ঐহাক্কী নুংশিরবা লৈবাক মীয়াম, নমস্কার!
অনৌবা হীরম, ইথিল পীনিংঙাই ওইরবা ক্লু, ৱারোল কয়া খোমজিন্দুনা ঐহাক্কী ‘মন কী বাত’ ফোংদোক্নবা ঐহাক্না মেয়ামগী মফমদা অমুক্কা হন্না লাকচরি। হন্দক্কী মতাং অসিদা ঐহাক্না করম্বা হীরমগী মতাংদা খ্বাইদগী হেনবা চিথী ফংই হায়বা অদোম খঙবীবরা? হৌখ্রবা, হৌজিক অমসুং তুংদা লাক্কদবা, পুম্নমক অহুম অসিবু পুন্সিনবা হীরমগী মতাংদা। ঐহাক্না ঙাংলিবা অসি লৈবাক্কী অনৌবা প্রধানমন্ত্রী ম্যুজিয়মগী মতাংদনি। হন্দক্কী এপ্রিলগী ১৪, বাবাসাহেব অম্বেদকরগী মপোক কুমওন নুমিত্তা, প্রধানমন্ত্রী ম্যুজিয়ম্বু লৈবাক মীয়ামদা খুৎশিন্নখি। লৈবাক্কী মীয়ামগীদমক্তা মসিবু হাংদোকখি। ঙসিগী তাবীরিবা মীওই অমদি শ্রীমান সার্থকজীনি; সার্থকজী অসি গুরুগ্রামদা লৈবনি অমসুং অহানবা খুদোংচাবা হেক ফংবগা মহাক্না প্রধানমন্ত্রী ম্যুজিয়মদা চৎলুরে। সার্থকজীনা নামো এপ্তা ঐহাক্কী মফমদা ইরকপা ৱারোল অসি য়াম্না নুংঙাইবনি। মহাক্না চহি কয়াদগী ই-পাউগী চেনেল য়েংলক্লি, পাউ-চে পাদুনা লাক্লি, লোয়ন-লোয়ননা মহাক্না সোসিএল মিদিয়াসু শিজিন্নরি, মরম অদুনা, মহাক্না মহাক্কী জেনেরেল নোলেজ অসি য়াম্না লিংই হায়না লৌই। অদুবু, মহাক্না পি.এম. ক্যুজিয়মদা চৎলুবা মতমদা, মহাক্না মহাক্কী লৈবাক অমসুং লৈবাক অসিবু লুচিংলম্বা মীওইশিংগী মতাংদা য়াম্না খঙলমদবা অসিদা মশাদা ঙকচবা ফাওখি। লাল বহাদুর শাস্ত্রীদা মহাক্কী লোয়নবীগী মরী-মতাশিংনা পীরকখিবা তরেংগুম্বা পোৎলম উবা ফংখিবদা মহাকপু য়াম্না নুংঙাইহনখি অমসুং মহাক্কী মফমদা লাংতক্নবা ফাওহনখিবা পি.এম. ম্যুজিয়মগী অখন্নবা ৱাফমগী মতাংদা মহাক্না ইরকখি। মহাক্না শাস্ত্রীজীগী পাসবুকসু উবা ফংজখি অমসুং মদুদা শেল খরতমক তুংশিনবগী ৱারোলবুসু মহাক্না উজবা ফংখি। মোরার্জী দেসাইনা নীংতম ইহৌদা শরুক য়াদ্রিঙৈগী মমাংদা গুজরাতকী দেপ্যুতী কল্লেক্তর ওইরম্মি হায়বা মহাক্না হান্না খঙলমদে হায়না সার্থকজীনা ইরকখি।
এদমিনিস্ত্রেতিব সর্ভিস্তা মহাক্কী শাংলবা কেরিয়র লৈরক্লবনি। চৌধরী চরন সিংহনা জমিন্দারী মুত্থৎপগী ইহৌদা অচৌবা থৌদাং য়ারম্মি হায়বা খঙলমদে হায়না সার্থকজীনা চৌধরী চরন সিংহজীগী মতাংদা ইরকখি। মসিদা নত্তনা, শ্রী পি.ভি. নরসিমহা রাওনা লেন্দ রিফোর্মগী মরী লৈনবা থবকশিংদা থৱাই য়াম্না য়াওই হায়বসু মহাক্না উবা ফংখি হায়না মহাক্না মখা তানা ইরকখি। চন্দ্রসেখরজীনা কিলোমীতর ৪ হেন্না মখোঙনা চত্তুনা ভারত য়াত্রা তৌখি হায়বসি মহাক্না ম্যুজিয়ম অসিদা লাক্লবা মতুংদখক্তা খঙবা ঙমখি হায়না সার্থকজীনা পাউদমলকখি। ম্যুজিয়ম অসিদা মহাক্না অতলজীনা শিজিন্নরম্বা পোৎলম উখি, মহাক্কী ৱারোল তাখি অমসুং মহাকপু মসিনা য়াম্না চাউথোকচহনখি। ম্যুজিয়ম অসিনা মহাত্মা গান্ধী, সর্দার পতেল, দাঃ অম্বেদকর, জয় প্রকাশ নরায়ন অমসুং ঐখোয়গী প্রধান মন্ত্রী, পন্দিৎ জৱাহরলাল নেহরুজীগী মতাংদা নুংঙাইরবা ৱাফম কয়া অমসু তাক্লি হায়না মহাক্না ইরকখি।
মরুপশিং, নীংতম্বগী অমৃত মহোৎসবকী মতম নত্তনা ঐখোয়গী লৈবাক্কী প্রধান মন্ত্রীশিংগী তেংবাংশিংবু নীংশিংবগী হেন্না ফবা করম্বা মতম লৈরিবগে? নীংতম্বগী অমৃত মহোৎসবনা মীয়ামগী ইহৌগী মওং লৌরকপা অসিদি লৈবাক্কী চাউথোকচনীংঙাই ওইবা ৱাফম্নি। মীয়াম্না পুৱারীদা পুক্নিং চঙবগী মতৌ হেনগৎলক্লি অমসুং অসিগুম্বা মিৎকুপ অসিদা, পি.এম. ম্যুজিয়ম্না নহারোলশিংগী পুক্নিং চিংশিনফমগী ময়োল অমা ওইরকপগা লোয়ননা মখোয়বু লৈবাক্কী মমল নাইদ্রবা হেরিতেজকা শম্নহল্লি।
অদুগা মরুপশিং, ম্যুজিয়ম অসিগী মতাংদা অদোমগা অসুক য়াম্না খন্ন-নৈনরিবনিনা, ঐহাক্না অদোমগী মফমদা ৱাহং খরা হঙফম থোকই হায়না ঐহাক্না খল্লি। অদোমগী জেনেরেল নোলেজকী লৌশিংনা করি হায়বগে য়েংলসি...অদোম্না ই-পাউ কইয়া য়াম্না খঙলবগে? অদোম শেম-শাবা লোইরেকো, ঐহাক্কী নহা ওইরিবা মরুপশিং, অদোমগী খুত্তা চে-কলম পায়রবা নত্ত্রো? ঐহাক্না হৌজিক অদোমগী মফমদা হংগদৌরিবা ৱাহংশিং অসিগী পাউখুম অদোম্না নামো এপ নত্ত্রগা সোসিএল মিদিয়াদা #MuseumQuizতা পীবিরকপা য়াগনি....পীবিরকউকো। অদোম্না ৱাহং খুদিংগী পাউখুম পীরক্নবা ঐহাক্না হায়জরি। মসিনা লৈবাক মীয়ামগী মফমদা ম্যুজিয়ম অসিদা থৱাই য়াওবগী চাং হেনগৎহনগনি। ইন্দিয়ন রেলৱেজকী মমাংগী চহি ৪৫গী পুৱারী উবগী খুদোংচাবা ফংহল্লিবা মমিং চৎলবা রেল ম্যুজিয়ম অসি লৈবাক্কী করম্বা শহরদা লৈ হায়বা অদোম খঙবরা? খঙনবা ক্লু অমা পীগে। ফাইয়রলেস স্তীম লোকোমোতিবতা ৱেল্সকী প্রিন্সকী সেলুন, ফেরী ক্বীন অসি মফমসিদা অদোম্না উবা ফংগনি। ঐখোয়না করেন্সী হৌরকপগী খোঙজেলবু য়াম্না নুংঙাইবা মওংদা তাকপগী মতৌ উবা ফংবা করম্বা ম্যুজিয়ম অসি মুম্বাইদা লৈবগে হায়বা অদোম খঙবরা? মফমসিদা তরুকশুবা চহি-চা বি.সি.গী শেলয়েক লৈ; অতোপ্পা নাকল অমদনা, ই-মনীসু লৈ। অহুমশুবা ৱাহং- ‘বিরাসত-ই-খালসা’গা ম্যুজিয়ম অসিগা মরী লৈনৈ। পঞ্জাবকী করম্বা শহরদা ম্যুজিয়ম অসি লৈ হায়বা অদোম খঙবরা? অদোম্না তেলঙ্গা পাইবসি য়াম্না নুংঙাইরমগনি, ঐহাক্কী মথংগী ৱাহংদি মসিগা মরী লৈনৈ। লৈবাক্কী অমত্তা ঙাইরবা তেলঙ্গাগী ম্যুজিয়ম অসি কদাইদা লৈবগে? ক্লু অমা পীগেকো, মফমসিদা উৎলিবা খ্বাইদগী চাউবা তেলঙ্গা অসি ফুত ২২x১৬ পাক চাউই। ৱাখলদা করিগুম্বা খরা লাকপরা - লাক্তে? মসিগী মরমদা ৱারোল অমগা হায়গে – মসি লৈরিবা শহরগা বাপুগা অখন্নবা মরী লৈনৈ। অঙাং ওইরিঙৈদা স্তাম্প খোমজিনবগী হৈনবী কনানবু লৈতগে? ঐহাক্না ৱাহং অমগা হংগে। গুলশন মহল হায়না মিংথোনবা বিলদিং অমদা করম্বা ম্যুজিয়ম লৈবগে? ম্যুজিয়ম অসিগী ক্লু অসিদি, অদোম্না মসিদা ফিল্মগী দাইরেক্তর ওইবা য়াগনি, অদোম্না কেমেরা, ইদিতিং তৌবগী মওং-মতৌ য়েংবসু য়াগনি। ফরে, অদোম্না ভারতকী তেক্সতাইল হেরিতেজ নীংথিজনা তাকপা ম্যুজিয়ম অমা হেক্তবু খঙবরা? মসিগী ম্যুজিয়ম অসিদা অপীকপা লাই, জাইনা মেনুস্ক্রিপ, অহকপা মুর্তী অমসুং অতোপ্পা কয়া অমা লৈ। মসিগী তোপ-তোপ্পা মওংদা পোৎলমশিং উৎপগীদমক্তা মসি মমিং চৎলি।
মরুপশিং, তেক্নোলোজীগী হৌজিক্কী মতমসিদা ৱাহং অমগী পাউখুম থিবসি অদোমগী য়াম্না লাইরে। ঐখোয়গী অনৌবা চারোন-শুরোনগী খঙনীংবগী চাং হেনগৎহন্নবগীদমক্তা ঐহাক্না ৱাহং অসি হংলিবনি। মখোয়না মসিগী মরমদা হেন্না পাদুনা অমসুং মফমশিং অসিদা চৎলুনবা হায়না হংবনি। ম্যুজিয়মগী মরু ওইবা খঙবদগী মীওই কয়ানা মাং থানা থোক্লক্তুনা পোৎলম কয়া অমা পীনরক্লি। মীওই কয়া অমনা মখোয়গী অরীবা কল্লেক্সনগা লোয়ননা পুৱারী ওইরবা পোৎলম কয়া ম্যুজিয়মদা পীনরক্লি। অদোম্না অসুম্না পাংথোকপা মতমদা, অদোম্না খুন্নাই অপুনবদা নাৎকী ওইবা লন পীরিবনি। ভারত্তসু মীওই কয়ানা মরী লৈনবা থবক্কীদমক্তা থোক্নরক্লি। অসিগুম্বা মীয়াম্বু ঐহাক্না থাগৎলি। ঙসিগী হোংলক্লিবা মতম অমসুং কোরোনাগী লাইচৎ অসিনা মরম ওইরগা, ম্যুজিয়মদা অনৌবা থৌওং শিজিন্নবগী থৌওংদা মীয়াম্না মিৎয়েং চঙনরি। ম্যুজিয়ম্বু দিজিতাইজ তৌবগী থৌওংশিংসু হেনগৎলক্লি। মে ১৮দা মালেম শিনবা থুংবদা মালেমগী ম্যুজিয়ম নুমিৎ পাংথোকই হায়বসি অদোম্নসু খঙলম্লগনি। ঐহাক্কী নহা ওইরিবা মরুপশিংগীদমক্তা ঐহাক্কী ৱাখল্লোন অমা লৈ। অদোমগী মরুপশিংগা লোয়ননা লাক্কদৌরিবা ছুতিশিংদা অদোমগী মফমদা লৈবা ম্যুজিয়মদা অমুক্তা চৎলু। অদোম্না থেংনরকপশিংবু #MuseumMemoriesতা তম্লকউ। অসুম্না তৌবা মতমদা, অদোম্না অতোপ্পগী ৱাখল্লোন্দসু ম্যুজিয়মগী ইথিল পীগনি।
ঐহাক্কী নুংশিরবা লৈবাক মচাশিং, অদোম্না ইশাগী পুন্সিদা ৱারেপ কয়া লেপ্লমগনি অমসুং মখোয়বু মঙফাওনহন্নবা হোৎনবসু তৌরমগনি। মরুপশিং, ঐহাক্না অসিগুম্বা ৱারেপ অমগী মতাংদা ইকুই কুইদনা খঙখি অমসুং মদু য়াম্না তোঙানবা অমসুং তোপ-তোপ্পি। মরম অদুনা, ঐহাক্না ‘মন কী বাত’ তারিবশিংদা তম্বা পাম্মি।
মরুপশিং, মীওই অমনা মশাগী ময়ুমদগী থোক্লক্তুনা, নুমিৎ চুপ্পা অমা শেলগী ত্রাঞ্জেক্সন তৌদনা শহরদুবু মপুং ফানা কোয়গে হায়না ৱারেপ লৌবসিবো অদোম্না খল্লুবা ঙম্বরো, মসি য়াম্না নুংঙাইবা থৌওং অমা নত্ত্রো। দিল্লীগী ইচানুপী অনি, সাগারিকা অমসুং প্রেকশানা অসিগুম্বা মওংদা কেশ্লেস দে আউত অমা চাংয়েং তৌখি। সাগারিকা অমসুং প্রেকশানা দিল্লীগী মফম খুদিংদা চৎলুবা মতমদা মখোয়না দিজিতেল পেমেন্ত তৌবগী খুদোংচাবা ফংখি। য়ু.পি.আই. ক্যু.আর. কোদনা মরম ওইরগা, মখোয়না শেল লৌথোকপগী মথৌ তাখিদে। লম্বীদা চান-থক্নবা য়োনবা অমসুং অতোপ্পা দুকানশিংদা মখোয়না ওনলাইন ত্রাঞ্জেক্সন তৌবগী খুদোংচাবা ফংখি।
মরুপশিং, মসিদি দিল্লীনি, মেত্রো শহরনি, মরম অদুনা অসিগুম্বা খুদোংচাবা অসি ফংবসি অরায়বনি হায়না কনা অমনা খল্লমগনি। অদুবু, য়ু.পি.আই. অসি দিল্লীগুম্বা অচৌবা শহর খক্তদা অখন্ননা লৈগনি হায়বা লৈত্রে। ঐহাক্না ঘাজিয়াবাদকী অনন্দিতা ত্রিপাথীদগী ৱারোল অমা ফংই। অনন্দিতানা মহাক্কী মপুরোইবগা মমাংগী চয়োলদা অৱাং নোংপোক্তা চৎলুই। মহাক্না অসমদগী মেঘালয় অমসুং আরুনাচল প্রদেশকী তৱাং ফাওবগী মহাক্কী খোঙচৎকী মরমদা ঐঙোন্দা তমখি। অসুক য়াম্না শাংলবা খোঙচৎ অসিদা মখোয়না মনুং হঞ্জিনবা লমদম ফাওবদা শেল লৌথোকপগী মথৌ তাখিদবসি তাবদা অদোমসু অঙকপা ফাওগনি। চহি খরগী মমাংদা ইন্তর্নেতকী অফবা খুদোংচাবা লৈরমদবা মফমদা ফাওবা, হৌজিক য়ু.পি.আই. শিজিন্নদুনা পেমেন্ত তৌবগী খুদোংচাবা লৈরে। সাগারিকা, প্রেকশা অমসুং অনন্দিতানা থেংনখিবশিং য়েংলুবা মতমদা, অদোমসু কেশলেস দে আউতকী এক্সপেরিমেন্ত অসি শোইদনা পাংথোক্কদবনি হায়না ঐহাক্না খল্লি।
মরুপশিং, হৌখিবা চহি খরদা, ভিম য়ু.পি.আই. অসি ঐখোয়গী শেন্মিৎলোন অমসুং হৈনবীগী শরুক অমা য়াম্না থুনা ওইরক্লি। অপীকপা শহর মচা অমসুং খুঙ্গং অয়াম্বদা, মীয়াম্না য়ু.পি.আই. ত্রাঞ্জেক্সন পাংথোক্লি। লৈবাক অসিদা দিজিতেল ইকোনোমীগী চৎনবী অমা হৌরক্লি। লম্বীদা লৈবা অপীকপা দুকানশিংদা দিজিতেল পেমেন্তনা কস্তমর মশিং হেন্না তেংবাংবা ঙমহল্লি। মখোয়না হৌজিক অচোইবা কায়বগী মথৌ তাদ্রে। অদোম্না য়ু.পি.আই.গী নুংঙাইবসি ইশাগী নোংমগী পুন্সিদসু থেংনরম্লগনি। অদোম্না মফম অমদা চৎপা খুদিংগী, শেল পুদুনা চৎপা, বেঙ্কতা চৎপা, এ.তি.এম. থিবগী খুদোংচাদবা অদু হৌজিক লৈত্রে। পেমেন্ত খুদিংমক মোবাইলদগী পাংথোক্লে, অসিগুম্বা পীক্লবা ওনলাইন পেমেন্তকী থৌওংশিং অসিনা মরম ওইরগা লৈবাক অসিদা কয়া য়াম্না চাউবা দিজিতেল ইকোনোমী অমা মতৌ করম্না শেম্লি হায়বা অদোম্না খঙবরা? হৌজিক্কী মতমসিদা, লৈবাক অসিদা নোংমদা লুপা করোর লিশিং ২০ হেনবগী ত্রাঞ্জেক্সন পাংথোক্লি। হৌখিবা মার্চতা, য়ু.পি.আই. ত্রাঞ্জেক্সন্না লুপা করোর লাখ ১০ হেনখি। মসিনা মরম ওইরগা, লৈবাক অসিদা খুদোংচাবা য়াম্না হেনগৎলক্লি অমসুং পুকচেল শেংবগী অকোইবগী ফিভম অমসু শেম্লে। ফিন-তেক্কা মরী লৈনবা অনৌবা স্তার্ত-অপ কয়া অমা হৌজিক লৈবাকসিদা থোক্লকলি। অসিগুম্বা দিজিতেল পেমেন্ত অমসুং স্তার্ত-অপ ইকোসীস্তেমগা মরী লৈনবা অদোম্না থেংনখিবশিংগী মতাংদা অদোম্না ৱারী লিহন্নীংই। অদোম্না থেংনখিবশিংনা লৈবাক মীয়াম কয়া অমগী ইথিল ওইগনি।
ঐহাক্কী নুংশিরবা লৈবাক মীয়াম, তেক্নোলোজীগী পাঙ্গলনা মীচম মীয়ামগী পুন্সিদা করম্না অহোংবা পুরক্লিবা, মসি ঐখোয়না অকোয়বদা লেপ্তনা উবা ফংলি। তেক্নোলোজীনা অতোপ্পা অফবা থবক অমসু পাংথোক্লে। মসিনা ঐখোয়গী দিব্যাং মরুপশিংগী তোপ-তোপ্পা হৈ-শিংববু লৈবাক অমসুং মালেমগী মাঙদা পুথোকপদা অমসুং কান্নবা পীবদা তেংবাংলি। ঐখোয়গী দিব্যাং ইচিল ইনাওশিংনা তোকিয়ো পেরালিম্পিক্সতা মায় পাকপা ফংখিবশিং ঐখোয়না উরে, মখোয়গী মতিক খঙলে। শান্ন-খোৎনবদা তৌবগুম্না, ঐখোয়গী দিব্যাং মরুপ কয়া অমনা আর্ত অমসুং একাদমিক্সতা মশক থোকপা থৌওং কয়া পাংথোক্লি। মখোয়না তেক্নোলোজীগী পাঙ্গল ফংবা মতমদা, মখোয়না হেন্না মায় পাকপা ঙম্লি। মরম অদুনা, নাম্মা শোইবা মীওইশিংদা রিসোর্স অমসুং ইনফ্রাস্ত্রকচর কয়া ফংহন্নবা লৈবাক অসিনা লেপ্পা লৈতনা হোৎনরি। মাইকৈ অসিদা ইথিল পীবা থবক কয়া পাংথোকপা স্তার্ত-অপ অমসুং লুপ কয়া অমা লৈবাকসিদা লৈরি। অসিগুম্বা লুপ অমা লৈ – ভোইস ফোর স্পিসিএল্লী এবল্দ পীপল, লুপ অসিনা এসিস্তিব তেক্নোলোজীগী হীরমদা অনৌবা খুদোংচাবা কয়া পীরি অমসুং খুমাং চাউশিনহল্লি। দিব্যাং আর্তিস্তশিংগী থবকশিংবু মালেমদা য়ৌহন্নবা অনৌবা থৌওং অমসু হৌদোকখ্রে। ভোইস ওফ স্পিসিএল্লী এবল্দ পীপলনা হায়রিবা আর্তিস্তশিং অসিগী পেন্তিংশিংগী দিজিতেল আর্ত গেল্লরী অমা শেম্লে। দিব্যাং মরুপশিং অসিনা মীয়ামগা মান্নদবা মহৈ-মশিং অমসুং মখোয়গী তোবা ঙম্বশিংনা কয়াদা তোঙানবগে হায়বসি আর্ত গেল্লরী অসিনা খুদম ওইরি। দিব্যাং মরুপশিংগী পুন্সিদা থেংনরিবা খুদোংচাদবশিং অসি করিনো? মসিবু খুদুম চনবা ঙম্লবা তুংদা, মখোয়না কদাই ফাওবা য়ৌবা ঙম্বগে? অদোম্না পেন্তিং ময়াম অসি উরবা মতুংদা খঙবা ঙমগনি। করিগুম্বা অদোম্না দিব্যাং মরুপ অমবু শকখঙলবা অমসুং মখোয়গী মহৈবু খঙলবা, অদু ওইরবদি, অদোম্না দিজিতেল তেক্নোলোজীগী মতেংদগী মখোয়বু মালেমগী মাঙদা পুথোকপা ঙমগনি। দিব্যাং মরুপশিংনা মসিগী থৌওং অসিদা য়াওশিনগদবনি।
ঐহাক্কী নুংশিরব লৈবাক মীয়াম, লৈবাক্কী মফম অয়াম্বদা কালেনগী মৈশা য়াম্না কন্না হেনগৎলক্লি। শাবা হেনগৎলকপনা ঐখোয়গী ঈশিং কনবগী থৌদাংসু মান্ননা হেনগৎলক্লি। অদোম্না লৈরিবা মফমদা ঈশিং মরাং কায়না লৈরম্বা য়াই। অদুবু, ঈশিং তাঙবা মফমদা লৈবা মীওই করোর কয়াগীদি ঈশিং মরিক অমনা অমৃতগা মান্নৈ হায়বা অদোম্না খঙগদবনি।
মরুপশিং, নীংতম্বগী অমৃত মহোৎসব, নীংতম্বগী চহি ৭৫ শুবা অসিদা, লৈবাক অসিনা ৱারেপ কয়া লৌদুনা তুংলমচত্তা চঙশিল্লিবা অসিদা ঈশিং য়োকখৎপগী ৱারেপসু অমনি। অমৃত মহোৎসবকী মনুংসিদা, লৈবাক্কী জিলা খুদিংদা অমৃত সরোবর ৭৫ শারগনি। কেম্পেন অসি কয়া য়াম্না চাউবগে হায়বা অদোম্না খঙবা ঙমগনি। অদোমগী শহরদা অমৃত সরোবর ৭৫ লৈরগদবা নুমিৎ অসি কুইদ্রবনি। ঐহাক্না অদোম খুদিংমক্না, মরু ওইনা, নহা ওইরিবা মরুপশিং কেম্পেন অসিগী মতাংদা খঙহন্নীংই অমসুং মসিগী থৌদাং লৌহন্নীংই। অদোমগী মফমদা করিগুম্বা নীংতম্বগী ইহৌগা মরী লৈনবা পুৱারী লৈরবা, নীংতম লানমী অমগী নীংশিংনবা লৈরবদি, অদোম্না মদুগা অমৃত সরোবরগা মরী লৈনহনবা য়াগনি। অমৃত সরোবরগী ৱারেপ লৌখ্রবা মতুংদা, অয়াঙবা খোঙজেলগা লোয়ননা মফম কয়াদা মরী লৈনবা থবক পায়খৎপা হৌরে হায়না ঐহাক্না খঙবসু ঙম্লে। ঐহাক্না য়ু.পি.গী রামপুরগী প্রাম পঞ্চায়ত পাত্বাইগী মতাংদা খঙবা ঙম্লে। গ্রাম সভাগী লমদা পুখ্রি অমা লৈরম্মি, অদুবু মদুদি অমোৎপনা থল্লম্মি। লোকেলগী মীয়াম, স্কুলগী মতেংদগী কন্না হোৎনরবা তুংদা মমাংগী চয়োল খরদা পুখ্রি অসিগী শক্তম ওনখ্রে। পুখ্রি অসিগী মপান্দা রিতেনিং ৱাল, বাউব্দরী ৱাল, ফুদ কোর্ত, ঈশিং কাপ্পী অমসুং মৈ থান্নবা থৌওং কয়া হৌজিক হোৎনরি। ঐহাক্না রামপুরগী পাত্বাই গ্রাম পঞ্চায়ত, খুঙ্গংগী মীয়াম অমসুং অঙাংশিংবু মসিগী থবক অসিগীদমক্তা থাগৎপা ফোংদোকচরি।
মরুপশিং, ঈশিং ফংবা অমসুং ঈশিং তাঙবা অসিনা লৈবাক অমগী চাউখৎপগী খোঙজেল লেপ্পি। ‘মন কী বাত’ অসিদা লু-নানবগী হীরমগা লোয়ননা ঐহাক্না ঈশিং কনবগী মতাংদা হঞ্জিন-হঞ্জিন্না হায়বা অসি খঙলমগনি। মসিদি ঐখোয়গী থাইনদগী ইরম্লিবা লাইরিকশিংদা য়াওরবনি -
পানিয়ম পরমামম লোকে, জীবানাম জীবানম সামৃতম ।।
মসিনা হায়বদি, মালেম অসিদা ঈশিং হায়বসিনা অহিংবা জিব খুদিংগী য়ুম্ফম্নি অমসুং ঈশিংনা খ্বাইদগী চাউবা রিসোর্সনি হায়বনি। মরম অদুনা, ঐখোয়গী ইপা-ইপুশিংনা ঈশিং য়োকশিনবদা অহেনবা মিৎয়েং চঙলম্লিবনি। ভেদগী পুরান ফাওবদা, মফম খুদিংদা ঈশিং য়োকখৎপা, পুখ্রি, পাৎ কয়া শেম্বা হায়বসি মীওই অমগী খুন্নাই অমসুং স্পিরিচুএল ওইবা থৌদাংনি হায়রম্লিবনি। বাল্মিকীগী রমায়ন্দা ঈশিং য়োকশিনবা, ঈশিং থোকফম কয়া শম্নহনবদা অহেনবা মিৎয়েং চঙলম্মি। মান্নবা ওইনা, মদুদি ইন্দস-সরস্বতী অমসুং হরাপ্পন সিভিলাইজেসনগী মতমদা ফাওবা, ভারত্তা ঈশিংগা মরী লৈনবা ইঞ্জিনিয়রিং অসি কয়া য়ানা চাউখৎলম্মি হায়বা হিস্তরীগী মহৈরোইশিংনা খঙগনি। অরীবা মতমদা, শহর কয়াগী মরক্তা ঈশিং ফংফমশিংগী শম্নবা পথাপ অমা লৈরম্মি অমসুং মসিগা মতমসিদা মীশিং য়াম্লমদে, মহৌশাগী পোত্থোক্কী অৱাৎপা লৈরমদে, পুম্নমক মরাং কায়রম্মি, অদুবু, ঈশিং য়োকখৎপগী মতাংদা মীয়াম্না নীংথিজনা খঙনরম্মি। অদুবু, ফিভম অসি তাইয়োন্নরে। অদোম্না ইশাগী মফমদা লৈবা অসিগুম্বা পুখ্রি, গুহা অমসুং পাৎকী মতাংদা ঐহাক্না খঙহন্নীংই। অমৃত সরোবর অভিয়ান্না মরম ওইরগা, ঈশিং য়োকখৎপগা লোয়ননা অদোমগী লমদমগী মশক থোকপা শক্তাক অমা লৈরগনি। মসিগা লোয়ননা, শহরশিংদা লোকেলগী তুরিস্ত মফম শেমগনি অমসুং মীয়াম্না মসিদা কোইবা চৎপসু য়াগনি।
মরুপশিং, ঈশিংগা মরী লৈনবা থৌওং খুদিংমক ঐখোয়গী হয়েংগা মরী লৈনৈ। মসিদি, অপুনবা খুন্নাইগী থৌদাংনি। মসিগীদমক্তা, তোঙানবা খুন্নাইনা চহি-চা কয়াদগী থৌওং কয়া লেপ্তনা হোৎনদুনা লাক্লি। খুদম ওইনা হায়রবদা, ‘কৎচকী রন’গী ত্রাইব ওইরিবা মালধারীনা ‘ব্রিদাস’ কৌবা থৌওং অমা ঈশিং য়োকখৎনবা শিজিন্নরম্মি। মসিগী মখাদা, গুহা মচা কয়া শাই অমসুং মসিবু ঙাক শেন্নবগীদমক্তা অকোয়বদা উ অমসুং পাম্বী কয়া থাই। মান্নবা ওইনা, মধ্য প্রদেশকী ভিল ত্রাইবনা মখোয়গী পুৱারী ওইরবা চৎনবী ‘হলমা’বু ঈশিং য়োকখৎনবা শিজিন্নরম্মি। থৌওং অসিগী মখাদা, ত্রাইব অসিগী মীয়াম্না মফম অমদা পুন্দুনা ঈশিংগা মরী লৈনবা শিংনবশিংগী ৱারোইশিন পুথোক্নবা পুল্লি। হলমা চৎনবীদগী ফংলকপা পাউতাক্কী মখা পোন্না, লমদম অসিগী ঈশিংগী অৱাবা হন্থরকখি অমসুং গ্রাউন্দ ৱাতর লেবেলসু হেনগৎলক্লি।
মরুপশিং, অসিগুম্বা ইশাগী থৌদাংগী ৱাখল্লোন অসি মীওই খুদিংদা চেল্লবদি, ঈশিংগা মরী লৈনবা খ্বাইদগী চাউরবা শিংনবগী ৱারোইশিন পুরকপা ঙমগনি। লাকও, ঈশিং য়োকখৎনবা ঐখোয়না ৱাশক লৌরসি অমসুং নীংতম্বগী অমৃত মহোৎসবকী মতমসিদা পুন্সি কল্লসি। ঐখোয়না ঈশিং মরিক মরিক্তগী হৌদুনা কনগনি অমসুং পুন্সি খুদিংমক কনগনি।
ঐহাক্কী নুংশিরবা লৈবাক মীয়াম, ঐহাক্না ঐহাক্কী নহা ওইরিবা মরুপ অমসুং মহৈরোইশিংগা হন্দক্তা ‘পরিক্ষা পে চর্চা’ পাংথোকখিবা অদোম্না উরম্লগনি। মসিগী ৱারী শাবা অসিদা, মহৈরোইশিংনা পরিক্ষাদা অঙ্ক য়াম্না কিজৈ হায়না ফোংদোকখি। মান্নবা ৱাখল্লোন অসি ঐহাক্কী ইফমদা মহৈরোই কয়ানা মখোয়গী ৱারোলদা তম্লকখি। মিৎকুপ অদুমক্তদা, ঐহাক্না হন্দক্কী ‘মন কী বাত’ অসিদা অঙ্কগী মতাংদা শোইদনা খন্নগনি হায়না ৱারেপ লৌখি। মরুপশিং, অঙ্ক হায়বসিদি ঐখোয় ভারত মচা খুদিংনা চাউথোকচগদবা সবজেক্ত অমনি। অঙ্কগী মতাংদা ভারতনা খ্বাইদগী হেনবা রিসর্চ অমসুং শরুক তম্লিবনি। অদোম্না জিরো, মসি করম্না পুথোকখিবা অমসুং মসিগী মরু ওইবগী মতাংদা লোইনা তানরম্লগনি। অদুগা করিগুম্বা জিরো অসি পুথোক্লমদবা তারগদি, মালেম অসিদা অঙ্কনা অসুক য়াম্না হৌজিক চাউখৎলিবা অসি ঐখোয়না উরমদবা য়াই। কালকুলস্তগী কম্প্যুতর ফাওবা – মসিগী সাইন্তিফিক ওইবা ইনভেন্সনশিং অসি জিরোদা য়ুম্ফম ওইবনি। ভারতকী মেথমেতিসিয়ন অমসুং স্কোলরশিংনা অসুম্না ইরম্মি -
য়ত কিঞ্চিত বস্তু তত সর্ব, গনিতেন বিনা নহি !
মসিনা হায়বদি, য়ুনিভর্স শিনবা থুংবদা লৈরিবা খুদিংমক অঙ্কদা লোয়না য়ুম্ফম ওইবনি। অদোম্না সাইন্স তম্বদা য়েংবা মতমদা, মসিগী ৱাহন্থোক খঙগনি। সাইন্সকী ৱাখল্লোন খুদিংমক অঙ্কগী ফোর্মুলাগী খুত্থাংদা ফোংদোকই। ন্যুতনগী লো, আইন্সতাইনগী মমিং চৎলবা ইক্বেসন ওইরো, য়ুনিভর্সকা মরী লৈনবা সাইন্স খুদিংমক অঙ্কনি। য়ুনিভর্স্তা লৈবা পোৎলম খুদিংবু শন্দোক্না তাকপা ঙম্বা থিওরী ওফ এভরীথিং কৌবা ফোর্মুলা অমখক্কী থিওরীশিংবু সাইন্তিস্তশিংনা খন্ন-নৈনরি। ঐখোয়গী মুনিশিংনা অঙ্কগী মতেংদগী সাইন্সকী লৌশিংবু অসুক য়াম্না পাকথোক চাউথোকহনবা ঙম্বগী মতাংদা মতম পুম্বদা খন্দুনা লাকখি। ঐখোয়না জিরো পুথোকখিবা ওইরবদি, ঐখোয়না ইনফিনিতীবুসু তাক্লিবনি। মীচম মীয়ামগী ৱাহৈদা হায়রগদি, ঐখোয়না মশিংগী মতাংদা ৱারী শাবা মতমদা, ঐখোয়না মিলিয়ন, বিলিয়ন অমসুং ত্রিলিয়ন ফাওবা পল্লি। অদুবু, বেদ অমসুং ভারতকী অঙ্কদদি, মসিগী হোৎপগী থৌওং অসিনা মখা তানা অমুক চত্থরি। ঐখোয়গী অসিদা য়াম্না অরীবা ৱারোল অমা লৈ -
এঙ্ক দন্স শন্ত চেব, শহশ্রম অয়ুন্ত তথা।
লক্ষ চ নিয়ুন্ত চেব, কোতিঃ অর্বুদম এব চ।।
বৃন্দ খর্বো নিখর্চঃ চ, শংখঃ পদ্ম চ সাগরঃ ।
অন্ত্য মধ্যং পরার্ধঃ চ, দশ ভৃধ্য তথা ক্রমম।।
মশিংগী পরিংগী মথং-মনাও অসি ৱারোল অসিদা তাক্লি, মখাগী অসুম্না তাক্লি – অমা, তরা, চাম্মা, লিশিং অমসুং অয়ুত!
লাখ, নিয়ুত অমসুং কোতি, হায়বদি করোর
মান্নবা ওইনা, মসিগী মশিংনা শংখ, পদ্মা অমসুং সাগর ফাওবা মখা চত্থরি। সাগর অমা হায়বদি ৫৭তা ১০গী পৱার হায়বনি। মসিদা নত্তনা, ওঘ অমসুং মহোঘকুম্বা মশিং কয়া মসিগী মখাদা লৈরি। মহোঘা – ১০দা ৬২গী পৱার, হায়বদি, অমগী মতুংদা জিরো ৬২ হায়বসু লৈরি। অসিগুম্বা মশিং অসিবু ঐখোয়না ৱাখলদা খনবা মতমদা, মসি য়াম্না লুনা থোকই, অদুবু ভারতকী অঙ্কগী চৎনবীদা মসিদি চহি লিশিং কয়াদগী শিজিন্নদুনা লাক্লি। নুমিৎ খরনিগী মমাংদা ঐহাক্না ইন্তেলগী সি.ই.ও.গা উন্নখি। মহাক্না পেন্তিং অমা পীরকখি অমসুং মদুদা ভারতকী অঙ্ক হোৎপা নত্ত্রগা চাং ওনবগী অসিগুম্বা মওং অসি বমানা অবতারগী খুত্থাংদা উৎপগী মতৌ য়াওরি। ইন্তেল হায়বা মতমদা অদোমগী ৱাখলদা কম্প্যুতর অসি মশা মথন্তনা নীংশিংলমগনি। অদোম্না কম্প্যুতরগী বাইনেরী লেংগ্বেজকী মতাংদা তারম্লগনি, অদুবু, ঐখোয়গী লৈবাক অসিদা আচার্য়া পিঙ্গালাগুম্বা বাইনেরী লৈ হায়না তাক্লম্বা মুনি লৈরম্মি হায়বা অদোম্না খঙবরা? মান্নবা ওইনা, অর্য়াভত্তাদগী হৌদুনা রামানুজনগুম্বা মেথমেতিসিয়নশিংনা অঙ্কগী ৱাখল্লোন কয়া অমা মফমসিদা থবক তৌরমখি।
মরুপশিং, অঙ্ক হায়বসি ঐখোয় ভারত মাচশিংগী ওইনা অরুবা সবজেক্ত অমা ওইদে, মসিগী চাউরবা মরমদি, ঐখোয়গী ভেদগী অঙ্ক অসিনি। হৌজিক্কী মতমদা বেদগী অঙ্কগী ক্রেদিৎ অসি শ্রী ভারতী কৃষ্ণ তির্থজী মহারাজতা পীনৈ। মহাক্না ঐখোয়গী অঙ্ক হোৎপা অমসুং চাং ওনবগী খ্বাইদগী লিরবা থৌওং হিংগৎহনখি অমসুং মদুবু বেদিক মেথমেতিক্স মিংথোনখি। মসিগী খ্বাইদগী মরু ওইবা মতৌ অসিদি অদোম্না মিৎকুপ অমদা খ্বাইদগী লুবা অঙ্ক হোতপা ঙম্লিবা অসি মসিগী খুত্থাংদগী পাংথোকপা য়াবা অসিননি। অসিগুম্বা থৌওং পাংথোকপা ঙম্বা নহা কয়া অমনা ভেদিক অঙ্ক তম্বা অমসুং তাকপগী ভিদিও কয়া অমা হৌজিক্কান সোসিএল মিদিয়াদা অদোনা শোইদনা উরম্লগনি।
মরুপশিং, ঙসিগী ‘মন কী বাত’ অসিদা বেদিক মেথমেতিক্স তাকপা অসিগুম্বা মরুপ অমা ঐখোয়গী নাক্তা লৈরে। মহাক অসিদি কোলকতাগী গৌরব তেক্রিৱালজীনি। মহাক্না দিকেদ অনি মখায়দগী হৌনা বেদিক অঙ্কগী ইহৌবু খোঙফম চেৎনা মীয়ামদা পুরক্তুনা মখা তানা চত্থহল্লি। লাকও, মহাক্কা ৱারী শাসিঃ
মোদীজী – গৌরব, নমস্তে!
গৌরব – নমস্তে সর!
মোদীজী – অদোম্না বেদিক অঙ্কদা থৱাই য়াম্না তাজৈ হায়না ঐহাক্না তারে; অদোম্না ময়াম অমা পাংথোক্লি। ঐহাক্না অহানবদা অদোমগী মতাংদা খঙজনীংই অমসুং মতুং তারকপদা, অদোম্না সবজেক্ত অসিদা করম্না পুক্নিং চঙলকখিবনো অমুক্তা হায়বীয়ু।
গৌরব – সর, ঐহাক্না চহি ২০গী মমাংদা ব্যুজিনেস স্কুম অমদা মিং চন্নবা হোৎনখিবা মতমদা, সি.এ.তি. কৌবা কম্পিতিতিব একজাম অমা লৈরম্মি। মদুদা অতেনবা মতমদা পাউখুম পীগদবা অঙ্কগী ৱাহং কয়া য়াওই। অদুনা, ঐহাক্কী ইমানা বেদিক মেথমেতিক্স কৌবা লাইরিক অমা লৈরকখি। স্বামী শ্রী ভারতীকৃষ্ণ তির্থজী মহারাজনা লাইরিক অদু ইবনি। মদুদা, মহাক্না সুত্রা ১৬ পী। মদুদা অঙ্ক অসি য়াম্না লাইহল্লি অমসুং য়াম্না থুনা হোৎপা য়াহল্লি। ঐহাক্না মদু পাবা মতমদা, ঐঙোন্দা ইথিল য়াম্না পীখি অমসুং ঐহাক্কী অঙ্কদা লৈবা অপাম্বা অসি য়াম্না হেনগৎখি। ভারতকী খুদোল অমসুং হেরিতেজ অমা ওইরিবা মসিগী সবজেক্ত অসি মালেমগী কাচিন কোয়াদা পুবা য়াগনি হায়না ঐহাক্না খঙজখি। মসুদগী হৌদুনা, ঐহাক্না বেদিক মেথমেতিক্সপু মালেমগী মফম খুদিংদা য়ৌহনবা হায়বসি ঐহাক্কী থবক অমসুং থৌদাং ওইহনখি। অঙ্কগী অকীবনা মীপুম খুদিংদা য়াম্না নুংঙাইহন্দে। অদুবু, বেদিক মেথমেতিক্সতগী হেন্না লাইবা অমত্তা লৈতে।
মোদীজী – অদোম্না মসিদা চহি কয়া চঙনা থবক তৌরকপগে?
গৌরব – সর, মসি চাউরাক্না চহি ২০ শুরক্লে। ঐহাক্না হৌজিকসু মসিদা থবক তৌরি।
মোদীজী – অদোম্না এৱিয়র্নেসকীদমক্তা করি তৌবগে, করম্বা এক্সপেরিমেন্ত শিজিন্নবগে, মীয়ামদা করম্না য়ৌবগে?
গৌরব – ঐখোয়না স্কুলশিংদা চৎলি, ওনলাইন এজুকেসন পী। ঐখোয়গী লুপকী মিং অসি বেদিক মেথ ফোরম ইন্দিয়া কৌই। লুপ অসিগী মখাদা, ঐখোয়না ইন্তর্নেতকী খুত্থাংদা নোংমদা পুং ২৪ বেদিক মেথ তাকই, সর!
মোদীজী – গৌরবজী, অদোম্না অঙাংশিংগা লেপ্তনা ৱারী শাবা পাম্মি হায়বা ঐহাক্না খঙই অমসুং মসিগী খুদোংচাবা ঙাইদুনা লৈ হায়বসু খঙই। ঐহাক্না একজাম ৱারিয়রগী মতেংনা মসিবু ঐহাক্না ইন্সতিত্যুস্নেলাইজ তৌরে অমসুং অঙাংশিংনা অঙ্কগী মিং তাবদা ফুক হৌগত্তুনা চেল্লি হায়বসু ঐহাক্না থেংনরে, খঙলে। অসিগুম্বা মরম লৈতনা অকীবা ফাওবা অসি লৈহল্লোইদবনি অমসুং ভারতকীদি অনৌবা ওইদবা, ঐখোয়গী নাৎকী চৎনবীদগী লাকপা থৌওং শিজিন্নদুনা মসিগী অকীবা অসি মাঙহনগদবনি হায়না ঐহাক্না খল্লি। মালেমগী অরীবা চৎনবী কয়াগী মনুংদা ভারতকী অঙ্কগী চৎনবী অমসু শোইদনা লৈরিবনি। মরম অদুনা, করিগুম্বা একজাম ৱারিয়রগী অকীবা অসি মাঙহন্নবগীদমক্তা অদোম্না মখোয়দা করি পাউতাক পীগনি?
গৌরব – সর, মসিদি অঙাংশিংগী খ্বাইদগী মরু ওইবা ৱাফম অমনি, মরমদি, পরিক্ষা কিবা হায়বসি য়ুম্থোং খুদিংদা হৌজিক থোক্নরে। অঙাংশিংনা পরিক্ষাগীদমক্তা তুইসন লৌনৈ, মমা-মপাশিংনা পাখৎচৈ। ওজাশিংনা নুংঙাইতবা ফাওই। হায়রিবা পুম্নমক অসি বেদিক মেথকী মতেংনা মাঙহল্লি। বেদিক মেথনা অচম্বা অঙ্কদগী ১৫০০% হেন্না য়াঙই অমসুং মসিনা অঙাংশিংদা মশাদা থাজহনবগা লোয়ননা মখোয়গী পুক্নিংসু হেন্না য়াঙনা মথৌ তৌই। থৌওং অমা ওইনা, ঐখোয়না য়োগবু বেদিক মেথকা মরী লৈনহল্লগা হৌদোক্লি। মরম অদুনা, করিগুম্বা অঙাংশিংনা তসেংনা পাম্লবদি, মখোয়না বেদিক মেথকী থৌওং শিজিন্নরগা মমিৎ উইশিল্লগা অঙ্ক হোৎপা ঙমগনি।
মোদীজী – ধ্যান তৌবগী চৎনবীদা ফাওবা, অসিগুম্বা মওংদা অঙ্ক হোৎপা অসি মেদিতেসন তৌবগী মরু ওইবা কাঙলোন অমসু ওইরি।
গৌরব – চুম্মি, সর!
মোদীজী – ফরে, গৌরবজী, অদোম অমসুং ঐহাক্না থবক অসিবু মিসন মোদতা পায়খৎলিবা অসি য়াম্না ফবা থৌওংনি অমসুং অদোমগী ইমানা অদোম্বু অফবা গুরু অমগুম্না অচুম্বা লম্বীদা পুবীখি। অদুগা, অদোম্না অঙাং মিলিয়ন কয়াবু ঙসিদি হায়রিবা লম্বীদুদা অমুক পুবীরি। ঐহাক্না য়াইফ পাউজেল অদোমগীদমক্তা লৈরি।
গৌরব – সরবু থাগৎচরি! অদোম্না বেদিক মেথপু মরু ওই হায়না খনবীবা অমসুং ঐহাকপু খনবীবগী অদোম্বু থাগৎচরি! ঐখোয়সু য়াম্না নুংঙাইজরে।
মোদীজী – অদোম্বুসু য়াম্না থাগৎচরি। নমস্কার!
গৌরব – নমস্তে সর!
মরুপশিং, অঙ্কবু য়াম্না লুরম্বদগী নুংঙাইবা করম্না ওইহনগনি হায়বসি ঐখোয়গী মফমদা গৌরবজীনা মমুৎ তানা তাকপীরে। মসিদা নত্তনা, অদোম্না বেদিক মেথমেতিক্স শিজিন্নদুনা অচৌবা অমসুং অরুবা সাইন্সকী প্রোব্লেম কয়াগী ৱারোইশিন পুরকপা ঙম্লগনি। ঐহাক্না মমা-মপা খুদিংনা মখোয়গী মচাশিংদা ভেদিক অঙ্ক তাকহন্নীংই। মসিগা লোয়ননা, মখোয়গী মশাদা থাজবগী মতৌনা হেনগৎপদা নত্তনা মখোয়না অঙ্ক কিরম্বা অদুবুসু মাঙখ্রগনি।
ঐহাক্কী নুংশিরবা লৈবাক মীয়াম, ঙসিগী ‘মন কী বাত’ অসিদা ম্যুজিয়মদগী হৌরগা অঙ্কগী তোঙানবা ৱারোল কয়া খন্ন-নৈনখ্রে। হীরম অসিনা ‘মন কী বাত’কী শরুক ওইরিবসি অদোম্না পাউতাক পীরকপদগীনি। অদুনা, তুংগী মতমদসু নামো এপ নত্ত্রগা মাইগোবকী খুত্থাংদা অদোমগী পাউতাক পীরকপা লেপকনু। লাক্কদৌরিবা মতমশিংদা, ঐখোয়গী লৈবাক্তা ইদকী কুহ্মৈ পাংথোক্কনি। অকশয় ত্রিত্য অমসুং ভগবান পরশুরামগী মপোক কুমওনসু মে ৩দা পাংথোক্কনি। নুমিৎ খরগী মতুংদা, বৈশাখ বুধ পুর্নিমাসু লাক্লগনি। হায়রিবা কুহ্মৈশিং অসিদি ইশাবু ফাজিঞ্জবা, অশেংবা, পীথোকপা অমসুং নুংশি চান্ননা লৈবগী কুহ্মৈনি। কুহ্মৈশিং অসিগীদমক্তা ঐহাক্না মাংজৌননা য়াইফ পাউজেল পীজরি। কুহ্মৈসিং অসিবু নুংশি চান্ননা অমসুং হরাও তয়াম্না পাংথোকপীয়ু। পুম্নমক অসিগী মরক্তা, অদোম্না কোরোনাদগী চেকশিন্না লৈগদবনি। মাস্ক উপ্পা, খুৎ-শা চাং নাইনা হাম্বা, মসিদগী ঙাকথোক্নবা তঙাই ফদবা খুদিং পাংথোকপা অমসুং মরী লৈনবা কাঙলোনশিং ইন্দুনা চৎপীয়ু। মথংগী ‘মন কী বাত’তা ঐখোয়না অমুক উন্নগনি অমসুং অদোম্না থারকপা ৱারোল কয়াগী মতাংদা খন্ন-নৈনগনি। অদু ফাওবগী ওইনা ঐহাক্না অদোমগা কায়নবগী য়াথং নিজরি।
অদোম্বু য়াম্না থাগৎচরি!
People from across the country have written letters and messages to PM @narendramodi about the Pradhanmantri Sangrahalaya.
— PMO India (@PMOIndia) April 24, 2022
The museum was inaugurated on 14th April, the birth anniversary of Babasaheb Ambedkar.
Here's what some of the visitors wrote to the PM... pic.twitter.com/7CPjIbIPQ0
Do you know the answers to these questions?
— PMO India (@PMOIndia) April 24, 2022
Write them on the NaMo App and social media using #MuseumQuiz. pic.twitter.com/e1AwIOWKA0
Here are a few more questions to test your knowledge! #MuseumQuiz pic.twitter.com/rMTPNmImGs
— PMO India (@PMOIndia) April 24, 2022
Do visit a local museum during holidays and share your experiences using #MuseumMemories. pic.twitter.com/YhCrchoSPV
— PMO India (@PMOIndia) April 24, 2022
PM @narendramodi mentions about a unique 'Cashless Day Out' experiments by citizens.
— PMO India (@PMOIndia) April 24, 2022
This shows the fast rising adoption of digital payments across the country. #MannKiBaat pic.twitter.com/XlNoodOltN
Small online payments are helping build a big digital economy. #MannKiBaat pic.twitter.com/ls7f7Cq8Ni
— PMO India (@PMOIndia) April 24, 2022
Just like in sports, divyangjan are doing wonders in arts, academics and many other fields.
— PMO India (@PMOIndia) April 24, 2022
With the power of technology they are achieving greater heights. #MannKiBaat pic.twitter.com/3UR2I1OBTu
PM @narendramodi mentions divyang welfare efforts being carried out by start-ups. Have a look...#MannKiBaat pic.twitter.com/7jTeUNNxVO
— PMO India (@PMOIndia) April 24, 2022
In the Azadi Ka Amrit Mahotsav, water conservation is one of the resolves with which the country is moving forward.
— PMO India (@PMOIndia) April 24, 2022
75 Amrit Sarovars will be built in every district of the country. #MannKiBaat pic.twitter.com/gh8OU7eA39
Water is the basis of life of every living being.
— PMO India (@PMOIndia) April 24, 2022
In our ancient scriptures too, water conservation has been emphasized upon. #MannKiBaat pic.twitter.com/rs29cdBmSf
It is the responsibility of the whole society to conserve water. #MannKiBaat pic.twitter.com/VV74a0AjVf
— PMO India (@PMOIndia) April 24, 2022
Few days ago during #ParikshaPeCharcha my young friends asked me to discuss about mathematics.
— PMO India (@PMOIndia) April 24, 2022
Several greats of India have made significant contributions in the field of mathematics. #MannKiBaat pic.twitter.com/2dmCRPw8O5
When we talk about numbers, we speak and think till million, billion and trillion.
— PMO India (@PMOIndia) April 24, 2022
But, in Vedas and in Indian mathematics, this calculation goes beyond that. #MannKiBaat pic.twitter.com/FH5kEuwrfz
Do hear this interesting conversation of PM @narendramodi with Gaurav Tekriwal Ji of Kolkata, who is promoting vedic maths.
— PMO India (@PMOIndia) April 24, 2022
Tekriwal Ji shares how this is helping the youngsters specifically. #MannKiBaat https://t.co/Hf6bBe7Tan
Mathematics has never been a difficult subject for us Indians. A big reason for this is our Vedic Mathematics. #MannKiBaat pic.twitter.com/kZZCrUBKQz
— PMO India (@PMOIndia) April 24, 2022
