শক্নাইরবশিং,

মসিগী অখন্নবা ৱারি শানবা অসিদা শরুক য়াবগীদমক ঐনা ময়াম পুম্নমক থাগৎচরি ।

মহাক্কী সর্জরি মতুংদা খুদক্ত শরুক য়াবগীদমক ঐনা ঐখোয়গী মরুপ প্রধান মন্ত্রী ওলি থাগৎচরি ।মহাক য়াম্না থুনা ফগৎনবা ঐনা য়াইফ-পাউজেল পীজরি ।হন্দক পাংথোকখিবা মীখলদা অমুক হন্না খল্লকপদা ঐনা প্রসিদেন্ত অস্রাফ গানি থাগৎলি ।

ঙসি ঐখোয়গী ইরক্ত য়াওরিবা সার্ককী অনৌবা সেক্রেতরি জেনেরল ঐনা তরাম্না ওক্লি । গান্ধীনগরদগী সার্ক দিজাস্তর মেনেজমেন্ত সেন্তরগী দিরেক্তর শরুক য়ারি হায়বা ঐ খঙলে ।

|

শক্নাইরবশিং,

ৱাল্ড হেল্থ ওর্গনাইজেসন্না কোভিদ-১৯ অসি লাইচৎ ওইরে হায়না লাউথোক্লে । হৌজিক ফাওবদা ঐখোয়গী লমদম অসিদা কেস ১৫০ রোম লৈরে । ঐখোয় চেকশিননা লৈবা দরকার ওই । ঐখোয়গী সার্ক লমদম অসি মালেমগী অপুনবা মীশিংগী শরুক মঙা থোকপগী অমা লৈরিবনি । লমদম অসি মী কুংনা তাবা মফমনি । চাউখৎলক্লিবা লৈবাকশিং ওইবনা অনা-লায়েংগী খুদোংচাবশিং ঐখোয়দা মরাং কাইনা লৈত্রি ।  ঐখোয়গী মীয়াম মরক্ত থায়নদগী মরি লৈনরক্লি অমসুং ঐখোয়গী খুন্নাইশিং অসি অমনা অমগী মখা পোন্নরি ।মরম অদুনা ঐখোয় পুন্না থৌরাং তৌগদবনি , ঐখোয় পুন্না থেংনগদবনি অমসুং ঐখোয় পুন্না মাইপাক্কদবনি ।

শক্নাইরবশিং, মসিগী শিংনবা অসি থেংন্নবা ঐখোয় থৌরাং তৌরি, মসিগী ভাইরস অসি শন্দোরকপা থিংনবা হৌজিক ফাওবদা ভারতকী লৈরিবা লৌশিং ঐ তেন্না থমজগে ।

“থৌরাং তৌবা, অদুবু পাখৎতবা” অসি ঐখোয়গী লাইৱানি । মসিগী অৱাবা অসি লাইনা লৌদনবা ঐখোয়না চেকশিন্না হোৎনরি । জনুৱারি ময়াইদগী ঐখোয়না ভারত্ত লাকপা মীওইশিং য়েংশিনবা হৌরে । পাখৎপা লৈতনবা থবক কয়া পায়খৎলি । তি ভি, প্রিন্ত অমসুং সোসিয়েল মেদিয়াদা মীয়াম ৱাখল তান্নবগী থবক ঐখোয়না হেনগৎহল্লে ।

চৈথেং ফংগদবা কাংলুপশিংগী ঐখোয়না অখন্নবা থবকশিং লৌখৎলে । লৈবাক শীনবা থুংনা ঐখোয়গী মেদিকেল স্তাফশিং ত্রেনিং পীবা য়াওনা ঐখোয়গী মীওইশিং শেমশাবগী থবক হেনগৎহল্লে । ঐখোয়না দাইগনোস তৌবগী খুদোংচাবশিং হেনগৎহল্লে । ভারত পুম্নমক্কী ওইনা তেস্ত তৌনবা লেব অমা লৈরম্বদগী থা অনিগী মনুংদা অসিগুম্বা লেব ৬০ হেন্না লিংখৎলে ।

মসিগী লাইচৎ অসি চংলকফমশিংদা স্ক্রিন তৌবা, চিংনবা কেসশিং খোঙ্গুল লিবা,  নাইতোম থম্বা অমসুং নাইতোম থম্নবা খুদোংচাবশিং পীবা অমসুং ফরবা কেসশিং থাদোকখিনবগী প্রোতোগোলশিং ঐখোয়না শেমলে।

মপান লৈবাকশিংদা লৈরিবা ঐখোয়গী মীয়াম ঐখোয়না মতেং পাংলি । লৈবাকশিংদগী ঐখোয়না চাউরাক্না ভারতমচা ১৪০০ পুরক্লে । ঐখোয়না ঐখোয়গী য়ুম্লোনবা লৈবাকশিংগী মীওইশিংসু মতেং পাংলি ।

মপানদা লৈরিবা ঐখোয়গী মোবাইল তেস্তিং তিমনা তেস্ত তৌদুনা অসিগুম্বা মী হোন্দোরকপগী থবকশিংগী প্রোতোগোল অমা ঐখোয়না শেম্লে ।

অতোপ্পা লৈবাকশিংনা ভারত্ত লৈরিবা মখোয়গী মীয়ামগী মীপাইরিবা অদু ঐখোয়না খঙই । মরম অদুনা ঐখোয়না পায়খৎলিবা থবকশিংগী মতাংদা ঐখোয়না মপানগী এম্বেসেদরশিংদা পাউদমখি ।

|

শক্নাইরিবশিং,

ঐখোয় তম্বা ঙমদবা ফিবম অমদা লৈরি হায়না ঐখোয় খঙলে । ঐখোয়না কন্না হোৎনরবসি ফিবম অসি করি ওইরক্কনি হায়বা ঐখোয়না মাংজৌন্না হায়বা ঙমদে । অসিগুম্বা ফিবম অসি ঐখোয় চপ মান্না থেংনগনি । মরম অদুনা ঐখোয়গী মীৎয়েং ময়ামগা শরুক য়ামিন্নবা অসি য়াম্না মমল য়াম্মি ।

নখোয় ময়ামগী ৱাখল্লোনশিং তাগনি হায়না ঐনা থাজবা থম্লি ।

অদোমবু থাগৎচরি ।

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
We've to achieve greater goals of strong India, says PM Narendra Modi

Media Coverage

We've to achieve greater goals of strong India, says PM Narendra Modi
NM on the go

Nm on the go

Always be the first to hear from the PM. Get the App Now!
...
Prime Minister condoles the passing of His Highness Prince Karim Aga Khan IV
February 05, 2025

The Prime Minister, Shri Narendra Modi today condoled the passing of His Highness Prince Karim Aga Khan IV. PM lauded him as a visionary, who dedicated his life to service and spirituality. He hailed his contributions in areas like health, education, rural development and women empowerment.

In a post on X, he wrote:

“Deeply saddened by the passing of His Highness Prince Karim Aga Khan IV. He was a visionary, who dedicated his life to service and spirituality. His contributions in areas like health, education, rural development and women empowerment will continue to inspire several people. I will always cherish my interactions with him. My heartfelt condolences to his family and the millions of followers and admirers across the world.”