‘মাইক্রো কন্তেমেন্ত জোন’ শেম্বদা সমাজ অমসুং মীয়াম্না লুচিংগদবনি: পি.এম.
ঐখোয়না ভেক্সিন অসি অমাং-অতা শুকথোক-থোক্তনবা মাইকৈরোমদা চংশিনগদবনি: পি.এম.‘তিকা উৎসব’কীদমক মীওই অমগী ওইনা, সমাজগী ওইনা অমসুং এদমিনিস্ত্রেসনগী থাক্তা পান্দম শেম্বিয়ু অমসুং মসিবু মায় পাক্নবা হোৎনবিয়ু: পি.এম.প্রধান মন্ত্রী শ্রী নরেন্দ্র মোদীনা কোরোনাগী অনিশুবা অচৌবা লান্থেংনবগীদমক ‘তিকা উৎসব’, ভেক্সিনেসন ফেস্তিবেল লাওথোকখ্রে অমসুং সমাজগী ওইবা লু-নানবা লোয়ননা ইশাগী ওইনা লু-নানবা অসিদা অখন্নবা মিয়েং থমদুনা মরুওইবা পীখ্রে। উৎসব অসি ঙসি মহাত্মা জ্যোতিবা ফুলেগী মপোক কুমওন্দা হৌদোকখি অমসুং হায়রিবা অসি বাবাসাহেব অম্বেদকরগী মপোক কুমওন লাক্লিবা এপ্রিলগী ১৪ ফাওবা চৎথগনি।
থৌরম অসিগী পাওজেল অমদা, প্রধান মন্ত্রীনা দ্রাইব অসিগী তৌগদবা মরি হায়রি। অহানবদা, মীপুম খুদিং-ভেক্সিন কাপ্পা, মসিনা হায়বদি কনাগুম্বা অমনা মথন্তা চৎতুনা খুদম ওইনা লাইরিক হৈতবা অমসুং অহল ওইরবা মীওইশিং মতেং পীবিগদবনি।
অনিশুবদা, মীপুম খুদিং-ত্রীত তৌবা। মসিদা য়াওরিবা অসি কনাগুম্বা অমনা মথন্তা চৎতুনা মসিগী মরমদা খঙদবশিং কোরোনা ত্রীতমেন্ত পীবা।
অহুমশুবদা, মীপুম খুদিং-অমা কনবা, হায়বদি ঐহাক ইশানা মাস্ক উপকনি অমসুং ইশাবু অমসুং অতোপ্পবু ঙাকথোকচগনি।
অরোইবদা, সমাজ অমসুং মীয়াম্না ‘মাইক্রো কন্তেমেন্ত জোন’ শেম্বদা লুচিংগদবনি। কনাগুম্বা অমা পোজিতিব ওইবদা ইমুংগী মীওই অমসুং কাংলুপকী ওইবা মীওইশিংনা ‘মাইক্রো কন্তেমেন্ত জোন’ শেমগদবনি। ‘মাইক্রো কন্তেমেন্ত জোন’ শেম্বা অসিনা ইন্দিয়াগুম্বা মী য়াম্না কুংনা তাবা মফমশিং অসিদা কোরোনা অসি লান্থেংনবা য়াম্না মরু ওইবা মচাক অমনি।
প্রধান মন্ত্রীনা তেস্তিং অমসুং মীয়ামদা খঙহনবা অসিগী তঙাইফদবা অসি য়াম্না মরু ওইনা হায়রি। মহাক্না হায়রি মদুদি কাপ্পা য়ারবা মীওই খুদিংমক ভেক্সিন অসি কাপকদবনি। হায়রিবা অসি সমাজ অমসুং এদমিনিস্ত্রেসন অনিমক চপ মান্ননা হোৎনগদবনি হায়না মহাক্না হায়খি।
ভেক্সিন অসিগী অমাং-অতা শুকথোক-থোক্তনবা প্রধান মন্ত্রীনা তকশিনখি। প্রধান মন্ত্রীনা হায় মদুদি য়ারিবমখৈ ভেক্সিনেসন শিজিন্নবা অসিনা ঐখোয়গী চাং হেনগৎকনি। প্রধান মন্ত্রীনা হায় মদুদি ঐখোয়গী মায় পাকপা অসি ‘মাইক্রো কন্তেমেন্ত জোন’ অসি মীয়ামদা খঙহনবা, মরম লৈতনা মপাল থোক্তবা, অয়াবশিং ভেক্সিনেসন কাপ্পা অমসুং ঐখোয়না কোবিদকী মওং অসি খঙনা মাস্ক উপ্পা অমসুং অতৈ প্রোতোকোল ঙাকপা অসিনি।
প্রধান মন্ত্রীনা ‘তিকা উৎসব’কীদমক মীওই অমগী ওইনা, সমাজগী ওইনা অমসুং এদমিনিস্ত্রেসনগী থাক্তা পান্দম থম্নবা অমসুং মখোয়বু মতম চানা ফংনবা হায়রি। মীয়াম্না শরুক য়াবা অসি মহাক্কী আসানি হায়না ফোংদোকখি। মীয়ামদা খঙহনবা অমসুং ইশানা খঙনা থৌদাং লৌবা অসিনা কোরোনা অসি অমুক হন্না লাকশিনবা ঙমগনি।
দাৱাই ভী, কাদাই ভী – হায়রিবা অসি নিংশিংদুনা মহাক্না লোইশিনখি।
टीका उत्सव पर देशवासियों से आग्रह। pic.twitter.com/GvGV3OCnP7
— PMO India (@PMOIndia) April 11, 2021
