“স্তার্তঅপশিং অমসুং স্পোর্তসকা পুনশিন্নবা হায়বসি য়াম্না মরু ওই। বেঙ্গলুরুদা পাংথোক্লিবা খেলো ইন্দিয়া য়ুনিভর্সিতী গেম্স অসিনা মসিগী ফজরবা সিতী অসিগী ইনর্জী হাপ্লগনি”
“লাইচৎ অসিগী শিংনবা মরক অসিদা গেম্স অসি শিনবনা অনৌবা ভারতকী অচেৎপা ফিরেপ অমসুং পেসন অদুবু মশক তাক্লি”“হোলিস্তিক ওইবা খোংথাং অমসুং চাদা ১০০ অরেপ্পা ফিরেপ লৌবনা স্পোর্তস অমসুং পুনশিদা মাইপাক্নবগী মরু ওইবা তঙাইফদবশিংনি”“মাইপাকপা অসি করিনো হায়বা খঙজিনবা অমসুং মাইথিবদগী তমশিনবা হায়বসি ঐখোয়না স্পোর্তসকী লমদগী তম্বা য়াম্না মরু ওইবা আর্ত অমনি”“অনৌবা খোংথাং কয়া অমনা অরিবা ৱাখল্লোনগী লিপুনদগী স্পোর্তস অসিবু মনিং তমহল্লে”“স্পোর্তসতা মশক খঙবনা লৈবাক অসিবু মশক খঙবা হেনগৎহল্লি”খুরুমজরি!
খেলো ইন্দিয়া য়ুনিভর্সিতী গেম্সকীদমক্তা নখোয় পুম্নমকপু নুংঙাইবা ফোংদোক্লি!
বেঙ্গলুরু সিতী অসিমক লৈবাক অসিগী নহাশিংগী মশক তাক্লি। বেঙ্গলুরু অসি প্রোফেস্নেলশিংগী ওইনা চাউথোকচনিংঙাই ওইবা মফমনি। দিজিতেল ইন্দিয়া হব বেঙ্গলুরু অসিমক্তা খেলো ইন্দিয়া শিনবা অসি য়াম্না মরু ওই। স্তার্তঅপশিংগী মালেম অসিদা স্পোর্তসশিংগা পুনশিল্লকপা অসিমক য়া্ম্নাশিংথানিংঙাইনি! বেঙ্গলুরুদা খেলো ইন্দিয়া য়ুনিভর্সিতী গেম্স অসিনা মসিগী ফজরবা সিতী অসিদা ইনর্জী হাপকৎলগনি অমসুং লৈবাক অসিগী নহাশিংনা অনৌবা পাঙ্গলগা লোইননা হল্লক্কনি। ঐহাক্না কর্নাতকাগী সরকারবু মসিগী গেম্স অসি শিনবগীদমক্তা থাগৎলি। মালেমগী লাইচৎ অসিগী শিংনবশিং অসিগী মরক অসিদা, মসিগী গেম্স অসি ভারতকী নহাশিংগী ফিরেপ অমসুং ৱাখল্লোন অদুগী খুদম্নি। ঐহাক্না নখোয়না হোৎনরিবা অমসুং থৌনা অদুবু থাগৎলি। ঙসিদি মসিগী নহাশিংগী ৱাখল্লোন অসিনা লৈবাক অসিবু হিরম খুদিংমক্তা অনৌবা খোংজেল অমগা লোইননা মাং লোমদা চৎখৎলি।
ঐগী নহা ওইরিবা মরুপশিং,
মাইপাকপগী অহানবা মন্ত্র অসি-
তীম স্পিরিতনি!
ঐখোয়না মসিগী ‘তীম স্পিরিত’ অসিমক স্পোর্তসকী খুত্থাংদা তম্লিবনি। নখোয়না মসিবু খেলো ইন্দিয়া য়ুনিভর্সিতী গেম্সতা মসি থেংনগনি।
গেম্স অসি মাইপাকপা হায়বসি- হোলিস্তিক ওইবা খোংথাংনি! চাদা ১০০ খত্থোকপনি!
নখোয়গী মরক্তা শান্নরোই কয়া অমা তুংদা রাজ্যগী থাক্তা শানরগনি। নখোয় ময়াম অসিগী মরক্তগী ইন্তর্নেস্নেলগ থাক্তা লৈবাক অসিগী মহুৎ শিল্লগনি। স্পোর্তসকী লম অসিদগী থেংনরকপশিং অদুনা পুনশিগী হিরম খুদিংমক্তা নখোয়বু মতেং পাংগনি। তশেংনা হাবরবদা স্পোর্তসকী হিরম অসি পুনশিগী অশেংবা সুপোর্ত সীস্তেমনি। স্পোর্তসকী লমদা নহাকপু মাং লোমদা পুখৎলিবা পাৱর অমসুং নোলেজ অদুনা নহাক্কী পুনশিদা নহাকপুসু মাং লোমদা চিংখৎলগনি। স্পোর্তস অমসুং পুনশি অনিমক অসিদা পেসনগী মরু ওইবা লৈ। স্পোর্তস অমসুং পুনশিদা শিংনবশিং অদুবু মায়োক য়াবা মীশক অদুনা অথোইবনি। স্পোর্তস অমসুং পুনশিদা মাইথিবা হায়বসিসু মাইপাকপনি; মাইথিবা অসিসু পরাশিং। পুকচেল শেংবনা নখোয়বু স্পোর্তস অমসুং পুনশিংদা মাং লোমদা পুখৎকনি। স্পোর্তস অমসুং পুনশিদা মীৎকুপ খুদিংমক য়াম্না মরু ওই। হৌজিক্কী মীৎকুপ অসি য়াম্না মরু ওই। মীৎকুপ খুদিংদা হিংবা অমসুং মীৎকুপ খুদিংদা করিগুম্বা খরা তৌবা হায়বসি য়াম্না মরু ওই।
মাইপাকপা মতমদা নোল্লুকপা অমসুং মাইথিবদগী তমশিনবা হায়বসি পুনশিদা খুমাং চাউশিন্নবগী খ্বাইদগী মরু ওইবা শরুক অমনি।অমসু মসি ঐখোয়না ফীল্দদা শান্নবা মতমদা তম্মি। স্পোর্তসতা হকচাং অসিনা িন্রজী পিক থন্না য়াওবা মতমদা, শান্নরোই অদুগী মতৌ অদুনা ময়ামবু খুদুম চনশিল্লি। মতম অদুদা অফবা শান্নরোই অমগী ৱাখল অদু ইং তপ্পি অমসুং খাংবা য়াম্না কল্লি। মসিসু পুনশি হিংবগী কলা অমনি।
মরুপশিং, নখোয়না অনৌবা ভারতকী নহাশিংনি। নখোয়না ‘এক ভারত শ্রেস্থ ভারত’কী ফিরাল পাইদুনা লুচিংলিবশিংশুনি। নখোয়গী চং থৌরিবা ৱাখল্লোন অমসুং নখোয়গী চং থৌরিবা খোংথাং অদুনা ঙসিদি লৈবাক অসিগী পোলিসীশিং লেপ্লিবনি। ঙসিদি নহাশিংনা ফিৎনেসপু লৈবাক অসিগীদক্তা চাউখৎ-থৌরাংগী মন্ত্রা ওইহল্লে। ঙসিদি নহাশিংনা স্পোর্তস অসিবু থাইনঙৈগী অরিবা ৱাখল্লোন অদুগী লিপুনদগী নিংতমহল্লে।
অনৌবআ এউকেশন পোলিসীদা দ্পোর্তসতা মরু ওইবা পীবা ওইরো নত্রগা মতম অসিগী অনৌবা স্পোর্তস ইনফ্রাস্ত্রকচর শেম্ববু ওইরো, শান্নরোইশিং খনবদা ত্রান্সপরেন্সি লৈববু ওইরো নত্রগা স্পোর্তসতা মতম অসিগী অনৌবা তেক্নোলোজী শিজিন্নবা হেনগৎপা অসি অনৌবা ভারতকী খুদমনি।
ভারতকী নহাশিংগী আশা অমসুং অপাম্বা-অনিংবা অদুনা অনৌবা ভারত অমগীদমক্তা ফিরেপ্তা অওনবআ পুরক্লি। হৌজিক্তি লৈবাক অসিদা অনৌবা স্পোর্তস সাইন্স সেন্তরশিং লিংখৎলক্লি। হৌজিক্তি লৈবাক অসিদা স্পোর্তস খক্তগী ওইবা য়ুনিভর্সিতীশিং লিংখৎলক্লি। মসি নখোয়গী খুদোংচানবা অমসুং নখোয়গী মঙলান অদুবু মঙফাওনবা ঙম্নবগীদমক্তনি।
মরুপশিং,
স্পোর্তসকী শক্তি অসিনা লৈবাক অসিগী শক্তি হেনগৎহল্লি। স্পোর্তসকী লমদা মশক খঙবীবনা লৈবাক অসিগী ইদেন্তিতী হেনগৎহল্লি। ঐহাক্না তোক্যো ওলীম্পিক্তগী হল্লকপা শান্নরোইশিং অদু উনখিবা অদু হৌজিক ফাওবা নিংশিংলি। মখোয়না মশাগী মাইপাকপদগী হেন্না, মখোয়গী মাইথোংদা লৈবাক অসিগীদমক্তা মাইপাকপা পুরকপগীদমক্তা চাউথোকচবা অদু উবা ফংখি। লৈবাক অসিগীদমক্তা মাইপাকপা পুরকপদগী হেন্না হরাওনিংঙাই অমত্তা লৈতে।
নখোয়সু ঙসি অসি নশাগীদমক নত্রগা নখোয়গী ইমুং-মনংশিংগী খল্তমক শান্নবা নত্তে। মসি য়ুনিভর্সিতী গেম্স ওইরম্বা য়াই. অদুবু লৈবাক অসিগীদমক্তা শান্নবনি অমসুং নখোয়না লৈবাক অসিগীদমক্তা নশাদা য়াম্না অফবা শান্নরোই অমা শেমগৎলিবনি হায়না খল্লু। মসিগী ৱাখল্লোন অসিনা নখোয়পু মাং লোমদা পুখৎকনি। মসিগী ৱাখল্লোন অসিনা নখোয়বু ফীল্দা মাইপাকপদা মতেং পাংবদা নত্তনা নখোয়বু মেদল অমসুং ফংহনগনি। ঐহাক্না নহা ওইরিবা ঐগী মরুপশিং অসিনা য়াম্না শান্নগনি অমসুং য়াম্না ফাওগনি হায়বা থাজৈ!
মসিগী থাজবা অসিগা, ঐহাক্না অমুক্কা হন্না লৈবাক অসিগী মফম কয়াদগী লাক্লিবা ঐগী নহা ওইরিবা মরুপশিংদা থমোইনুংদগী য়াইফ-পাউজেল পীরি!
থাগৎচরি!
