গ্লাসগোগী সি.ও.পি.২৬ সম্মিত্তা ‘ইনফ্রাস্ত্রকচর ফোর রিসাইলেন্ত আইলেন্দ স্তেতস’ ইনিসিয়েতিব হৌদোকখিবদা পীখিবা প্রধান মন্ত্রীগী ৱারোল

এক্সিলেন্সীস,

• 'ইনফ্রাস্ত্রকচর ফোর রিসাইলেন্ত আইলেন্দ স্তেতস' – আই.আর.আই.এস. হৌদোরকপা অসিনা অনৌবা অশা, অনৌবা কনফিদেন্স অমা পী৷ মসিনা খ্বাইদগী ফিভম শোক্নিংঙাই ওইরবা লৈবাকশিংগীদমক করিগুম্বা থবক অমা তৌবগী অপেনবা অদু ফংহল্লি৷
• মসিগীদমক কোলিসন ফোর দিজাস্তর রিসাইলেন্ত ইনফ্রাস্ত্রকচর(সি.দি.আর.আই.) অদু ঐনা থাগৎলি৷
• মসিগী য়াম্না মরু ওইবা ফোরম অসিদা, ওস্ত্রেলিয়া অমসুং য়ু.কে., অমদি মাউরিতস অমসুং জমাইকা য়াওনা অপিকপা ইথৎ কাংলুপশিং য়াওনা এলাইদ লৈবাক পুম্নমক্কী লিদর পুম্নমক্তা ঐনা থাগৎপা ফোংদোকচরি৷
• য়ু.এন. সেক্রেতরী জেনেরেলনা হৌদোকপগী থৌরম অসিদা মহাক্কী মমল য়াম্লবা মতম কাইথোকপিবগীদমক ঐনসু থাগৎপা ফোদোকচরি৷োংদোকফো
  
  এক্সিলেন্সীস,
• ক্লাইমেত চেঞ্জকী চৈথেংনা মীওই অমতা সেফ ওইহনদ্রে হায়বসি হৌখিবা চহি খুজিং খরা অসিনা উৎখ্রে৷ চাওখৎলবা লৈবাক নত্রগা নেচরেল রিসোর্সশিং মরাং কাইনা ফংলিবা লৈবাকশিং ওইরবসু, মসি মীপুম খুদিংমক্তা পীবা য়াম্না অচৌবা খুদোংথিবা অমনি৷
• অদুবু মফম অসিদসু, ক্লাইমেত চেঞ্জকী খ্বাইদগী চাওবা থ্রেত অসি 'স্মোল আইলেন্দ দিবলপিং স্তেতস- এস.আই.দি.এস.'তসু পীরি৷ মখোয়গী ওইনদি মসি হিংবা অমসুং শিবগী ৱাফম্নি; মসি মখোয়না হিংলিবা অসিগী চেলেঞ্জ অমনি৷ ক্লাইমেত চেঞ্জনা থোকহল্লিবা দিজাস্তরশিং অসিনা মখোয়দা তশেংনা ৱাহনগনি৷
• অসিগুম্বা লৈবাকশিংদা, ক্লাইমেত চেঞ্জ অসি মখোয়গী পুন্সিগী সেক্যুরিতীগীদমক অচৌবা চেলেঞ্জ অমা ওইবতা নত্তনা নখোয়গী ইকোনোমীশিংগীসু অচৌবা চেলেঞ্জ অমা ওইরি৷
• অসিগুম্বা লৈবাকশিংনা তুরিজমদা কা-হেন্না মখা পোন্দুনা লৈ অদুবু নেচরেল কলামিতীশিং অসিনা মরম ওইদুনা, তুরিস্তশিং ফাওবদা মফম অসিদা লাকপা কিনরি৷
  
  মরুপশিং,
• এস.আই.দি.এস. লৈবাকশিংনা চহি-চা কয়া মহৌশাগা ইংনা-চিক্না শান্তি লৈনা হিংজরবসু, মখোয়না নেসচরেল সাইকলশিং অসিদা মতৌ করম্না চুশিন্ননবা হোৎনগদগে হায়বদু খঙই৷
• অদুবু হৌখিবা চহি খুজিং খয়া অসিদা উৎলক্লিবা মশা খক্তগী খনবা মওং অদুনা মরম ওইদুনা, মহৌশাগী অননেচরেল ওইবা মওং অদু লাকখ্রে, মসিগী রিজল্ত ওইনা ঙসি চমজরবা অপিকপা ইথৎকী রাজ্যশিংনা মাইয়োক্নরিবনি৷
• মরম অদুনা, ঐগী ওইনদি, সি.দি.আর.আই. নত্রগা আই.আর.আই.এস. অসি ইনফ্রাস্ত্রকচরগী ৱাফম খক্তা নত্তে, মসি মীওইবা জাতিগী য়াইফনবগী খ্বাইদগী সেন্সিতিব ওইবা থৌদাংগী শরুক্নি৷
• মসি মীওইবা জাতিগীদমক ঐখোয় পুম্নমক্না লৌগদবা অপুনবগী ওইবা থৌদাংনি৷
• অমরোমদা হায়রগদি, মসি ঐখোয়না তৌরুবা পাপশিং কোকথোক-চাংথোকপা অমনি৷
  
  মরুপশিং,
• সি.দি.আর.আই. অসি সেমিনার অমদগী থোক্লকপা ফেন্তেসী অমা নত্তে, সি.দি.আর.আই. থোক্লকখিবা অসি চহি কয়া চংনা খন্ন-নৈনরবা অমদি এক্সপরিয়েন্সতগী লাকখিবনি৷
• অপিকপা ইথৎকী লৈবাকশিংদা থোক্লক্লিবা ক্লাইমেত চেঞ্জকী থ্রেত অসি উরদুনা, ভারতনা পেসিফিক ইথৎশিং অমদি কেরিকোম লৈবাকশিংগা লোইননা কোওপরেসন পীননবা অখন্নবা এরেঞ্জমেন্তশিং শেমখ্রে৷
• ঐখোয়না মখোয়গী প্রজাবু সোলর তেক্মনোলোজীশিংদা ত্রেন তৌখি,  অমদি মফম অদুদা ইনফ্রাস্ত্রকচর দিবেলপমেন্ত পুরক্নবা লেপ্প-লৈতনা হোৎনখি৷
• মখা চত্থরকপা ওইনা, ঙসিসু, প্লেতফোর্ম অসিদগী  ঐনা ভারত্তগী অতোপ্পা অনৌবা ইনিসিয়েতিব অমা লাওথোক্লি৷
• ভারতকী স্পেস এজেন্সী, ইসরোনা এস.আই.দি.এস.কীদমক অখন্নবা দাতা অমা শেম্লগনি৷
• মসিগা লোইননা, এস.আই.দি.এস.না সেতলাইতকী খুৎথাংদা সাইক্লোনশিং, কোরেল-রীফ মোনিতরিং, কোস্ত-লাইন মোনিতরিংগুম্বগী মরমদা মতম চানা ই-পাউ ফংগনি৷
  
  মরুপশিং,
• সি.দি.আর.আই. অমদি এস.আই.দি.এস. অনিমক্না আই.আর.আই.এস. মংফাওননবা হোৎনখ্রে – কো-ক্রিয়েসন অমদি কো-বেনিফিকশিংগী অফবা খুদম অমা৷
• মসিনা মরম ওইদুনা ঙসি আই.আর.আই.এস. হৌদোকপা অসি য়াম্না মরু ওই হায়না খল্লিবনি৷
• আই.আর.আই.এস.কী খুৎথাংদা, মসিনা এস.আই.দি.এস.কী ওইনদি তেক্নোলোজী শেম-শাবা, শেল থাদবা অমদি তঙাই ফদবা ই-পাউ লৌবদা হেন্না লাইহল্লগনি অমদি থুহল্লগনি৷ অপিকপা ইথৎকী রাজ্যশিংদা ক্বালিতী লৈবা ইনফ্রাস্ত্রকচর শেমগৎপা অসিনা মফম অদুদা লৈরিবা মীশিং অমদি মখোয়গী পুন্সি মরেলদা কান্নবা পীগনি৷
• হায়রিবা লৈবাকশিং অসিবু মালেম অসিনা মী য়াম্না খুন্দাদবা অপিকপা ইথৎশিংনি হায়না খল্লি হায়না ঐনা মমাংদা ফোংদোকখিবা লৈখ্রে  অদুবু  লৈবাকশিং অসি অচৌবা পোতেন্সিয়েল লৈবা লার্জ ওসিন স্তেতশিনি হায়না ঐনা খল্লি৷ সমুদ্রদগী ফংলিবা লীকলাই-মতুম পরেং অমনা মীপুম খুদিংগী থমোই শুমহৎখিবা অদুগুম্না, সমুদ্রনা কোইশিল্লিবা এস.আই.দি.এস.না মালেম অসিগী থমোই শুমহৎলি৷
• মসিগী অনৌবা প্রোজেক্ত অসিদা ভারতনা মপুং ফানা সপোর্ত পীরগনি, অমদি সি.দি.আর.আই., অতোপ্পা পার্তনর লৈবাকশিং অমসুং য়ুনাইতেদ নেসেনশিংগা মাই পাক্ননবগীদমক চেৎনা চৎমিন্নদুনা থবক তৌমিন্নগনি হায়না ঐনা ময়ামদা থাজবা পীরি৷
• মসিগী অনৌবা ইনিসিয়েতিব অসিগীদমক সি.দি.আর.আই. অমদি অপিকপা ইথৎ কাংলুপ পুম্নমক্তা য়াইফ-পাউজেল পীজরি৷

অদোম্বু অদুক্কী মতিক থাগৎচরি৷