ঐহাক্কী নুংশিজরবা ইরৈচাশিং, খুরুমজরি। হন্দক্কী ঐহাক্না চিথী, কমেন্তশিং ফংবদা মীওই কয়া অমদগী মরুওইবা ৱাফম কয়া অমা মন কী বাত্তা পীরক্লি। মাইগোবতা, বেঙ্গালুরুদগী অর্য়ান শ্রী – অনুপ রাও, নোইদাদগী দেবেশ, থানেদগী সুজীত – মখোয় পুম্বনা হায় মদুদি – মোদী জি হন্দক্কী অসি মন কী বাতকী ৭৫শুবা ইপিসোদনি, মসিগীদমক থাগৎপা ফোংদোকচরি। ঐহাক্না অদোমগী মন কী বাত নিংথিনা পাংথোকপা অসিগীদমক থাগৎপা ফোংদোকচরি; ঐহাক্কী ওইনদি মসি য়াম্না চাওথোকচনিঙাইনি; হরাওনিঙাইগী মরম অমনি। ঐহাক্কী ওইনা অদোম্বু হন্না থাগৎচরি; ঐহাক্না মন কী বাত অসিবু তাবিরিবা পুম্বসু থাগৎপা ফোংদোকচরি, অদোম য়াওদনা খোঙচৎ অসি ওইথোক্লোইদরিবনি। ৱাখল্লোল অসিদা খোঙথাং থাংখিবা অসি ঙরাংতা ওইরবোই নিংলি। ২০১৪গী ওক্তোবর ৩গী মতম অদুদা ধর্ম্মগী ওইবা থৌরম বিজয়াদাশ্মী অসিদনি – ঙসিদি হোলিকা দহান ওইরি। ‘থাওমৈ অসিনা অমদা অমুক চুদুনা, জাতি অসিবু ঙালহল্লসি’ - মিয়েং অসিগী লম্বী অসিদা লাক্তুনা ঐখোয়না মাইকৈ অসিদা চৎলি। ঐখোয়না লৈবাক অসিগী কাচিন-কোয়া শিনবা থুংনা মীপুম খুদিংদা ৱারী শারি অমদি মখোয়গী থোইদোক হেন্দোকপা থবকশিংগী মরমদা খঙলি। অদোম্না থেংনবিরমগনি মদুদি লৈবাক অসিগী খ্বায়দগী চংশিনবা মফমশিং ফাওবদা লম্বা লৈতনা হোৎনবা কয়া অমা লৈরি – ভারত ইমা লৈবাক্কী তম্পাক্তা মশীং য়াম্লবা মীয়াম অমা য়োক্লি। ৭৫শুবা ইপিসোদ অসিগী মনুংদা, মীয়ামগী ওইবা হিরম অমদা চৎলি। করিগুম্বা মতম অমদা তুরেলদা; অতোপ্পা মতম অমদনা হিমালায়া চিংদোলদা য়ৌখি …মতম অমদনা মরুভুমীদা; অতোপ্পা অমদনা মহৌশাগী ওইবা অৱা-অনা কয়া অমা.. মতম অমদনা মীওইবগী সেবাদা .. খরদনা তেক্নোলোজী পুথোকপা অমদনা মফম কয়া অমদা! অদোম্না উরে মদুদি লু-নানবগী ওইগেরা নত্ত্রগা ঐখোয়গী থায়নগী চৎনবীগী খন্নবা ওইগেরা; মদুদা নত্তনা শান্নপোৎ শাবগী লমদা ওইগেরা করিদবু ৱাৎলিবগে? মশীং থিঙমদবা কয়া অমা লৈরি! পুম্নমক অসিগী মরক্তা মতম মতমগী ওইনা ঐখোয়না শক্নাঈরবা কয়া অমদা ঐখোয়না পীরিবা ইকাই খু্ম্নবা অসি মপা লৈত্রী; ঐখোয়না মখোয়গী মরমদা তম্লি। ঐখোয়না মালেমগী ওইবা হিরম কয়া অমদসু ৱা ঙাংলি; ঐখোয়না মখোয়দগী পুক্নিং থৌগৎপা অসি লৌনবা হোৎনরি। অদোম্না ঐঙোন্দা মরুওইবা কয়া অমা হায়বিরি; অদোম্না ৱাখল্লোল কয়া অমা ঐঙোন্দা পীরি। অমরোমদা, ‘বিচার য়াত্রা’ অসিদা, ৱাখল্লোলগী খোঙচৎ অমা, অদোমগা লোয়ননা চৎলি, শম্নদুনা লৈরি, অনৌবা ৱাখল কয়া অমা হাপচিল্লক্লি। ৭৫শুবা ইপিসোদ অসিগী হৌদোরকপা মনুংদা, ঐহাক্না মন কী বাত অসিবু তাবিরিবা পুম্বা অমসুং মসিবু মায় পাকহল্লিবা অসিদা থম্মোয় শেংনা থাগৎপা ফোংদোক্লি।
ঐহাক্কী নুংশিজরবা ইরৈচাশিং, অদোম্না উবা ফংবিরি মদুদি ঐহাক্না ৭৫শুবা মন কী বাত অসিদা ফোংদোকচবগী খুদোংচাবা অমা ফংবা অসি কয়াদা চাওরবা থৌদোক অম ওইরিবনো হায়বা অদু! মসিগী থা খুদিং অসি ৭৫শুবা নিং-তম্বগী ‘অম্রিত মহোৎসব’কী নিংশিংবা অমনি। ‘অম্রিত মহোৎসব’ অসি দন্দি য়াত্রা নুমিৎতগী হৌখ্রে অমসুং ২০২৩গী ওগস্তকী ১৫ ফাওবা চৎথগনি। অম্রিত মহোৎসবকা মরী লৈনবা থৌরমশিং অসি লৈবাক শিনবা থুংনা লেপ্পা লৈতনা চৎথরি; মীয়াম্না মফম কয়া অমদগী ই-পাও অমসুং অয়েকপা লাই কয়া অমা পীনরক্লি। ঝরখন্দদগী নবিন্না নামোএপ্তা মেসেজ অমা অসিগুম্বা অয়েকপশিংগা লোয়ন্না থারক্লি। মহাক্না ইরক্লি মদুদি মহাক্না অম্রিত মহোৎসবকী থৌরমশিং য়েংলে অমসুং য়ামদ্রবদা নিংতম লানগা মরী লৈনবা মফম ১০ কোইরুনবা ৱারেপ লৌরে হায়রি। মহাক্কী অহানবা পান্দমদা ভাগৱান বির্সা মুন্দাগী পোক্নফম লমদম্না অহানবা ওইনা লৈরি। নবীন্না ইরকখি মদুদি মহাক্না ঝরখন্দগী নিংতম লান্মী ত্রাইবেলগী ৱারীশিং লৈবাক অসিগী মফম কয়া অমদা য়ৌহনগনি হায়রি। ভাই নবীন, ঐহাক্না অদোমগী ৱাখল্লোল অদুবু থাগৎচরি।
মরুপশিং, মসি নিংতম লান্মীগী ৱারী ওইসনু; মসি লৈবাক অসিগী মফম অমগী পুৱারী ওইসনু, অদোম্না অম্রিত মহোৎসবকী মনুংদা পুথোকপীবা য়াই; অদোম্না ইরৈচাশিং অসি উন্নবগী মরম অমা ওইবা য়াই। অদোম্না মথং-মথং উবা ফংবিগনি, অদোম্না অম্রিত মহোৎসবকী পুক্নিং থৌগৎপগী মরীক কয়া অমা.. অমসুং মিত্রং অসিনা ভারতকী নিংতম্বগী চহি চাম্মা ফাওবদা পুক্নিং থৌগৎতুনা লৈরগনি.. মসিনা লৈবাক অসিবু অনৌবা থাক অমদা পুখৎলগনি। নিংতম লানফম অসিদা ঐখোয়গী লান্মীশিং অসিনা লৈবাক অসিগীদমক থৱায় থাবা অসিনা ঐখোয়গী ইথৌনি হায়না লৌদুনা মশীং খঙদনা অৱাবা কয়া অমা থেংনখি। মখোয়গী কৎথোকপগী মুৎনাইদ্রবা ৱারীশিং ‘ত্যাগ’ অমসুং ‘বলিদান’ অসিনা লেপ্পা লৈতনা ইথৌদা পুক্নিং থৌগৎপা ওইরসনু। অমসুং ভগবান শ্রী কৃষ্ণনা হায়বিরম্মী মদুদি, “নিয়তম কুরু কর্মা ত্বাম কর্মা জ্যায়ো হ্যাকার্মানাহ” ফাওরক্লিবা অসিগা মান্ননা, ঐখোয় পুন্বনা ঐখোয়দা পিরক্লিবা ইথৌশিং অসি মপুং ফানা পাংথোক্কদবনি। অমসুং ঐখোয়গী নিং-তম্বগী অম্রিত মহোৎসব অসিনা অনৌবা ৱারেপ অমগা মান্নরি.. অমসুং ৱারেপ অসিবু ফংনবা, অমসুং হায়রিবা ৱারেপ অসিনা সমাজগী ওইবা য়াইফবা অমা ওইনবা, লৈবাক অসিগী অফবা অমা ওইনবা, ভারতকী তুংগী য়াইফবা..ৱারেপ অসিনা মশাগী ওইবা থৌদাং অমা লৌজবা নত্ত্রগা মশাগী মথৌদাং লৌশিনবা।
ঐহাক্কী নুংশিজরবা ইরৈচাশিং, মমাংগী চহিদা মসিগী থা মার্চ অসিনি মীয়াম্না লৈবাক অসিদা অহানবা ওইনা ‘জনতা কর্ফ্যু’ হায়না তাখিবা অসি। মতিক লৈরবা লৈবাক অসিগী মতিক লৈরবা প্রজা, মীয়াম অসিগী অঙম্বা অসিদা অমুক্তা য়েংবিয়ু.. জনতা কর্ফ্যু অসিনা মালেম শিনবা থুংনা চমম্নবা অমা ফাওহনখি। মসিনা হৌন-লোনচৎকী অমুক্তা থোকখিদ্রিবা অমগী খুদম ওইরি; লাক্কদৌরিবা মীরোলনা মসিগীদমক চাওথোকচবা অমা ফাওরগনি। মসিগা চপ মান্ননা, ইকাই খুম্নবা উৎপা, কোরোনাগী লান্মীদা ইকাই খুম্নবা উৎপা, পুখম য়ৈবা, খুবাক খুবা, থাউমৈ থানবা! অসিনা কোরোনা লান্মীশিংগী থম্মোয়দা কয়াগী মতিক হরাওবগে হায়বা অদোম্না উবা ফংলোই.. অমসুং মসিনা মরম ওইদুনা মখোয়না চহি চুপ্পা চোকথবা নাইদনা অমদি লেপ্পা লৈতনা থবক্তা চৎথরিবা অসি। হনবা লৈতনা মখোয়না লৈবাক অসিগী মীপুম খুদিংগী পুন্সিবু কন্নবা হোৎনখি। মমাং চহিদা, চাওরাক্না মসিগী মতম অসিদা হংনখিবা ৱাহংদি ভেক্সিন অসি করম্বা মতমদা পুথোরক্কদগে হায়বা অসিনি! মরুপশিং, ঙসিদি মীয়ামগী মতেংনা ভারত অসি মালেমগী ওইনা খ্বায়দগী চাওবা ভেক্সিনেসনগী থৌরম চৎথরি। ভুবনেশ্বরদগী পুশপা শুক্লা জিনা ভেক্সিনেসনগী থৌরম অসিগী ফোতোগ্রাফকী মতাংদা ঐঙোন্দা চিথী ইরকখি। মহাক্না ভেক্সিনেসন অসিগা মরী লৈননা ইমুংগী অহলশিংদা উরিবা অসিগী মতাংদা মন কী বাত্তা খন্ননবা তকশিল্লি। মরুপশিং, মসি অচুম্বনি, ঐখোয়না লৈবাক্কী মফম কয়া অমদগী অসিগুম্বা পাউ অসি তারি; ঐখোয়না থম্মেোয়দা ফাওহনবা পিকচরশিং অসি উবা ফংলি। জৌনপুর য়ু.পি.দগী চহি ১০৯ শুরবা অহল ওইরবা ইমা, রাম দুলাইয়া জিনা ভেক্সিনেসন ফংখি; মসিগা মান্ননা দিল্লীদা চহি ১০৭ শুরবা কেৱাল কৃষ্ণ জিনা ভেক্সিন অসিগী দোজ লৌখি। হায়দ্রবাদতগী চহি ১০০ শুরবা জয় চৌধুরীনা ভেক্সিন অসি কাপখি অমসুং মীপুম খুদিংনা ভেক্সিন অসি কাপ্নবা কন্না হায়জরি। ঐহাক্না ত্বীতর-ফেসবুক্তা উবা ফংলি মদুদি য়ুমগী অহলশিংনা ভেক্সিন কাপ্লবা মতুংদা মখোয়না পিকচরশিং অপলোদ তৌরক্লি। কেরলাদগী নহা ওইরিবা অমা অনন্দান নায়রনা অনৌবা অমা ওইনা –‘ভেক্সিন সর্বিস’ পীরি। মসিগা মান্নবা মেসেজ অসি দিল্লীদগী শিবানি, হিমাচলদগী হিমানশু অমসুং অতৈ নহা কয়া অমনা থারক্লি। মসি ময়াম অসিগী মরক্তা, কোরোনা থেংননবা মন্ত্র অসি নিংশিংবিয়ু মদুদি – দৱাইয়িভিকাদাইভি। মসি ঐহাক্না হায়বা খক নত্তে; ঐখোয়না দৱাইয়িভিকাদাইভি অসিদা হিংবা তাই, ৱারী শাবা তাই, মীয়ামদা হায়বা অমসুং শোইদনা তৌহনবা অমা মথৌ তাই।
ঐহাক্কী নুংশিজরবা ইরৈচাশিং, ঐহাক্না ঙসি ইন্দোরদা লৈবা সৌম্যা জিবু থাগৎচরি। মহাক্না ঐহাক্কী অনিংবা অসি হিরম অমদা চিংশিল্লি অমসুং মসিবু ‘মন কী বাত’ অসিদা পন্নবা তকশিল্লি। হিরম অসি – ইন্দিয়াগী ক্রীকেত্তর মিতালিরাজকী অনৌবা রেকোর্দ অসিনি। হন্দক্তা মিতালিরাজ অসি রন লিশিং ১০ য়ৌখিবা অহানবা ইন্দিয়ন নুপী ক্রীকেত্তরনি। মীওই কয়া অমনা মহাক্কী মায় পাকপা অসিদা থাগৎপা ফোংদোক্নখি। মহাক অসি মালেমগী ওইনসু অহানবা রন লিশিং তরেৎ য়ৌবা অহানবা নুপী শান্নরোইনি। নুপীগী ক্রীকেতকী লমদা মহাক্কী থৌদাং অসি শিংথানিঙাইনি। মিতালি রাজ জিনা মহাক্কী দিকেৎ অনিগী শিনফমদা মিল্লিয়ন কয়া অমা পুক্নিং থৌগৎখি। মহাক্কী অখাং কনবা অমসুং মায় পাকপা অসিনা নুপী ক্রীকেত্তর খক্তা নত্তনা নুপা ক্রীকেত্তরসু পুক্নিং থৌগৎলি।
মরুপশিং, মসি য়াম্না নুঙাইবা অমা ওইরি মদুদি… মার্চ থা অসিমক্তদা ঐখোয়না নুপীগী নুমিৎ অসি পাংথোক্লিঙৈ মতম অসিদা নুপী শান্নরোয় কয়া অমনা রেকোর্দ কয়া অমা তাল্লি অমসুং মেদল কয়া অমা মখোয়গী মিংদা ফংলি। ইন্দিয়ানা দিল্লীদা পাংথোকপা আই.এস.এস.এফ. ৱার্দ কপ শুতিংদা মকোক্তা লৈবা ঙমখি। ইন্দিয়ানা গোল্দ মেদলসু মকোক্তা লৈখি। হায়রিবা অসি ইন্দিয়াগী নুপী অমসুং নুপা শুতরশিংনা অহেনবা কয়া অমা উৎপদগীনি। মরক অসিদা পি.ভি. সিন্ধুনা বি.দবল্যু. স্বীস ওপন সুপর ৩০০ তুর্নামেন্তদা সিলবর মেদল ফংবা ঙমখি। ঙসিদি মহৈ তম্বদগী ইন্ত্রেপ্রেন্যুরশিপ ফাওবা, আর্ম ফোর্সেসতগী সাইন্স অমসুং তেক্নোলোজী ফাওবা, লৈবাক অসিগী নুপীমচাশিংনা মফম খুদিংদা মকোকথোংবা কয়া অমা পুরকপা ঙম্লি। ঐহাক্না মরুওইনা নুপীমচাশিং অসিনা শান্ন-খোৎনবা অসিদা নৌনা মফম অমা কল্লকপা অসিদা হরাওবা ফাওই। শান্ন-খোৎনবা অসি শিনফম অমা ওইনা খন্নরক্লি।
ঐহাক্কী নুংশিজরবা ইরৈচাশিং, অদোম্না মতম খরগী মমাংদা পাংথোকখিবা মেরিতাইম ইন্দিয়া সম্মিত অসি নিংশিংবিব্রা? ঐহাক্না মসিগী সম্মিত অসিদা হায়খিবশিং অদু নিংশিংবিব্রা? মহৌশানা, থৌরম কয়া অমা পাংথোকখ্রে, কয়া অমা হায়খ্রে, মী অমনা মতৌ করম্না পুম্নমক নিংশিংবগে অমসুং মতৌ করম্না মীওই অমনা পুক্নিং চংবগে.. মহৌশাগুম! অদুবু ঐহাক্না হরাওজৈ মদুদি গুরু প্রসাদ জিনা ঐহাক্না হায়জবা অমা থৱায় য়াওনা পুখৎলকপা অসিদা। মসিগী সম্মিত অসিদা ঐহাক্না লৈবাক অসিগী লাইত হাউস কম্প্লেক্সকী অকোইবদা লমকোইবগী খুদোংচাবা শেমগৎনবা ৱারী শাখি। গুরু প্রসাদনা মহাক্কী ২০১৯দা লাইত হাউস অনি – চেন্নাই লাইত হাউস অমসুং মহাবলিপুরম লাইত হাউস অসিদা থেংনরকপা তমখি। খুদম ওইনা চেন্নাইগী লাইত হাউস অসি মালেমগী ওইনা ইলিবেতর লৈবা লাইত হাউস ওইনা খনগৎপদা অমনি। মসিদা নত্তে, মসি ইন্দিয়াগী ওইনা সহরদা লৈবা লাইত হাউস অমনি। মসিদা ইলেক্ত্রিসিতীগী ওইনা সোলার পেনেলসু লৈরি। গুরু প্রসাদ জিনা লাইত হাউসকী হেরিতেজ ম্যুজিয়মগী মতাংদা ৱা ঙাংখি। থায়নদগী শিজিন্নরম্লবা অচৌবা দুশিনা শেম্বা থাউমৈ, কিরোসিনগী মৈ, পেত্রোলিয়মগী মনিল অমসুং ইলেক্ত্রীক্কী মৈ অসি ম্যুজিয়ম অসিদা লৈরি। মহাক্না হায় মদুদি লাইত হাউস অসিগী মথক্তা মফম অসিদা পল্লবা নিংথৌ মহেন্দ্র বর্মন অহানবানা শারম্বা চহি চাম্মা শুরবা ‘উল্কানেশ্বর’ মন্দির লৈরি।
মরুপশিং, ঐহাক্না তুরিজমগী মতাংদা ‘মন কী বাত’ মনুংদা কয়ারক হন্না হায়খ্রে, অদুবু মসিগী লাইত হাউস অসি তুরিজমগী মতাংদা অখন্নবা অমনি। লাইত হাফস অসিগী চাওরবা মওং মতৌ লৈবা মরম্না মীয়াম্না পুক্নিং চিংশিন্নবা মচাক অমা ওইরি। তুরিজম অসিবু পুখৎনবা লাইত হাউস ৭১ ইন্দিয়াদা থিদোক্লে। হায়রিবা লাইত হাউস পুম্বা মশাগী ওইনা মপম, ম্যুজিয়ম, এমফী-থিএতর, ওপন এয়র-থিএতর, কেফেতরী, অঙাংগী শান্নফম, মহৌশাগা চুনবা শঙশিং অসি শাগনি। অমরোমদা লাইত হাউস হায়রকপা মতমদা ঐহাক্না অখন্নবা লাইত হাউস অমা থম্বা পাম্লি। মসিগী লাইত হাউস অসি গুজরাতকী সুরেন্দ্র নগর দিস্ত্রীক্তা লৈবা জিনঝুৱাদা লৈরি। অদোম্না মসিগী লাইত হাউস অসি ইতোপ তোপ্পা অমা লৈরিবা অসি খঙবিবরা? মসি অখন্নবা অমনি, মরমদি শমুদ্র মপাল অসি ঙসিদি লাইত হাউস অসিনা লৈরিবা অসিদগী কিলোমিতর ১০০ হেন্না লাপ্না লৈরি। অদোম্না খুঙ্গং অসিদা মতম অমদা থবক য়াম্না চিনবগী মওং তাক্লিবা নুঙশিং উবা ফংগনি। মসিনা তাকপদি কোচলাইন অসি হান্ননা জিনঝুৱাদাদা লৈরম্মী। হন্দক্কী থা অসি জাপান্দা সুনামীনা অকিবা ফংনা অমাং অতা থোকহনখিবা চহি ১০ ফারক্লে। মসিগী সুনামী অসিদা মীওই লিশিং কয়াগী মপুন্সি মাংখি। মসিগা মান্নবা সুনামী অমা ইন্দিয়াদা ২০০৪দা থোকখি। সুনামী অসিদা লাইত হাউস অসিগী শিন্মী ১৪গী মপুন্সি মাংখি, মখোয় অসি অন্দমান নিকোবর অমসুং তামিল নাদুগী লাইত হাউস্তা মথৌ তৌদুনা লৈবনি। ঐহাক্না ঐখোয়গী মথৌদা থৱায় য়াওবা লাইত কীপ্পরশিং অসিবু ইকাই খুম্নবা উৎলি।
ঐহাক্কী নুংশিজরবা ইরৈচাশিং, অনৌবা অমা পুথোকপা, মতমগা চুনবা অমা পুরকপা হায়বা অসি পুন্সিগী লম কয়া অমদা তঙাইফদনা চংই, মদু নত্ত্রবদি মতম্না লাকপদা খোঙয়েৎ ওই। ইন্দিয়াগী লৌউ-শিংউবদা মতমগা চুনবা অমা পুরকপা হায়বা অসি হৌজিক্কী মতমদা চংলি। হায়রিবা অসি থেংলবনি। ঐখোয়না মতম কয়া অমা মাংখ্রবনি। হান্ননা লৈরিবা লৌউ-শিংউব অসিদা অনৌবা উপায় অমা শিজিন্নবা, অনৌবা ৱাখল অমা পুথোকপা অসি লৌউ-শিংউবগী সেক্তরদা অনৌবা থবক্কী খুদোংচাবা অমা অমসুং লৌমীগী ইনকম হেনগৎনবা য়াম্না মরু ওই। লৈবাক অসিনা মসি হ্বাইত রিবোলুসনগী মতমদা থেংনখ্রবনি। হৌজিক খোই য়োকপা অসিনা উপায় অমা ওইরি। খোই য়োকপা অসিনা খোইহিগী রিবোলুসন অমসুং স্বীত রিবোলুসন্দা মফম অমা কল্লি। মশীং য়াম্লবা লৌমীশিংনা মসিদা য়াওরি; অনৌবা কয়া অমা পুথোক্লি। ৱেস্ত বেঙ্গালগী দার্জীলিংদা লৈরিবা গুরদুম খুঙ্গং অমনি। মফম অসিদা চিংমাই লৈ, জিওগ্রাফিকেলগী ওইবা অৱাবা কয়া অমা থেংনৈ অমসুং অদুবু, মফম অসিদা লৌমীশিংনা খোইহিগী খোই লোইরি অমসুং ঙসিদি মফম অসিদা খোইহি মরাং কাইনা দিমান্দ লাক্লি। মসিনা লৌমীশিংদা ইনকম হেনগৎলক্লি। ৱেস্ত বেঙ্গালগী সুন্দরবনগী মফমদা লৈরিবা মহৌশাগী ওইবা ওর্গানিক ওইবা খোইহি অসি লৈবাক অসিদা অমসুং মালেমগী ওইনা পাম্নরি। ঐহাকসু অসিগুম্বা মখল অমা গুজরাত্তা থেংনখ্রে। ২০১৬দা গুজরাতকী বানাস্কান্থাদা থৌরম অমা পাংথোকখি। হায়রিবা থৌরম অসিদা ঐহাক্না মফম অসিদা থবক কয়া অমা পায়খৎপা য়াই হায়না হায়খি.. করিগী বানাস্কান্থা অমসুং লৌমীশিং অসিনা অনৌবা স্বীত রিবোলুসনগী পন্দুপ অমা ইবা ঙম্মোইদবগে? অদোম্না মসি খঙবদা হরাওগনি মদুদি বানাস্কান্থানা অতেনবা মতমদা খোইহি পুথোকপগী মফম অমা ওইরক্লি। ঙসিদি, বানাস্কান্থাগী লৌমীশিংনা খোইহিদা লুপা লাখ কয়া অমা তাল্লি।
মসিগা মান্নবা খুদম হারিয়ানাগী জমুনা নাগরদসু লৈরি। জমুনা নাগরদা লৌমীশিংনা চহি খুদিংগী খোইহি তোন কয়া অমা পুথোক্তুনা লৌমীশিংগী ইনকম হেনগৎলি। লৌমীশিং অসিনা কন্না হোৎনবা অসিনা লৈবাক অসিদা খোইহি পুথোকপগী চাং অসি হেনগৎলক্লি অমসুং চহি খুদিংগী তোন লাখ ১.২৫ পুথোক্লি হায়রিবা অসি মীরমদা মশীং য়াম্না থাদোক্লি।
মরুপশিং, খোইহিগী খোই য়োকপা অসিনা খোইহি খক্তগী ইনকম নত্তনা খোইহি ৱেক্সতগীসু চাওরবা ইনকম অমা লাক্লি। খোইহি ৱেক্স অসি .. ফার্মাসিয়ুতিকেল, চিঞ্জাক, তেক্সতাইল অমসুং কোস্মেতিক্না দিমান্দ কয়া অমা লাক্লি। ঐখোয়গী লৈবাক অসিনা খোইগী ৱেক্স অসি মীরমদা থাদোক্লি অদুবু, ঐখোয়গী লৌমীশিংনা ফিবম অসিবু অওনবা অমা পুরক্লি.. মসিনা ‘আত্মানির্ভর ভারত’ কেম্পেইন্দা শরুক য়ারি। ঙসিদি মালেম পুম্বা আয়ুর্বেদা অমসুং মহৌশাগী হকশেলগী পোত্থোক্তা মায় ওনশিল্লক্লি। অসিগুম্বা মতম অসিদা খোইহি অসি য়াম্না পাম্বা হেনগৎনরক্লি। ঐহাক্না লৌমীশিংদা খোই লোইবা অসি হেন্না য়াওশিন্নবা হায়জরি। মসিনা লৌমীশিংদা ইনকম হেনগৎহনগনি অমসুং মখোয়গী পুন্সিদা হেন্না মহাও থোক্লহনি।
ঐহাক্কী নুংশিজরবা ইরৈচাশিং, ৱার্দ স্পেরো দে অসি হন্দক্তা নুমিৎ খরনিগী মমাংদা পাংথোকখ্রে। স্পেরো হায়বদি গোরাইয়া মসি মফম খরদা অচাকালি হায়না খঙনৈ, নত্ত্রগা চিম্নি, ওরঘানচিরিকা হায়নসু খঙনৈ। মমাংঙৈদা গোরাইয়া অসি ঐখোয়গী য়ুমগী অকোইবদা অমসুং মনাক নকপা উ-পাম্বীশিংদা লৈরম্মী। অদুবু হৌজিক্তি গোরাইয়া অসি মমাংঙৈদা লৈরম্মী হায়না নিংশিংব খক্তা ঙাইরে! ঙসিদি ঐখোয়না মসি কন্ননবা হোৎনবা মথৌ তারে। ঐহাক্কী মরুপ বরানাসতগী ইন্দ্রপাল সিংহ বাত্রানা লম অসিদা কন্না হোৎনরি অমদি মসি ঐহাক্না মন কী বাত্তা শোইদনা হায়গনি। বাত্র জিনা মহাক্কী য়ুম অসি গোরাইয়াগী চংজফম পীরি। মহাক্না উনা শাবা মহুম শেমদুনা গোরাইয়া লৈবা নুঙাইনবা শেম্লি। ঙসিদি বরানসকী য়ুমথোং কয়াদা কেম্পেইন অসিদা শরুক য়ারি। মসিনা য়ুমশিং অসিদা অঙকপা ফংনা মহৌশাগী ওইবা অকোইবা অমা শেমগৎলি। ঐহাক্না মসি মহৌশাগীদমক, অকোইবগীদমক, শা-ঙাগীদমক, উচেক্কীদমক থম্বা পামই।
মরুপ অমা বিজয় কুমারজি গুম্না। বিজয়জি ওরিশাগী কেন্দ্রপাদাগী থাগৎপা ফোংদোরক্লি। কেন্দ্রপাদা অসি শমুদ্র মপালদা লৈবনি। মরম অদুনা মফম অসিদা লৈরিবা খুঙ্গংগী দিস্ত্রীক্ত অয়াম্বা নোংলৈ-নুংশিৎকী খুদোংথিবা মায়োক্নরি। মসিনা করিগুম্বা মতমদা অমাং অতা য়াম্না থোকহল্লি। বিজয়জিনা মহাক্কী ৱাখল্লনা ফাওরি মদুদি অৱা অনা অসিদগী ঙাকথোকপা ঙম্বা অসি মহৌশা অসি খক্তনি হায়না খল্লি। মরম অসিদগী বিজয়জিনা মহাক্কী পান্দম অসি বারাকোৎ খুঙ্গং অসিদা চহি ১২দগী হৌরকখি… মরুপশা চহি ১২ খাঙদুনা লাকপনা মহাক্না মানগ্রুব উমং একর ২৫ খুঙ্গং অসিদা লৌশিনবা ঙম্লে। ঙসিদি উমং অসিনা খুঙ্গং অসিবু ঙাকথোক্লি। মসিগা মান্ননা ওরিশাগী পারেদিপ দিস্ত্রীক্ততা ইঞ্জিনিয়র অমা ওইরিবা অম্রেশ সমন্তজিনা পাংথোক্লি। অম্রেশজিনা মাইক্রো ফোরেস্ত শেমগৎলি, হায়রিবা অসিনা ঙসিদি খুঙ্গং অসিবু শেংগৎলি। মরুপশা, মসিগী মখল অসিনা ঐখোয়গী সমাজ অসিদা লৈরবা, য়াম্না চাওনা কান্নবা ফংগনি। খুদম ওইনা, তামিল নাদুগী, কোম্বাতোরদা বস কন্দক্তর ওইনা থবক তৌরিবা মারিমুথু য়োগানাথান অসিসু অমনি। য়োগানাথানজিনা বস পেসেঞ্জরশিংদা তিকেৎ পীবা মতমদা উ-চার মচা লেম্না পীরি। অসুম্না য়োগানাথান্না উ কয়া অমা থারি! য়োগানাথান জিনা মহাক্কী তোলোপ্তগী চাদিং কয়া অমা থবক অসিদা থাদরি। হৌজিক্তি মহাক্কা ৱারী অসি তাবদা নাগরিক কনানা মারিমুথু য়োগানাথানবু থাগৎলোইদবগে? ঐহাক্না থম্মোয় শেংনা মহাক্কী হোৎনমল অমসুং পুক্নিং থৌগৎপা থবকশিং অসিদা থাগৎপা ফোংদোক্লি।
ঐহাক্কী নুংশিজরবা ইরৈচাশিং, ঐখোয় পুম্বনা উরে, তারে মদুদি ৱেস্ততগী ৱেলথদা ওনবা অসি! মসিগা মান্ননা ৱেস্ততগী ভেল্যুদা ওন্থোকপা অসিসু হোৎনরি। মসিগী খুদম অমদি কেরলাদা লৈবা কোচিগী সেন্ত তেরেসা কোলেজ অসিনি। ঐহাক্না নিংশিংলি মদুদি ২০১৭দা ঐহাক্না কোলেজ অসিগী কেম্পস্তা পাংথোকপা লাইরিক পাবগী থৌরম অমা শরুক য়াখি। কোলেজ অসিগী মহৈরোয়শিংনা অমুক হন্না শিজিন্নবা য়াবা শান্নপোৎ য়াম্না ৱাখল লৈনা পুথোক্লি। মহৈরোয় খরনা পজল শেম্মী খরনা কারদগী ত্রেন ওন্থোকপা শেম্লি। মসিদা অখন্নবা পুক্নিং চংলিবা অসি শান্নপোৎশিং অসি শোক-পন্দনবা লোয়ননা অঙাংশিংনা শান্নবা য়ানবা শেম্লি। অমসুং মসিদা খ্বায়দগী ফবা অমদি শান্নপোৎশিং অসি আঙ্গনৱাদীগী অঙাংশিংদা শান্নবা পীরি। ঙসিদি, ইন্দিয়ানা শান্নপোৎ শাবগী লমদা মাংলোম চংশিল্লিবা অসিদা মসিগী ৱেস্ততগী ভেল্যু অসিনা কান্নবা য়াম্না পীরগনি।
আন্ধ্র প্রদেশকী বিজয়াৱাদাদা প্রোফেসর শ্রীনিবাসা পারকান্দলাজি লৈরি। মহাক্না য়াম্না নুঙাইবা থবক কয়া অমা তৌরি। মহাক্না ওতোমোবাইল মেতেল স্ক্রেপ্তগী স্কলপচর শেম্লি। মসিগী স্কলপচরশিং অসি মীয়ামগী ওইবা পার্কতা খিন্দুনা থম্লি অমদি মীয়াম্না পাম্না য়েংনরি। মসি ইলেক্ত্রোনিক্স অমসুং ওতোমোবাইলগী লেমখাক্না শেম্বা অনৌবা পুথোকপা অমনি। ঐহাক্না অমুক হন্না কোচি অমসুং বিজয়াৱাদাগী হোৎনমল অসিবু থাগৎপা ফোংদোক্লি অমসুং মীওই কয়া অমনা অসিদগুম্বা থবক অসি তৌরকখিনি হায়না আসা তৌই।
ঐহাক্কী নুংশিজরবা ইরৈচাশিং, ইন্দিয়াগী মীওই অমনা মালেমগী মফম অমা কোইবা মতমদা, চাওথোক্না ইন্দিয়ন্নি হায়রি। ঐখোয়না চাওথোকচনিঙাই ময়াম অমা লৈরি… ঐখোয়গী য়োগা, আয়ুর্বেদা, ফিলোজোফী অমসুং করি লৈতবগে! মদুদি ঐখোয়না চাওথোক্না হায়বা য়াই। ঐখোয়না ঐখোয়গী লোল, দাইলেক, মশক তাকপা, ফিজোল, চিঞ্জাক অমসুং থক্নবা অসিদা চাওথোকচৈ।
ঙসিদি, আসমদা লৈরিবা সিকারি তিশাও, মশাগী মথৌদা পুক্নিং চংনা থবক তৌরি। কার্বি আলোংগী সিকারি তিশাও জি হৌখিবা চহি ২০ চুপ্না কার্বি লোল দোক্যুমেন্ত তৌদুনা লাক্লি। মতম অমদা, ‘কার্বি’, ‘কার্বি ত্রাইবেল’ ইচল ইনাওগী লোল অসি হৌজিক উবা ফংখিদ্রে। শ্রীমান সিকারি তিশাওনা মখোয়গী শক্তাক অসিবু ঙাক্তুনা থমগনি হায়না ৱারেপ লৌদুনা লৈরি। মহাক্না মহাক্কী হোৎনমল অসিদা মনা কয়া অমসু ফংখি অমসুং এৱার্দ কয়া অমসু ফংখি। ঐহাক্না শ্রীমান সিকারি তিশাওবু ‘মন কী বাত’তা থাগৎপা ফোংদোক্লি।
ঐহাক্কী নুংশিজরবা ইরৈচাশিং, অনৌবা অমা পুথোরকপা অসি য়াম্না মরু ওই। অনৌবা পুথোকপা হায়বা অসি অনৌবা ওইথোকপা য়াবা অমনি – অনৌবা হোৎনমলনি। অমসুং, অনৌবা হোৎনবা হায়বদি অনৌবা ইনর্জী অমদি অনৌবা থৌনানি। মরম অসিনা স্তেত কয়া অমদা অমসুং মফম কয়া অমদা অনৌবা হৌরকপা অসি য়েংলিবা অসিনি। হন্দক্তি মতম অসি অনৌবা অহৌবা অমসুং ফেস্তিবেল য়ৌরকপা মতম্নি। হোলি অসি বসন্ত, স্প্রিংগী ফেস্তিবেল ওইনা পাংথোকপা মতম্নি। ঐখোয়না হোলি অসি মচু কয়া অমগা লোইননা পাংথোক্লিঙৈ মতম অসিদা স্প্রিংনা অকোইবদা মচু কয়া অমা অহোংবা পুরক্লি। মতম অসিদা লৈশিং শাৎপা হৌরক্লি, মহৌশা অনৌবা ময়োল চোংলি। অনৌবা চহিগী থৌরম কয়া অমা মফম কয়াদা অথুবা মতমদা হৌরক্লগনি। উগাদি নত্ত্রগা পুথান্দু, গুদি পার্ৱা নত্ত্রগা বিহু, নাব্রেহ নত্ত্রগা পোইলা, বোইশাখ নত্ত্রগা বাইসাখি – লৈবাক পুম্বা মচু কয়াগা লোয়ননা অনৌবা আসা অমা পুরক্লগনি। মতম অসিমক্তদা কেরলাদা বিশু পাংথোক্লি। মসিগী মতুংদা ইকুই কুইদনা চাইত্রা নাবরাত্রীগী শেংলবা থৌরম লাক্লগনি। মসিদা লোর্দ রামাগী মপোক কুমোনগী থৌরমশু পাংথোকই। মসিগী থৌরম অসিদা মফম খুদিংদা লাই খুরুম্বা, মীয়াম পুনবা, মখোয়না ইমুং মনুং মরী মতাগা উন্নবা, মরী ফগৎহনবা অসি পাংথোকই। ফেস্তিবেলগী মতম অসিদা ঐহাক্না ইরৈচাশিংবু থাগৎপা ফোংদোক্লি।
মরুপশিং, এপ্রিল ৪গী মতম অসিদা, লৈবাক অসিনা ইস্তর থৌরম পাংথোক্কনি। ফেস্তিবেল ইস্তর অসি জিসু খ্রিস্টানবু পাং তিংবগী নিংশিং থৌরম্নি। শেংনা হায়রবদা ইস্তর অসি অনৌবা পুন্সি অমা হৌবগী মওং উৎলি। মসিগী শেংলবা অমসুং নুঙাইরবা থৌরম অসিগা ঐহাক্না ইন্দিয়াদা লৈবা খ্রিস্টান খক্তা নত্তনা মালেমগী ওইবা খ্রিস্টানশিংবু হরাও তয়াম্বা ফোংদোক্লি।
ঐহাক্কী নুংশিজরবা ইরৈচাশিং, ঙসি ‘মন কী বাত’তা ঐখোয়না ‘অম্রীত মহোৎসব’ অমসুং লৈবাক অসিদা ঐকোয়গী থৌদাংশিংগী মরমদা ৱারী শান্নরি। ঐখোয়না অতোপ্পা ফেস্তিবেল অমসুং ফেস্তিবেলগী ওইবা মরমদা খন্নখ্রে। মরক অসিদা অতোপ্পা ফেস্তিবেল অমা লাক্তুনা মসিনা ঐখোয়গী কন্সতিত্যুসনেল ওইবা হক অমসুং ইথৌদাং কয়া অমা নিংশিংহল্লি। মদুদি এপ্রিল ১৪ অসিনি – হায়রিবা অসি দাঃ বাবা সাহেব অম্বেদকর জিগী মপোক কুমোন্নি। হন্দক্কী অসিদা ‘অম্রীত মহোৎসব’ মসিগী থৌরম অসি হেন্না মরুওইবা অমা ওইরি। ঐহাক্না থাজৈ মদুদি ঐখোয়না বাবা সাহেবকী নিংশিং থৌরম অসি ঐখোয়গী ইথৌদাংদা ৱারেপ লৌবা অমসুং মহাকপু ইকাই খুম্নবা উৎতুনা পাংথোক্কনি। থাজবা অসিগা লোয়ননা অমুক হন্না অদোম পুম্নমকপু ফেস্তিবেল অসিগী য়াইফ পাউজেল পীজরি। অদোম পুম্বা হরাও-নুঙাইনা লৈবিয়ু, হকচাং পনা লৈবিয়ু অমদি মসিগী লোয়ননা ঐহাক্না অদোম পুম্নমকপু অমুক হন্না নিংশিংজরি মদুদি ‘দৱাই ভী, কদাই ভী’!
থাগৎচরি!
It seems like just yesterday when in 2014 we began this journey called #MannKiBaat. I want to thank all the listeners and those who have given inputs for the programme: PM @narendramodi
— PMO India (@PMOIndia) March 28, 2021
During #MannKiBaat, we have discussed a wide range of subjects. We all have learnt so much. Diverse topics have been covered... pic.twitter.com/18nmqcULNH
— PMO India (@PMOIndia) March 28, 2021
#MannKiBaat completes 75 episodes at a time when India is looking forward to marking our Amrut Mahotsav. pic.twitter.com/8leQBwh9hh
— PMO India (@PMOIndia) March 28, 2021
The sacrifices of our great freedom fighters must inspire us to think about our duties as a citizen. This is something Mahatma Gandhi talked about extensively. #MannKiBaat pic.twitter.com/4fahJl7TXI
— PMO India (@PMOIndia) March 28, 2021
It was in March last year that the nation heard about Janata Curfew.
— PMO India (@PMOIndia) March 28, 2021
From very early on, the people of India have put up a spirited fight against COVID-19. #MannKiBaat pic.twitter.com/XLBjD10A9z
This time last year, the question was whether there would be a vaccine for COVID-19 and by when would it be rolled out.
— PMO India (@PMOIndia) March 28, 2021
Today, the world's largest vaccination drive is underway in India. #MannKiBaat pic.twitter.com/dkfIFz5Ohy
India's Nari Shakti is excelling on the sports field. #MannKiBaat pic.twitter.com/pX6aeyTP4T
— PMO India (@PMOIndia) March 28, 2021
Good to see sports emerge as a preferred choice for India's Nari Shakti. #MannKiBaat pic.twitter.com/wydmEnWpz5
— PMO India (@PMOIndia) March 28, 2021
During one of his speeches, PM @narendramodi had spoken about Lighthouse Tourism.
— PMO India (@PMOIndia) March 28, 2021
Guruprasadh Ji from Chennai shared images of his visits to Lighthouses in Tamil Nadu.
This is a unique aspect of tourism that is being highlighted in #MannKiBaat. pic.twitter.com/NbaqMH3uqs
India is working towards strengthening tourism facilities in some of our Lighthouses. #MannKiBaat pic.twitter.com/w8W0y2iGqi
— PMO India (@PMOIndia) March 28, 2021
A lighthouse surrounded by land...
— PMO India (@PMOIndia) March 28, 2021
PM @narendramodi mentions a unique lighthouse in Surendranagar in Gujarat. #MannKiBaat pic.twitter.com/oTVobQT6Xs
While talking about lighthouses, I want appreciate the efforts of lighthouse keepers for doing their duties diligently. Sadly, we had lost many lighthouse keepers during the tragic 2004 Tsunami: PM @narendramodi
— PMO India (@PMOIndia) March 28, 2021
During #MannKiBaat, PM @narendramodi highlights the importance of bee farming. pic.twitter.com/JZMNJJKlhq
— PMO India (@PMOIndia) March 28, 2021
Summers are approaching and we must not forget to care for our birds.
— PMO India (@PMOIndia) March 28, 2021
At the same time, let us keep working on efforts to conserve nature. #MannKiBaat pic.twitter.com/izeq6KsW51
Inspiring life journeys from Andhra Pradesh, Tamil Nadu and Kerala. These showcase the phenomenal talent our people are blessed with. #MannKiBaat pic.twitter.com/1LCbfUdxbR
— PMO India (@PMOIndia) March 28, 2021
A commendable effort to preserve and popularise the Karbi language. #MannKiBaat pic.twitter.com/jU83KShJBo
— PMO India (@PMOIndia) March 28, 2021
