প্রধান মন্ত্রী, শ্রী নরেন্দ্র মোদীনা 15শুবা BRICS সম্মিত মনুংদা, ইথিওপিয়া লৈবাক্কী প্রধান মন্ত্রী, ঐচ.ই. দাঃ এবী অহমদ অলিগা জোহানেসবর্গতা ওগস্ত 24, 2023দা উন্নখ্রে।
লুচিংবা অনিনা দিভেলপমেন্ত পার্ত্নরশিপ অমসুং কেপাসিতী বিলদিং, ত্রেদ অমসুং ইনভেস্তমেন্ত, দিফেন্স কোওপরেসন, ICT, লৌউ-শিংউ, নহাশিংবু স্কিল হাপ্পা অমসুং মীয়াম মরক্কী মরী শাগৎপা য়াওনা মরু ওইবা হীরম কয়াগী মতাংদা মায় পাক্না ৱারী শাখি। মখোয়না রিজনেল অমসুং মালেমগী মরু ওইবা হীরম কয়াগী মতাংদসু মখোয়গী ৱাখল্লোন ফোংদোক্নখি।
প্রধান মন্ত্রীনা ইথিওপিয়াগী প্রধান মন্ত্রী এবী অহমদপু BRICSকী মেম্বরশিপ ফংবগীদমক্তা থাগৎপা ফোংদোকখি। মহাক্না প্রধান মন্ত্রী এবী অহমদপু ভোইস ওফ গ্লোবেল সাউথ সম্মিত্তা শরুক য়াবগীদমক্তসু থাগৎপা ফোংদোকখি।
প্রধান মন্ত্রী এবী অহমদনা ইথিওপিয়ানা BRICSতা য়াওবদা ভারতনা মতেং পাংখিবগীদমক্তা প্রধান মন্ত্রী মোদীবু থাগৎপা ফোংদোকপগা লোয়ননা চন্দ্রয়ান-3গী মায় পাকপগীদমক্তা য়াইফ পাউজেল পীখি, অমসুং মায় পাকপা অসিবু ইথিওপিয়া অমসুং গ্লোবেল সাউথ অপুনবগী চাউথোকচনীংঙাই ওইবা পুংফম অমনি হায়না ফোংদোকখি।
Held fruitful talks with PM @AbiyAhmedAli. Congratulated him on Ethiopia joining BRICS. We discussed ways to boost ties in sectors like trade, defence and people to people relations. pic.twitter.com/PE6a8xRgZQ
— Narendra Modi (@narendramodi) August 24, 2023
