প্রধান মন্ত্রী, শ্রী নরেন্দ্রা মোদীনা ঙসি লৈবাক অসিদা লৈরিবা কোবিদ-১৯গী ফিভম, হেল্থ ইনফ্রাস্ত্রকচর অমসুং লোজিস্তিকশিং, লৈবাক অসিদা লৈরিবা ভেক্সিনেশন কেমপেনগী লৈরিবা ফিভম অমসুং লৈবাক অসিদা থোরক্লিবা কোবিদ-১৯গী অনৌবা ভেরিয়েন্ত অমসুং মীয়ামগী হেল্থতা মসিনা লৈগহনগদবা ইমপ্লিকেশনশিং অদুগী মতাংদা অৱাংবা থাক্কী মীফম অমা পাংথোকখ্রে।
মালেমগী ওইনা হৌজিক হেনগৎলক্লিবা কেসশিংগী মতাংদা য়াম্না কুপ্থনা হেল্থকী সেক্রেতরীনা প্রজেন্তেশন পীখি। থেংনখিবা হেনগৎলকখিবা কেসশিং অমসুং পোজিতিব ওইবগী চাং ৱাংবগী মতাংদা য়ুমফম ওইরদুনা মরী লৈনবা রাজ্যশিং অমসুং জিলাশিং অদুবু উৎলদুনা ইন্দিয়াদা লৈরিবা কোবিদ-১৯গী ফিভম অদুবু উৎখি। মখাতানা হৌজিক মায়োক্নরিবা অৱাবশিং অদুবু মায়োক্নবদা রাজ্যশিংদা কেন্দ্র সরকারনা মতেং পাংনবা কয়ামুক হোৎনবগে হায়বগী মতাংদা উৎখি। কেস ৱাংবনা মরম ওইরগা থোরক্কদবা ফিভমশিংসু উৎখি।
ইমর্জেন্সী কোবিদ রেসপোন্স পেকেজ (ই.সি.আর.পি.- II)গী মখাদা হেল্থ ইনফ্রস্ত্রকচর, তেসতিং কেপাসিতী, ওক্সিজেন লৈবগী চাং অমসুং আই.সি.য়ু. বেদশিং অমসুং কোবিদকী তঙাইফদবা হিদাক-লাংথকশিংগী অহেনবা স্তোকশিং অদু উৎখি। পি.এম.না জিলাগী থাক্তা হেল্থ ইনফ্রাস্ত্রকচর মতিকচানা লৈহনবগী মথৌতাবা অদুগী মতাংদা খঙহনখি। মহাক্না ওফিসিয়েলশিংদা মসিগী মতাংদা রাজ্যশিংগা কোওর্দিনেশন থম্নবা হায়খ্রে।
প্রজেন্তেশন অদুনা হৌখিবা নুমিৎ ৭নিগী মনুংদা হৌজিক ফাওবদা চহি ১৫-১৮ ফাওবগী মনুংদা লৈবা ৩১% নহাশিংদা অহানবা দোজ কাপখ্রে। পি.এম.না মসিগী এচীবমেন্ত অসিবু খঙজিনখি অমসুং মিসন মোদতা নহাশিংগীদমক্তা ভেক্সিন দ্রাইব মখাতানা হেনগৎনবা তকশিনখি।
কুপ্থনা খন্নরবা মতুংদা, ইকাইখুম্নরবা পি.এম.না কেস ৱাংনা থেংনরিবা ক্লস্তরশিংদা ইন্তেন্সিব কন্তেন্মেন্ত অমসুং এক্তিব সর্ভিলেন্স লৈগদবনি হায়খ্রে অমসুং হৌজিক্কী ওইনা অৱাংবা কেসশিং রিপোর্ত তৌরিবা স্তেতশিংদা তেক্নিকেলগী ওইবা সপোর্ত মথৌ তাগনি হায়না হায়খি। শন্দোরকপদগী থিংনবা মাস্কশিং নিংথিনা শিজিন্ননবা অমসুং ফিজিকেল দিস্তেন্সিংগী পাম্বৈশিং অসিনা অনৌবা নৌরমেল ওইরগনি। পি.এম.না মাইলদ/আসীম্তোমেতিক কেসশিংগীদমক্তা হোম আইসোলেশন নিংথিনা চৎনবা অমসুং কম্যুনিতীদা অশেংবা পাউ অদু খঙহন্নবা হায়খ্রে।
সি.এম.শিংগা লোইননা মীফম অমা রাজ্যগী অখন্নবা ফিভমশিং, খ্বাইদগী হেন্না ফবা চৎন-লোনচৎশিং অমসুং পব্লিক হেল্থ রেসপোন্সকী মতাংদা খন্ননবা পাংথোক্লগনি হায়না পি.এম.না হায়খি।
হোজিক্কী ওইনা কোবিদ কেসশিং মেনেজ তৌবা মতমদা নন-কোবিদ হেল্থ সার্বিসেসশিং মখাতানা চত্থবগী মথৌ তাবা অদুগী মতাংদসু মহাক্না পনখি। মহাক্না অথাপ্পা অমসুং খুঙ্গংগী লমশিংদা লৈরিবা মীয়ামশিংদা হেল্থকা মরী লৈনবা গাইদেন্সশিং পীনবা তেলিমেদিসিনগী মতেং লৌবগী মথৌ তারিবা অসিগী মতাংদসু হায়খি।
হৌজিক ফাওবদা কোবিদ-১৯ লাকশিন্নবা হেল্থ কেয়র ৱার্করশিংনা হালংবা লৈতনা সার্বিসশিং তৌবগীদক্তা থাগৎপা ফোংদোক্লদুনা, মহাক্না হেল্থ কেয়র ৱার্করশিংগীদমক্তা প্রেকোশন দোজশিং কাপথোক্তুনা ভেক্সিনেশন কোভরেজ মপুং ফানা পীনবা হায়খি, ফ্রন্তলাইন ৱার্করশিংবুসু মিসন মোদতা পাইখৎখদবনি হায়না হায়খি।
ভাইরস অসিনা লেপ্তনা ইভোল্ব তৌবনা মরম ওইবনা জিনোম সেক্বেন্সিং য়াওনা তেস্তিং, ভেক্সিনশিং অমসুং ফার্মাকোলোজিকেল ইন্তরভেন্সনশিংদা সাইন্তিফিক রিসর্চ লেপ্তনা তৌবা মথৌ তাই হায়নসু পি.এম.না ৱারি শাখি।
মীফম অদুদা য়ুনিয়ন হোম মিনিস্তর, শ্রী অমিত শাহ, মিনিস্তর ওফ হেল্থ এন্দ ফেমিলী ৱেলফেয়র, দা. মনসুখ মান্দভিয়া, মিনিস্তর ওফ স্তেত ফোর হেল্থ এন্দ ফেমিলী ৱেলফেয়র, শ্রীমতি ভার্তি প্রভিন পাৱর, নিতি আয়োগকী মেম্বর (হেল্থ) দা. ভি.কে.পাউল, কেবিনেত সেক্রেতরী, শ্রী রাজিব গোবা, হোম সেক্রতেরী, শ্রী এ.কে. ভল্লা, সেক্রেতরী (এম.ও.ঐচ.এফ.দব্ল্যু.), সেক্রেতরী (ফার্মস্যুতিকেলস), শ্রী রাজেশ ভুশন; সেক্রেতরী (বায়োতেক্নোলোজী, দা. রাজেশ গোখলে; দি.জি. আই.সি.এম.আর, দা. বলরাম ভার্গবা; সি.ই.ও. এন.ঐচ.এ., এস.ঐচ. আর.এস. শর্মা; সেক্রেতরী ফার্মস্যুতিকেলস, সিভিল এভিয়েশন, এক্সতর্নেল এফিয়র্স, এন.দি.এম.এ.গী মেম্বরগা লোইননা অতোপ্পা সেনিয়র ওফিসিয়েলশিংনা মীফম অদুদা শরুক য়াখি।
