প্রধান মন্ত্রী শ্রী নরেন্দ্র মোদীনা জুলাই ১৪, ২০২৩দা পেরিসকী ইলীসী পেলেসতা রিপব্লিক ওফ ফ্রান্সকী প্রেসিদেন্ত ঐচ.ই. মিস্তর ইম্মানুএল মেক্রোনগা ৱারী ৱাতায় শানখ্রে অমদি দেলিগেসন থাক্কী ৱারী শানখ্রে।
লুচিংবা অনিমক্না দিফেন্স অমদি সিক্যুরিতী, সিভিল ন্যুক্লিয়র, সাইন্স অমসুং তেকনোলোজী, ইনর্জী, ত্রেদ অমদি ইনভেস্তমেন্ত, স্পেস, ক্লাইমেৎ এক্সন অমদি মীগা মীগা লৈনবা মরী য়াওনা নাকল অনিগী ওইবা তেংবাংনবগী পাক চাউরবা হীরমশিংদা মচা খায়না খন্নখি।
খন্ন-নৈনখিবা অদুদা ভারতকী জি২০ প্রেসিদেন্সী, নাকল অনিমক্তা ইন্তরেস্ত লৈবা ইন্দো-পেসিফিক, অমদি রিজনেল অমসুং মালেমগী ইসুশিংগী মতাঙসু কোনশিনখি।
খন্নখিবদুদা “হোরাইজন ২০৪৭: চার্তিং দি ফ্যুচর ওফ ইন্দিয়া-ফ্রান্স স্ত্রেতেজিক পার্ত্নরসিপ” য়াওনা ৱাফম কয়া য়ানখি।
প্রধান মন্ত্রীনা সেপ্তেম্বর ২০২৩দা পাঙথোক্কদবা জি২০ লীদর্স সম্মিত্তা নই দিল্লীদা প্রেসিদেন্ত মেক্রোনবু তরাম্না ওক্নবগীদমক শেম শারি হায়না ফোঙদোক্লমখি।
