ঙসি ইন্দোরদা ১৭শুবা প্রবাসী ভারতীয় দিবসকী নাকলদা প্রধান মন্ত্রী শ্রী নরেন্দ্র মোদীনা গুয়ানাগী রাস্ত্রপতি দোক্তর মোহমদ ইরফান অলিগা উনখ্রে। রাস্ত্রপতি ইরফান অলি ওফিসিএল ওইবা খোঙচৎ অমদা জনুৱারি ৮-১৪, ২০২৩ ফাওবা ভারত্তা লৈরি অমসুং ১৭শুবা প্রবাসী ভারতীয় দিবসতা চীফ গেস্ত ওইনা শরুক য়াখি।
ইনর্জি, ইনফ্রাস্ত্রকচর শেমগৎপা, ফার্মাসিউতিকেল, অনা-লায়য়েং, তেক্নোলোজি অমসুং ইন্নোবেসন অমসুং ঙাক-শেনগী লমদা মতেং পীনবা য়াওনা তোঙান-তোঙানবা হিরমশিংদা লুচিংবা অনিনা কুপ্না খন্ন-নৈনখি। ভারত অমসুং গুয়ানাগী মীয়ামগী মরক্তা লৈনরিবা চহি ১৮০শুরবা মরুপ-মপাং ওইবগী পুৱারি ওইরবা মরি অদু লুচিংবা অনিনা নৌহৌন্না নিংশিংখি অমসুং মখা তানা মরি অসি চেৎশিনহনবা হায়না য়ানখি।
রাস্ত্রপতি ইরফান অলিনা রাস্ত্রপতি শ্রীমতি দ্রৌপতি মুর্মুগা নাকল অনিগী ওইবা ৱারি শানগনি অমসুং জনুৱারি ১০,২০২৩দা প্রবাসী ভারতীয় সম্মান এৱার্দ য়েন্থোকপা অমসুং লোইশিনবা থৌরম শরুক য়াগনি। মহাক জনুৱারি ১১দা ইন্দোরদা পাংথোক্কদবা গ্লোবেল ইনভেস্তরস সম্মিৎ ২০২৩শু শরুক য়াগনি।
ইন্দোরগী মথক্তা, রাস্ত্রপতি অলিনা দিল্লি,কানপুর,বেঙ্গালুরু অমসুং মুম্বাইদশু চৎকনি।
