দিফেন্স স্তাফকী চীফ জেনেরেল বিপিন রাৱাত ঙসি প্রধান মন্ত্রীগা উন্নখ্রে। মখোয়না লায়চৎ অসিগা মরী লৈননা আর্ম ফোর্সেসনা শেম-শারিবা অমসুং লৌখৎলিবা থবকশিং অমুক হন্না য়েংশিনখ্রে।
সি.দি.এস.না পি.এম.দা খঙহনখি মদুদি আর্ম ফোর্সেসতগী চহি অনি অসিগী মনুংদা রিতায়র লৌখ্রবা অমসুং প্রি-মেচুর রিতায়র লৌখ্রবা মেদিকেল পর্সোনেলশিং খুদিংমক মখোয়গী হৌজিক লৈরিবা মফমগী মনাক নকপদা কোবিদকী মতেং ওইবা থবক তৌন্নবগীদমক মখোয়গী থবক্তা অমুক হল্লক্নবা খঙহনখ্রে। মসিগী মমাংদা হান্ননা রিতায়র লৌখ্রবা অতোপ্পা ওফিসরশিংসু মেদিকেল ইমর্জেন্সি হেলপ লাইনগী খুত্থাংদা মখোয়দা ৱা-খন্নবগী থবকশিং ফংহন্নবা হায়জখ্রে।
পি.এম.দা মসি অমসু খঙহনখি মদুদি কম্মান্দ ঐচ.ক্যু., কোর্পস ঐচ.ক্যু., দিবিজন ঐচ.ক্যু. অমসুং নেভী অমসুং এয়র-ফোর্সকী মসিগা মান্নবা ঐচ.ক্যু.শিংগী লৈরিবা স্তাফকী মেদিকেল ওফিসরশিং পুম্বা হোস্পিতালশিংদা থবক তৌরগনি।
সি.দি.এস.না পি.এম.দা খঙহনখি মদুদি হোস্পিতালদা দোক্তরশিংগী মতেং পাংনবা মশীং য়াম্লবা নর্সিং পর্সোনেল কয়া অমা থবক পীরি। পি.এম.দা মসি অমসু খঙহনখি মদুদি আর্ম ফোর্সেসকী ইস্তাব্লিশমেন্ত কয়া অমদা লৈরিবা ওক্সিজেন সিলিন্দরশিং অসিসু হোস্পিতালগীদমক থাদোরক্লগনি।
সি.দি.এস.না মসি অমসু হায়খি মদুদি মখোয়না মেদিকেলগী খুদোংচাবশিং মশীং য়াম্না পুথোক্লি অমসুং হায়রিবা অসিদা অঙম্বা মিলিতরী মেদিকেল ইনফ্রাস্ত্রকচরশিং অসি মীচম প্রজাগীদমক ফংহন্নবা হোৎনগনি।
আই.এ.এফ.না ওক্সিজেন অমসুং তঙাইফদনা চংদ্রবা য়াদবা পোৎলমশিং ভারত অমসুং মপাল লমদা পুথোক-পুশিন তৌরিবা অসিদা পি.এম.না হন্না য়েংশিনখি।
পি.এম.না সি.দি.এস.কা লোয়ননা খন্ন-নৈনবা অমসু চৎথখি মদুদি ভেতরান সেলসকী হেদ-ক্বাতর কয়া অমদা থবক পুরিবা কেন্দ্রিয়া অমসুং রাজ্যা ৱেলফিয়র বোর্দশিং অমসুং ওফিসরশিং অসিদা ভেতরানগী থবকশিং অসি মনুং চংশিন্না লৈবা মফমশিং য়াওনা য়ৌশিন্দুনা অঙম্বা মতেং পীনবা হায়বা য়াই অসিনি।
