শক্নাইরবশিং,

খুরুমজরি !

ঐনা অদোমবু ভোইস ওফ গ্লোবেল সাউথ সম্মিৎতা তরাম্না ওকচরি।

হৌখিবা নুমিৎ ২ অসিদা, গ্লোবেল সাউথকী খ্বাইদগী চাউবা ভর্চুএল মীফম অসিদা চাউৎলক্লিবা লৈবাক ১২০ হেন্না শরুক য়াবা উরে।

মসিগী লোইশিনবগী শরুক অসিদা অদোমগা লোয়ন্না শরুক য়াবা ফংবা অসি ঐগী খুদোংচাবনি।

শক্নাইরবশিং,
হৌখিবা চহি ৩ অসি চাউখৎলক্লিবা ঐখোয়গী লৈবাকশিং খুদোংথিবা কয়া থেংনখ্রে।

খুদোংথিবশিং অদুদি কোবিদ লাইচৎ, থাউ, হার অমসুং চীঞ্জাক্কী মমল হেনগৎলকপা অমসুং মালেমগী রাজনিতিগী মুক্নবশিংনা ঐখোয়গী চাউখৎ-থৌরাংগী থবকশিংদা অপনবা পীবা হেনগৎলকপা অসিনি।

অদুম ওইনমক, অনৌবা চহি অমা হৌরকপা অসি অনৌবা থাজবগী মতম অমনি। ঐনা ময়াম পুম্নমক অহানবদা নুংঙাইবা, হকচাং ফবা, শান্তি লৈবা, অশোই-অঙাম লৈতবা অমসুং মাইপাকপা ২০২৩গীদমক ঐগী য়াইফ-পাউজেল পীজরি।

শক্নাইরবশিং,
মালেম অসি অমতা ওইরকপগী ৱাখল্লোন অসি ঐখোয়না থাগৎলি। ভারতকী ৱাঙুলোন্দি মতম পুম্নমক্তা মালেম অসি ইমুং অমা ওইনা লৌরি।

অদুবু, চাউখৎলক্লিবা লৈবাকশিংনা অইং-অশাগী খল কাইরকপগী অৱাবা লৈতবা নত্ত্রগা শেন্দোন শিংবা ঙমদবগী অৱাবা লৈতবা মালেম অমা পাম্লি।

তিকাশিং চাং মান্ননা য়েন্থোকপা নত্ত্রগা মালেমগী দরকার ওইবা পোৎচৈশিং মফম অমদা তুংশিন্দুনা লৈতবা মালেম অমা ঐখোয়না পাম্মী।

শক্নাইরবশিং,
মালেমগী ওইনা হৌজিক খাইবুং-খাইবুং তাবা হেনগৎলক্লিবা অসিদা ঐখোয় চাউখৎলক্লিবা লৈবাকশিংশু নুঙনাংলে।

মালেমগী ওইনা মুক্নবশিং অসিনা ঐখোয়গী চাউখৎ-থৌরাংগী থবকশিংদগী ঐখোয় নাথৈহল্লে।

মখোয়না মরম ওইদুনা মালেমগী ওইনা চীঞ্জাক, থাউ, হার অমসুং অতোপ্পা পোৎলমশিংগী মমল হেনগৎহল্লে।

মসিগী মালেমগী ওইনা মুক্নবা অসি কোকহন্নবা, য়ুনাইতেদ নেসন্স সেকুরিতি কাউন্সিল অমসুং ব্রেত্তোন ৱুদস ইন্সতিতুৎশিং য়াওনা মালেমগী অচৌবা লুপশিং অওনবা অমা পুরকপা ঐখোয় তঙাইফদনা দরকার ওইরে।

হায়রিবা অওনবশিং অসি চাউখৎলক্লিবা লৈবাকশিংগী অৱাবশিং খঙবা অমসুং ২১শুবা চহিচাগী অচুম্বশিং মমি তাবা ওইগদবনি।

ভারতনা জি-২০গী প্রসিদেন্দ ওইবদগী হায়রিবা মরুওইবা ৱাফমশিং অসিদা গ্লোবেল সাউথকী খোল্লাউ লাউনবা হোৎনগনি।
 

শক্নাইরবশিং,
চাউখৎ-থৌরাংগী মরুপ-মপাং ওইবদা, ভারতকী পান্দমদি মীয়ামগী য়াইফনবা থবক পায়খৎপা, মরুপ ওইরিবা লৈবাকশিংগী সোভরেন্তি ইকায়খুম্নবা, দরকার ওইবা থবকশিং লৌখৎপা অমসুং তাথোক-তাশিন তৌনবদা মীৎয়েং থম্লি।

গ্লোবেল সাউথকী লৈবাকশিংনা লৈবাক অমগী চাউখৎ-থৌরাংগী থবকশিংগী লৌশিং অমনা অমদগী য়াম্না তম্নগনি হায়না ঐনা চেৎনা থাজৈ।

ভারতনা “গ্লোবেল-সাউথ সেন্তর ওফ এক্সলেন্স” অমা লিংখৎকনি হায়না লাউথোকপদা ঐ হরাওই।  

মসিগী ইন্সতিতুৎ অসিনা চাউখৎ-থৌরাংগী উপায়শিং নত্ত্রগা ঐখোয়গী লৈবাক অমগী খ্বাইদগী ফবা থবকশিংগী মতাংদা থিজিনগনি, মদু গ্লোবেল সাউথকী অতোপ্পা মেম্বর লৈবাকশিংদা থবক ওইনা পায়খৎকনি।

খুদম অমা ওইনা, হিরম কয়াদা ভারতনা পুথোকপা সরকারগী দিজিতেলগী পোৎথোকশিং হায়বদি ইলেকত্রোনিক-পেমেন্তশিং, হকশেল, লাইরিক-লাইশু নত্ত্রা ই-গভর্নান্স অসি অতোপ্পা চাউখৎলক্লিবা লৈবাকশিংনা শীজিন্নবা য়াগনি।

স্পেস তেক্নোলোজি অমসুং নিউক্লিয়ার ইনর্জিগী লমদা ভারতনা শিংথানিঙাই ওইবা থবক কয়া পাংথোক্লে। ঐখোয়গী অফবা থবকশিং অতোপ্পা চাউখৎলক্লিবা লৈবাকশিংদা পীনবা ঐখোয়না “গ্লোবেল-সাউথ সাইন্স এন্দ তেক্নোলোজি ইনিসিএতিপ” অমা হৌদোক্লগনি।

কোবিদ লাইচৎ মনুংদা, ভারতকী ‘ভেক্সিন মাইত্রি’ থবক্কী মখাদা ভারতনা শুংবা তিকাশিং লৈবাক ১০০ হেনবদা পীখি।

অনৌবা ‘অরোগ্যা মাইত্রি’ প্রোজেক অমা হৌজিক ঐনা লাউথোকপা পাম্মী। মসিগী প্রোজেক অসিগী মখাদা, চাউখৎলক্লিবা লৈবাকশিং মহৌশানা থোকহনবা অমাং-অতাশিং নত্ত্রগা মীওই কয়া অৱা-অনা থেংনবা মতমদা ভারতনা তঙাইফদনা চংদবা য়াদ্রবা হিদাক-লাংথকশিং পীগনি।

শক্নাইরবশিং,

ঐখোয়গী কুতনিতীক্কী খোঞ্জেল মপাঙ্গল কনখৎহন্নবা, ঐখোয়গী ফোরেন মিনিস্ত্রিশিংগী নহা ওইরিবা ওফিসারশিংগা শম্নবা ঙম্নবা ‘গ্লোবেল-সাউথ য়ং দিপ্লোমেতস ফোরম’ অমা শেম্নবা ঐনা হৌদোক্লি।

চাউখৎলক্লিবা লৈবাকশিংগী মহৈরোয়শিং ভারত্তা অৱাংবা থাক্কী মহৈ-মশিং তম্নবা ‘গ্লোবেল-সাউথ স্কোলারসিপস’ ভারতনা লিংখৎকনি।

শক্নাইরবশিং,

ঙসিগী সেসনগী থিম অসি ভারতকী মমাংঙৈগী লৌশিংনা ইথিল পীবনি।

মীওইবা খুন্নাইগী খ্বাইদগী লিরবা লাইরিক-রিগ বেদাদগী লাইশোল অমনা হায়রি:

संगच्छध्वं संवदध्वं सं वो मनांसि जानताम्

মসিনা হায়রি মদুদি : ঐখোয় পুনসি, পুন্না ঙাংসি অমসুং ঐখোয়গী ৱাখলশিং নুংঙাইগনি।
 

নত্ত্রগা অতোপ্পা ৱাহৈশিংদা,  ‘অপুনবা খোল্লাউ, পান্দম অমগীদমক অপুনবা’।

মসিগী ৱাখল্লোন অসিদা, অদোমগী ৱাখল্লোনশিং অমসুং পাউতাকশিং তানবা ঐনা ঙাইরি।

অদোমবু থাগৎচরি !

 

 

 

  • अनन्त राम मिश्र January 22, 2023

    जय हो
  • Arti D Patel January 20, 2023

    स्पोर्ट्स एक स्किल है और ये एक स्वभाव भी है। स्पोर्ट्स एक टैलेंट है, और ये एक संकल्प भी है। - प्रधानमंत्री श्री @narendramodi जी #HamaraAppNamoApp
  • Pardeep Lohaniwal January 20, 2023

    Jai Shree Ram ji 🙏🙏
  • Pardeep Lohaniwal January 20, 2023

    jai Mata Di 🙏
  • Gautam ramdas Khandagale January 20, 2023

    jay namo
  • Jayakumar G January 19, 2023

    🙏🙏🙏
  • January 17, 2023

    Dear Sir/Ma
  • Babaji Namdeo Palve January 16, 2023

    हार्दिक शुभ कामनाए सर बहुत बहुत बाधाई सर
  • Umakant Mishra January 14, 2023

    happy makar Sankranti
  • Sanjay Zala January 14, 2023

    🌈 🌈 Remembers In A Best Wishes Of A Over All In A _ 'WORLDWIDE' Cosponsored On A _ 'KITES' Festival Absolutely In A 🌈 🌈
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Raj Kapoor’s Iconic Lantern Donated To PM Museum In Tribute To Cinematic Icon

Media Coverage

Raj Kapoor’s Iconic Lantern Donated To PM Museum In Tribute To Cinematic Icon
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to participate in the Post-Budget Webinar on "Agriculture and Rural Prosperity"
February 28, 2025
QuoteWebinar will foster collaboration to translate the vision of this year’s Budget into actionable outcomes

Prime Minister Shri Narendra Modi will participate in the Post-Budget Webinar on "Agriculture and Rural Prosperity" on 1st March, at around 12:30 PM via video conferencing. He will also address the gathering on the occasion.

The webinar aims to bring together key stakeholders for a focused discussion on strategizing the effective implementation of this year’s Budget announcements. With a strong emphasis on agricultural growth and rural prosperity, the session will foster collaboration to translate the Budget’s vision into actionable outcomes. The webinar will engage private sector experts, industry representatives, and subject matter specialists to align efforts and drive impactful implementation.