ঙসি প্রধান মন্ত্রী শ্রী নরেন্দ্র মোদীনা কুৱেতকী ফোরেন মিনিস্তর অবদুল্লাহ অলি অল-য়াহয়া উনখ্রে।
ন্যু য়োর্কতা সেপ্তেম্বরদা মহাক্না কুৱেতকী ক্রাউন প্রিন্স সৈখ সাবাহ খালেদ অল-হামাদ অল-সাবাহগা মহাক্কা উনখিবা অদু প্রধান মন্ত্রীনা নিংশিংখি অমসুং লৈবাক অনিগী মরীশিং ফগৎলকপদা প্রধান মন্ত্রীনা অপেনবা ফোঙদোকখ্রে।
মখোয়না ললোন-ইতিক, শেন থাদবা, ইনর্জি, তেক্নোলোজি, নাত অমসুং মীগা মীগা লৈনবা মরীশিংদা মতেং পাংনবা হেনগৎহন্নবা খন্নখ্রে
কুৱেত্ত লৈরিবা ভারতমচা মিল্লিয়ন কয়াগী চেকশিন-থৌরাং পায়খৎপগীদমক প্রধান মন্ত্রীনা কুৱেতকী লুচিংবশিং থাগৎপা ফোঙদোকখ্রে।
হৌজিক কুৱেতনা জি.সি.সিগী প্রসিদেন্ত ওইরিবা অসিগী মখাদা ভারত অমসুং গল্ফ কোওপরেসন কাউন্সিলগী মরক্ত অচেৎপা মরী মখা তানা মপাঙ্গল কনখৎহনগনি হায়বগী থাজবা প্রধান মন্ত্রীনা ফোঙদোকখ্রে। মখোয়না নোংচুপ এসিয়াগী ফিবম খন্নখ্রে অমসুং লমদম অসিদা অথুবা মতমদা শান্তি, সেকুরিতি অমসুং তংদু-লৈতাবা হল্লক্নবা শৌগৎপা ফোঙদোকখ্রে।
লৈবাক অদুদা অথুবা মতমদা লাক্নবা কুৱেতকী লুচিংবনা পীরকপা চেবাউ প্রধান মন্ত্রীনা লৌশিনখ্রে।
Glad to receive Foreign Minister of Kuwait H.E. Abdullah Ali Al-Yahya. I thank the Kuwaiti leadership for the welfare of the Indian nationals. India is committed to advance our deep-rooted and historical ties for the benefit of our people and the region. pic.twitter.com/hR5URxPyt5
— Narendra Modi (@narendramodi) December 4, 2024
