Quote“লাইনিং-লাইশোনগী ওইবা চৎনবিগা লোয়ননা, লাইনিংবগী সেন্তরশিংনা সোসিএল কন্সিয়সনেস শন্দোকপদা চাওরবা থৌদাং অমা লৌরি”
Quote“অয়োধ্যা অমসুং লৈবাক শিনবা শিনবা থুংনা রাম নাবমীবু য়াম্না চাউনা পাংথোক্লি”
Quoteঈশিং য়োকশিনবা অমসুং মহৌশাগী ওইবা লৌউদা মরুওইবা পীখ্রে
Quote“চিঞ্জাক শুনা ফংদবগী চৈনা মপুং ফানা মুথৎপা মথৌ তাই”
Quoteকোবিদ ভাইরস অসি য়াম্না লৌনম লৈ অমসুং ঐখোয়না মসিদা চেকশিন্দুনা লৈবা মথৌ তারি”

রাম নবমীগী থৌরমদা, প্রধান মন্ত্রী শ্রী নরেন্দ্র মোদীনা ঙসি গুজরাত্তা জুনাগরকী গথিলাদা লৈবা উমিয়া মাতা মন্দিরগী ১৪শুবা ফাউন্দেসন দে থৌরম পাংথোকপদা ভিদিও কনফরেন্সকী খুৎথাংদা ৱা ঙাংখ্রে। গুজরাতকী মুখ্য মন্ত্রী, শ্রী ভুপেন্দ্রভাই পতেল অমসুং কেন্দ্রগী মন্ত্রী শ্রী পর্শোতম রুপালানা হায়রিবা থৌরম অসিদা শরুক য়াখি।

প্রধান মন্ত্রীনা মন্দির অমসুং রাম নবমীগী ফাউন্দেসন দেগী য়াইফরবা থৌরমদা শরুক য়ারিবা মীয়ামদা হরাও তয়াম্বা ফোংদোকখ্রে।  প্রধান মন্ত্রীনা চৈত্র নবরাত্রীগী য়াইফরবা থৌরম অসিদা মা সিদ্ধিদাত্রীনা ভক্তশিংগী  য়াইফ-থৌজাল পুম্নমক ফংহনবিনবা নিজখ্রে। মহাক্না গির্নরগী শেংলবা লাইফম্বুসু খুরুমখ্রে। প্রধান মন্ত্রীনা তিল্লিবা মীয়ামদা হায়খি মদুদি মহাক্না মতম পুম্বদা রাজ্য অমসুং লৈবাক্কী ফনবগীদমক মখোয়না পুন্না লেপ্পা অমসুং খল্লিবশিং মহাক্না খঙই হায়না হায়খি। মহাক্না মসি অমসু হায়খি মদুদি অয়োধ্যা অমসুং লৈবাক শিনবা শিনবা থুংনা রাম নাবমীবু য়াম্না চাউনা পাংথোক্লি। মহাক্না ২০০৮দা মন্দির অসিবু খুৎশিন্নবগী খুদোংচাবা অমা ফংবা অমসুং হৌখিবা চহি কয়াদা মা উমিয়াদা খুরুমজবা ফমবগীদমক থাগৎপসু ফোংদোকখি।     

|

প্রধান মন্ত্রীনা নুঙাইবা ফোংদোকখি মদুদি লাইনিং-লাইশোনগী মরুওইবা অমসুং লাইগী ওইবা মরুওইবগী মথক্তা, গথিলাদা লৈরিবা উমিয়া মাতা মন্দির অসি সোসিএল কন্সিয়সনেস অমসুং লমকোইবশিংগী মফম অমা ওইরক্লি। প্রধান মন্ত্রীনা হায়খি, মা উমিয়াগী থৌজালনা, মীয়াম অমসুং ভক্তশিংনা চাউরবা থবক কয়া অমা পায়খৎলি।   

প্রধান মন্ত্রীনা পনখি মদুদি মা উমিয়াগী ভক্ত অমা ওইনা, ইমা পৃথিবীদা মীয়ামগী ওইনা অমাং-অতা হেক্তা থোকহনবা হায়বা অসি ওইথোক্তবনি। ঐখোয়না ঐখোয়গী ইমাদা মথৌ তাদবা হিদাক লাংথক পীদবগুম্না, ঐখোয়না ঐখোয়গী লৈবাক্তা মথৌ তাদবা কেমিকেলশিং শিজিন্নরোইদবনি, হায়না মহাক্না হায়খি। মহাক্না ইরিক খুদিংগী হেন্না মহৈ-মরোং পুথোকপা হায়বা অসিগুম্বা ঈশিং য়োকপগী স্কীমগুম্বা লম কন্ননবগী খোঙথাংশিংগী মরমদা ৱা ঙাংখি। মহাক্না রাজ্য অসিদা মুখ্য মন্ত্রী ওইনা থবক তৌরিঙৈ মনুংদা পায়খৎখিবা জন অন্দোলনগী মতাংদা নিংশিংখি। মহাক্না হায়খি ঐখোয়না ঈশিং য়োকপগী খোঙজংদা পোত্থাবা ঙমখিদে। মহাক্না মসি অমসু হায়খি মদুদি ইমা পৃথিবীবু কেমিকেলদগী কনবা অমা মথৌ তাই। মহাক্না মহৌশাগী ওইবা লৌউবা পুক্নিং থৌগৎনবগী তঙাইফদবা অমুক হন্না হায়খি। মহাক্না হায়খি মহাক অমসুং কেশুভাইনা ঈশিংগীদমক থবক তৌখিবগুম্না, হৌজিক ওইরিবা মুখ্য মন্ত্রীনা ইমা পৃথিবীগীদমক থবক তৌরি।   

প্রধান মন্ত্রীনা নুঙাইবা অসিমসু ফোংদোকখি মদুদি মা উমিয়া অমসুং অতৈ লাইশিংগী থৌজালনা অমসুং সরকারনা হোৎনবদগী, জেন্দর রেসিও ফগৎলক্লে অমসুং বেতি বচাওগী খোঙজং অফবা মহৈ অমা উবা ফংলে। মহাক্না পনখি মদুদি গুজরাত্তগী নুপীমচা মশিং য়াম্না ওলিম্পিক্সতা লৈবাক অসিগী ওইনা শরুক য়াখি। মহাক্না মরুওইবা পীখি মদুদি অঙাং অমসুং নুপীমচাশিংগী মেলন্যুত্রিসনগী মায়োক্তা চোংথোক্তুনা লৈবা অমা মথৌ তাই। মহাক্না মীরোলবী মমা ওইবিশিংগীদমক চিঞ্জাক্তা অখন্ননা চেকশিনবগী মথৌ তাই হায়না মরুওইবা পীখি। চিঞ্জাক শুনা ফংদবগী চৈনা মপুং ফানা মুথৎপা মথৌ তাই, হায়না মহাক্না মরুওইবা পীখি। শ্রী মোদীনা খুঙ্গংশিংদা তেম্পল থ্রসনা অঙাংশিংগী মশা-মউ ফবা তান্নবা পাংথোক্নবা হায়খি। মহাক্না লায়রবা মহৈরোইশিংগী কোচিং ক্লাস পীনবসু হায়জখি, মন্দিরগী মফমশিং অমসুং হোলশিং য়োগা কেম্পশিং অমসুং ক্লাসশিংগী ওইনা শিজিন্নবা য়াই, হায়নসু মহাক্না হায়খি। 

|

প্রধান মন্ত্রীনা অজাদি কা অমৃত মহোৎসব অমসুং অমৃত কালগী মরুওইবসু অমুক হন্না হায়খি। মহাক্না তিল্লিবা মীয়ামদা সমাজ, খুঙ্গং অমসুং লৈবাক্কী শক্তম্বু মখোয়গী থম্মোয়দা থম্নবগী পাউজেল শন্দোকপা অমসুং ৱারেপ লৌনবা হায়খি। মহাক্না দিস্ত্রীক্ত খুদিংদা অমৃত সরোবার ৭৫গীদমক থম্লিবা মিৎয়েংগী মরুওইবসু পীখি। মহাক্না হায়খি মদুদি চেক দাম লিশিং কয়া অমা শেমখিবা অসি গুজরাতকী মীয়ামগীদমক মসি য়াম্না চাউবা থবক অমা ওইদবা য়াই অদুবু হোৎনরিবা অসিগী শাফুদি য়াম্না চাউগনি। মহাক্না মসিগী থবক অসি ২০২৩গী ওগস্ত ১৫ ফাওবদা লোইশিনগদবনি হায়খি। মহাক্না মসিগীদমক মীপুম খুদিংমক খোঙজং চংনবা হায়খি। মহাক্না হায়খি মদুদি সোসিএল কন্সিয়সনেস অসি চংশিন্নবগী শাফু ওইগদবনি।

রাম নাবমীগী থৌরমগী মরমদা ৱা ঙাংলদুনা, প্রধান মন্ত্রীনা হায়খি মদুদি ঐখোয়না রামচন্দ্র জী খল্লকপা মতমদা, ঐখোয়না শাব্রি, কেৱাত অমসুং নিশাদ্রজবুসু নিংশিংলি। মখোয়না চহি কয়া অমা মীয়ামগী থম্মোয়দা ইকাই খুম্নবগী মফম অমা কন্দুনা লাক্লি। প্রধান মন্ত্রীনা হায়খি, মসিনা ঐখোয়দা কনাগুম্বা অমত্তা কাওহন্দনবা তম্বিরি।

লায়চৎ মনুংদা হোৎনখিবশিং পল্লদুনা, প্রধান মন্ত্রীনা হায়খি মদুদি ভাইরস অসি লৌনম য়াম্না লৈ অমসুং ঐখোয়না মসিদা চেকশিন্দুনা লৈবা মথৌ তারি। মহাক্না হায়খি মদুদি ভারতনা ভেক্সিন দোজ করোর ১৮৫ কাপখিবগী অঙকপা মায় পাকপা অমা পাংথোকখ্রে। মহাক্না সোসিএল এৱারনেস অমসুং অতৈ খোঙজং হায়বদি স্বাচ্চতা অমসুং অমুক্তং শিজিন্নবা প্লাস্তিক হন্থহনবদা ক্রেদিত পীখি। মহাক্না হায়খি মদুদি লাইনিং-লাইশোনগী ওইবা চৎনবিগা লোয়ননা লাইনিংবগী সেন্তরশিংনা সোসিএল কন্সিয়সনেস শন্দোকপদা চাওরবা থৌদাং অমা লৌরি।  

|

মন্দির অসি ২০০৮দা প্রধান মন্ত্রী শ্রী নরেন্দ্র মোদীনা গুজরাতকী মুখ্য মন্ত্রী ওইরিঙৈদা শঙ্গাখিবনি। ২০০৮দা প্রধান মন্ত্রীনা পীখিবা অনিং-অপাম্বদা য়ুম্ফম ওইদুনা, তেম্পল থ্রস অসিনা সোসিএল অমসুং হেলথকা মরী লৈনবা থবক-থৌরম কয়া হায়রিবা অসিদা শেলগী অৱাবা নংলবা অনাবশিংগীদমক্তা কেতরেক্ত ওপরেসনশিং লেম্না তৌবা অমসুং আয়ুর্বেদিক্কী হিদাক লাংথকশিং লেম্না পীবা অসিগুম্বদা স্কোপশিং চাউথোক্লি।

উমিয়া মা অসি কদাবা পতিদারগী ক্লান-দৈতী নত্ত্রগা কুলদেবী ওইনা লৌরি।  

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Shivkumragupta Gupta July 23, 2022

    नमो🌷 नमो🌷 नमो
  • G.shankar Srivastav May 28, 2022

    नमो
  • Sanjay Kumar Singh May 14, 2022

    Jai Shri Laxmi Narsimh
  • R N Singh BJP May 12, 2022

    jai hind 4
  • ranjeet kumar May 10, 2022

    omm
  • Vivek Kumar Gupta May 05, 2022

    जय जयश्रीराम
  • Vivek Kumar Gupta May 05, 2022

    नमो नमो.
  • Vivek Kumar Gupta May 05, 2022

    जयश्रीराम
  • Vivek Kumar Gupta May 05, 2022

    नमो नमो
  • Vivek Kumar Gupta May 05, 2022

    नमो
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”