২০২২গী জনুৱারী ২৭তা প্রধান মন্ত্রী শ্রী নরেন্দ্র মোদীনা ভর্চুএল ফোর্মেত্তা অহানবা ভারত-সেন্ত্রেল এসিয়া সম্মিত শিনখি৷ মসিদা রিপব্লিক ওফ কাজাকস্থান,কিয়রগিজ রিপব্লিক, রিপব্লিক ওফ তাজিকিস্থান, তর্কমেনিস্থান অমদি রিপব্লিক ওফ উজবেকিস্থানগী রাস্ত্রপতিশিংনা শরুক য়াখি৷ মসিগী অহানবা ভারত-সেন্ত্রেল এসিয়া মীফম অসি ভারত অমদি সেন্ত্রেল এসিয়া লৈবাকশিংগী মরক্তা দিপ্লোমেতিক্কী ওইবা মরীশিং শেমগৎলকখিবগী চহি ৩০ মপুং ফারকপা অসিগা তামিন্নখি৷
মীফম অসিদা, প্রধান মন্ত্রী মোদী অমদি সেন্ত্রেল এসিয়ন লিদরশিংনা ভারত-সেন্ত্রেল এসিয়াগী মরীশিংবু অনৌবা থাকশিংদা পুখৎলকপদা থাংগদবা খোংথাংশিং অদু খন্ন-নৈনখি৷ ইতিহাসিক ওইবা ৱারেপ অমদা, লিদরশিংনা মীফম অসি চহি অনি খুদিংগী পাংথোক্নবা ৱারেপ্নদুনা সম্মিত মেকানিজম অসি ইন্সতিত্যুসনেলাইজ তৌনবা য়ানখি৷ সম্মীত মীতিংশিং অসিগী গ্রাউন্দৱার্ক শেম-শাদুনা থম্নবা মখোয়না ফোরেন্দ মন্ত্রীশিং, ত্রেদ মন্ত্রীশিং, কল্চর মন্ত্রীশিং, অমদি সেক্যুরিতী কাউন্সিলগী সেক্রেতরীশিংগী চাং নাইবা মীফমশিং পাংথোক্নবা য়ানখি৷ অনৌবা মেকানিজম অসি সপোর্ত তৌনবা ন্যু দিল্লীদা ভারত-সেন্ত্রেল এসিয়া সেক্রেতরিয়েৎ অমা শেমগৎলগনি৷
ত্রেদ অমদি কন্নেক্তিবিতীগী এরিয়াশিং, দিবেলপমেন্ত কোওপরেসন, দিফেন্স অমসুং সেক্যুরিতী অমদি মরু ওইনা কল্চরেল অমসুং মীগা মীগগী মরক্তা লৈরিবা কন্তেক্তশিংদা মখাতানা কোওপরেসন পীননবা লিদরশিংনা খন্ন-নৈনখি৷ মসিগী মনুং চনখিবশিং অদুদি ইনর্জী অমদি কন্নেক্তিবিতীগী মতাংদা রাউন্দ-তেবল অমা পাংথোকপা; চাবহর হিথাংফম শিজিন্নবা অমদি আফগানিস্তানদা সেনিয়র ওফিসিয়েল লেবেলগী জোইন্ত ৱার্কিং গ্রুপশিং শেম্বা; সেন্ত্রেল এসিয়া লৈবাকশিংদা বুদ্ধিস্ত এগজিবিসনশিং উৎপা অমদি কম্মন ওইবা ৱাহৈশিংগী ভারত-সেন্ত্রেল এসিয়া দিক্সনরী অমা শিজিন্নহনবা, জোইন্ত কাউন্তর এক্সর্সাইসশিং পাংথোকপা, সেন্ত্রেল এসিয়া লৈবাকশিংদগী ভারত্তা চহি খুদিংগী মীওই ১০০না শাবা নহাগী ওইবা দেলিগেসন চৎপা অমদি সেন্ত্রেল এসিয়ন দিপ্লোমেতশিংগী অখন্নবা কোর্সশিং থম্বা অসিনি৷
আফগানিস্তানদা ওইরক্লিবা ফিভম অসি প্রধান মন্ত্রী মোদীনা সেন্ত্রেল এসিয়ন লিদরশিংগা খন্ন-নৈনখি৷ অশেংবা মীহুৎ অমদি ইনক্লুসিব ওইবা সরকার অমগা লোইননা শান্তি লৈবা, সেক্যোর ওইবা অমদি স্তেবল ওইবা আফগানিস্তান অমা ওইহন্নবগীদমক লিদরশিংনা মখোয়গী অকনবা সপোর্ত পীগনি হায়না হঞ্জিন-হঞ্জিন ফোংদোকখি৷ আফগানগী মীয়ামদা মীওইবগী মীনুংশিগী ওইবা মতেং পীনবা ভারতনা মখাতানা হোৎনরিবা অদু প্রধান মন্ত্রীনা পনখি৷
মতম কুইনা চৎপা অমদি অচৌবা ভারত-সেন্ত্রেল এসিয়া পার্তনরশিপ অমগীদমক লিদরশিংগী কম্মন ওইবা ৱাখল্লোন অদুবু অমমম্তা ওইনা তাক্লিবা কমপ্রিহেন্সিব জোইন্ত দেক্লারেসন অমা লিদরশিংনা শিজিন্নখি৷
भारत और Central Asia देशों के डिप्लोमेटिक संबंधों ने 30 सार्थक वर्ष पूरे कर लिए हैं।
— PMO India (@PMOIndia) January 27, 2022
पिछले तीन दशकों में हमारे सहयोग ने कई सफलताएं हासिल की हैं।
और अब, इस महत्वपूर्ण पड़ाव पर, हमें आने वाले सालों के लिए भी एक महत्वकांक्षी vision परिभाषित करना चाहिए: PM @narendramodi
क्षेत्रीय सुरक्षा के लिए हम सभी की चिंताएं और उद्देश्य एक समान हैं। अफगानिस्तान के घटनाक्रम से हम सभी चिंतित हैं।
— PMO India (@PMOIndia) January 27, 2022
इस सन्दर्भ में भी हमारा आपसी सहयोग, क्षेत्रीय सुरक्षा और स्थिरता के लिए और महत्वपूर्ण हो गया है: PM @narendramodi
