প্রধান মন্ত্রী শ্রী নরেন্দ্র মোদীনা জপানগী প্রধান মন্ত্রী ফুমিও কিশিদা, য়ুনাইতেদ স্তেৎস ওফ অমেরিকাগী প্রসিদেন্ত জোসেফ বাইদেন অমসুং ওস্ত্রেলিয়াগী প্রধান মন্ত্রী এন্থোনী অলবানিজকা লোয়ননা মে ২৪, ২০২২দা জপানগী তোকিওদা অনিশুবা ইন-পর্সন ক্বাদ লীদর্স সম্মিৎতা শরুক য়াখ্রে। মসি মার্চ ২০২১দা মখোয়গী অহানবা ভর্চুএল মীফম, সেপ্তেম্বর ২০২১দা ৱাশিংতন দি.সি.দা পাঙথোকপা সম্মিৎ অমসুং মার্চ ২০২২দা মখোয়গী ভর্চুএল ওইনা ৱারী শাবা অদুগী মতুংদা লুচিংবশিং অসিগী মরি শুবা মীফমনি।
লুচিংবশিংনা ফ্রী, ওপন অমসুং ইনক্লুসিব ইন্দো-পেসিফিক অমা ওইহন্নবা অমসুং সোভরেন্তী, তেরিতোরিএল ইন্তিগ্রিতীগী প্রিন্সিপলশিং অমসুং দিস্প্যুশিং শান্তি ওইনা ৱারোইশিন পুরকপগী মরু ওইবা অদু নৌহৌনা ফোঙদোকখি। মখোয়না ইন্দো-পেসিফিক্কী অমসুং য়ুরোপকী লানগী ওইরিবা ফীভম অসিগী মতাংদা ৱাখল্লোন ফোঙদোক্নখি। প্রধান মন্ত্রীনা ভারতনা লান লেপতুনা দাইলোগ অমসুং দিপ্লোমেসী চত্থবগী মথৌ তাবা অসিগী মতাংদা খোঙফম চেৎনা লেপ্পি হায়না ফোঙদোকখি। লুচিংবশিংনা হৌজিক চত্থরিবা কোলাবোরেসন অমসুং তুংগীদমক লৈরিবা মখোয়গী বিজনগী মতাংদা য়েংশিনখি।
লুচিংবশিংনা তেরোরিজম লাকশিনবা, তেরোরিস্ত প্রোক্সিশিং শীজিন্নবা তোকপা অমসুং ক্রোস-বোর্দর এতেক্তশিং য়াওনা তেরর এতেক্তশিং চত্থবা নত্ত্রগা থৌরাং তৌবদা শীজিন্ননবা তেরোরিস্ত গ্রুপশিংদা লোজিস্তিকেল, ফাইনান্সিএল, নত্ত্রগা মিলিতরী সপ্পোর্ত পীদবা অসি মরু ওই হায়খি।
কোবিদ-১৯ লাইচৎ লাকশিন্নবা ক্বাদকী হৌজিক পাইখৎলিবা খোঙথাংশিং য়েংশিল্লদুনা লুচিংবশিংনা ভারত্তা লৈরিবা বাইওলোজিকেল-ই ফেসিলিতীগী মেন্যুফেকচরিং কেপাসিতী হেনগৎহনখবা অদুবু তরাম্না ওকখি অমসুং ভেক্সিনশিংগী দেলিভরী তৌবা হৌনবা দবল্যু.ঐচ.ও.না ই.য়ু.এল.গী থুনা অয়াবা পীনবা হায়খি। লুচিংবশিংনা ভারতনা থাইলেন্দ অমসুং কম্বোদিয়াদা ২০২২গী এপ্রিলদা ক্বাদ ভেক্সিন পার্তনরশিপকী মখাদা মেদ ইন ইন্দিয়া ভেক্সিন দোজ ৫২৫,০০০ পীখিবা অদুবু থাগৎখি। লাস্ত মাইল দেলিভরী অমসুং দিস্ত্রিব্যুসনগী শীংনবশিং অসি কোকহন্নবা, জিনোমিক সর্ভিলেন্স অমসুং ক্লিনিকেল ত্রাইএলশিংসিংদা কোওপরেসন পীনবগী খুত্থাংদা রিজনেল হেল্থ সেক্যুরিতী হেনগৎহন্নবা অমসুং গ্লোবেল হেল্থ সেক্যুরিতী আর্কিতেকচর মপাঙ্গল কনখৎহন্নবা পেন্দিমিক মেনেজমেন্তগী হোলিস্তিক এপ্রোচ অমা মখা তানা পাইখৎখিগনি।
গ্রীন হাইদ্রোজেন অমসুং ক্লাইমেৎ এন্দ দিজাস্তর রেসিলিয়েন্ত ইনফ্রাস্ত্রকচর য়াওনা গ্রীন শিপ্পিং, ক্লীন ইনর্জীগী মাইকৈদা লৌখৎলিবা খোঙথাংশিং মপাঙ্গল কনখৎহন্নবা ক্বাদ ক্লাইমেৎ চেঞ্জ এক্সন এন্দ মিতিগেসন পেকেজ (ক্যু-চেম্প) অমা লাউথোকখি। প্রধান মন্ত্রীনা ক্লাইমেৎ ফাইনান্স অমসুং তেক্নোলোজী ত্রান্সফর মোবিলাইজেসন তৌবগী খুত্থাংদা মখোয়গী সি.ও.পি.২৬কী ফিরেপশিং অদুগা লোয়ননা রিজন অসিদা লৈরিবা লৈবাকশিংদা তেংবাং পীবগী মরু ওইবা অদু নৌহৌনা ফোঙদোকখি।
ক্রিতিকেল অমসুং অনৌবা তেক্নোলোজীশিংগা মরী লৈনবা হৌজিক পাইখৎলিবা থবক অসিগী শরুক ওইনা প্রিন্সিপলস ওন ক্রিতিকেল তেক্নোলোজী সপ্লাই চেনসকী ক্বাদকী কম্মন স্তেৎমেন্ত লোঞ্চ তৌখি। লৈবাক মরিনা রিজন অসিগী ক্রিতিতেল সাইবর সেক্যুরিতী ইনফ্রাস্ত্রকচর চাউখৎহন্নবা ইন্দো-পেসিফিক রিজনগীদমক কেপাসিতী বিল্দিং প্রোগ্রামশিংদা কোওর্দিনেৎ তৌগনি। প্রধান মন্ত্রীনা থাজবা য়াবা গ্লোবেল সপ্লাই চেনশিং শেমগৎবা হেন্না চাউবা মওংদা ক্বাদকী কোল্লাবোরেসন তৌনবা হায়খি অমসুং ভারত্তা সেমিকন্দক্তর ইকোসিস্তেম অমা শেমগৎনবগী ভারত্তা নেস্নেল ফ্রেমৱার্ক অমা পাইখৎলি হায়না ফোঙদোকখি।
ইন্দো-পেসিফিককী হ্যুমেনিতরিয়ন এসিস্তেন্স এন্দ দিজাস্তর রিলিফ (ঐচ.এ.দি.আর.)কী ক্বাদ পার্তনরশিপ অমা লুচিংবশিংনা রিজন অসিদা থোরকপা দিজাস্তরশিং নীংথিনা লাকশিন্নবা অমসুং মতম চানা থবক পাইখৎপা ঙম্নবা লাউথোকখি।
লুচিংবশিংনা রিজন অসিদা লৈরিবা লৈবাকশিংদা ক্লাইমেৎ ইভেন্তশিং ত্রেক তৌবা, দিজাস্তরগী শেম শাবা অমসুং মেরিন রিসোর্সশিং সস্তেনেবল ওইনা শীজিন্নবা অসিদা মতেং পাংনবা ক্বাদ সেতেলাইৎ দেতা পোর্তেল অমগী খুত্থাংদা আর্থ ওবজর্বেসন সেতা পীনবা য়ান্নখি। ভারতনা ইনক্লুসিব দিবেলপমেন্তগীদমক স্পেস বেজ দেতা অমসুং তেক্নোলোজীশিং শীজিন্নবদা হান্নদগী মতিক ময়াই লৈরকপা অসি য়েংলগা খোঙথাং অসিদা প্রোএক্তিব ওইবা থৌদাং অমা লৌরগনি।
ক্বাদ লুচিংবশিংনা ঐচ.এ.দি.আর.গী থৌদোকশিংদা রেস্পোন্দ তৌনবা অমসুং আইন্না য়াদবা মওংদা ঙা ফাবা থিংনবা মখোয়গী তৌবা ঙম্বশিং হেনগৎহন্নবা লৈবাকশিং অসিগী মতেং পাংনবা অনৌবা ইন্দো-পেসিফিক মেরিতাইম দোমেন এৱের্নেস ইনিসিএতিব অমা তরাম্না ওকখি।
লুচিংবশিংনা এ.এস.ই.এ.এন.গী য়ুনিতী অমসুং সেন্ত্রেলিতীগীদমক মখোয়না লেপ্পা লৈতনা তেংবাং পীনবা অমসুং রিজন অসিদা লৈরিবা পার্তনরশিংগা লোয়ননা কোওপরেসন পীনরিবা অসি মপাঙ্গল কনখৎহন্নবা মখোয়গী ফিরেপ অদু চেৎশিনহনখি।
প্রধান মন্ত্রীনা ক্বাদকী পোজিতিব অমসুং কনস্ত্রক্তিব এজেন্দা দেলিবর তৌবগী মরু ওইবা অদু ফোঙদোকখি অমসুং রিজন অসিগী তেঞ্জিবল ওইবা কান্নবশিং অদু উৎখি। লুচিংবশিংনা মখোয়গী দাইলোগ অমসুং কন্সলতেসনিং মখা চত্থনবা অমসুং ২০২৩দা ওস্ত্রেলিয়াদা পাঙথোক্কদবা মথংগী সম্মিৎ অসিদা অমুক উন্নবা হায়না য়ান্নখি।
