এয়র চীফ মার্শেল আর.কে.এস. ভাদৌরিয়ানা ঙসি প্রধান মন্ত্রী নরেন্দ্র মোদীগা উন্নখ্রে।

মহাক্না কোবিদ-১৯গা মরী লৈনবশিংদা মতেং পীনবা আই.এ.এফ.না হোৎনরিবশিং অসি প্রধান মন্ত্রীদা খঙহনখি।

এয়র চীফ মার্শেল আর.কে.এস. ভাদৌরিয়ানা ঙসি প্রধান মন্ত্রীদা খঙহনখিবদা আই.এ.এফ.না হেভী লিফ ফ্লীত অপুনবা অমসুং মেদিয়ম লিফ ফ্লীৎকী অকক্নবা মশিং খরবু ২৪X৭ শেম-শাদুনা লৈদুনা  ঐখোয়গী লৈবাক অমসুং মালেমগী মফম শিনবা থুংবগী কোবিদকা মরী লৈনবা থবক পাংথোকপগী হীরমশিং অথুবা মতমদা ইনবা ঙম্নবা হব অমসুং স্পোক মোদেলগী মওংদা মথৌ পাংথোক্নবা য়াথং পীখ্রে হায়খি। জহাজ পুম্বগী এয়রক্রিয়ুশিংসু মতম চুপ্পদা থবক পাংথোকপা য়াননবা মশীং হেনগৎহনখ্রে।

পি.এম.না ওক্সীজেন তেঙ্কর অমসুং অতৈ তঙাইফদনা চংদবা য়াদবা মচাকশিং পুথোক-পুশিন তৌবা অসিদা স্পীদ, স্কেল অমসুং সেফতী হেনগৎহনবদা মরুওইবা পীখি। পি.এম.না আই.এ.এফ. পর্সোনেলশিংবু কোবিদকা মরী লৈনবা থবকশিং পায়খৎলিঙৈ মতমদা লায়না অসিদগী ঙাকথোক্তুনা লৈনবা হোৎনবগী মথৌ তাই হায়খি। মহাক্না কোবিদকা মরী লৈনবা থবকশিং অসি পাংথোকপদা চেকশিন্না লৈনবগী তঙাইফদবশিংগী মরমদা ৱা ঙাংখি। 

এয়র চীফ মার্শেল আর.কে.এস. ভাদৌরিয়ানা খঙহনখি মদুদি তেরেইন খুদিংমক য়ৌশিন্নবা আই.এ.এফ.না অচৌবা অমসুং ময়াই ওইবা এয়রক্রাফশিং শিজিন্নরি। তোঙান-তোঙানবা মন্ত্রালয় অমসুং এজেন্সিশিংনা কোবিদকা মরী লৈনবা থবকশিং পায়খৎপদা হেন্না অথুবা কো-ওর্দিনেসন অমা পীনবা আই.এ.এফ.না কত্থোক্লবা কোবিদ এয়র সপ্পোর্ত সেল অমসু শেমখ্রে হায়না মহাক্না পি.এম.গী মফমদা পাউদমখি।

প্রধান মন্ত্রীনা আই.এ.এফ. পর্সোনেল অমসুং মখোয়গী ইমুং-মনুংগী হকচাংগী ফিভম হংখি। এয়র চীফ মার্শেল আর.কে.এস. ভাদৌরিয়ানা আই.এ.এফ.কী মীওই অয়াম্বা লোয়নমক তিকা থাখ্রে হায়না মহাক্কী মফমদা পাওদমখি। 

মহাক্না প্রধান মন্ত্রীদা মসি অমসু খঙহনখি মদুদি আই.এ.এফ.কী মখাদা লৈবা হোস্পিপিতালশিংদা কোবিদ লায়েংগী খুদোংচাবা হেনগৎলে অমসুং মীচম প্রজাশিংগীসু খুদোংচাবা অসি লৈগনি।

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Budget touches all four key engines of growth: India Inc

Media Coverage

Budget touches all four key engines of growth: India Inc
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 3 ফেব্রুৱারি, 2025
February 03, 2025

Citizens Appreciate PM Modi for Advancing Holistic and Inclusive Growth in all Sectors