ঙসি ইন্দোরদা ১৭শুবা প্রবাসী ভারতীয় দিবসকী নাকলদা প্রধান মন্ত্রী শ্রী নরেন্দ্র মোদীনা সুরিনামগী রাস্ত্রপতি চন্দ্রিকাপেরসাদ সন্তোখিগা উনখ্রে। রাস্ত্রপতি সন্তোখি ওফিসিএল ওইবা খোঙচৎ অমদা জনুৱারি ৭-১৪, ২০২৩ ফাওবা ভারত্তা লৈরি অমসুং ১৭শুবা প্রবাসী ভারতীয় দিবসতা স্পিসিএল গেস্ত অমা ওইনা শরুক য়াখি।
মখোয়না উনবা অদুদা, লুচিংবা অনিনা হায়দ্রোকার্বোনশিং, ঙাক-শেন, সমুদ্রগ ঙাক-শেনগী থবক, দিজিতেলগী থবকশিং অমসুং আই.সি.তি অমসুং কেপাসিতি বিল্দিংগী হিরমশিংদা মতেং পীন্নবা খন্নখি।
সুরিনামনা ফংখিবা লাইন্স ওফ ক্রেদিৎদগী সুরিনামগী শেন্দোন শিংবদা ভারতনা মতেং পাংখিবা অদু সুরিনামনা থাগৎখি।
রাস্ত্রপতি সন্তোখিনা রাস্ত্রপতি শ্রীমতি দ্রৌপতি মুর্মুগা নাকল অনিগী ওইবা ৱারি শানগনি অমসুং জনুৱারি ১০,২০২৩দা প্রবাসী ভারতীয় সম্মান এৱার্দ য়েন্থোকপা অমসুং লোইশিনবা থৌরম শরুক য়াগনি। মহাক জনুৱারি ১১দা ইন্দোরদা পাংথোক্কদবা গ্লোবেল ইনভেস্তরস সম্মিৎ ২০২৩ হৌদোকপগী থৌরমশু শরুক য়াগনি। তুংদা মহাক অহমেদবাদ অমসুং নিউ দিল্লিদা চৎকনি।
