এক্সেলেন্সী,
অৱাবগী পুংফমসিদা ঐখোয় উনরি। ঙসি জপান্দা য়ৌরক্লবা মতুংদা, ঐ হেন্না নুংঙাইতবা ফাওরক্লি। মরমদি ঐনা মমাঙদা লাক্লমবা মতমদা, ঐনা অভে সানগা ৱারী শাংনা শানখি। অদুগা ঐনা হনখ্রবা মতুংদা অদুগুম্বা পাউ তাগনি হায়না ঐনা কৈদৌঙৈদসু খল্লুদে।
অবে সানগা লোয়ননা, অদোম্না ফোরেন মন্ত্রীগী শক্লোন্দা ভারত-জাপানগী মরীবু অনৌবা থাক অমদা পুখৎখি অমদি হীরম কয়াদা পাকথোক চাউথোকহনখি। অদুগা ঐখোয়গী মরুপ মপাং ওইবগী মরী, ভারত অমসুং জপানগী মরী অসিনা মালেমদা ইথিল পীবদা অচৌবা শক্লোন অমা লৌখি। পুম্নমকসিগীদমক্তা, ঙসি, ভারতকী মীয়াম্না অবে সানবু নীংশিংলি, জাপানবু নীংশিংলি। ভারতনা মহাক্কী অৱাৎপা মওং অমদা মতম পুম্নমক্তা ফাওদুনা লৈহৌরগনি।
অদুম ওইনমক অদোমগী লুচিং মখাদা, ভারত-জপানগী মরী হেন্না চেৎশিল্লগনি, অমদি হেন্না ৱাংবা থাক অমদা কাখৎকনি হায়না ঐনা থাজৈ। অমদি মালেমগী প্রোব্লেমশিংগী পাম্বৈ পুথোকপদা ঐখোয়না চপ চাবা শক্লোন অমা লৌবা ঙমগনি হায়না ঐনা চেৎনা থাজৈ।
