য়ু.এস.এগী ৱিলমিংতন, দেলৱায়রদা পাংথোকপা ক্বাদ লুচিংবশিংগী মীফমগী নাকলদা সেপ্তেম্বর ২১,২০২৪ দা প্রধান মন্ত্রী শ্রী নরেন্দ্র মোদীনা জপানগী প্রধান মন্ত্রী ফুমিও কিসিদা উনখ্রে।
মার্চ ২০২২ দা পাংথোকখিবা মখোয়গী অহানবা চহিগী মীফমদগী হৌরগা, মখোয়না কয়ারক উনখিবশিং অদু প্রধান মন্ত্রী অনিনা নিংশিংখি। ইন্দিয়া-জপান স্পিসিএল স্ত্রাতেজিক অমসুং গ্লোবেল পার্তনরশিপ খুমাঙ চাউশিন্নবা হৌখিবা চহি খর অসিদা মহাক্না পাংথোকখিবা থবকশিংগীদমক প্রধান মন্ত্রী মোদীনা প্রধান মন্ত্রী কিসিদা থাগৎপা ফোঙদোকখ্রে।
ইন্দিয়া-জপান স্পিসিএল স্ত্রাতেজিক অমসুং গ্লোবেল পার্তনরশিপ চহি ১০ মপুংফারকপা অসি লুচিংবশিংনা খন্নখি অমসুং মরী অসি খুমাঙ চাউশিল্লকপদা মখোয়না অপেনবা ফোঙদোকখি। হিরম কয়াদা লৈবাক অনিগী মরক্তা লৈনরিবা মরী প্রধান মন্ত্রী অনিনা হন্না য়েংশিনখ্রে অমসুং দিফেন্স অমসুং সেকুরিতিগী মরীশিং অমসুং বি২বি অমসুং পি২পি মতেং পাংনবা য়াওনা, মতেং পাংনবা মখা তানা ফগৎনবা মখোয়গী ওইবা ৱাফমশিং ফোঙদোক্নখি।
প্রধান মন্ত্রী মোদীনা প্রধান মন্ত্রী কিসিদা বীদায় পীখি অমসুং মহাক্কী তুংগী থবক থৌরমশিং মাইপাক্না পাংথোক্নবা মহাক্কী মফমদা য়াইফ-পাউজেল পীখি।
Had a very good meeting with PM Kishida. Discussed cooperation in infrastructure, semiconductors, defence, green energy and more. Strong India-Japan ties are great for global prosperity. @kishida230 pic.twitter.com/qK4VJnUDtq
— Narendra Modi (@narendramodi) September 22, 2024
