a
তাউনহোলদা পাংথোকপা পরিক্ষা পে চর্চাদা নহারোলশিংগা ৱীরি শানরদুনা, প্রধান মন্ত্রী মোদীনা মহৈরোইশিংদা তেক্নোলোজী চুম্না শিজিন্ননবা পাউতাক পীখি। প্রধান মন্ত্রীনা হায়খি, “তেক্নোলোজীগী ওইবা ইচেল অসি থুনা হোংবা নাই। ইচেলশিং অসিগা লোইননা অপদেৎ লৈবা মথৌ তাই। তেক্নোলোজীগী অকিবা অসি অফবা নত্তে। তেক্নোলোজী অসি মরূপ অমনি। তেক্নোলোজীগী নোলেজ অসি খক্তনা য়াদ্রি। মসি শিজিন্নবা অসি অদুক্কী মতিক মরু ওই।”
প্রধান মন্ত্রী মোদীনা তেক্নোলোজী ফ্রী ওইবা মতম অমসু শেম্নবা ফোংদোকখি অমসুং হায়খি মদুদি অসিগুম্বা থৌওং অসিনা ঐখোইয়না ইমুং-মনুং অমসুং মরূপ-মপাংশিংগা মতম হেন্না লৈমিন্নবদা মতেং পাংগনি। প্রধান মন্ত্রীনা হায়খি, “ঐখোয় তেক্নোলোজী য়াওদনা পুং অমা লৈবা ঙমলোইদ্রা? ঐখোয়গী য়ুমদা কা অমদি তেক্নোলোজী ফ্রী ওইহনগদবনি। মদুদা চংবা মতমদা গেজেৎ অমতা পুশিল্লোইদবনি।”
