Quoteলাক্লিবা লোহরি, মকর সংক্রান্তি, পোঙ্গাল, মাঘ বিহু কুহ্মৈশিং মতুংদা জনুৱারি ১৬, ২০২১দগী তিকা থাবগী থবক হৌরগনি
Quoteহকশেলগী থবক তৌরিবশিং অমসুং মমাঙ থানা থবক তৌরিবা শিন্মীশিং য়াওনা পুন্না করোর ৩ রোমদা অহানবা ওইনা খুদোংচাবা পীগনিমতুং তারকপদা চহি ৫০গী মথক্তা লৈবশিং অমসুং চহি ৫০গী মখাদা লৈবা লায়না লৈবা মীওই চাউরাক্না করোর ২৭ রোম কোনশিনগনি

ঙসি প্রধান মন্ত্রীনা লুচিংদুনা পাংথোকখিবা অৱাংবা থাক্কী মীফম অমদা লৈবাক অসিদা হৌজিক ওইরিবা কোবিদ-১৯গী ফিবম অমসুং কোবিদ তিকা থানবা রাজ্যশিং/য়ু.তিশিংদা থৌরাং তৌরিবশিং হন্না য়েংশিনখ্রে। মীফম অদুদা কেবিনেত সেক্রেতরি, প্রধান মন্ত্রীগী প্রিন্সিপাল সেক্রেতরি, হেল্থ সেক্রেতরি অমসুং মরী লৈনবা অতোপ্পা সেনিয়র ওফিসিএলশিং শরুক য়াখি।

কোবিদ লাকশিন্নবা পায়খৎলিবা থবকশিংগী অকুপ্পা অমসুং পুনশিনবা অমা প্রধান মন্ত্রীনা হন্না য়েংশিনখি। তিকা অনি(কোবিসিল্ড অমসুং কোবাজিন) অসি অশোই-অঙাম লৈত্রে অমসুং ইম্মুনোজেনিসিতি ওইরে হায়না নেসনেল রিগুলেতরনা অথু-অকায়গী ওইনা শীজিন্নবগী অয়াবা পীখ্রে।

নুমিৎগী খরগী মতুংদা তিকা থাবা হৌনবা রাজ্যশিং অমসুং য়ু.তিশিংগা কেন্দ্র সরকারনা পুন্না চৎমিন্নদুনা থৌরাং তৌরিবা অসিগী মতাংদা প্রধান মন্ত্রীদা পাউদমখি। তিকা থাবগী থবক অসি মীয়াম শরুক য়াবা(জন ভাগিদারি);মীখল পাংথোকপগী লৌশিং শীজিন্নবা(বুথ স্ত্রাতেজি) অমসুং য়ুনিভর্সেল ইম্মুনাইজেসন প্রোগ্রাম(য়ু আই পি); হৌজিক লৈরিবা হকশেলগী থবকশিংদা অৱাৎপা লৈহন্দবা; নেসনেল প্রোগ্রামশিং অমসুং প্রাইমারি হেল্থ কিয়ার; সাইন্তিফিক অমসুং রিগুলেতোরিগী নিয়মশিংদা অশোইবা লৈহন্দবা, অতোপ্পা এস.ও.পিশিং অমসুং তেক্নোলোজি শীজিন্নবনা মপুংফানা শৌগৎলি।

কোবিদ-১৯ তিকা অসি অহানবা ওইনা অনা-লায়য়েংগী লমদা থবক তৌরিবা মীওইশিং অমসুং মমাঙ থানা থবক তৌরিবা চাউরাক্না মীওই করোর ৩ রোমদা হান্না খুদোংচাবা পীগনি অমসুং মতুং তারকপদা চহি ৫০গী মথক্তা লৈবা মীওইশিং অমসুং চহি ৫০গী মখাদা লৈবা লায়নাশিং লৈবা চাউরাক্না মীওই করোর ২৭দা খুদোংচাবা পীগনি।

কো-ৱিন ভেকসিন দেলিভরি সিস্তেমগী মতাংদা প্রধান মন্ত্রীদা পাউদমখি। অঙকপা দিজিতেল প্লেতফোর্ম অসিনা ভেকসিন স্তোকশিং, মখোয় থম্বগী অইং-অশাগী চাং অমসুং কোবিদ-১৯ তিকা থাগদবা লনাই মীওইশিং খোঙ্গুল লিবগী মতাংদা ই-পাউ পীগনি। প্লেতফোর্ম অসিনা প্রি-রেজিস্তার বেনিফিসরিশিং, মখোয় ভেরিফিকেসন তৌবা অমসুং মাইপাক্না তিকা থাবা লোইরবা মতুংদা দিজিতেল সর্তিফিকেদ অমা পীবদা ওতোমেতেদ সেসন এল্লোকেসনগী খুৎথাংদা প্রোগ্রাম মেনেজরশিং মতেং পাংগনি। মাঙজৌন্না কান্নবা ফংগদবা মীওই লাখ ৭৯ হেন্না প্লেতফোর্ম অসিদা মিং চল্লে।

তিকা থাবগী মরুওইবা থবক অসিদা তিকা থাগদবা হকশেলগী মীওইশিং অমসুং তিকা থাবগী ওফিসিএল ওইবা থবক তৌগদবশিংনা মরুওইবা য়ুম্বী অমা ওইরি অমসুং মখোয় ত্রেনিং পীনবা অকুপ্পশিং ফোঙলে। স্তেৎ ইম্মুনাইজেসন ওফিসারশিং, কোল্দ চেন ওফিসারশিং, আই.ই.সি ওফিসিএলশিং, দিবলপমেন্ত পার্তনরশিং য়াওবা জাতি থাক্কী ত্রেন্নরশিংগী ত্রেনিংদা মীওই ২,৩৬০ রোম শরুক য়াখি। হৌজিক ফাওবদা রাজ্যশিং, জিলাশিং অমসুং ব্লোকশিংগী থাক্তা পাংথোকপা ত্রেনিংশিংদা প্রোগ্রাম মেনেজর ৬১,০০০, ভেকসিন্নেতর লাখ ২ অমসুং অতোপ্পা তিম মেম্বর লাখ ৩.৭ হেন্না ত্রেনিং পীখ্রে।

লৈবাক শীনবা থুংনা তাঙ্কক অহুম থোক্না পাংথোকখিবা দ্রাই রনশিংগী মতাংদা প্রধান মন্ত্রীদা পাউদমখি। ঙরাং রাজ্য/য়ু.তি ৩৩দা জিলা ৬১৫দা সেসন ৪৮৯৫ থোক্না অহুমশুবা দ্রাই রন পাংথোকখ্রে।

কুপ্না হন্না য়েংশিল্লবা মতুংদা, লাক্লিবা লোহরি, মকর সংক্রান্তি, পোঙ্গাল, মাঘ বিহু কুহ্মৈশিং মতুংদা জনুৱারি ১৬, ২০২১দগী তিকা থাবগী থবক হৌবা হায়না মীফম অদুনা ৱারেপ লৌখি।

Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
Inflation Lowest In Over 6 Years, Jobs & Trade Steady As India Starts FY26 Strong, FinMin Data Shows

Media Coverage

Inflation Lowest In Over 6 Years, Jobs & Trade Steady As India Starts FY26 Strong, FinMin Data Shows
NM on the go

Nm on the go

Always be the first to hear from the PM. Get the App Now!
...
Prime Minister condoles the the loss of lives in the road accident in Deoghar, Jharkhand
July 29, 2025

Prime Minister Shri Narendra Modi today condoled the loss of lives the road accident in Deoghar, Jharkhand.

The PMO India handle in post on X said:

“झारखंड के देवघर में हुई सड़क दुर्घटना अत्यंत दुखद है। इसमें जिन श्रद्धालुओं को अपनी जान गंवानी पड़ी है, उनके परिजनों के प्रति मेरी गहरी शोक-संवेदनाएं। ईश्वर उन्हें इस पीड़ा को सहने की शक्ति दे। इसके साथ ही मैं सभी घायलों के जल्द से जल्द स्वस्थ होने की कामना करता हूं: PM @narendramodi”