খুরুমজরি মরুপশিং,
নখোয় পুম্নমকপু নোংজু মীফম অসিদা তরাম্না ওকচরি। সাৱন শেংলবা থা অসিসু মখা চত্থরি অমসুং হন্দক্তি সাৱনগী মতম অসিসু শরুক অনি ওইরে মরম অদুনা সাৱনগী মতম অসিসু খরা শাংলে। অদুগা সাৱনগী থা অসি অফবা ৱারেপশিং লৌবা, অফবা থবকশিং পাংথোকপদা য়াম্না য়াইফরবা মতম অনি অমসুং ঙসি য়াইফরবা সাৱনগী থা অসিদা দিমোক্রেসীগী লাইশঙ অসিদা পাংথোক্লিবা মীফম অসিদা অফবা থবক কয়ামরুম পাংথোক্নবা মসিদগী হেন্না ফবা খুদোংচাবা অমা লৈত্রে।
আইন কয়ামরুম চৎনবা হৌনবা পার্লিয়ামেন্তকী থৌদাংগী মতাংদা অমসুং পার্লিবামেন্ততা লৈরিবা এম.পি. খুদিংমক্কী থৌদাংগী মতাংদা কুপ্না খন্নবা হাববসি য়াম্না মরুওইবা অমনি। হেন্না খন্ন-নৈরিঙৈ, অফবা মওংদা খন্ন-নৈনরিঙৈ, অফবা ৱারেপশিং লৌরিঙৈ মীয়ামগী ইন্তরেস্ততা অফবা ফলশিং পুরকই। হাউস অসিদা লাক্লিবা ইকাই খুম্নরবা এম.পি.শিং অসি মালেম অসিগা লোয়নদুনা লৈরিবা মীয়ামগী অৱা-নুঙাই খংবা মীওই ঙাক্তনি। মরম অদুনা ঐখোয়না করিগুম্বা খন্নবা মতমদা মখোয়দগী থোরকপা ৱাখল্লোন অসি মমুৎ তাবা অমসুং মপাঙ্গল কনা অমসুং ফল ফংগদবা ওই। মসিনা মরম ওইরগা ঐহাক্না পোলিতিকেল পার্তী খুদিংমক্তা, ইকাই খুম্নরবা এম.পি. খুদিংমক্তা মসিগী সেসন অসি নীংথিনা শিজিন্নবা অমসুং মীয়ামগী অপাম্বদা থবক পাইখৎনবা আপীল তৌজরি।
মসিগী মীফম অসি হীরম কয়ামরুমদা য়াম্না মরুওই অমসুং মসিগী মীফম অসিদা পুথোক্কদৌরিবা বিলশিং অসি মীয়ামগী অপাম্বগা হকথেংননা মরী লৈনৈ। ঐখোয়গী নহা ওইরিবা মীওইশিং অসিনা মপুংফারবা দিজিতেল ৱর্ল্দ অমগা লোয়ননা লমজিংলি, অদুগা হন্দক্কী দেতা প্রোতেক্সন বিল অসি লৈবাক অসিগী নাগরিক খুদিংমক্তা অনৌবা কনফিদেন্স অমা ফংহল্লগনি অমসুং মালেমদা ভারতকী ইকাই খুম্নবা হেনগৎলগনি। মসিগা মান্ননা নেস্নেল রিসর্স ফাউন্দেসন অসি অনৌবা এজুকেসন পোলিসী অসিগী কন্তেক্সতা য়াম্না মরুওইবা খোঙথাং অমনি মসিনা রিসর্স মপাঙ্গল কলহনবা, ইনোবেসন মপাঙ্গল কলহনবা অমসুং মালেম অসিবু মতেং পাংগদৌরিবা ঐখোয়গী নহারোলশিংদা থৌনা হাপ্পদা মতেং পাংলগনি।
মসিগী বিল অসিনা আইন কয়ামরুম দিক্রিমিনেলাইজ তৌনবা অমসুং প্রজা মীয়ামগা থাজবা থম্নবা কেম্পেন অসি মাংলোমদা পুরগনি। মসিগা মান্ননা বিল অসিদা অরিবা আইনশিং মুত্থৎখিনবা প্রোভিজন হাপ্লগনি। চয়েৎনবা অমা লৈবা মতমদা ৱারী শাদুনা ৱারোইশিন পুরক্নবা ঐখোয়গী চহিচা কয়াদগী চৎনরক্লবা চৎনবী অমা লৈ। মেদিএসনগী চৎনবী অসি ঐখোয়গী লৈবাক অসিদা চহিচা কয়াদগী লৈরক্লবনি, হৌজিক মসিদা আইনগী ঙাকলৌ অমা ঔইরি, মসিগী মীফম অসি মেদিএসন বিল পুথোকপদা চাউনা কান্নবা ওইরগনি অদুগা য়াম্না নুঙাইতবা থৌদোক ৱাথোকতা মীয়ামগী অৱাবা কোকহনবদা মসিনা মপাঙ্গল কল্লবা য়ুম্ফম অমা থোল্লগনি। মসিগা মান্ননা দেন্তল মিসনগা মরী লৈনবা বিল অসিনা দেন্তল কোলেজগা মরী লৈননা মেদিকেল স্তুদেন্তশিংগী অনৌবা সিস্তেম অমা পুরকপদা মতেং পাংলগনি।
মীফম অসিদা হন্দক্তি পার্লিয়ামেন্ত অসিদা অসিগুম্বা মরুওইবা বিল কয়ামরুম পুথোরক্লে, মখোয় অসি মীয়ামগী অপাম্বনি, মখোয় অসি নহারোলশিংগী অপাম্বনি, মখোয় অসি ভারতকী অফবা তুংলমচৎ অমগীনি। মসিগী বিলশিং অসি হাউস অসিদা নীংথিনা খন্ন-নৈনবদা লৈবাক অসিগী য়াইফনবা অফবা খোঙথাং লৌখৎপদা মাংলমদা চংশিল্লগনি হায়না ঐহাক্না থাজবা থম্লি।
মরুপশিং,
ঙসি ঐহাক্না নখোয়গী মরক্তা তিনবা মতমদা অমসুং মসিগী দিমোক্রেসীগী লাইশঙ অসিগী মনাক্তা লেপ্পা মতমদা ঐহাক্কী থমোয় অসি পেন্দবা অমসুং শাউনীংবা ফাওই। মনিপুরদা থোকখিবা থৌদোক অসি চাউখৎলবা সমাজ অসি য়াম্না ইকাইনীঙাই ওইবা থৌদোক অমনি। তমথিবা থবকশিং চত্থবা, ক্রাইম কয়ামরুম চত্থরিবা মীওই কয়ামরুম লৈ অদুবু মসিনা মরম ওইদুনা লৈবাক পুম্বা ফীরুপ খুম্মে, লৈবাক মচা করোর ১৪০না ইকাইবা ফাওরি। ঐহাক্না মুখ্য মন্ত্রী খুদিংমক্তা আপীল তৌজরি মদুদি মখোয়গী রাজ্যশিংদা লো অমসুং ওর্দর ফগৎনবা হোৎনবীয়ু, ঐখোয়গী ইমা অমসুং ইচে ইচনশিং ঙাক শেন্নবা অখন্নবা থবক পাইখৎপীয়ু। মসিগী থৌদোক অসি রাজস্থান ওইবা য়াই, ছত্তিশগরগী থৌদোক ওইবা য়াই, মনিপুরগী থৌদোক ওইবা য়াই। মসিগী লৈবাক অসিদা ভারতকী মফম অমত্তদা, রাজ্য সরকার অমত্তদা, পোলিতিকেল দিবেতকী মথক্তা লৈদুনা, লো অমসুং ওর্দরগী খ্বাইদগী চাউবা থবক লৌখৎতুনা নু্পী অঙাংদা ইকাই খুম্নবা উৎতুনা ঐহাক্না লৈবাক মচাশিংদা থমজরি মদুদি মসিদা চেন্নবা অমত্তা লেম্না থারোই। লো অসি মথৌ নীংথৌনা তৌহল্লগনি, খোঙথাং অমদগী খোঙথাং থাংজিল্লগনি। মনিপুরগী মচানুপীশিংদা চত্থরিবা থৌওং অসি ঙাকপীফম থোক্তে।
পুম্নমকপু থাগৎপা ফোঙদোকচরি।
