ঐগী নুংশিজরবা ইরৈবাকচাশিং, খুরমজরি! মমাংগী চয়োলদা ঐখোয় পুম্নমক্না চাউথোকচনিংঙাই ওইবা য়াম্না চাউরবা থবক অমা মাইপাক্না ফংবা ঙম্লে। নখোয় ময়াম্না তারম্লগনি মদুদি মমাংগী চয়োলদা, ভারতনা মপাল লমদা বিলিয়ন $ ৪০০ হায়বদি লুপা করোর লাখ ৩০গী পোৎচৈ থাদোকপগী তার্গেত অদু ফংবা ঙমখ্রে। অহানবা য়েংলুবদদি মসি ভারতকী শেনমিৎলোনগা মরী লৈননা উরম্বা য়াই অদুবু মসিদি ভারতকী শেনমিৎলোনদগী হেন্না ভারতকী তৌবা ঙম্বগী শক্তি অদু উৎথোকপনি। মতম অমদদি ভারতকী মপাল লমদা থাদোকপগী স্তেতিস্তিক্স অসি করিগুম্বদা বিলিয়ন ১০০, ১৫০ অমদি ২০০ ফাওবা য়ৌরম্মি অদুবু ঙসিদি বিলিয়ন ৪০০ ফাওবা য়ৌবা ঙম্লে। মসিনা তাকপদি মালেমগী কৈথেল ভারত্তা শাবা পোত্থোকশিং অসি পাম্নবা হেন্নরক্লি লোইননা ভারতকী সপ্লাই চেন অসি নোংম-নোংমগী মপাঙ্গল কনবা হেনগৎলক্লি হায়বনি। লৈবাক অসিনা অচৌবা খোংথাং থাংলকপা অসি খল্লম্বদগী হেন্না চাউনা তৌথোরকপনি, লেপখিবা ফিরেপকীদমক্তা অহিং-নুংথিল নাইদনা পুকচেল শেংনা হোৎনরবদি মাইপাকপা ওই, মসি মীওইবগী পুনশীগশু চাংদম্নদুনা য়েংশি।
মরুপশিং, লৈবাক অসিগী মফম কয়াগী পোত্থোকনা মীরৈবাক্তা চৎলি, অসামগী হাইলাকান্দিগী শাউনগী পোত্থোক নত্রগা উস্মানাবাদকী হেন্দলুমগী পোত্থোক, বিজাপুরগী উহৈ অমদি মনা মশিং অমদি চন্দোলিগী চেং অমুবাপুম্নমক্কী এক্সপোর্তকী চাং হেনগৎলক্লি। হৌজিক্তি অদোম্না মালেমদা ফাওরবা চুম্ব্রৈদু দুবাইদসু ফংবা ঙম্লগনি লোইননা সাউদি অরাবিয়াদা তামিল নাদুদগী থাখিবা লফোই ফংলগনি। খ্বাইদগী চাউবা ৱাফম অমনা হৌজিক্তি অনৌ-অনৌবা পোত্থোক কয়া অনৌ-অনৌবা লৈবাক্তা থারি। হিমাচল উত্তরাখন্দদা হৌবা মিল্লেতস অনৌবা মহৈ-মরোংগী অহানবা তর্ন অমা দেনমার্ক্তা থাবা হৌখ্রে। অন্ধ্র প্রদেশকী কৃষ্ণা অমসুং চিত্তুর জিলাদা হৌবা বঙ্গনপল্লি অমসুং সুবর্নারেকা খোয়া মখলগী হৈনৌদু সাউথ কোরিয়াদা থাখ্রে। ত্রিপুরাদগী থৈবোং অশংবদু লন্দনদা এরোপলেন্না পুখ্রে লোইননা নাগালেন্দগী কিং চিল্লিসু লন্দনদা এক্সপোর্ত তৌখ্রে। মতৌ অসুম্না ভলিয়া গেহুগী অহানবা তর্ন গুজরাত্তগী কেন্যা অমসুং স্রি লঙ্কাদা থাদোকখ্রে, হায়বদি অদোম্না অতোপ্পা লৈবাকশিংদা চৎপা মতমদা মেদ ইন ইন্দিয়াগী পোত্থোকশিং অসি হান্নদগী হেন্না য়াম্না উবা ফংলগনি।
মরুপশিং, লিস্ত অসি অসুক্কী মতিক শাংখ্রে, লিস্ত অসিনা শাংলিবমখৈ মেক ইন ইন্দিয়াগী মপাঙ্গল ওইরিবনি। পাক চা্রবা ভারতকী মতিক মগুন অসি ঐখোয়গী লৌমীশিং, শিনমীশিং, খুৎহৈবশিং, ফিশাবশিং, এঞ্জীনীয়রশিং, অপিকপা ইন্দস্ত্রী তৌবশিং, এম.এস.এম.ই. সেক্তরশিং, তোঙান-তোঙানবা শিনফমগী মীয়ামশিং অসিগী অপুনবগী শক্তিনি। মখোয়না হোৎনবগী মপান্না, বিলিয়ন দোলার ৪০০গী এক্সপোর্তকী তার্গেত য়ৌবা ঙম্লিবনি। ভারতকী মীয়ামগী তৌবা ঙম্বা অসি মালেমগী মফম শিনবা থুংনা য়ৌবসিদা ঐহাক য়াম্না নুংঙাইবা ফাওজৈ। ভারতকী মীয়ম্না লোকেলগীদমক্তা ভোকেল পীরকপা মতমদা, লোকেলদগী গ্লোবেল য়ৌবসি মতম কুইনা চংদে। লিকেলদগী গ্লোবেল ওইহন্দুনা ঐখোয়গী মিংচৎপু অমুক্কা হেন্না হেনগৎহল্লসি।
মরুপশিং, মন কী বাত তাবীরিবশিংনা মসি তাবদা য়াম্না হরাওগনি, হোম সেক্তরদসু অপিকপা ইন্দস্ত্রী তৌবশিংগী মাইপাকপা অসিনা ঐখোয়বু চাউথোকচহল্লিবনি। ঙসিদি অপিকপা এন্তর্প্রেনরশিংনসু গোবর্মেন্ত ই-মার্কেত প্লেস হায়বদি, জেমগী খুত্থাংদা অচোবা থৌদাং য়ারি। তেক্নোলোজীগী মতেংনা য়াম্না ত্রান্সপরেন্ত ওইবা ফিভম অমা শেমগৎলে। হৌখিবা চহিদা, জেম পোর্তেলগী খুত্থাংদা, সরকারনা লুপা কোতি লাখ অমগী চাংদা পোৎ লৈখি। লৈবাক্কী মফম কয়াদা লৈবা এন্ত্রপ্রেনর লাখ আমগা লিশিং ২৫ মুক্না অপিকপা দুকান্দারশিংনা মখোয়গী পোত্থোকশিং অদু সরকারদা হকথেংননা য়োনখি। মতম অমদদি অচৌ-অচৌবা কমপনী খক্তংনা সরকারদা পোৎ য়োনবা ঙম্লম্মি, অদুবু হৌজিক্তি লৈবাক অসি অহোংবা কয়া লাক্লে, অরিবা চৎনবী কয়া হোংদোরক্লি। হৌজিক্তি পিকপদগী পিকখ্রবা দুকান্দার অমনা জেম পোর্তেলদা সরকারদা মহাক্কী পোৎ য়োল্লি, মসিনা অচৌবা মঙলান মঙবদা নত্তনা হান্না য়ৌরমদবা মফম য়ৌনবা হোৎনবগী থৌনা অদু উৎথোক্লি। মসিগী থৌনা অসিগী মপান্দগী ভরতকী মীয়াম পুম্বনা ইরোদোম লেপচবা ভারতকী মঙলান অদু মপুং ফাহনগদৌরি।
ঐগী নুংশিজরবা ইরৈবাকচাশিং, হন্দক্তা পাংথোকখিবা পত্মা সম্মান থৌরমদা ময়াম্না বাবা সিবানন্নদবু উবীরমগনি। চহি ১২৬ শুরবা অহল অদুগী এনর্জী অদু উবদা পুম্নমক ঙক্নখি, লোইননা মিৎনা কুপ্পদা খুরুখুদা কুন্দুনা খুরুমখি। ঐহাক্নসু বাবা সিবানন্দবুসু নোন্থদুনা খুরমজখি। চহি ১২৬ অমদি মহাক্কী ফিৎনেসকীদমক ঙসি লৈবাক পুম্বনা মহাকপু শোন্নরি। ঐহাক্না সোসিয়েল মীদিয়াদা মী কয়াগী কমেন্তশিং উখি, মখোয়না বাবা সিবানন্দ অসি মহাক্কী চহিগী শরুক মরি থোকপগী চাংদা ফিৎ ওইরি হায়না ইখি। মহাক্কী পুনশিং অসিনা ঐখোয়দা ইন্সপিরেশন অমা পীরি। মহাক্কী পুনশিং শাংনবগীদমক ইশ্বরদা নিজরি, মহাক্না য়োগবু য়াম্না পামজৈ লোইননা য়াম্না হেলদি ওইবা লাইফস্তাইল অমদা হিংলি।
জীবেম শরদ: শতম।
ঐখোয়গী চৎন-লোনচত্তা, ঐহাক্না পুম্নকপু চহি চামা হকচাং ফনা লৈনবগীদমক য়াই-পাউজেল পীজরি। ঐখোয়ন এপ্রিল ৭তা মালেমগী হকশেলগী নুমিৎ পাংথোক্কনি। ঙসিদি, মালেম পুম্বদা হকশেলগী মতাংদা পুক্নিং চিংশিনবা হৌনরক্লি, য়োগননি খঙদে, অয়ুর্বেদননি খঙদে, পাম্নবা হেনগৎলক্লি। হৌখিবা চয়োলদা কাতারদা য়োগগী প্রোগ্রাম অমা পাংথোকখি, মসিদা লৈবাক ১১৪গী মীশিংনা শরুক য়াদুনা অনৌবা ৱার্লদ রেকোর্দ অমা থমখি। আয়ুশ ইন্দস্ত্রীগী কৈথেলশু লেপ্তনা হেনগৎলক্লি। চহি ৬কী মমাংদদি অয়ুর্বেদগা মরী লৈনবা হিদাকশিংগী কৈথেলসি শুপ্নতংগী লুপা কোতি লিশিং ২২মুক্তা ওইরম্মি। অদুবু ঙসিদি আয়ুশ মেন্যুফেকচরিং ইন্দস্ত্রী অসি চাউরাক্না লুপা কোতি লাখ অমগা লিশিং নিফুগী চাংদা হেনগৎলক্লি। লেপ্তনা হেনগৎলক্কনি হায়বগী থাজবসু লৈরি। স্তার্ত-অপ ৱার্ল্দদসু আয়ুশ অসি ময়াম্না পাম্নবা হীরম অমা ওইরক্লি।
মরুপশিং, হেল্থ সেক্তরগী অতৈ স্তার্ত-অপসগী মতাংদা হান্নসু ৱাফম কয়া থমখ্রে, হান্দক্তি আয়ুশ স্তার্ত-অপসকী মতাংদা থোইদোকপা ৱাফম খরদং থমজগে। স্তার্ত-অপ অমা লৈ, কাপিৱা! মমিং অসিগী মনুংগী ৱাহন্থোক্তি, কা হায়বদি কাফ, পি হায়বদি পিত অমসুং ৱা হায়বদি ৱাত। মসিগী স্তার্ত-অপ অসি, এখোয়গী মৈহৌরোলগী মতুং ইন্না হেলদী ইতিং হেবিতসতা য়ুমফম ওই। স্তার্ত-অপ অমনা নিরোগ-স্ত্রীতনি, অয়ুর্বেদ হেল্থকেয়র ইকোসীস্তেমদা থোইদোক হেন্দোকপা কন্সেপ অমনি। মসিগী তেক্নোলোজী দ্রিবন প্লেতফোর্ম অসিনা মালেম পুম্বদা লৈরিবা অয়ুর্বেদগী দদোক্তরশিংগা মীয়ামগা দাইরেক্ত শম্নহল্লি। দোক্তর লিশিং ৫০ এনবনা প্রকে্তিস তোরি, মতৌ অসুম্না অত্রেয়া ইন্নোভেশন্স, হেল্থকেয়র তেক্নোলোজী স্তার্ত-অপ অমনি, হোলিস্তিক ৱেলনেসকী লমদা থবক তৌরি। এক্সোরিয়েলনা অস্বগন্ধা খক্তং শিজিন্নবগী এৱেয়র ওইহনবদা নত্তনা তোপ খ্বালিতী প্রদক্সন প্রোসেসতসু য়াম্না চাউনা ইনভেস্ত তৌখি। ক্যোরবেদনা মরু-মরাং, মনা-মশিংশিংগী অনৌবা রিসর্চ অমসুং মৈহৌরোলদগী চৎনরকপা লৌশিংগা পুল্লগা হোলিস্তিক লাইফকীদমক দাইতরি সপ্লিমেন্তসকী থবক তৌখি।
মরুপশিং, ঐনা হায়জরিবদুদি খরখক্তংনি, লিস্ত অসি ওন্থোক্না শাংকখ্রে। মসি ভরতকী নহা ওইরিবা এন্তরপ্রেনরশিং অসদি ভারত্তা লৈবা অনৌবা ওইথোকপশিং অসিগী কুদম্নি। হেল্থ সেক্তর অমদি স্তার্ত-অপশিংদা থোইদোক্না আয়ুশ স্তার্ত-অপশিংদা ঐনা হায়জনিংবদই, অদোম্না ওনলাইন পোর্তেল শেম্বা মতমদা য়ুনাইতেদ নেসন্সনা অয়াবা পীরবা লোলশিংদা শেম্নবা হোৎনসি। মালেমসিদা ইংলিশ লোল খঙদবা অমদি ঙাংদবা লৈবাক কয়াসু লৈরি। ভারতকী আয়ুশ স্তার্ত-অপসনা অফবা ক্বালিতীগী পোত্থোক পুথোক্তুনা য়াম্না থুনা মালেমদা ঙল্লরগনি হায়বসি ঐহাক্কী থাজবনি।
মরুপশিং, হকচাং ফবগা লু-নানবগা মরী য়াম্না লৈনৈ। মন কি বাত্তা লু-নানবগী ৱাফম লু-নানববু পামজবা কয়াগী ৱাফম কয়া ফোংদোকখ্রে। ময়ামসিগী মরক্তগী লু-নানবা পামজবা চন্দ্রকিশোর পাতিলসু অমনি। মহাক মহারাস্তরগী নাসিক্তা লৈ। চন্দ্রকিশোরনা লু-নানবসি অদুক মতিক্কী পামজৈ। মহাক্না গোদাবরি তুরেলগী মপান্দা লেপ্তুনা মফম অদুদা অমোৎ-অকাই হুন্দোক্তনবা মীয়ামদা পাউজেল পী। মহাক্নবু হেক উরবা, মীয়ামদা অদু তৌদনবা হায়জৈ। নুমিদাংৱাইরম য়ৌরকপদা তুরেল মপান্দা হুন্দোকপা লাকপা অমোৎ-অকাইদু পৈদুনা লৈরে। মহাক্না হোৎনজবা অসিনা মীয়ামদা এৱ্যরসু ওইহল্লি লোইননা ইন্সপায়রসু তৌই। মহাকগুম্বা অমসু লৈ, ওরিশাগী পুরিদগী রাহুল মহারানা। রাহুলনা নোংমাইজিং খুদিংগী অয়ুক অঙনবদগী হৌনা, পুরিগী লাইফমশিংদা চৎলি অদুগা মফমদুদগী প্লাস্তিক্কী অমোৎপশিং অদু খোমজিল্লি। হৌজিক মহাক্না প্লাস্তিক্কী অমোৎপা কিলো চা কয়া শেংদোক্লে। পুরিগী রাহুল অমদি নাসিক্কী চন্দ্রকিশোরনা পাউতাক কয়া তম্বীরি। নগরিক অমা ওইনা ঐখোয়না ীশাগী ইথৌ পাংথোক্কদবনি, লু-নানববু ওইরো, অফবা চিঞ্জাকপু ওইরো, অদুদগী তিকা থাববু ওইরো , মসিনা ঐখোয়বু হকচাং ফনা লৈবদা মতেং পাংঙি।
ঐগী নুংশিজরবা ইরৈবাকচাশিং, ঐখোয় কেরলাগী মুপাত্তম স্রি নরায়ননগী মরমদা ৱারী শাসি। মহাক্না পোতস ফোর ৱাতর ফোর লাইফ হায়বা প্রোজেক্ত অমা হৌদোকখি।
মরুপশিং, মুপাত্তম স্রি নরায়নন জীনা কালেনগী অশাবা মতমদা শা-উচেকশিংনা ঈশিং খৌরাংবগী অৱাবা লৈতনবগীদমক্তা লৈবাক্কী চফু য়েন্থোকপগী খোংজং অমা চংশিল্লি। অশাবা মতমদা শা-উচেকশিংগী অৱাবসি উবদা, মা মশাসু ৱাবনা খম থেংঙি। মদুদগী মহাক্না লৈবাক্কী চফু য়েল্লগে, অতোপ্পশিংনা ঈশিং হাপ্পগী থবক্তং তৌনবা হায়না মহাক্না খনখি। নরায়ন্না য়েনখিবা চফুশিংগী মশিং অসি লাখ হেনগদৌরে। মসি তাবদা ময়াম ঙক্লমগনি। মহাক্কী খোংজংসিদা মশিং লাখ শুবা চফু অদু গান্ধি জীনা লিংখৎলম্বা সাবর্মতি আস্রমদা দান তৌগনি। হৌজিক কালেন চংলক্লবনিনা নরায়ননগী থবক অসিনা ঐখোয় পুম্ববু ইন্সপায়র তৌগনি লোইননা ঐখোয়নসু ঐখোয়গী শা-উচেক মরুপশিংগীদমক ঈশিংগী থৌরাং তৌগনি।
মরুপশিং, ‘মন কি বাত’ তাবীরিবশিংবু ঐখোয়না লৌখিবা ৱারেপশিংদু অমুক হন্না নিংশিংনবা হায়জরি। ঈশিংগী ঈরিক অমমমতংবু কন্ননবগীদমক ঐখোয়না তৌবা য়াবা উপায় তৌসি। মসিদসু নত্তনা ঈশিংগী রিসাসিক্লিংসু তৌবা য়াবা তৌসি। ইমুংদা শিজিন্নবা ঈশিংশিংদু, গার্দেনিংদা শিজিন্নবা য়ারবদি, মদু শিজিন্নসি। রহিমদাসনা চহি চা কয়াগী মমাংদা হায়বীরম্মি, ‘ঈশিং য়োকসি, ঈশিং য়াওদনদি পুম্নমক অরেম্বনি’। ঈশিং য়োশিনবগী থবক্তা অঙাংশিগী থৌদাং য়াম্না চাউই। লু-নানববু অঙাংশিংনা ঈহৌ অমা ওইহনখি। মতৌ অদুগুম্না ‘ৱাতর ৱারিয়র’ ওইদুনা ঈশিং য়োকশিংবদা মতেং পাংবা য়াই।
মরুপশিং. ঐখোয়গী লৈবাক্তা ঈশিং য়োকশিনবা, ঈশিং ফংফমশিংবু ঙাক-শেনবা , মসি চহি চা কয়াদগী ঐখোয়গী চৎনবী অমা ওইরক্লি। মীয়াম্না ৱাতর কঞ্জারভেশনবু লাইফ মিসন ওইনা তোবসি উবদা ঐহাক্না নুংঙাইবা ফাওই। চেন্নাইগী অরুন কৃষ্ণমুর্তিনা মহাক্কী এরিয়াদা লৈবা পুখ্রিশিং, পাতশিংবু শেংদোকপগী খোংজং অমা চংশিল্লি। মহাক্না পুখ্রি, পাত ১৫০ রোম্বু শেংদোকপগী থৌদাং লৌখি অমসুং মাইপাক্না পাংথোকখি। মতৌ অসুম তৌনা, মহারাস্ত্রগী ঐচ.আর. প্রোফেস্নেল ওইবা রোহান কালেনা মহারাস্ত্রগী স্তেপৱেল চা কয়াবু ঙাক-শেনবগী থৌদাং লৌরি। গুহা কয়াদি চহি চা কয়া শুরবনি অমসুং ঐখোয়গী পাথাং-পুথাংগী শরুক ওইরবনি। সিকন্দ্রবাদকী বন্সিলাল-পেত গুহাসিং চহি কয়া থৌওইবীদবনা লৈখোম্না পিক থন্দুনা লৈরম্বদগী মীয়াম্না অমুক নৌহৌননা হিংগৎনবা হোৎনরি।
মরুপশিং, ঐহাক্তি ঈশিং য়াম্না তাংবা রাজ্যদগী লাকপনি। গুজরাত্তা, স্তেপৱেলশিংসিবু বো হায়না খঙনৈ লোইননা মসিগী মগুনশু য়াম্না চাউই। গুহাশিং অসিবু ঙাক-শেন্নবগীদমক, ‘জল মন্দির য়োজনা’গী থৌদাং য়াম্না চাউই। গুজরাত অপুম্বদা ঈশিং ফংফমশিং অসিবু নৌহৌননা শেমগত্তুনা ৱাতর লেভেল হেনগৎহন্নবা হোৎনরি। ময়ামসু মসি পাংথোকপা য়াই। চেক দাম শাবা, রেন ৱাতর আরভেস্তিং তৌবসিদা ইন্দিভিজুৱেল হোৎবগা লোইননা অপুনবগী থৌদাংসু চাউই। অজাদি কা অমৃত মাহোতসবকী মতমসিদা লৈবাক অসিগী জিলা খুদিংদা য়ামদ্রবদা অমৃত সারোবর ৭৫দি শেম্বা য়াই। হান্নগী পুখ্রিশিং শেমজিনবা, অনৌবা খরা শেম্বা য়াই। ময়াম্না মসিদা থবক খরা তৌরক্কনি হায়বসি ঐহাক্কী থাজবনি।
ঐগী নুংশিজরবা ইরৈবাকচাশিং, ‘মন কি বাত’কী ফজবা অমনা ঐহাক্না মবামগী মেসেজেসশিং অসি তোঙান-তোঙানবা লোল অমদি দাইলেক্তা ফংই। মী কয়ানা মাইগোবতা ওদিয়ো মেসেজ কয়া থাবীরকই। ভারতকী চৎন-লোনচৎ ঐখোয়গী লোলশিং, ঐখোয়গী দাইলেকশিং, ঐখোয়গি চাকচা-য়ুথক, ফিজেৎ-শাজেৎ খেৎনবা ময়ামসিনা ঐখোয়গী থৌনা ওইরিবনি। নোংপোক্তগীনা নোংচুপ ফাওবা, অৱাংদগী খা ফাওবদা, ভারতকী খেৎনবা অসিনা অমত্তা ওইনা পুল্লি। অপুনবা ভারত, অথোইবা ভারত ওইরি, মসিদা ঐখোয়গী পুৱারিগী মফমশিং, ৱুরানগি ৱারীশিংগ মফম য়াম্না চাউই। ঐনা মসি হায়রিবসিগী মরম করিনো হায়বসিদা ময়াম ঙক্লমগনি। মসিগী মরমদি মাধবপুর মেলা, মাধবপুর মেলা অসি করিনো, কদাইদা তোই হায়বসিদা করম্না ভারতকী খেৎনবশিংগা করম্না মর লৈনবগে হায়বসি তাবীরিবশিংনা য়াম্না নুংঙাইনা থোক্কনি।
মরুপশিং, “মাধবপুরগী মেলা” অসি গুজরাতকী পোর্বন্দরদা, সমুদ্র মপান্দা লৈবা মধবপুর খুঙ্গংদা পাংথোকই। অদুবু মসি হিন্দুস্তানগী নোংপোক থংবা মতাাইগসু মরী লৈনৈ। মতৌ কমদৌনা হায়বদা পুরানগী ৱারীনি, চহি লিশিং কয়াগী মমাংদা ভগবান শ্রী কৃষ্ণনা নোর্থ ইস্তকী রাজকুমারি, রুকমনিগা লুহোংখি। লুহোংবদু পোর্বন্দরগী মাধবপুরদা পাংথোকখি। ইস্ত অমসুং ৱেস্তকা লৈনবা ৱারীনি। মতমগী মতুং ইন্না মেলা অসিদা অহোংবা কয়া লাক্লে। নোর্থ ইস্তগী নুপী ময়ুমদগী মীওই কয়াসু মেলা য়াওবা লাক্নরে। চয়োল অমা চুপ্না চৎথবা মেলা অসিদা নোর্থ ইস্ত রাজ্যশিংদগী আর্তিস্ত কয়া লাকই, হেন্দিক্রাফকা মরী লৈনবা আর্তিস্ত কয়াসু লাকই, মসিনা মেলা অসিগী হেন্না হেনগৎহল্লি। চয়োল অমগী মেলা অসিদা, অপুনবা ভারত, অথোইবা ভারতকী ফজরবা শক্তম উবা ফংই। মেলা অসি অমুক্তংদি য়েংবীনবা হায়জরি।
ঐগী নুংশিজরবা ইরৈবাকচাশিং, হৌজিক লৈবাক অসিদা, অজাদি কা অমৃত, মীয়াম পুন্না শরুক য়ামিন্নবগী শক্তম অমা উবা ফংলি। নুমিৎ খরনিগী মমাংদা, মার্চ ২২৩দা শাহিদ রিৱসতা লৈবাক অসিগী মফম কয়াদা থৌরম কয়া পাংথোকখি। লৈবাক অসিনা নিংতম্বগী নায়ক-নায়কা কয়াবু নিংশিংনখি। নুমিৎ অসিদা ঐহাকসু কোলকাতাগী ভিক্তোরিয়া মেমোরিয়েলদা, বিপ্লোবি ভারত গেলরী হাংদোকপগী খুদোংচাবদু ফংজখি। ভারতকী থৌনা ফবা লালহৌবশিংগী মফমদা স্রধাঞ্জলি কৎচবগী থোইদোক্না মতিক চারবা গেলরী অমনি। মরুপশিং, এপ্রিল থাদা ঐখোয়না অথোইবা মীওইপোক অনিগী মপোক কুমওন পাংথোক্কনি। মখোয় অনি অদুদি মহাত্মা ফুলে অমসুং বাবাসাহেব অম্বেদকর। মআত্মা ফুলেগীনা এপ্রিল ১১ অদুগা বাবাসাহেব অম্বেদকরগীনা এপ্রিল ১৪দা পাংথোক্কনি। মহাত্মা অনি অসিনা অমাং-অশেং কাইবগী মায়োক্তা কন্না লান্থেংনখি। মহাত্মা ফুলেনা নুপীমচাশিংগী স্কুল হাংদোককি। অঙাং নুপীমচা হাৎপগী মায়োক্তা খোল্লাও লাওখি। মহাক্না ঈশিংগী অৱাবা মায়োক্নবগী মতাংদসু খোংজং চংশিনখি।
মরুপশিং, মহাত্মা ফুলেগী মরমদা নৈনদ্রিঙৈগী মতমসিদা সবিত্রি বাই ফুলেগী মরমদা পনবসু তঙাইফদে। সাবিত্রি বাই ফুলেনা সমাইজগী ওর্গনাইজেশন কয়া লিংখৎপদা অচোবা থৌদাং কয়া লৌখি। মহৈ তম্বীবা অমদি সোসিবেল রিফোর্মর অমা ওইবতা নত্তনা সমাজপু এৱ্যর ওইহল্লম্মি অমসুং পাঙ্গল হাপ্লম্মি। মখোয় অনিনা পুন্দুনা অচুম্বা পুথোকপা সমাজ লিংখৎখি, মীয়াম্বু এমপাৱর তৌনবা হোৎনখি। বাবাসাহেবকী থবক-থৌওংশিংদা মআত্মা ফুলেগী ইন্সপিরেশন উবা ফংঙি। মহাক্না হায়খি, সমাজ অমা চাউখৎপা হায়বসি লমদম অদুগী নুপীশিংগী ফিভম উরগা লেপ্পা ঙম্মি। মহাত্মা ফুলে, সাবিত্রি ফুলে, বাবসাহেব অম্বেদকরগী পুনশিদগী ঈথিল লৌরগা ঐহাক্না মমা-মপা অমদি অহল-লমনশিংদা হায়জরি, ঈচানুপীশিংবু শোইদনা লাইরিক তমহনবীয়ু। ইচানুপীশিংবু স্কুলদা মিং চনবা হেনগৎহন্নবগীদমকনুমিৎ খরনিগী মমাংদা কন্য সিক্সা প্রবেশ উৎসবসু হৌখ্রে। মসিনা করিগুম্বা মরম অমদগী স্কুল কাবা লেপ্লুরবা নুপীমচাশিংবু স্কুলদা অমুক লাকহন্নবা ফোকস তৌবনি।
মরুপশিং, ঐহাক্না লাইবক ফবদগী বাবাসাহেবকা মরী লৈনবা মফম মঙাদা থবক তৌবা ফংজখি। মহাক্কী পোক্নফম মহু, মুম্বাইগী চৈত্যভুমি, লন্দনগী মহাক্কী ময়ুম, নাগপুরগী তিখা লৌখিবা মফম, দিল্লীদা বাবাসাহেবনা থুপখিবা মফম, মফমশিং অসিদা চৎপগী লাইবক ফবদু ফংজখি। ঐহাক্না ‘মন কি বাত’পু তাবীরিবশিংদা হায়জরি, মহাত্মা ফুলে, সাবিত্রি বাই ফুলে অমদি বাবাসাহেব অম্বেদকরগা মরী লৈনবা মফমশিংদা শোইদনা চৎপীনবা হায়জরি।
ঐগী নুংশিজরবা ইরৈবাকচাশিং, হন্দক্কী ‘মন কি বাত’ অসিদা, ঐহাক্না হীরম কয়াদা হায়জখ্রে। মথংগী থাদসু কুম্হৈ-ফিয়োং কবা লাক্লি। নুমিৎ খরনিগী মতুংদা, নবরাত্রি লাক্কদৌরি। নবরাত্রিদা ঐখোয়না চরা হেন্দুনা শক্তিবু খুরমজৈ হায়বদি, ঐখোয়গী চৎন-লোনচৎনা হরাও-তায়াম্বসু তম্বী অদুগা খাংবা কনবসু তম্বী। খাংবা কনবা, নিংবা কনবা হায়বসি ঐখোয়গীদি কুম্হৈনি, মরম অসিনা নবরাত্রিসি ঐখোয়গীদমক্তদি য়াম্না মরু ওইরিবনি। নবরাত্রিগী অহৌবা নুমিত্তা গুরি পদ্বাগী কুম্হৈসু লৈ। এপ্রিলদা ইস্তরসু লাকই, লোইননা রামজানগী শেংলবা নুমিৎসু লাকই। ঐখোয় পুন্না ঐখোয়গী কুম্হৈশিং অসি পাংথোকসি। কেন্নবা কয়া লৈরবা ভারতকী মপাঙ্গল কলহনসি। হন্দক্কী ‘মন কি বাত’তা অসিখক্তং হায়জরগে। মথং থাদা অনৌবা হীরমশিংগা লোইননা অমুক উনরসি।
হন্না হন্না থাগৎচরি!
The Prime Minister begins this month's #MannKiBaat by congratulating the people of India for a momentous feat. #MannKiBaat pic.twitter.com/insPTz5EGa
— PMO India (@PMOIndia) March 27, 2022
India is now thinking big and working to realise that vision! #MannKiBaat pic.twitter.com/j5JgULUeGL
— PMO India (@PMOIndia) March 27, 2022
Taking massive steps towards economic progress. #MannKiBaat pic.twitter.com/83hIrfCPfh
— PMO India (@PMOIndia) March 27, 2022
New products are reaching new destinations and this is a great sign! #MannKiBaat pic.twitter.com/PZRI20KF65
— PMO India (@PMOIndia) March 27, 2022
I applaud our farmers, youngsters, MSMEs says PM @narendramodi. #MannKiBaat pic.twitter.com/Pnw3kLcInY
— PMO India (@PMOIndia) March 27, 2022
Earlier it was believed only big people could sell products to the Government but the GeM Portal has changed this, illustrating the spirit of a New India! #MannKiBaat pic.twitter.com/GnNmYt6gnh
— PMO India (@PMOIndia) March 27, 2022
A distinguished Padma Awardee has won the hearts the several Indians... #MannKiBaat pic.twitter.com/qrl37HinDb
— PMO India (@PMOIndia) March 27, 2022
One of the encouraging trends in the recent years is the rise and success of several start-ups and enterprises in the AYUSH sector. #MannKiBaat pic.twitter.com/SP7cBAyRxZ
— PMO India (@PMOIndia) March 27, 2022
Inspiring efforts in Maharashtra and Odisha to further cleanliness... #MannKiBaat pic.twitter.com/seOr5wBT2v
— PMO India (@PMOIndia) March 27, 2022
Here is how a unique effort in Kerala can inspire the nation on the subject of water conservation and on caring for birds... #MannKiBaat pic.twitter.com/2F8hQLr3GT
— PMO India (@PMOIndia) March 27, 2022
Emphasising on water conservation, PM @narendramodi talks about efforts in Gujarat like Jal Mandirs. Also urges making Amrit Sarovars across India. #MannKiBaat pic.twitter.com/HRuqV9DEEI
— PMO India (@PMOIndia) March 27, 2022
Every #MannKiBaat is enriched by creative and diverse inputs... #MannKiBaat pic.twitter.com/4MuRLRDPDP
— PMO India (@PMOIndia) March 27, 2022
How many of know about a fair in the coastal part of Gujarat which is a manifestation of a spirit of Ek Bharat, Shreshtha Bharat! #MannKiBaat pic.twitter.com/cXGeuMi4ZA
— PMO India (@PMOIndia) March 27, 2022
In the month of April we remember Mahatma Phule and Dr. Babasaheb Ambedkar. #MannKiBaat pic.twitter.com/QB1qNrOJyV
— PMO India (@PMOIndia) March 27, 2022
The greatness of Mahatma Phule... #MannKiBaat pic.twitter.com/7KPYpGmfmb
— PMO India (@PMOIndia) March 27, 2022
During #MannKiBaat, PM @narendramodi paid tributes to the great Savitribai Phule. #MannKiBaat pic.twitter.com/C7EvHpTBUQ
— PMO India (@PMOIndia) March 27, 2022
I feel honoured to have gone to the Panch Teerth associated with Dr. Ambedkar. I would also urge you all to visit these inspiring places. #MannKiBaat pic.twitter.com/7YcEQzmmGv
— PMO India (@PMOIndia) March 27, 2022
Let us further girl child education and strengthen women empowerment. #MannKiBaat pic.twitter.com/eH8BPlmKM1
— PMO India (@PMOIndia) March 27, 2022
