প্রধান মন্ত্রীনা লৈবাক মীয়ামদা পীবা পাওজেল

ঐহাক্কী নুংশিজরবা ইরৈবাকচাশিং,

লৈবাক অমা ওইনা, ইমুং অমা ওইনা,

অদোম্না, ঐখোয়না, লৈবাক পুম্বনা

পুৱারী ওইরবা ৱারেপ অমা লৌরে। অদুগুম্লবা মওং মতৌ অমা, মদুনা মরম ওইরগা জম্মু–কশ্মীর অমসুং লদাখতা লৈরিবাঐখোয়গী ইচিল–ইনাওশিংনা খঙলমদবা অধিকার কয়া, মদুনা চাউখৎ থৌরাংদা চাউনা অপনবা ওইরম্বদু, হৌজিক্তিলাপথোকখ্রে। সরদার পতেলনা মংলম্বা মংলান অদু, বাবা সাহেব অম্বেদকরগী মংলান, দোক্তর শ্যামা প্রসাদ মুখর্জীগীমংলান অদু, অতল জী অমসুং লৈবাক নীংবা কোতি কয়াগী মংলান অদু, হৌজিক্তি মংফাওনরে। জম্মু–কশ্মীর অমসুংলদাখতা অনৌবা য়ুগ অমা হৌরে। হৌজিক্তি লৈবাক অসিগী মীপুম খুদিংমক্কী হকসু মান্নরে, থৌদাংসু মান্নরে। ঐহাক্নাজম্মু–কশ্মীরগী মীয়াম্বু, লদাখকী মীয়াম্বু অমদি লৈবাক অসিগী মীপুম খুদিংমকপু হন্না–হন্না নুঙাইবা ফোংদোকচরি।

মরূপশিং,

সমাজদা পুন্সীদা ৱাফম খরদি, মতমগা লোয়ননা তোৎন তিন্নখি মদুদি কয়ারক হন্না ৱাফমশিং অদু লেংদবা অরেপ্পা ওইনালৌরকই। ৱাখল্লোন অসি লাকই মদুদি, করিগুম্বা অমত্তা অহোংবা লৈরোই, হৌজিক চৎনরিবা মওং মতৌ অসিদা অদুমকচত্থগনি। আর্তিকল ৩৭০গা লোয়ননসু অসিগুম্বা ৱাখল্লোন লৈখি। মদুনা জম্মু–কশ্মীর অমসুং লদাখকী ঐখোয়গী ইচিল–ইনাওশিংগী,ঐখোয়গী অঙাংশিংদা মাংজরিবশিং অদুদি কৈদৌনুংদা খন্ন–নৈনখিদে। ঙক্লিবা ৱাফমদি মসিনি মদুদিঅদোম্না কনাগুম্বা অমগা ৱারী শান্নবা মতমদা, আর্তিকল ৩৭০না জম্মু–কশ্মীরগী মীয়ামগী পুন্সিদা করি কান্নখ্রবগে হায়বাকনা অমত্তনা হায়বা ঙমদে। ইচিল–ইনাওশিং অমসুং ইচল–ইচেশিং, আর্তিকল ৩৭০ অমসুং ৩৫–এনা

জম্মু–কশ্মীরবু তৌখায় তাবা– তেরোরিজম– ইমুং–মনুং তোখায় তাবা অমসুং সিস্তেমদা য়াম্না চাউনা শেঞ্জা–থুমজা তৌবানত্তনা করিগুম্বা অমত্তা

পীখিদ্রি। 

আর্তিকল অনি অসিনা লৈবাক অসিগী মায়োক্তা, মীওই খরবু শাওহন্নবগীদমক পাকিস্থান্না খুৎলাই ওইনা শিজিন্নদুনালাক্লম্মি। মসিনা মরম ওইদুনা হৌখিবা চহী তরাগী খুজিং অহুমদা চাউরাক্না

মরাল লৈজদবা মীওই লিশিং ৪২গী মথৱাই মাংখি, জম্মু–কশ্মীর অমসুং লদাখনা চাউখৎফম থোকপা চাং অদু য়ৌনাচাউখৎপা ঙমখিদে। হৌজিক্তি সিস্তেমগী অৱাৎপা অসি মেনখৎতুনা জম্মু–কশ্মীর অমসুং লদাখকী মীয়ামগী হৌজিকওইরিবা ফিভমসু ফগৎলগনি, মখোয়গী তুংগী পুন্সীসু অশোয় অঙাম লৈররোই। 

মরূপশিং,

ঐখোয়গী লৈবাক্তা সরকার অমা হেক্তনা, সংসদতা আইন শেম্দুনা, লৈবাক্কী য়াইফনবগীদমক থবক তৌরি। কনাগুম্বা দলঅমা হেক্তগী সরকার ওইগেরা, কনাগুম্বা চুংশিন্নবা সরকার অমা হেক্তা ওইগেরা, থৌওং অসি লেপ্পা লৈতনা চত্থরক্লি। আইনশেম্বা মতমদা কয়া অমা য়েৎনৈ,

খন্ন–নৈনৈ, মদুগী দরকার ওইবা মদুগী ইম্পেক্তা মরুওইবা ৱাফমশিং থমই। থৌওংশিং অসি চত্থরবা মতুংদা শেমলকপাআইন অদুনা, লৈবাক পুম্বগী মীয়ামগী য়াইফনবা তৌই। অদুবু সংসদনা মীশিং য়াম্না শেম্লিবা আইন অদু লৈবাক অসিগীমফম অমত্তদা চৎনদবা হায়বসি কনাগুম্বা অমত্তনা ভাবনা শাগৎপা ঙম্লোয়। লৈবাক অসিগী মীপুম খুদিংমক্কীদমকশেমখিবা আইন অদু, মদুগী কান্নবা অদু জম্মু–কশ্মীরগী কোতি অমা মখায় হেনবা মীওইশিংনা খঙদনা লৈরকখি।

খন্দুনা য়েংবিয়ু,

লৈবাক অসিগী অতোপ্পা রাজ্যশিংদা অঙাংশিংবু এদজুকেসনগী অধিকার লৈরি, অদুবু জম্মু–কশ্মীরগী অঙাংশিংনা মসিফংদনা লাক্লি। লৈবাক অসিগী অতোপ্পা রাজ্যসিংদা নুপীমচাশিংনা ফংলিবা হক অদু

জম্মু–কশ্মীরগী নুপীমচাশিংনা ফংলমদে। লৈবাক অসিগী অতোপ্পা রাজ্যসিংদা সফাই কর্মচারীশিংগীদমক্তা সফাইকর্মচারী এক্ত চৎনরি, অদুবু জম্মু–কশ্মীরগী সফাই কর্মচারীশিং মসি ফংদে। লৈবাক অসিগী অতোপ্পা রাজ্যসিংদাদলিৎশিংদা ওৎ–নৈবা থিংনবা অকনবা আইন চৎনরি, 

অদুবু জম্মু–কশ্মীরদা মসি চৎনদে। লৈবাক অসিগী অতোপ্পা রাজ্যসিংদা মাইনোরিতীশিংগী য়াইফনবগীদমক্তামাইনোরিতী এক্ত চৎনরি, অদুবু জম্মু–কশ্মীরদা মসি চৎনদে। লৈবাক অসিগী অতোপ্পা রাজ্যসিংদা শিন্মীশিংগীয়াইফনবগীদমক মিনিমম ৱেজেস এক্ত চৎনরি, অদুবু

জম্মু–কশ্মীরদা থবক তৌরিবা শিন্মীশিংদদি মসি শুপ্নতগী চে খক্তদা ফংলম্মি। লৈবাক অসিগী অতোপ্পা রাজ্যসিংদা মীখলথেংনবা মতমদা সেদুল ত্রাইব ইচিল–ইনাওশিংনা রিজার্বেসগী কান্নবা ফংলম্মি, অদুবু জম্মু–কশ্মীরদা মসি চৎনদে।

মরূপশিং,

হৌজিক্তি আর্তিকল ৩৭০ অমসুং ৩৫–এ, পুৱারী ওইবা খোংথাং লৌখৎলবা মতুংদা, মসিগী নেগতিব ওইবা ইম্পেক্ত অদুদগীঅথুবা মতমদা জম্মু–কশ্মীর মপান থোরক্লগনি, মসিদা ঐহাক্না মপুং ফানা থাজবা থম্লি।

ইচিল–ইনাওশিং অমসুং ইচল–ইচেশিং,

অনৌবা সিস্তেম অসিদা কেন্দ্র সরকারগী অহানবা খোংথাংদি রাজ্যগী কর্মচারীশিংবু, জম্মু–কশ্মীরগী পুলিসপু, অতোপ্পায়ুনিয়ন তেরিতোরীশিংগী কর্মচারিশিং অমসুং মফম অদুগী পুলিসশিংগা চপ মান্ননা কান্নবা ফংহনবনি।

হৌজিক য়ুনিয়ন তেরিতোরীশিংদা এল.তি.সি. হাউস রেন্ত এলাউৱেন্স, অঙাংশিংগী মহৈ মশিংগীদমক এদজুকেসনএলাউৱেন্স, হেল্থ স্কিম, অসিনচিংবা শেলগী তেংবাংশিং পীরি, মদুগী অয়াম্বা শরুক্তি জম্মু–কশ্মীরগী কর্মচারিশিংনাফংদ্রি।

অসিগুম্লবা খুদোংচবশিং অসি নৌহৌনা য়েংশিনহন্দুনা, অথুবা মতমদা জম্মু–কশ্মীরগী কর্মচারীশিং অমসুং মফম অদুগীপুলিসশিংবুসু মসিগী কান্নবা অসি ফংহল্লগনি।

মরূপশিং, য়াম্না অথুবা মতমদা জম্মু–কশ্মীর অমসুং লদাখতা কেন্দ্র অমসুং রাজ্যগী অহাংবা ফম পুম্নমক মেন্সিন্নবাথৌরাং লৌখৎলগনি।

মসিনা মফম অদুগী নহাশিংবু থবক ফংহন্নবগী খুদোংচাবা ফংহল্লগনি।

লোয়ননা কেন্দ্র সরকারগী পব্লিক সেক্তর য়ুনিৎশিং অমসুং প্রাইভেৎ সেক্তরগী অচৌবা কম্পেনিশিংবুসু থবক ফংহন্নবগীখুদোংচাবা পীহন্নবা পুক্নিং থৌগৎলগনি।

মসিদসু নত্তনা, লান্মী অমসুং পেরামিলিতরী ফোর্সশিংদা মফম অদুগী নহাশিংবু য়াওহন্নবা রেলিশিং পাংথোক্লগনি।

সরকারনা প্রধান মন্ত্রী স্কোলরশিপ য়োজনাসু পাকথোক চাউথোকহল্লগনি মদুনা মহৈরোই মশিং য়াম্না কান্নবা ফংহনবাঙমহল্লগনি।

জম্মু–কশ্মীরদা রিভেন্যুগী দিফিজিৎসু চাউনা লৈরি।

মসি হন্থহন্নবগীদমক্তসু কেন্দ্র সরকারনা হোৎনগনি।

ইচিল–ইনাওশিং অমসুং ইচল–ইচেশিং, কেন্দ্র সরকারনা আর্তিকল ৩৭০ লৌথোকপগা লোয়ননা হৌজিক মতম খরগীওইনা জম্মু–কশ্মীরবু কেন্দ্র সরকারগী সাসনগী মখাদা থম্নবা ৱারেপ অসি য়াম্না কুপ্না খন্থরবা মতুংদা লৌখিবনি।  

মসিগী তুংদা লৈরিবা মরম অদু খঙবসু অদোমগীদমক্তা য়াম্না মরু ওই।

মফম অদুদা গবর্নরগী রুল থমখিবা মতমদগী, জম্মু–কাশ্মীরগী এদমিনিস্ত্রেসন কেন্দ্র সরকারনা পায়রে।

মদুনা মরম ওইরগা হৌখিবা থা খরা অসিদা মফম অদুদা অফবা সাসন অমসুং চাউখৎ থৌরাং অমদি হেন্না ফবা মওং মতৌঅদু উবা ফংলে।

মমাংদা চে–চাং খক্তদা পায়খৎলম্বা স্কিমশিং অদু

হৌজিক্তি থবক ওইনা পাংথোকপা হৌরে। 

চহী তরাগী খুজিং কয়াদগী পন্দুনা লৈরম্লবা প্রোজেক্তশিং অদু খুমাং চাউশিল্লে।

ঐখোয়না জম্মু–কশ্মীর এদমিনিস্ত্রেসন্দা অনৌবা ৱার্ক কলচর অমা পুরক্নবা,

ত্রান্সপরেন্সী পুর্নবা হোৎনরি।

মসিনা মরম ওইদুনা IIT, IIM, এম্স ওইরো, ইরিগেশনগী প্রোজেক্ত পুম্নমকপু ওইরো, পাৱর প্রোজেক্তপু ওইরো, নত্ত্রগাএন্তি করপ্সন ব্যুরো ওইরো, পুম্নমক অসিগী থবক্তা খোংজেল য়াংসিল্লক্লি।

মসিদা নত্তনা মফম অদুদা কনেক্তিবিতীগা মরি লৈনবা প্রোজেক্তপু ওইরো, লম্বী অমসুং অনৌবা রেল লাইনশিংগী থবকপু ওইরো, এয়রপোর্তকী মোদর্নাইজেসন তৌববু ওইরো, পুম্নমক অসি খোংজেল য়াংনা পাইখৎলি।  

মরূপশা,

ঐখোয়গী লৈবাক্তা দেমোক্রেসী অসি অদুক্কী মতিক মপাঙ্গল কল্লি।

অদুবু অদোম্না মসি খঙবদা অঙকপা ফাওবীগনি মদুদি জম্মু–কশ্মীরদা মতম কয়াগী মমাংদগী, লোক সভাগী মীখলশিংদা ভোৎ থাদবগী হক্তি লৈবা, অদুবু বিধান সভা অমসুং লোকেল বোদীগী মীখলদা ভোৎ থাদবা য়াদবা ইচিল–ইনাওশিংসু লৈরি।  

মখোয়শিং অদু ১৯৪৭তা তোখাইনখিবা মতুংদা পাকিস্তান্দগী ভারত্তা লাকখিবনি। 

মখোয় ময়ামগী অসি মফমদা অসিগুম্বা অরানবা অসি অসুম চৎথদুনা থমখিগদরা?

মরূপশা,

জম্মু–কশ্মীরগী ঐগী ইচিল–ইনাওশিংদা ঐনা মরু ওইবা ৱাফম অমা হেন্না ময়েক শেংহনবা পাম্মি।

অদোমগী মীয়ামগী মীহুৎ অদু অদোমগী মরক্তগী খনগনি।

হান্না MLA লৈরম্বা অদুগুম্না কোন্নসু MLA অদুম লৈগনি।

হান্না মন্ত্রীমন্দল লৈরম্বা অদুগুম্না, মন্ত্রীমন্দল অদুম্মক লৈগনি। 

হান্না অদোমগী সি.এম. লৈরম্বা অদুগুম্না, কোন্নসু অদুম্মক অদোমগী সি.এম. লৈগনি।

মরূপশা, ঐনা তশেংনা থাজৈ মদুদি অনৌবা তৌরাং অসিগী মখাদা ঐখোয় পুন্না অমত্তা ওইনা তেরোরিজম অমদি ফেমিলিইজমদগী জম্মু–কশ্মীর অসি নান্থোকহল্লসি।

মালেম অসিগী স্বর্গ, ঐখোয়গী জম্মু–কশ্মীরনা অমুক হন্না চাউখৎপগী অনৌবা মতোন অদু লান্থোক্তুনা মালেম অপুনবা অসিদা মমিৎ থক্কৎহল্লকপা মতম অদুদা, মীচম মীয়ামগী পুন্সিদা Ease of Living হেনগৎহল্লবা, মীচম মীয়াম্না ফংফমথোকপা মখোয়গী হক অদু অপনবা–অথিংবা য়াওদনা ফংবা হৌরক্লবা, লৈঙাক্কী থৌরাং পুম্নমক্না মীয়ামগী কান্ননবাথবকশিংবু খোংজেল য়াংনা মাংদা পুখৎলক্লবদি, কেন্দ্রনা চলাইবা লৈঙাক্কী থৌরাং অদু জম্মু–কশ্মীরদা অসুম চৎনহন্দুনালৈবগী মথৌ তাগনি হায়না ঐনা লৌদে।

ইচিল ইনাওশা, লাক্কদৌরিবা মতম অসিদা জম্মু–কশ্মীর বিধান সভাগী মীখল পাংথোকপা, অনৌবা সরকার শেম্বা, মুখ্য মন্ত্রীলৈবা ঐখোয় পুম্নমক্না পাম্মি।  

ঐনা জম্মু–কশ্মীরগী মীয়ামদা থাজবা পীজরি মদুদি য়াম্না পুকশেল শেংনা, নুং পানবা ওইবা ফিভমদা অদোমগী মীহুৎ খন্ননবগী তাঞ্জা ফংগনি।

হৌখিবা মতমদা পঞ্চায়ৎ মীখল নুং পান উবা মওংদা পাংথোকখিবা অদুগুম্না জম্মু–কশ্মীরগী বিধান সভাগী মীখলসু পাংথোক্কনি।

ঐনা রাজ্য অসিগী রাজ্যপালদা ৱাফম অসি থমজরি মদুদি হৌখিবা চহি তরাগী খুদিং অনি–অহুমদগী পন্দুনা লৈরক্লবা ব্লোক দিবেলপমেন্ত কাউন্সিল শেম্বগী থবক অদু লোইশিনবগী থবক অদু অথুবা মতমদা পাংথোকপীয়ু।

মরূপশা,

মসি ঐ ইশা মক্না থেংনজবনি মদুদি হৌখিবা থা মরি–মঙা অসিদা জম্মু–কশ্মীর অমসুং লদাখকী পঞ্চায়ৎকী মীখলদা কারকখিবা মীওইশিং অদু য়াম্না ফজনা থবক তৌরি।

থ খরগী মমাংদা ঐনা শ্রীনগরদা চৎখিবদা, মফম অদুদা ঐ মখোয়গা কুইনসু উনখি।

মখোয়না দিল্লীদা লাকখিবা মতমদসু ঐগী য়ুমদা ফনা কুইনা ঐনা মখোয়গা ৱারী শাখি।

পঞ্চায়ৎকী খোংলোইশিং অসিনা মরম ওইদুনা জম্মু–কশ্মীরদা হৌখিবা মতম খরা অসিদা খুঙ্গংগী থাক্তা খোংজেল য়াম্না য়াংনা থবক পাংশিল্লে।

য়ুমথোং খুদিং মৈ ফংহন্নবগী থবকপু ওইরো নত্ত্রগা ODF ওইহনববু ওইরো, মসিদা পঞ্চায়ৎকী মীহুৎশিংগী য়াম্না চাউরবাথৌদাং য়াওরি।

ঐনা তশেংনা থাজৈ মদুদি আর্তিকল ৩৭০ লৌথোক্লবা মতুংদা, হায়রিবা পঞ্চায়ৎকী মীহুৎশিং অসিনা অনৌবা থৌরাংঅমদা থবক তৌবা ফংলকপদা অঙকপা অমা ওইগনি।  

ঐনা তশেংনা থাজৈ মদুদি মীরমগী ৱাথোক অসিবু মাইথিবা পীদুনা অনৌবা আশা অমদা মাংদা চখৎকনি।

ঐনা তশেংনা থাজৈ মদুদি জম্মু–কশ্মীরগী মীয়াম্না, Good Governance অমসুং লৌথুপ লৌকোই লৈতবা ফিভম অমদা,অনৌবা থৌনাগা লোইননা মখোয়গী পান্দমশিং অদু ফংগনি।

মরূপশা, লিশাং শিৎলবা ফেমিলিইজম্না জম্মু–কশ্মীরগী ঐগী নহারোলশিং অসিগী মিৎয়েং অসিদা তাঞ্জা অদু ফংহন্দ্রি। 

হৌজিক ঐগী নহাশিং অসি, জম্মু–কশ্মীরগী চাুখৎ–থৌরাংদা লমজিংলগনি অমসুং মসিবু অনৌবা মতোন অদুদা পুরগনি। 

ঐনা জম্মু–কশ্মীর অমসুং লদাখকী নহারোলশিং, মফম অদুগী ইচল–ইচেশিংগী মফমদা অখন্ননা হায়জরি মদুদি ইশাগী লমদমগী চাউখৎ–থৌরাংগী চপ্লি অদু অদোম ইশানা পায়বীয়ু।

মরূপশা,

জম্মু–কশ্মীর অমসুং লদাখ অসি মালেমগী খ্বাইদগী চাউবা তুরিস্ত দেস্তিনেসন ওইনবগী মতিক অদু লৈজৈ।

মসিগীদমক্তা মথৌ তাবা ফিভম, লৈঙাক লোনগী অহোংবা, মদু পাংথোক্লি অদুবু ঐহাক মসিদা লৈবাক মচা পুম্নমক্কী মতেং পাম্মি।

মতম অমদা, বোলিৱুদকী ফিল্ম শুতিংগীদমক্তা কশ্মীর অসি পাম্নবা মফম ওইরম্মি।

মতম অদুদা কশ্মীরদা শুতিং তৌদবা ফিল্ম লৈরম্লোই।

হৌজিক জম্মু–কশ্মীরগী ফিভম মহৌশাদা হঞ্জিল্লগদি, লৈবাক অসিদা নত্তনা, মালেম পুম্বগী মীয়াম্না মফম অসিদা ফিল্ম নম্বা লাক্কনি। 

ফিল্ম খুদিমক্না কশ্মীরগী মীয়ামগী থবক ফংবগী খুদোংচাবা ময়াম অমসু পুদুনা লাক্কনি।

ঐনা হিন্দী ফিল্ম ইন্দস্ত্রী, তেলগু অমসুং তমিল ফিল্ম ইন্দস্ত্রী অমসুং মসিগা মরি লৈনবা মীয়ামদা হায়জরি মদুদি জম্মু–কশ্মীর অমসুং লদাখতা শেল থাদবগী মতাংদা, ফিল্ম নম্বদগী হৌরগা থিয়েতর অমসুং অতোপ্পা পাম্বৈশিং লিংখৎপগী মতাংদা শোইদনা খন্নবীয়ু। 

তেক্নোলোজীগী তাইবঙগা লোইনরিবা মীওইশিং, লৈঙাক্তবু ওইরো নত্ত্রগা প্রাইবেৎ সেক্তরদবু ওইরো, মখোয়দসু ঐনা হায়জরি মদুদি কাংলোনশিংদা, অদোমগী ৱারেপশিংদা ৱাফম অসি মরু ওইবা ওিহনবীয়ু মদুদি জম্মু–কশ্মীরদা করম্না তেক্নোলোজী অসি শন্দোকহনগনি।

মফম অদুদা দিজিতেল কম্যুনিকেসনগী পাঙ্গল ফংলবদি, মফম অদুদা BPO সেন্তর হাংলবদি, কমন সর্বিস সেন্তরহেনগৎলবা, অদুক্কী মতিক তেক্নোলোজী শন্দোক্লিবমখৈ, জম্মু–কশ্মীরগী ঐখোয়গী ইচিল–ইনাওশিংগী পুন্সি মহিং লাইহনগনি, মখোয়গী হিংননবগী অমদি শেন্দাল লম্বীগী খুদোংচাবা হেনগৎহনগনি।  

মরূপশা,

সরকারনা লৌরিবা ৱারেপশিং অসি, শান্ন–খোৎনবগী তাইবঙদা মাংদা চখৎপা পাম্লিবা জম্মু–কশ্মীর অমসুং লদাখকী নহারোলশিংদা মতেং ওইগনি।

অনৌবা স্পোর্ত একাদমীশিং, অনৌবা স্পোর্ত স্তেদিয়ম, সাইন্তিফিক ইনভাইরনমেন্তা ত্রেনীং, মখোয়বু মালেমদা মখোয়গী হৈ–শিংবা উৎথোকচনবদা মতেং ওইগনি।

মরূপশা, জম্মু–কশ্মীরগী কেসরগী মচু ওইরো নত্ত্রগা কোপীগী মহাও সেমগী খোইথুম্নবা নত্ত্রগা খুবানীগী মহাও কশ্মীরী শালবু ওইরো নত্ত্রগা কলাগী মচাকশিং, লদাখগী ওর্গানিক্কী পোৎথোক ওইরো নত্ত্রগা মনা–মশিংগী হিদাক লাংথকশিং মসি মালেম অপুনবদা শন্দোকপগী মথৌ তাই।

ঐ অদোমদা খুদম অমা পীজগে।

লদাখতা সোলো কৌবা পাম্বী অমা ফংই।

অখঙ–অহৈশিংনা হায়নৈ মদুদি পাম্বী অসি High Altitudeতা লৈবা মীওইশিংগীদমক্তা, উনগী চিংদোন্দা মথৌ তৌরিবাঙাকশেল লান্মীশিংগীদমক্তা সঞ্জীবনীগা পাংঙ্খক ওই। 

ওক্সিজেল য়াম্না লৈতবা মফমদা হকচাংগী ইম্যুন সিস্তেম কাইহন্দনা থম্বদা মসিনা অচৌবা তৌদাং লৌই।

খনবীয়ু, অসিগুম্বা অঙকপা পোৎশক অসি মালেম পুম্নমক্তা য়োনগদ্রা য়োল্লোইদ্রা? হিন্দুস্তান্নী কনানা পামলোইদগে?

অদুগা মরূপশা,

ঐনা শপ্নগী মমিং অমখক পনবনি।

অসিগুম্বা মশিং থিঙমদ্রবা পাম্বী, হর্বল প্রদক্ত জম্মু–কশ্মীর অমসুং লদাখতা পৈদুনা লৈরি।

মখোয় মশক খঙদোক্কলবা, মখোয় য়োল্লবদি মদুগী য়াম্না চাউনা কান্নবা মফম অদুগী মীয়াম্না ফংগনি, মফম অদুগী লৌমীশিংনা ফংগনি।

মরম অসিনা লৈবাক অসিগী ইন্ত্রপ্রিনরশিংদা, এক্সপোর্তকা মরি লৈনবা মীওইশিংদা, ফুদ প্রোসেসিং সেক্তরগা লোইনবা মীওইশিংদা হায়জরি মদুদি জম্মু–কশ্মীর অমসুং লদাখকী মফম অসিগী Export

Products অসিবু মালেম শিন–থুংনা য়ৌহন্নবা মাংদা চোংথোকপীরকউ।

মরূপশা,

Union Territory শেম্লবা মতুংদা হৌজিক লদাখ্কী মীয়ামগী চাউখৎ–থৌরাং, ভারত সরকারগী তৌফদ্রবা থৌদাং ওইরে।

মফম অসিগী মীহুৎশিং, লদাখ অমসুং কারগিলগী দিবেলপমেন্ত কাউন্সিলগী মতেংদগী কেন্দ্র সরকারনা চাউখৎ–থৌরাং পুম্নমক্কী কান্নবা হৌজিক হেন্না য়াংনা য়ৌহল্লগনি।

লদাখতা স্প্রিচুএল তুরিজম, এদভেঞ্চর তুরিজম অমসুং ইকোতুরিজমগী খ্বাইদগী চাউবা মফম ওইনবগী মতিং লৈ।

সোলর পাৱর জেনরেশনগীসু লদাখ অসি য়াম্না চাউবা মফম অমা ওইবা য়াই।

হৌজিক মফম অদুগী ওইথোকপা য়াবশিং অদু মওং চুম্না শিজিন্নরগনি অমসুং খেন্নবা অমত্তা থমদনা চাউখৎ–থৌরাংগীদমক্তা অনৌবা তাঞ্জা শেমলগনি।

হৌজিক লদাখকী নহারোলশিংগী ইনোবেতিব স্প্রিৎতা ঙাকলৌ ফংলগনি, মখোয়গী অফবা মহৈ মশিংগীদমক্তা হেন্না ফবা ইন্সতিত্যুৎশিং ফংলগনি, মফম অদুগী মীয়াম্না হেন্না ফবা হোস্পিতাল ফংলগনি, ইনফ্রাস্ত্রকচরশিং খোংজেল য়াংনা মোদর্নাইজ তৌরগনি। 

মরূপশা,

দেমোক্রেসীদা ৱারেপ অসিগী মাইকৈদা খরনা লৈবা খরনা মসিগা খেন্নবা অসিসু অদুমক মশানা তাবনি। 

ঐনা মখোয়গী খেন্নবা অদুবুসু অমসুং য়ানীংদবা অদুবুসু ইকাই খুম্নবা উৎচরি।

মসিগী মতাংদা মরৈ য়েৎনরি, মদুগী কেন্দ্র সরকারনা পাওখুমসু পীরি। ৱারোইশিন পুথোক্নবা হোৎসু হোৎনরি।  

মসি ঐখোয়গী দেমোক্রেসীগী ওইবা ইথৌদাংনি।

অদুবু ঐনা মখোয়দা হায়জরি মদুদি মকোয়না লৈবাক্কী কান্নবা ৱাফমদা মরু ওইনা লৌদুনা থবক তৌবীয়ু অমসুং জম্মু–কশ্মীর–লদাখপু অনৌবা মাইকৈ পীনবা সরকারগী মতেং পাংবীয়ু। লৈবাক্কী মতেং পাংবীয়ু, সংসদতা কনানা ভোৎ পীবা,কনানা পীদবা, কনানা শৌগৎপা, কনানা শৌগৎতবা, মসিদগী নাথৈদুনা হেনগৎলগা হৌজিক জম্মু–কশ্মীর–লদাখকী কান্ননবা পুন্না, অমত্তা ওইনা থবক তৌমিন্নসি।

ঐনা ইরৈবাকচা পুম্নমক্তা মসিসু হায়জরি মদুদি জম্মু–কশ্মীর অমসুং লদাখকী মীয়ামগী ৱাখল, ঐখোয় পুম্নমক্কী ৱাখল,ইরৈবাকচা ক্রোর ১৩০গী ৱাখল খল্লি, মখোয়গী অৱা–নুংঙাই, মখোয়গী অৱাবদগী ঐখোয় তোখাইবা নত্তে।

আর্তিকলদগী নান্থোকপা অসি অচুম্বা অমনি, অদুবু অচুম্বা অমদি মসিসুনি মদুদি মতম অসিদা পুৱারী ওইনা থাংজিল্লিবা খোংথাং অসিনা মরম ওইদুনা থেংনরিবা অৱাবা অসিসু পুম্নমক অসিনা মায়োক্নরি। 

মফম অদুগী ফিভম কাইহনবা পাম্বা মীওই খুজোক খরখক্কী পাউখুমসু মফম অদুগী ঐখোয়গী ইচিল–ইনাওশিংনা পীরি। 

ঐখোয় মসিসু কাওরোইদবনি মদুদি তেরোরিজম অমসুং ফেমিলিইজমদা মৈ চুনবগী পাকিস্তানগী শারৌশিংগী মায়োক্তা জম্মু–কশ্মীরমক্কী মমা লৈবাকপু নুংশিজবা মীয়াম্না চপ য়ুংনা লেপ্লি।   

ভারতকী সংবিধান্দা থাজবা থম্লিবা ঐখোয়গী ইচিল–ইনাওশিং অসি অফবা পুন্সিদা হিংনবগী হক লৈ।

ঐখোয়না মখোয় পুম্নমক্তা চাউথোকচবা পোকচরি।

ঐনা ঙসি জম্মু–কশ্মীরগী মরূপশিং অদুদা থাজবা অসি পীজরি মদুদি তপ্না তপ্না ফিভম অসি মহৌশাগী ওইরক্লগনি অমসুং মখোয়গী অৱাবসু হন্থরক্লগনি।

মরূপশা, ইদকী নুংঙাইরবা কুম্মৈসু নকশিল্লকলে।

ইদকীদমক্তা ঐগী মাইকৈদগী পুম্নমক্কী মফমদা হন্না হন্না নুংঙাইবা ফোংদোকচরি।

জম্মু–কশ্মীরদা ইদ পাংথোকপদা মীয়াম্না অৱাবা লৈতনবা সরকারনা পুক্নিং চংলি।

জম্মু–কশ্মীরগী মপান্দা লৈখিবা ঐখোয়গী লোইনবশিং অমসুং ইদতা মখোয়গী য়ুমদা হল্লকপা পাম্বশিংগীসু সরকারনা অঙম্বা মতেং পাংলি।

মরূপশা, ঙসি থৌরম অসিদা ঐনা জম্মু–কশ্মীরগী মীয়ামগী ঙাক–শেলগী থবক পাংথোক্লিবা ঐখোয়গী ঙাকশেল লান্মীশিংদসু তৌবীমল খঙবা উৎচরি।

লৈঙাক্কা মরি লৈনবা মীওই পুম্নমক, রাজ্যগী শিন্মীশিং অমসুং জম্মু–কশ্মীরগী পুলিসনা ফিভম অসিবু সাকসিল্লিবা মওং অসি থাগৎনীংঙাইনি।

অদোমগী হোৎনবা কনবা অসিনা, ঐগী থাজবা অসি অমুক্কা হেনগৎহল্লে, অহোংবা পুরকপা ঙমগনি।

ইচিল–ইনাওশা,

জম্মু–কশ্মীর অসি ঐখোয়গী লৈবাক্কী লুহুপ্নি। মসিবু ঙাক শেনবদা জম্মু–কশ্মীরগী অথৌবা মপারী মমোম কয়ানা মখোয়গী থৱাই থারি, মখোয়গী পুন্সি কৎলি, মসিগীদমক চাউথোকচবা পোকচরি।

পুঞ্ছ জিলাগী মৌলবী গুলাম দীন, মহাক্না ৬৫গী লানফমদা লোন্না চংলকপা পাকিস্তানগী মতাংদা ভারতকী লান্মীশিংদাতমখি, মহাকপু অশোক চক্র পীদুনা ইকাই খুম্নখি,

লদাককী কর্নেল সোনম ৱাঞ্চুঙ্গনা কারগিলগী লানফমদা য়েক্নবশিংবু উফুল তাহনখি, মহাকপু মহাবীর চক্র পীখি, 

রাজৌরীগী রুখসানা কৌসর, মহাক্না অচৌবা তেরোরিস্ত অমা কাপথুখি, মহাকপু কীর্তি চক্র পীদুনা ইকাই খুম্নবা উৎখি,

পুঞ্ছকী অথৌবা ঔরঙ্গজেব, হৌখিবা চহিদা তেরোরিস্তশিংনা হাৎপীখি অমসুং মহাক্কী মনাও অনিমক হৌজিক লান্মীদা চংদুনা লৈবাক্কী সেবা তৌরি,

অসিগুম্বা অথৌবা মপারী–মমোমশিংগী পরেং অসি য়াম্না শাংখ্রে।

তেরোরিস্তশিংগা লান্থেংনদুনা জম্মু–কশ্মীর পুলিসকী জৱান কয়া মরুম অমসুং অফিসর কয়া শহীদ ওইখি। লৈবাক অসিগী অতোপ্পা তম্পাক্কী লমদম কয়াদগী মীওই লিশিং কয়া ঐখোয়না মাংজখি, মখোয় পুম্নমক্কী মংলান্দি মসিনি –

ইং তপ্পা,

শোইদ ঙামদবা, ৱাৎত–পাদবা

জম্মু–কশ্মীর ওইহনবা।

মখোয়গী মংলান অদু ঐখোয় পুন্না হোৎনমিন্নদুনা মপুং ফাগনগদবনি।

মরূপশা,

ৱারেপ অসি জম্মু–কশ্মীর অমসুং লদাখকা লোইননা ভারতকী শেনমিৎলোনগী চাউখৎ–থৌরাংদা মতেং ওইনগনি।

মালেমগী মরু ওইবা লমদম অসিদা ইংথবা অমদি নুংঙাই য়াইফবা পুরক্লবদি, মহৌশানা মালেমগী ইং–তপ্পগীদমক হোৎনরিবশিং অসি চেৎসিলহল্লগনি।

ঐনা জম্মু–কশ্মীরগী ঐগী ইচিল–ইনাওশিংগী মফমদা, লদাখকী ইচিল–ইনাওশিংগী মফমদা, পাউজেঞ্জরি।

লাক্লো ঐখোয় পুম্নমক অমত্তা ওইনা মালেম অসিদা উৎলসি মদুদি লমদম অসিগী মীয়ামদা থৌনা কয়াগী মতিক লৈরিবা,মফম অসিগী মীয়ামগী লিংজেল কয়াগী মতিক লৈরিবা, মখোয়গী পুক্নীং ইহুল কয়াগী মতিক কল্লিবা।

লাক্লো, ঐখোয় পুম্নমক অমত্তা ওইনা, ভারতকা লোইননা হৌজিক অনৌবা জম্মু–কশ্মীর অমসুং অনৌবা লদাখসু শেমগৎলসি।

হন্না হন্না থাগৎচরি!

জয় হিন্দ !!!