প্রধান মন্ত্রী শ্রী নরেন্দ্র মোদীনা ঙসি বালীদা জি-২০ লীদর্স সম্মিৎকী নাকলদা য়ু.এস.এ.গী রাস্ত্রপতি, ঐচ.ই. শ্রী জোসেফ আর. বাইদন অমসুং ইন্দোনেসিয়াগী রাস্ত্রপতি, ঐচ.ই. শ্রী জোকো ৱিদোদোগা উনখ্রে।
পি.এম. মোদীনা হায়খি মদুদি জি-২০ অসি ইন্তর্নেস্নেল ইকনোমিক কোওপরেসনগী প্রিমিয়র ফোরমনি, অমসুং অচৌবা ইকনোমীশিং পুনশিন্নবা, মালেমগী শীংনবশিং মায়োক্ননবা জি-২০না মাগী কেপাসিতী অদু মখা তানা উৎপগী মরু ওইবা অদুসু থমখি। জি-২০না ঐখোয়গী ইকনোমীশিং অমসুং মসিগী ৱাংমদা সস্তেনেবল অমসুং ইনক্লুসিব গ্রোথ হনজিনহন্নবা হৌজিক মায়োক্নরিবা অইং-অশা, ইনর্জী অমসুং ফুদ ক্রাইসিসকী ফীভম লাকশিন্ননবা, গ্লোবেল হেল্থ আর্কিতেকচর মপাঙ্গল কনখৎহন্নবা অমসুং তেক্নোলোজীকেল ত্রান্সফোর্মেসন থৌগৎহন্নবগীদমক পুন্না থবক তৌরি।
পি.এম. মোদীনা হায় ভারতনা মাগী প্রসিদেন্সী মনুংদা অতোপ্পা চাউখৎলক্লিবা লৈবাকশিংগী ৱাখল্লোন ফোঙদোক্নবা খুদোংচাবা পীগনি অমসুং ভলনরেবল ওইবা লৈবাকশিংদা মতেং পাংলিবা; ইনক্লুসিব দিবেলপমেন্ত সপ্পোর্ত তৌরিবা, ইকনোমিক সেক্যুরিতী অমসুং গ্লোবেল সপ্লাই চেন মপাঙ্গল কনখৎহল্লিবা; মলতিলেতরেল ফাইনান্সিএল ইন্সতিত্যুসনশিংগী ফগৎহন্নবা অমসুং ইনোভেতিব ফাইনান্সিং মোদেলশিং দিবেলপ তৌরিবা; অইং-অশাগী খল কাইথরকপা, লাইচৎশিং, ইকোমিক ফ্রেজিলিতীগুম্বা শীংনবশিংগী সোল্যুসনশিং পীরিবা, লায়রবা কোকহনবা অমসুং এস.দি.জি.শিং ফংনবা হোৎনরিবা; অমসুং ইনফ্রাস্ত্রকচরগী অৱাৎপা মেনখৎনবা পব্লিক অমসুং প্রাইবেৎ ফাইনান্সিং শীজিন্নরিবা অসিদা জি-২০গী থৌদাং চেৎশিনহন্দুনা মীৎয়েং চংগনি।
পি.এম. মোদীনা ভারতকী প্রসিদেন্সীগী মখাদা জি-২০গী থবক সপ্পোর্ত তৌনবা মখোয়গী ফিরেপ অদুগীদমক রাস্ত্রপতি ৱিদোদো অমসুং রাস্ত্রপতি বাইদনবু থাগৎপা ফোঙদোকখি।
