“কন্না হোৎনবা হায়বা অসিনা ঐখোয়গী অমত্তা ঙাইরবা লম্বিনি অমসুং মাইপাকপনা ঐখোয়গী অমত্তা ঙাইরবা ওপ্সননি”
কেন্দ্র অমসুং রাজ্য সরকারশিংনা প্রি-এমপ্তিব, প্রোএক্তিব অমসুং কলেক্তিব এপ্রোচ লৌখৎখিবগী মওং অসি, হন্দক্কী মতাং অসিদসু মাইপাক্নবগী মন্ত্র অদুগা চপ মান্নৈ”“ভারতনা এদল্ত পোপুলেশনগী চাউরাক্না চাদা ৯২দা অহানবা দোজ কাপখ্রে। অনিশুবা দোজগী কোভরেজসু চাউরাক্না চাদা ৭০ য়ৌখ্রে”“ইকোনোমীগী মোমেন্তম কাইদনা থমগদবনি। মরম অদুনা লোকেল কন্তেনমেন্ততা অহেনবা মীৎয়েং থম্বনা হেন্না ফগনি”“ভেরিয়েন্তশিং অদুগী মতাংদা থোইদোক্না খন্নদনা, ভেক্সিনেশন তৌবা হায়বসিনা লাইচৎ অসিগা মায়োক্নবদা খ্বাইদগী হেন্না ফবা লম্বি অমা ওইরি ”“কোরোনা অসিবু মাইথিবা পীনবগীদমক্তা ঐখোয়না ভেরিয়েন্ত খুদিংমক্তগী মাংজৌননা শেম-শাদুনা লৈবগী মথৌ তাই।মুখ্য মন্ত্রীশিংনা প্রধান মন্ত্রীবু কোবিদ-১৯গী সুক্সেসিব ৱেবশিং অদুগী মতমদা মহাক্না লুচিংখিবা অদুগীদমক্তা থাগৎপা ফোংদোকখিপ্রধান মন্ত্রী, শ্রী নরেন্দ্র মোদীনা থৌবুরেল ওইদুনা কোবিদ-১৯গী মতাংদা পব্লিক হেল্থ প্রিপেয়র্দনেস অমসুং নেস্নেল কোবিদ-১৯ ভেক্সিনেশনগী প্রোগ্রেস অদু য়েংশিন্নবা রাজ্যশিং/য়ু.তি.শিংগী মুখ্য মন্ত্রীশিং অমসুং লেফতনেন্ত গোভর্নরশিং/ এদমিনিস্ত্রেতরশিংগা লোইননা কমপ্রেহেন্সিব ওইবা অৱাংবা থাক্কী মীফম অমা পাংথোকখ্রে। মীফম অদুদা শরুক য়াখিবশিং অদুগী মনুংদা কেন্দ্রগী মন্ত্রী, শ্রী অমিত শাহ, দা. মন্সুখ মান্দৱিয়া, রাজ্যগী মন্ত্রী, দা. ভারতি প্রবিন পাৱর য়াওখি। ওফিসিয়েলশিংনা মীফম অদুদা লাইচৎকী লৈরিবা ফিভম অদুগী খ্বাইদগী অনৌবা অপদেৎশিং অদুগী তেন্তক্না পাউ পীখি।
মীফম অদুদা ৱা ঙাংলদুনা, প্রধান মন্ত্রীনা পনখি মদুদি চহি ১০০গী মনুংদা খ্বাইদগী চাউবা লাইচৎ অসিগা ভারতনা লান্থেংনবা অসি চহি অহুম চংশিল্লকখ্রে। “কন্না হোৎনবা হায়বা অসিনা ঐখোয়গী অমত্তা ঙাইরবা লম্বিনি অমসুং মাইপাকপনা ঐখোয়গী অমত্তা ঙাইরবা ওপ্সননি। ভারতকী করোর ১৩০গী মীয়াম ঐখোয় অসিনা ঐখোয়গী হোৎনজমনদগী কোরোনাগী মায়োক্তগী শোইদনা মাইপাকপা ঙম্লগনি”, হায়না মহাক্না হায়খি।
প্রধান মন্ত্রীনা হায়খি মদুদি ওমিক্রোনগী মতাংদা হান্না লৈরম্বা চরাংনবা অদু হৌজিক্তি তপ্না-তপ্না কোকলক্লি। ওমিক্রোন ভেরিয়েন্ত অসিনা হান্নগী ভেরিয়েন্তশিং অদুদগী য়াম্না হেন্না য়াংনা মীয়ামদা শন্দোরক্লি। “ঐখোয় মীৎ-না শিংনা লৈগদবনি, চেকশিন্না লৈগদবনি, অদুবু ঐখোয়না পেনিক সিচুৱেশন থোকহন্দনবসু হোৎনগদবনি। কুম্হৈগী পন্থা অসিদদি, ঐখোয়না মীয়ামগী অমসুং এদমিনিস্ত্রেশনগী এলর্তনেস অদু মফম অমত্তদা হন্থহল্লোইদবনি। কেন্দ্র অমসুং রাজ্য সরকারশিংনা প্রি-এমপ্তিব, প্রোএক্তিব অমসুং কলেক্তিব এপ্রোচ লৌখৎখিবগী মওং অসি, হন্দক্কী মতাং অসিদসু মাইপাক্নবগী মন্ত্র অদুগা চপ মান্নৈ। ঐখোয়না কোরোনা ইনফেক্সন হন্থহল্লিবমখৈ, ঐখোয়গী অৱাবসু হন্থগনি হায়না মহাক্না হায়খি।
প্রধান মন্ত্রিনা হায়খি মদুদি ভেরিয়েন্ত অদুগী মতাংদা থোইদোক্না খন্নদনা, ভেক্সিনেশন তৌবা হায়বসি খক্তনা লাইচৎ অসিগা মায়োক্নবদা খ্বাইদগী হেন্না ফবা লম্বি অমা ওইরি। মহাক্না হায়খি মদুদি ভারত্তা শাবা ভেক্সিনশিংনা মালেম শিনবা থুংনা ময়ামদগী হেন্না ফবগী মতিক অদু উৎলি। ভারতনা ঙসি এদল্ত পোপুলেশনগী চাউরাক্না চাদা ৯২দা অহানবা দোজ কাপখ্রে হায়বসি ভারতমচা খুদিংমক্কীদি য়াম্না চাউথোকচনিংঙাইনি। লৈবাক অসিদা অনিশুবা দোজকী কোভরেজসু চাউরাক্না চাদা ৭০ য়ৌরে হায়না মহাক্না খঙহল্লকখি। নুমিৎ ১০নিগী মনুংদা, ভারতনা ইংখৎলক্লিবা নহা চাউরাক্না মিলিয়ন ৩০দসু ভেক্সিন কাপথোকখ্রে হায়না প্রধান মন্ত্রীনা খঙহল্লকখি। ফ্রন্তলাইন ৱার্করশিং অমসুং সেনিয়র সিতিজনশিংদা প্রেকোশন দোজ অসি য়াংনা কাপথোক্লিবমখৈ, ঐখোয়গী হেল্থকেয়র সীস্তেমগী কেপাসিতীদা হেন্না হেনগৎলক্কনি। “১০০% ভেক্সিনেশন তৌনবগীদমক্তা হর ঘর দস্তক হেন্না কনখৎহনগদবনি”, হায়না মহাক্না মখা তাখি। মহাক্না ভেক্সিনশিংগী মতাংদা অরানবা পাউখুদিংমক থিংনবা অমসুং মাস্কশিং উপ্পগী চৎনবী লৈহনবগী মথৌ তাবা অদুগী মতাংদসু পনখি।
প্রধান মন্ত্রীনা য়াম্না মরু ওইনা পনখি মদুদি স্ত্রেতেজী অমা শেম্বা মতমদা, মীচম প্রজাগী হিংননবগী লম্বিদা, একোনোমিক এক্তিবিতীশিংদা য়রিবমখৈ শোকহল্লোইদবনি অমসুং ইকোনোমীগী মোমেন্তম কায়হনদনা থমগদবনি হায়বসি খঙজিনবা য়াম্না মরু ওই। মরম অদুনা লোকেল কন্তেনমেন্ততা হেন্না মীৎয়েং থম্বনা হেন্না ফগনি। ঐখোয়না হোম আইসোলেশনগী ফভমশিংদা খ্বাইদগী হেন্না ত্রীতমেন্ত ফংহনবা ঙমগদবনি অমসুং মদুগীদমক্তা হোম আইসোলেশন গাইদলাইনশিং অদু হেন্না ফগৎহনগদবনি অমসুং মখোয়শিং অদু য়াম্না চেকশিন্না ইনগদবনি হায়না মহাক্না হায়রকখি। মহাক্না হায়খি মদুদি লাইয়েংবদা তেলি-মেদিসিনগী ফেসিলিতীশিং শিজিন্নবনা য়াম্না চাউনা মতেং পাংগনি হায়না মহাক্না হায়খি।
হেল্থ ইনফ্রাস্ত্রকচরগী মতাংদা, প্রধান মন্ত্রীনা রাজ্যশিংবু হেল্থ ইনফ্রাস্ত্রকচরবু চাওখৎহন্নবা পীখিবা লুপা করোর ২৩০০০গী পেকেজবু শিজন্নখিবগীদমক থাগৎখ্রে। মসিগী মনুং চন্না লৈবাক শিনব-থুংনা পেদিয়াত্রিক য়ুনিৎ ৮০০, আই.সি.য়ু. অমসুং এছ.দি.য়ু. ফমুং ১.৫ লাখ, লিশিং ৫দগীসু হেনবা স্পেসিয়েল এম্বুলেন্স, লিক্যুইদ মেদিকেল ওক্সিজেন স্তোরেজ তেঙ্ক ৯৫০গী কেপাসিতিদগীসু হেন্না হেনগৎখ্রে। প্রধান মন্ত্রীনা ইনফ্রাস্ত্রকচর অসিবু লেপ্পা লৈতনা চাওখৎহন্নবগী তঙাইফদবা অদুগী মতাংদা পনখি। “কোরোনাবু মাইথিবা পীনবগীদমক ঐখোয়না ঐখোয়গী থৌরাংবু কোরোনাগী মখল খুদিংমক্তগী মাং থানা থম্বগী মথৌনি। ওমিক্রোনবু তেক্লিং তৌবগা লোইন-লোইননা তুংদা লাক্কদবা কোরোনাগী মখল কয়াগীদমক্তসু হৌজিক্তগী হৌনা থৌরাং তৌবা হৌগদবনি”, হায়না প্রধান মন্ত্রীনা হায়খি।
রাজ্যগী মুখ্য মন্ত্রীশিংনা প্রধান মন্ত্রীবু কোবিদ-১৯গী মথং মথং লাকখিবা ৱেবশিংদা লুচিংদুনা পুবীখিবগীদমক থাগৎপা ফোংদোকখি। মখোয়না প্রধান মন্ত্রীবু মরু ওইনা মহাক্কী মতেং অমসুং লমজিং অমসুং রাজ্যশিংগী হেল্থ ইনফ্রাস্ত্রকচরবু চাওখৎহনবদা অচৌবা মতেং ওইখিবা, কেন্দ্র সরকারনা পীখিবা ফন্দশিং অদুগীদমক্তসু মহাকপু থাগৎপা ফোংদোকখি। রাজ্যগী মুখ্য মন্ত্রীশিংনা কোবিদকী হেনগৎলক্লিবা কেসশিং অসিবু লাকশিন্নবা ফামুং মশিং হেনগৎহনবা অমসুং ওক্সিজেন মরাং কাইনা ফংহনবনচিংবা খোংথাংশিং অসিগী খুত্থাংদা লৌখৎলিবা চেকশিন-থৌরাংশিং অদুগী মরমদসু খংহনখি। কর্নাতকাগী মুখ্য মন্ত্রীনা বেঙ্গলুরুদা কোবিদকী অনাবা শন্দোকলকপগী মরমদা হায়খি অমসু মদুবু এপার্তমেন্তশিংদা শন্দোক্তনবা লৌখৎলিবা খোংথাংশিংগী মরমদসু খংহনখি। ৱেস্ত বেঙ্গলগী মুখ্য মন্ত্রীনা লাক্লিবা হরাও-কুমহৈ অসিনা মরম ওইরগা রাজ্য অসিদা কেসশিং হেনগৎলকপা য়াবগী মতাংদা পনখি অমসুং মসিবু য়েংশিন্নবগীদমক এদমিনিস্ত্রেসননা লৌখৎলিবা থৌরাংশিং অদুগী মতাংদা খহনখি। ঝারখন্দকী মুখ্য মন্ত্রীনা খুঙ্গং অমসুং ত্রাইবল এরিয়াশিংদা লান্না থাজবনা মরম ওইরগা ভেক্সিনেসন প্রোগ্রামদা থেংনখিবা অৱাবশিংগী মতাংদা খংহনখি। উত্তর প্রদেসকী মুখ্য মন্ত্রীনা ভেক্সিনেসন দ্রাইব চৎথবদা মী অমত্তা চিথদনা ভেক্সিন কাপহৌনবগী লৌখৎলিবা খোংথাংশিং অদুগী মতাংদা খংহনখি। পঞ্জাবকী মুখ্য মন্ত্রীনা প্রধান মন্ত্রীবু ফন্দ অমসুং ইনফ্রাস্ত্রকচরদা মতেং পাংবীবগীদমক্তা, মরু ওইনা মথৌ তাবা ওক্সিজেন মতিক চানা ফংহনবগীদমক্তা থাগৎপা ফোংদোকখি। অসমগী মুখ্য মন্ত্রীনা প্রিকোসন দোজগুম্বা খোংথাংশিং অসিনা হেন্দোক-থোইদোক্না মীয়ামদা থাজবা হেনগৎহন্নবগী মচাক অমা ওইহল্লি হায়না হায়খি। মনিপুরগী মুখ্য মন্ত্রীনা হায়খি মদুদি রাজ্য অসিনা ভেক্সিনেসন কভরেজ হেনগৎহন্নবা কন্না হোৎনরি হায়না মহাক্না হায়খি।
100 साल की सबसे बड़ी महामारी से भारत की लड़ाई अब तीसरे वर्ष में प्रवेश कर चुकी है।
— PMO India (@PMOIndia) January 13, 2022
परिश्रम हमारा एकमात्र पथ है और विजय एकमात्र विकल्प।
हम 130 करोड़ भारत के लोग, अपने प्रयासों से कोरोना से जीतकर अवश्य निकलेंगे: PM @narendramodi
ऑमिक्रोन को लेकर पहले जो संशय की स्थिति थी, वो अब धीरे-धीरे साफ हो रही है।
— PMO India (@PMOIndia) January 13, 2022
पहले जो वैरिएंट थे, उनकी अपेक्षा में कई गुना अधिक तेज़ी से ऑमिक्रोन वैरिएंट सामान्य जन को संक्रमित कर रहा है: PM @narendramodi
हमें सतर्क रहना है, सावधान रहना है लेकिन Panic की स्थिति ना आए, इसका भी ध्यान रखना है।
— PMO India (@PMOIndia) January 13, 2022
हमें ये देखना होगा कि त्योहारों के इस मौसम में लोगों की और प्रशासन की एलर्टनेस कहीं से भी कम नहीं पड़े: PM @narendramodi
पहले केंद्र और राज्य सरकारों ने जिस तरह pre-emptive, pro-active और collective approach अपनाई है, वही इस समय भी जीत का मंत्र है।
— PMO India (@PMOIndia) January 13, 2022
कोरोना संक्रमण को हम जितना सीमित रख पाएंगे, परेशानी उतनी ही कम होंगी: PM @narendramodi
भारत में बनी वैक्सीन्स तो दुनिया भर में अपनी श्रेष्ठता सिद्ध कर रही हैं।
— PMO India (@PMOIndia) January 13, 2022
ये हर भारतीय के लिए गर्व का विषय है कि आज भारत, लगभग 92 प्रतिशत वयस्क जनसंख्या को पहली डोज़ दे चुका है।
देश में दूसरी डोज की कवरेज भी 70 प्रतिशत के आसपास पहुंच चुकी है: PM @narendramodi
10 दिन के भीतर ही भारत अपने लगभग 3 करोड़ किशोरों का भी टीकाकरण कर चुका है।
— PMO India (@PMOIndia) January 13, 2022
ये भारत के सामर्थ्य को दिखाता है, इस चुनौती से निपटने की हमारी तैयारी को दिखाता है: PM @narendramodi
Frontline workers और सीनियर सिटिजन्स को precaution dose जितनी जल्दी लगेगी, उतना ही हमारे हेल्थकेयर सिस्टम का सामर्थ्य बढ़ेगा।
— PMO India (@PMOIndia) January 13, 2022
शत-प्रतिशत टीकाकरण के लिए हर घर दस्तक अभियान को हमें और तेज़ करना है: PM @narendramodi
सामान्य लोगों की आजीविका, आर्थिक गतिविधियों को कम से कम नुकसान हो, अर्थव्यवस्था की गति बनी रहे, कोई भी रणनीति बनाते समय इसका ध्यान रखना बहुत आवश्यक है।
— PMO India (@PMOIndia) January 13, 2022
इसलिए लोकल containment पर ज्यादा फोकस करना बेहतर होगा: PM @narendramodi
