২০৩৫দা ভারতকী স্পেস স্তেসন শেমগৎকনি
২০৪০দা ভারতনা থাদা মীওইবা থাগনিভারতনা ভেনস অমসুং মার্সকী মিসনশিং পায়খৎকনিভারতকী গগনয়ান মিসনগী খুমাঙচাউশিনবা য়েংশিন্নবা অমসুং ভারতকী তুংগী সুন্দ্রংগী থবক-থৌরমশিং য়াৎথোক্নবা প্রধান মন্ত্রী নরেন্দ্র মোদীনা লুচিংদুনা অৱাংবা থাক্কী মীফম অমা পাংথোকখ্রে।
হুমেন-রেতেৎ লঞ্চ ভেহিকলশিং অমসুং সিস্তেম ক্বালিফিকেসন য়াওনা হৌজিক ফাওবদা শেমগৎলবা তোঙান-তোঙানবা তেক্নোলোজিশিং য়াওনা গগনয়ান মিসনগী অপুনবা শক্তম অমা স্পেস দিপার্তমেন্তনা উৎখি। মী য়াওদবা হুমেন রেতেৎ লঞ্চ ভেহিকল(ঐচ এল ভি এম ৩) অহুম য়াওনা অচৌবা চাংয়েং ২০ পাংথোক্নবা থৌরাং তৌরে। ওক্তোবর ২১দা ক্রিয়ু ইস্কেপ তেস্ত ভেহিকলগী অহানবা দেমোন্সত্রেসন ফ্লাইত পাংথোক্কনি। মিসন অসি ২০২৫দা থাগৎনবা মিসনগী শেম-শারিবশিং মীফম অদুদা খন্ন-নৈনখি।
চন্দ্রয়ান-৩ অমসুং অদিত্য এল-১ মিসন মাইপাকখিবগা লোয়ননা, ২০৩৫দা ‘ভারতিয়া অন্তরিকা স্তেসন’(ভারতকী স্পেস স্তেসন) লিংখৎনবা অমসুং ২০৪০দা ভারতনা অহানবা ওইনা থাদা মী থানবা পান্দমশিং য়াওনা অনৌবা পান্দমশিং থম্নবা প্রধান মন্ত্রীনা পাউতাক পীখি।
মঙলান অসি থবক ওইনা পাংথোক্নবা, থা মশক খঙদোক্নবা স্পেস দিপার্তমেন্তনা থৌরাং অমা পুথোক্লগনি। মসিনা চন্দ্রয়ান মিসনশিংগা লোয়ননা, মসিনা নেক্স জেনেরেসন লঞ্চ ভেহিকল অমা শেমগৎপা, অনৌবা লঞ্চ পেত অমা শাবা, মীওইবগী য়াইফনবা থবক তৌবা লেবোরেতোরিশিং অমসুং তেক্নোলোজিশিং শেমগৎপা য়াওরি।
ভেনসু ওর্বিতর মিসন অমা অমসুং মার্স লেন্দর অমা য়াওনা ইন্তরপ্লানেতরি মিসনশিংগী মতাংদা থবক তৌনবা প্রধান মন্ত্রীনা ভারতকী সাইন্তিস্তশিংদা পাউতাক পীখি।
সুন্দ্রংগী লমদা ভারত অনৌবা থাকশিং য়ৌনবা থবক তৌগনি হায়বগী ভারতকী তৌবা ঙম্বশিং অমসুং থাজবশিং প্রধান মন্ত্রীনা ফোঙদোকখি।
