মসিগী য়াইফ-পাউজেলশিং অসিগা লোয়ননা অদোম পুম্নমকপু হন্না-হন্না থাগৎচরি!
